|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
25-10-2006, 10:17 AM
|
|||
|
|||
كتير من قرائنا من كل الأعمار بيبعتوا يسألونا السؤال ده: يا ترى الحب حلال ولا حرام؟
بيكتبوا عن مشاعر جميلة وقوية حاسين بيها ولكنها مختلطة بالخوف من كون اللي حاسينه ده حرام والإحساس العميق بالذنب؟ بيسألوا دايما هل اللي بيعملوه ده يتناقض مع تدينهم.. الحقيقة احنا حبينا نفكر معاكم بصوت عالي ليه بنسأل الحب حلال ولا حرام وعمرنا ما سألنا يا ترى الكره حلال ولاحرام؟ ---------------------------- قبل ما نجاوب على السؤال ده لازم نعرف الأول إيه هو الحب؟ إيه مفهومه وبيحصل ازاي؟ وحاجات كتير قوي غير كده..... وبعد كده لازم نعرف طيب لو حلال ليه الناس بتسأل السؤال ده؟ ولو حرام ليه الناس ما بيبطلوش يحبوا؟ ليه؟........... الحب هو ده مش عنوان لـ "أحمد رجب" دي محاولة مننا لتعريف الحب، ومش محتاجة أقول كم إن المشاعر الإنسانية مالهاش تعريف واضح ومحدد، لكن هنحاول نلاقي أقرب تعريف له. الحب هو حالة نفسية يعيشها الإنسان نتيجة لتعلقه بشخص وإعجابه الشديد به بدون إرادة منه، وخلوا بالكم من حكاية "بدون إرادة" دي لأن هو ده السر، يعني لازم الإنسان ده ما يكونش مقرر يحب، يعني ما ينزلش الواحد من بيته الصبح وهو بيقول "أنا نويت أحب النهاردة"، ما يشوفش الولد بنت جميلة أو تشوف البنت ولد وسيم ويقولوا "أنا قررت أحب الشخص ده"، ده ما يبقاش حب ده يبقى إعجاب... يبقى أي حاجة تانية لكن حب لأ. الحب حلاااااااااااال..... ولكن الحب طبعا حلال مين يقدر يقول حرام، الحب ده قيمة سامية في حياتنا من غيرها حاجات كتير ممكن تروح، الحب ده مشاعر جميلة ونعمة كبيرة زرعها ربنا فينا. طيب لو حلال يبقى ليه السؤال؟... الحقيقة إن السؤال ده بالرغم إنه بيتضمن كلمة حلال أو حرام مالوش دعوة خالص بالدين لأن من المعروف إنّ الأوامر في الإسلام مرتبطة بما في استطاعة الإنسان، والحب زي ما قلنا شعور لا إراداي حيث يقول سبحانه وتعالى: "لا يكلف الله نفساً إلا وسعها" والدين ما بيقولكش "لا تحب" ولكن بيقول لك لو حبيت فــ"لا للتجاوزات والسلوكيات" اللي بتخلي الإنسان ينجرف للحرام، الإسلام بيقول لك حب بس حب بشروط وبقواعد . السؤال ده مرتبط بالمجتمع والثقافة السايدة في المجتمع، المجتمع عندنا بسبب بعض التصرفات اللي بيعملها اللي "مفترض إنهم بيحبوا" ربط بين الحب وسلسلة من الاتهامات بدء من كونه "قلة أدب" مرورا بأنه "تضييع وقت" وانتهاء بكونه "حرام شرعا". وطبعا كلنا عارفين التصرفات والتجاوزات اللي بتحصل تحت مسمى الحب البداية من "مسك الإيدين وتمشية بسيطة" والنهاية "ذكريات سيئة يتمنى الاتنين ينسوها". واللي ما يعرفهوش اللي بيعملوا الحاجات دي إن الحاجات دي بعيدة كل البعد عن جوهر الحب. دي ساعات بتكون السبب الأساسي في الحب، فيه ناس معتقدة إن الحب حرام لأن ما فيش طريقة محترمة للتعبير عنه، وكمان مافيش حدود للحب، دول يعملوا إيه؟؟ حب صح مين قال إن الحب مالوش ضوابط أو حدود، بالعكس ده له ضوابط وحدود جامدة جدا، واحنا هنا بنتكلم عن الحب مش الصحوبية ولا أي علاقة تانية من أي نوع. يعني علشان نكون واضحين ومانلفش بالكلام وندور لنفترض إن فيه واحد بيحب واحدة زميلته في الدراسة أو مكان العمل هيعمل إيه؟؟ هيروح يتعرف عليها ويفضل لازق لها ولو عجبها هيفضلوا رايحين جايين مع بعض ومكالمات ورسايل على الموبايل وإيميلات وورد ودباديب وخروجات و"بحبك" و"بامووت فيكِ" وحاجات زي دي.... نسأل سؤالنا في الحالة دي يبقى الحب حلال ولا حرام ؟؟ حبهم في الحالة دي كعاطفة حلال لكن كل السلوكيات والتصرفات اللي نتجت عن الحب ده هي اللي حرااااااام. دي ببساطة الفكرة اللي عاوزة أوصلهالكم، لكن فيه شوية أسئلة.. س: طيب يعني اللي بيحب يعمل إيه؟ ج: اللي بيحب يروح يتقدم للي بيحبها لأن الغاية من الحب الحلال هي الزواج وده الفيصل في موضوع كون الحب حلال ولاحرام. س: كده خبط لزق من غير ما يعرفها شوية ويعرف مشاعرها تجاهه؟ ج: لأ، مفروض لو واحد أعجب بواحدة يقعد يراقبها وما اقصدش بالمراقبة ينط لها في كل حتة ويطاردها، لأ، يراقبها بمعنى يشوف تدينها وتعاملها مع الناس وتصرفها في المواقف المختلفة وطباعها، وكلنا عارفين إن ده مش صعب في ظل مناخ الشغل والدراسة، عجبته كان بها يبعت لها مرسال –زميلة لهم مثلا - ولو وافقت يدخل البيت من بابه ولو ما وافقتش يبقى لا هو خسر ولا هي كمان. س: طيب واللي ماعندهوش إمكانيات زواج وخلافه.. يروح يموت؟ ج: لأ طبعا يدخل البيت من بابه ويشرح لأهل اللي بيحبها ظروفه كلها وأكيد هما هيقدروا إنه دخل من الباب. س: طيب لو رفضوا يبقى إيه الحل؟ ج: اللي بيقول كده ما بيحطش في دماغه ليه إنه برضه لو لف ودار الأهل برضه هيرفضوه لضعف إمكاناته. ييجي حد ويقول لي طيب ده بالنسبة للولد، طيب والبنت.... البنت زي الولد دي مش أغنية "سعاد حسني" دي حقيقة أقرها الشرع والدين في الموضوع ده. س: يعني البنت هي اللي هتخطب الولد؟ ج: لأ طبعا هي برضه هتراقبه زي ما قلنا، ونفترض إنها شافت إنه إنسان كويس يبقى إيه العمل؟ تبعتله مرسال برضه. س: يعني ع آخر الزمن البنت هتدلل على نفسها؟ ج: لأ، طبعا مين اللي قال الكلام ده؟ هي هتختار حد ثقة ينقل للي بتحبه مشاعرها من غير مايجرحها ويجرح شعورها. وده اللي عملته السيدة "خديجة" –رضي الله عنها- مع سيدنا النبي –صلى الله عليه وسلم- واحنا أكيد مش أحسن منها. ممكن تقولوا ده كان سيدنا النبي، يعني مش أي حد. الرد سهل وبسيط، لما السيدة "خديجة" عملت كده كان سيدنا "محمد" –صلى الله عليه وسلم – لم يكن بعث بعد نبيا للأمة، يعني عملت كده علشان أخلاقه الكريمة، ده بالإضافة إلى إن القرآن بيؤكد في أكتر من مكان على إن سيدنا "محمد" بشر مثلنا "قل إنما أنا بشر مثلكم". س: بس المجتمع هيبص لها ازاي؟ ج: مش دايما نظرة المجتمع صح. يعني فيه حاجات كتيرة حلال والمجتمع بيحرمها والعكس، فالأولى إنك تتمسك بالدين مش بالمجتمع. في الآخر علشان حبنا يبقى صح وربنا يرضى علينا لازم نخلي غايتنا من الحب هي الجواز، ونبعد خالص عن أي تصرف غلط تحت اسم الحب وبكده حبنا هيكون حلاااااااااااااااااااااااااااااااااااااال. قريت الكلام ده؟؟ طيب رأيك إيه؟
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
|
#2
25-10-2006, 01:11 PM
|
|||
|
|||
|
انا مش هقدر افتيك والله فى الموضوع
لكن قال تعالى (واتوا البيوت من ابوابها واتقوا الله لعلكم تفلحون)
__________________
الله غايتنا رسولنا زعيمنا رسولنا قدوتنا الموت فى سبيل الله اسمى امانينا 
|
|
#4
26-10-2006, 02:55 PM
|
||||
|
||||
|
الحب ليس بحرام ولكن الحرام ما يتبعه ... <div class='quotetop'>إقتباس</div> اقتباس:
السيده خديجه رضي الله عنها معملتش كده اللى انا اعرفه انها كانت ذات الاربعين والبنت العاديه لا يصح لها طلب الارتباط والزواج الا بموافقة والدها او وكيلها اللى بينوب عنها اما السيده خديجه رضي الله عنها فقد كانت امراه مطلقه لذا فهى حرة فيمن تتزوجه ..................... وشكرا لطرحك الموضوع
__________________
 ••• والعز كل العز في ايماني •••
|
|
#5
02-11-2006, 01:36 PM
|
|||
|
|||
|
مش في كل الوقات الحب بيكون حلال
وبرضة مش في كل الأوقات الحب بيكون حرام ولا اية ياجماعة ؟؟ |
|
#7
03-11-2006, 11:29 AM
|
|||
|
|||
|
سبحان الله انا سألت لسؤال ده لنفسي من حوالي 3 شهور
يا ترى الكره حلال ولاحرام؟ يعني ازاي لما اقول اني بكره فلان يقولولي براحتك دي حاجه ترجعلك ودي مشاعر محدش بيقدر يتحكم فيها.. في حين ان انا لو قلت اني بحب فلان تبقي كارثه وازاي تعملي كده ياجماعه ماهو مش في ايدي حاجه.. دي احاسيس انا ماليش اراده فيها يقولوا : لا دي قله ادب وتلاقي الاصحاب بعدوا وانا بقيت سافله ويخافوا علي نفسهم يمشوا معايا اصل يتعدوا من سلوكياتي .. بقي عندهم فعلا الكره حلال والحب حراااااااااااااااام .. حاجه غريبه هي الناس دي عندها ازدواج في الشخصيه ولا ايه.. مشاعر الكره محدش بيقدر يتحكم فيها .. يعني بقي هو الحب هو اللي بيقدروا يتحكموا فيه .. حقيقي الف شكر علي الموضوع الهادف واللي مافيش فيه كلمه غلط ويارب الكل يستفيد منه وياريت محدش يبخل برأيه من فضلكم كل اللي يدخل يسجل رايه .
