مع مستر سرور

[admin]

السلام عليكم
إجابه على أسئلة مستر سرور

السؤال الاول
فى اول موضوع طلبت منك الاخت ايه من الله انها تتشال من الاشراف ..وطلب الاستاذ على انه يتشال من الاشراف وتحذف العضوية ...وكان تنفيذ لطلباتهم اسرع من اللى اتعودنا عليه منك فى تلبية طلبات الاعضاء

تلبية طلبات الأعضاء بسرعة هو عمل جيد يستحق التقدير يتوجب عليك تقديم التحية بدلاً من التساؤل

وبعدين خليت الاستاذ على مشرف عام تعليمى ......ممكن نعرف السبب فى ذلك
وبلاش تقولى الناس كانت فاهمه غلط وبعدين فهمت صح

الأستاذ على الدين يستحق ما هو أكثر فهو من الأعضاء المحترمين ومعلم فاضل و نشط فى مجاله
و قد إتصلت به و إعتذرت له عن تسرعى و الإستجابة لطلبه و قد تفهم ذلك مشكوراً

[admin]

السؤال الثانى
لماذا لم تقدم اعتذار للاخت ايه حتى الان على اسلوبك فى الكلام معاه بالغم انها لم تخطىء فى حق احد

من أخبرك بهذا ؟
تم الإتصال بالأخت آية من خلال مدام سها و تم تفهم الموقف بفضل الله
ثم أن الأخت أيه لم تطلب منك ذلك فهذا ليس من شأن حضرتك و لكنى أجيب للتوضيح للجميع

[admin]

السؤال الثالث
انت اتصلت بى بالتليفون اكثر من مرة تطلب منى انى ادخل مجلس الادارة وابقى مراقب على اداء المجلس

والحمد لله اغلبه كان بيعمل اللى عليه عدا عضوية الادمن ...حصل ولا لأ

مضبوط إتصلت بيك و قابلتك فعلاً
حضرتك كنت مراقب لأداء المجلس لكن هذا لا يعنى أنك المراقب الوحيد و ليس معنى أن لك سلطة فى تقييم أدائى
و كونك تقول الكل عمل اللى عليه فهذا ليس صحيحاً
و رداً على هذا السؤال سيتم إتاحة غرفة أرشيف مجلس الإدارة لبعض الأعضاء للإطلاع على ما تصفه بأنه أداء مكتمل

[admin]

السؤال الرابع
اخدت قرار بسحب صلاحيات من صوت الحق دون الرجوع لمجلس الادارة ولما اعترضنا على القرار بدأت لاقينا بتهاجم اعضاء المجلس ....حصل ولا لأ

صوت الحق قام بمخالفات تستحق سحب الصلاحيات و قد قمت بهذا لأن مجلس الإدارة لم يتخذ القرار المناسب
و سيكون الرد على هذا السؤال أفضل عند إتاحة أرشيف مجلس الإدارة للأعضاء

[admin]

السؤال الخامس
كتبت فى مجلس الادارة
ان اعضاء مجلس الادارة زى اعضاء مجلس الشعب
اتصلت بيك استفسر تقصد ايه بكلامك دة ...قلت انهم نايمين زى اعضاء مجلس الشعب .....حص ولا لأ

إيه الهدف من السؤال ده
عموماً سأوضح

أنا قلتلك عارف مجلس الشعب بيعمل إيه ؟
بالظبط زى اللى بيحصل عندنا فى المجلس
أعضاء المجلس من الحكومة نايمين
و أعضاء المجلس من المعارضة نايمين

و ساعة التصويت كله عارف هو هيقول إيه
الحكومة موافقة للأبد
و المعارضة غير موافقة للأبد

وجاء هذا فى سياق ردى علي أننى كتبت موضوع مكون من 3000 حرف
أشرح فيه كيف قام صوت الحق بمخالفة الإتفاق الذى تم بيننا فى بنها و بحضورك

و تأتى حضرتك بعد عدة أيام لترد و لتقول بكل بساطة
غير موافق

كلامك كان غير منطقى
ولا يمكن أن يحتسب صوتك هكذا

غير موافق دون الرد على الإتهامات الموجهة

[admin]

السؤال السادس


كتبت فى مجلس الادارة
ان اللى هيسمح لحد غيره يدخل بعضويته لمجلس الادارة ...سيتم عزله من مجلس الادارة ويبقى عضو عادى
ودخل واحد ( ....)
قالك دة اقل واجب
ورديت عليه هو بس بالاستحسان ولم ترد على اى حد غيره بالغم ان كان فيه ناس عايز تفهم ايه سبب الموضوع


رغم إنى مش فاهم السؤال من الأساس لكن سأحاول فهمه
إذا كان سؤالك حول سبب تطبيق هذا
فهو بسبب إقالة مستر محمود القالع من موقعة كنائب للإدارة لقيامة بالدعاية لموقعه
و كما تعلم فإن هناك أعضاء كانوا معارضين لهذا و تنبيهاً للجميع

سبحان الله
يعنى بعد ما اتحايلت على الناس تدخل المجلس عايز تفرض عليهم عقوبات ..ما يولع المجلس ..لو كان دة التعامل

طالما واحد وافق على دخول المجلس يبقى ملتزم بما هو مطلوب منه
و بخصوص يولع أقولك إمسك أعصابك عن كده

[admin]

السؤال السادس
طلبت انا بحل المجلس لمرور 6 شهور عليه ودى الفترة اللى اتحددت لمجلس مؤقت وبعدها يتم انتخاب مجلس جديد ......ويسمح لاعضاء المجلس المؤقت الترشيح للمجلس الجديد
وطبعا دة بعد اعضاء المجلس وصلوا لاخرهم معاك وقدموا استقالتهم
تيجى انت بقى وتكتبعلى شريط الاعلانات ..لقد تمت اقالة مجلس الادارة لان ليس له دور فعال ..وسيتم اختيار اعضاء اخريين لخدمة الطلاب على الموقع
بالله عليك مش خايف تتحاسب على الكدب دة ..والاساءة لناس محترمة ..بقى انت اللى قمت باقالتهم

سيدخل بعض الأعضاء للأرشيف و يشاهدون دور مجلس الإدارة العظيم فى زيادة عدد المشاركات الجدلية
بس مستر سرور أنت مش خايف ربنا يحاسبك إنك تقول كلام محصلش
هل أنا كتبت كلمة لأن ليس له دور فعال ؟؟
لو حضرتك مش فاكر أنا كتبت إيه ياريت متقولش كلام محصلش

[admin]

السؤال السابع
كتبت على شريط الاعلانات .على مدرسى المواد العلمية تسليم مواعيد الغرف الصوتية

بالله عليك دة اسلوب تكلم بيه ناس بيعملوا عمل تطوعى ...انت فاكرهم شغاليين عندك


حضرتك تانى بتقول كلام مش سليم لأنى لم أكتب ذلك على الإطلاق
و بعدين الفترة دى حضرتك كنت غايب
أكيد ده سؤال صوت الحق
بس طالما حضرتك اللى كاتبه تبقى متحمل مسئوليته أمام الله و الجميع

ما تم كتابته
على السادة مدرسى المواد العلمية الراغبين فى الإنضمام للغرف الصوتية الإتصال بالإدارة
هذا ما تم كتابته نصاً
لكن مش عارف مين عاوز يحطك فى الموقف المحرج ده يا مستر سرور

[admin]

السؤال الثامن

لما كلمتك فى الماديات بتاعت الموقع علشان نحاول ننوظفها فى اشياء تخدم الطلاب
قلت لى ان الموقع بيخسر ...وهو عيب لما صاحب الموقع يكسب من الموقع بتاعه

قلت الكلام دة ولا لأ

الموقع فعلاً بيصرف أكثر من دخل الإعلانات و دى حقيقة لا شأن لك بها فشركتنا تتولى عملية التشغيل بكافة مصاريفها


فين بقى العمل لوجه الله اللى عمالين تنادوا بيه ...وتقولوا عمل تطوعى ...ومصلحة الطالب


يعنى انتم عايزن الناس تشتغل متطوعة علشان غيرها يكسب من وراها
وكمان تعاملوهم كانهم شغالين عندكم