__________________
مخالف قوانين المنتدى ×~ mostafa fathi ~× |
|
#8
03-11-2006, 01:29 PM
|
||||
|
||||
|
الحقيقة لا كلام يقال بعد الموضوع القيم المعروض و الذى يخلو فعلا من الخطأ
و لكن اذا نظرنا للموضوع بنظرة أخرى ......... الكلام عن الحب من ناحية الدين موضوع مهم و رائع و لكن شيوخنا الواعين الدارس منهم قال بأنه ليس حرام أمثال د.خالد الجندى و د.محمد هداية و غيرهم و لكن السؤال الاهم هل الحب عيب أم لا ؟ هذا السؤال هو الأصعب من حيث الاجابة و اذا اتيحت الفرصة سنناقش تلك القضية سويا |
|
#10
03-11-2006, 05:47 PM
|
||||
|
||||
|
احب اقول ان العيب يختلف اختلاف جذرى عن الحرام
فليس كل ماهو حرام عيب و لا كل ماهو عيب حرام ربنا وضع مقاييس للحلال و الحرام أما المجتمع إلى حد ما سمح لنفسه بشكل تطفلى انه يضع قوانين بعضها متفق مع قوانين إلهم و بعضها للاسف مختلف فتللك هى النقطة و مثلا تغيير العملة حرام لانه عصيان لاوامر ولى الامر اللى هو الدولة ممثلة فى القانون لكن مش عيب و كذلك عن المجتمع اذا كان الحب مش حرام فانه عيب بالنسبة للمقاييس الاجتماعية |
|
#12
03-11-2006, 07:24 PM
|
|||
|
|||
|
اولا شكرا ع الموضوع
و انا اعتقد ان الحب ممكن يكون عيب و فى نفس الوقت ممكن يكون مش عيب و ده بيرجع لسلوك المحبين و تصرفاتهم يعنى لو كان حبهم فى احترام لذاتهم و لاهلهم و لدينهم طبعا قبل كل شىء يبقى مش عيب و لكن لو كان.........يبقى عيب طبعا يعنى لو واحد محترم بيحب واحدة محترمة و اعترف لها بحبه و فى الوقت المناسب و الظروف المناسبة تقدم ليها ما افتكرش حد يقدر يعيب فى حبهم و للاسف ناس بتعمل حاجات غلط باسم الحب و ده اللى الحق العيب بالحب سواء كان حب طاهر او لاthank u 
__________________
 <div align="center">doctor of the future</div> |
|
#13
03-11-2006, 08:46 PM
|
|||
|
|||
|
انا سمعت من الشيخ محمد حسان
ان الحب درجات فمنه الهوى - الميل وفيه كمان درجتين مش فاكرهم دول حلال لكن الصبابة ودرجة كمان دى حرام هأحاول اعرف وأرد
__________________
<div align="center">     </div><div align="center">  THE BEAUTY OF SADNESS</div> |
|
#14
03-11-2006, 08:50 PM
|
||||
|
||||
|
wa ana mash hadr adulk
ay nasuha malas el kypord mach araby
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ 
|
|
#15
04-11-2006, 09:40 AM
|
||||
|
||||
|
والله الحب نفسة مش عيب ولا حرام لكن إحنا طورنا الحب وخليناه أصبح حرام
يا ريت تفهمونى لإنى مش قادر أكتب وعايز أنزل مع أصحابى أوك يلا باى هاجى اكلمل معاكم فى وقت تانى تحياتى تيتونت_الباشا تلميذ
__________________
إميلى لأى حد عايز يتعلم هاك teto07777777@yahoo.com teto_nethak0777@hotmail.com DonT PlaY WitH Me |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:23 AM.