كلامك متناقض إنت الأول قلت إنى بقولك إن الموقع بيخسر
و بعدين بتسأل عن العمل لوجة الله ؟؟
الحمد لله يا سيدى و دعواتك ربنا يجعل تشغيل موقع تعليمى منذ عام 2003 فى ميزان حسنات جميع القائمين عليه
و موضوع إنى بعامل حد وحش أنا مش شايف كده
حضرتك بس اللى شايف إنى بعامل الناس وحش و إنهم شغالين و مش شغالين و الكلام السلبى المرسل بدون أى دليل

[admin]

السؤال التاسع

الكلام اللى فى شريط الاعلان دة

اقتباس:

لجميع المشرفين والمشرفين السوبر والادارين والمدرسين نظراً لخمول البعض بدون اى تواجد ولا نشاط جارى متابعة الجميع لمدة ثلاثة ايام ومن بعدها سيتم اتخاذ الاجراءات اللازمة تجاة هذا الموضوع

دة اسلوب تتكلم بيه الادارة مع ناس ادوا من وقتهم ومجهوده الكتير للموقع (خمول )
وبدل ما تتصل تطمن على الناس تحط الكلام دة وبالرغم من اكتر من واحد قالك الكلام مستفزه وفى غير موضعه الا ان تركه كما هو لمزيد من الاساءة للناس


ومين دة اللى هيتابع ...علشان نعرف انه يصلح ولا لأ ...وايه المعايير اللى هيرجع لها
والادارة اصلا حاطه موضوع مش فى مكانه


الكلام دة مكانه القسم الخاص بكل مجموعة مش على الملأ وعلى الصفحة الرئيسية


هذا الكلام موجه للناس اللى مش بتقدم للمنتدى حاجة من فترة طويلة ولا بتمارس مهامها الموكله إليها
و حضرتك واحد منهم عشان كده الموضوع مزعلك
إنما مفيش حد زعلان غيرك
و إنت الوقت مش من ضمنهم خالص

[admin]

السؤال العاشر


انت ليه حذفت اخر مواضيعى مع انها مش مخالفة ولا فيها اى شىء ولا علشان مش جاى على هواك


وسبحان الله حذفتها حذف جذرى بالرغم انك نقلت مواضيع لاعضاء اخرى

مستر سرور مفيش مواضيع إتحذفت جذرى المواضيع إتنقلت لأرشيف الأدمن و تم إخفاؤها لسببين

الأول أنها موضوعات مشاكل فيها كلام ولامؤاخذة قبيح و قليل الأدب و سب لى شخصياً
ثائياً الموضوعات فى أرشيفى لأنى قد أحتاجها فى مثل هذا الوقت الذى سأشرح للأعضاء فيه من يكون محمد سرور المربى الفاضل الذى أساء إستخدام الألفاظ بدرجة إمتياز

[admin]

السؤال الحادى عشر
حصل منك قبل كدة انك حجبت الموقع عن بعض المشرفين الاداريين التعليمين علشان ما يعملوش مواضيع يتناقشوا فيها زى ما باعمل الان وانت اعترفت لى بكدة ...حصل ولا لأ


اللى حصل أنه تم كتابة بعض الإستقالات بترتيب متسلسل من 1:6 بهدف الضغط على الأدمن لمصالح شخص ما
و تم كتابتها فى العام
فتم حجب كافة الأقسام التى من شأن الكتابة فيها إثارة مشاكل
مع الإبقاء على غرفة مجلس الإدارة للمناقشة
و هذا بعد تقديمهم للإستقالة العلنية دون مراعاة مصلحة الموقع
و بعدين الموضوع ده خلص وولاد الحلال إتدخلوا و صلحوا ما بيننا

[admin]

السؤال الثانى عشر
حصل انك سحبت صلاحيات صوت الحق وجعلته مدير بلا صلاحيات حتى ظن الاعضاء انه مبقاش فاضى يساعدهم وتغيرت صورته اما الاعضاء بسبب ذلك ....( يعنى بقى مكتوب تحت اسمه ادارة الموقع باللون الاحمر دون صلاحيات )

ما هى الصلاحيات المسحوبة من صوت الحق و متى تم ذلك
على كل حال تم سحب الصلاحيات مرة واحدة بعد إساءة إستخدامها
أما عن صوت الحق فلم يسكت فى تلك الفترة و دخل فى كل الموضوعات و كتب إنه ممعهوش صلاحيات وبالتالى صورته لم تظهر سيئة

معلومة اخيرة فى هذا السؤال
لقد توفى اخو الاستاذ عصام (صوت الحق ) هذا العام وبالرغم من ذلك لم يتغيب ولم يقصر وقتها فى حق الموقع 3 ايام العزاء فقط
وافتكر ان اول رد ليه على الموقع بعدها انه قال لاعزاء بعد ثلاث وخلينا فى شغلنا على الموقع

البقاء لله و شكراً لك على المعلومة خالص تعازينا لمستر عصام و أنا والله أول مرة أعرف الخبر ده لأنى كنت على إتصال بمستر عصا أثناء مرض أخوة و لم أعلم متى حدث ذلك

يا ريت بقى حد يحاول يقنعنى ان راجل زى دة بين يوم وليلة بقى بالصورة دى على الموقع فقط ...لكن على باقى المواقع وفى الحياة كما هو لم يتغير
ممكن ترد

أرد على إيه ؟ ده سؤال يوجه لمستر عصام هو يجاوب عليه
ليه ثانوية اللى كنت بتعلن لموقعك عليها
ليه ثانوية اللى بتدخل الغرف الصوتية و تاخد المدرسين منها النهارده ؟؟...

السؤال له و ليس لى

[admin]

السؤال الثالث عشر
اين الاتى اسمائهم
فارس النت ( أ . حسام دراج )
مستر حسام دراج رحل فى وقت كنت لا أعلم فيه أى شئ عن إدارة المنتدى وقتها حتى لم أكن أنا فى مجلس الإدارة و الأولى أن تسأل من يعرف
الاستاذ بدوى الدجوى
مستر بدوى أكن له كل معزة و تقدير و قد طلب إعفاؤه من مهامه و بعد إلحاح كبير تم الرضوخ لطلبه
الاستاذ احمد فاضل
موجود فى المنتدى كمشرف إدارى شرفياً لأنه لا يقوم بالمهام الإدارية و لكن تقديراً لرغبته و إحتراماً لتاريخ عطاؤه بالمنتدى وافق على البقاء مشرف إدارى بصورة شرفية
الاستاذ محمد احمد
هذا الرجل المحترم كبير السن و المقام صاحب الوجه البشوش موجود فى الموقع حتى الآن و يمكنه الرد بدلاً عنى
بل أنى ليس لدى شك فى أنه يمكنه الرد على الثلاثة عشر سؤالاً بدلاً عنى لأنه كان مهندس إتفاق بنها و له فى هذا الإتفاق رأى يحترم و يبين لك من هو هذا الرجل الذى لا يخشى فى الحق لومة لائم

معلش الاسماء كتير ولكن ما يسرى على هؤلاء الاربعة يسرى على الباقين من الاعضاء والمشرفين المحترمين اللى سابوا الموقع

فعلاً هناك أعضاء أعزاء على قلوبنا رحلوا و هناك من عادوا و هناك من سيعود فى المستقبل و هكذا حال الدنيا
فأهلا بجميع من يرغب فى فائدة الطلاب و أهلا بك مستر سرور

[admin]

وماذا بعد ؟
هل لديك المزيد من الأسئلة ؟
سيدى ليس لدى ملفات خفية
وليس لدى ما أخشاه

هناك من سيقول لماذا تنشر هذا الموضوع سأقول لكم لقد إستقبلت تلك الرسالة من عضو

بداية أنا بعتذر على ارسالة الرسالة دى
الحقيقة أنا اتصدمت فى ناس كتيرة اوى هنا كنت بحبها وكنت بعتبرهم قدوة
بس للأسف طلعم أبطال من ورق
خايف أوى يجئ اليوم اللى نتصدم فيه فى حضرتك انت كمان
أرجوك حافظ على صورتك الجميلة اللى فى أذهاننا
وكان الله فى عونكم

هذه الرسالة كانت هدف موضوع مستر سرور
و بفضل الله قمت بالرد على ثلاثة عشر سؤال وجهها لى الأستاذ صاحب البسمة الجلية مستر سرور

مستر سرور : سامحنى كنت أحترمك ..