|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
14-03-2010, 03:23 AM
|
||||
|
||||
رسالة الى الرئيس ... ياريت Mr/ Mahmoud.K يقرا الرسالة
بسم الله الرحمن الرحيم السيد / رئيس الجمهورية تحيه طيبه وبعد .... اعلم تماما ان سيادتك تحمل على عاتقك مهام جسيمه من اجل مستقبل افضل لأحفادنا ، كما اعلم ان ليس لدى سيادتكم الوقت الكافى لقرائة رساله من شخص مثلى .. مجرد مواطن عادى ابن مواطن عادى وساكن فى حى عادى .. وبركب مواصلات عادى وبتشعبط فى الاتوبيسات عادى وبقف فى طابور العيش عادى وبتضرب على قفايا عادى ومبعترضش .. ادخل فى الموضوع على طول عشان وقت سيادتكم الثمين . انا ياريس بحبك .. بجد بحبك .. متستغربش .. وهكرهك ليه يعنى ؟؟ هو انت عمرك قصرت معانا فى حاجه .. وبعدين سيادتك عشرة عمر ، انا كل يوم بصطبح بصورة سيادتك على الصفحه الاولى فى الجرايد كلها .. لدرجة انى بقيت مغرم بيك وصورتك دايما فى بالى انا بعتبرك زى جدى ، اكيد حضرتك بتقول عليا رغاى دلوقتى انا اسف خلاص هدخل فى الموضوع ... انا مش باعت الرساله دى عشان اشتكى و اصرخ زى كل الشعب المطحون .. لا خالص مالص انا باعت الرساله دى عشان بحبك .. ايوه عشان بحبك هو سيادتك مش مصدقنى ليه .. يعنى مش متخيل ان فى حد فى الشعب بيحيك ، اعتبرنى مجنون انا بحبك وعشان كده ببعتلك استفسر منك عن شوية مواضيع كده محدش هيفيدنى فيها غيرك وعشان خاطر ربنا ابعتلى الاجابه بسرعه وعلى فكره لو عرفت تجاوب على اسئلتى صح يبقى بجد تستاهل حبى الكبير ليك وانا هبقى اكتر واحد فى الشعب بحبك وهدعمك وابايعك واغنيلك علشان كده احنا اختارنااك ندخل فى الجد بقى ونبدأ الاسئله عشان وقتك .... ا- حضرتك تعرف كام واحد فى شعبك بينام من غير عشا ؟؟ ب- طيب حضرتك تعرف كام واحد اتخرج ومش لاقى شغلانه يشتغلها ؟؟ ت – تعرف حضرتك الفساد الادارى وصل لحد فين ؟؟ ث- تعرف حضرتك فى كام مليون مصرى عايشين تحت خط الفقر ؟؟ ج- تعرف حضرتك ان التعليم فاشل وبيتدهور كل سنه عن اللى قبلها ؟ ح – تعرف حضرتك كام مليار جنيه بيتصرفوا على الحفلات والمؤتمرات والمهرجانات وماتشات الكوره والناس مش لاقيه تاكل ؟ خ – تعرف حضرتك كام مريض بيموت بسبب الاهمال فى المستشفيات الحكوميه ؟ د- تعرف حضرتك ازمة الاسكان وصلت لفين ؟؟ وكام اسره مش لاقيه مكان تعيش فيه ؟ ذ- تعرف حضرتك ان فيه ناس عايشه فى العشوائيات فى عشش مع الكلاب والقطط ؟؟ ر- تعرف حضرتك اللى عنده تلت او اربع اولاد وبياخد 200 جنيه فى الشهر بيصرف عليهم ازاى ؟؟ ز- تعرف حضرتك كام واحد اقترضوا من البنوك من غير ضمانات مليارات الجنيهات وهربوا بره مصر؟؟ طب تعرف ترجعهم تانى ؟؟ س- تعرف حضرتك فى كام مصرى غرق فى البحر وهو بيحاول يسافر بطريق غير شرعى اى دوله اوربيه عشان مش لاقى ياكل ؟؟ ش- تعرف حضرتك الجهل فى مصر وصل لحد فين ؟؟ ص- تعرف حضرتك كام مصرى بيحبك وكام مصرى بيكرهك ؟؟ ض- تعرف حضرتك طيب انا ليه بعتلك الرساله دى ؟؟ اقول لحضرتك انا ... عشان سيد الخلق محمد صلى الله عليه وسلم قال : "كلكم راع وكلكم مسئول عن رعيته، فالإمام راع ومسئول عن رعيته .... الى اخر الحديث " واحنا بقى من رعاياك يا ريس خلى بالك مننا شويه .... سلام يا ريس . التوقيع مواطن مطحون |
|
#2
14-03-2010, 06:09 AM
|
||||
|
||||
أؤيد الرسالة و معك منتظرة رد سيادة الريس
مشكور موضوع رائع
__________________
 دخول متقطع أرجو الدعـــــاء بظاهـــــــــر الغيب |
|
#3
14-03-2010, 06:41 AM
|
||||
|
||||
|
سيادة الرئيس مش فاضي طول عمرة
__________________
       تحيــــاتي وتقــديري للجمــــيع   <CENTER></CENTER><CENTER></CENTER> |
|
#6
14-03-2010, 07:48 AM
|
|||
|
|||
|
ادعو الله ان يشفى سيادة الرئيس ويرجع لنا بالسلامة وان يوفقه فى حل كل هذه المشاكل وغيرها من المشاكل الاخرى والله يكون فى عونه ويسدد خطاه فالحال حاليا افضل من السابق والحمدلله
|
|
#7
14-03-2010, 11:54 AM
|
||||
|
||||
|
اقتباس:
عايز أقولك الريس ربنا يرجعهولنا بالسلامة مش عارف حل الأسئلة اللى حضرتك طرحتها لأنه بصراحة الريس مش هيشوف كل واحد فى ال90أرنب ايه أمنياته وأحلامه  لكن اللى ممكن يعرف يجاوبك الدكتتور"الغالى"و"الدرويش"و"النظيف" و"الشريف"و"العدل"و"البدر"
__________________
كل ابن أنثى وإن طالت سلامته يوما على آلة حدباء محمول |
|
#8
14-03-2010, 12:03 PM
|
|||
|
|||
|
نسيت انه يوجد ناس كثيرون واقع عليهم ظلم ولايجدوا من يعطيهم حقهم لان هناك اصبح سادة وعبيد بسبب الظلم
|
|
#9
14-03-2010, 12:46 PM
|
||||
|
||||
|
اجلكم الله وبارك الله فيكم على ردودكم الطيبة والتى ان دلت على شئ فانما تدل على اننا مشتركون فى هم واحد ومشاكل واحدة تعصر بنا نحن الشباب المصرى....اما هؤلاء الذين ليس لديهم نور البصيرة , فليس لهم مكانة فى نظرنا, بل هم احقر مما هم فيه من سفه عقلى وعدم احساس بالمسؤلية , بل انه تخلف فكرى بعيد كل البعد عن الواقع وعن كل ما الت ليه احوال الشباب المتعثرة فى ان يعيش عيشة كريمة, هى بمثابة حق مشروع له وليس منة من احد...فهذه بلدنا نحن ....
__________________
http://www.youtube.com/watch?v=tmV6cwW2MIs
Demain je vais sauver le monde Ne plus penser à hier Nos blessures sont si vaines Se connaitre et être fier qu'une vie coule dans nos veines Ne pas se laisser abattre et ne jamais jamais se laisser faire |
|
#10
14-03-2010, 10:54 PM
|
||||
|
||||
|
اقتباس:
أولا أقسم بالله أن دي اخر مرة هرد عليك فيها لأن ورايا أكل عيش محتاج وقتي أكتر من أقعد ارد عليك وأقسم بالله برضو أنك لو كلفت خاطرك وشوفت اي شغل بدل نص الوقت اللي بتقضيه أدام النت هتتحسن امورك شوية وماتقوليش مفيش شغل والنبي اللي عاوز يشتغل بيشتغل. ثانيا: شكرا لادبك الفياض وبكل ما وصفتني به من صفات ذميمة ودنيئة من جهل وعدم أحساس بالمسئولية وسفه عقلي والحقارة والتخلف العقلي. إلا يعني ايه سفه عقلي دي؟؟؟؟؟ ولكن هل يعقل أن أكون بمثل هذا الكم من الصفات ولدي القدرة أن أكون معلم الحمد لله ناجح او نصف ناجح وهل من لديه تخلف عقلي وفكري ونظمي وفهمي لديه القدرة على التواصل مع البشر. والله انت ما تعرف انا مين ولا شخصيتي ازاي والحمد لله كان طول عمري ليا أنشطة طلابية وأجتماعي جدا ومع كل الناس ولا انا وارث ولا عندي أطيان بس عاوز ابقي نفسي بعيد عن اي حد وعن أي حاجة ليا هدف عاوز أوصله بعيد عن اي ظروف بأجتهادي وبتوفيق ربنا اللي امرك وأمرني اني ما اوصفش انسان ربنا كرمه بالعقل بمثل مافعلت يا مؤمن. ثالثا : انا مش عارف أقولك أيه بخصوص أنك تحطني كده في رأس الموضوع دي بجد حاجة تشهرني اوي فالمنتدي وكأن مفيش غيري أنتقد موضوع مواصفات التعيين مع أن 3 أشخاص تاني قالوا ماهو أكثر عنفا مما قلت ولكن الموضوع شخصي بالنسبة لك وليس المبدأ. رابعا : كيف لك يا أخي ان تضع صورة عمر المختار الذي عاش حياته مناضل ومدافعا عن قضية وطن ومات شهيدا ودخل التاريخ بالأجماع " وخد بالك من كلمة بالأجماع دي"" من العدو قبل العرب انفسهم ولم ينعم بالقصور والترف والحفلات الماجنه المليئة بالفجر مع صدام حسين " المصنوع أمريكيا " لضرب أيران ومن ثم أنقلبت عليه أمريكا لتجعل منه مدخل للشرق الأوسط باكمله عندما اعطته الضوء الأخضر لأحتلال الكويت وبعدها أصبح لأمريكا كيان في وسط الدول العربية من قواعد وثكنات " مع العلم ان مصر قبلها بيوم أخدت وعد من صدام انه لن يغزو الكويت" إقرا مذكرات هيكل أقرا تاريخ صدام الأسود وانت تعرف ان تفكيرك فيه حاجات كتير غلط صدام اللي كان راكب شعبه والأعدام اسهل حاجة عنده صدام اللي اباد قرية باكلمها سكانها أكتر من 40000 مواطن من طفل وأمرآة وشيخ في ثواني بالأسلحة الكيماوية "قرية كاملة من الأكراد" عفوا ده يمكن يكون رأيي الشخصي ولكن صدام حسين في عيني ليس بطلا ولاهو القائد الذي قاد شعبه للقمة بل العكس اين العراق اين اموال العراق أين شعب العراق أين الأمن في العراق " هل العراق حرة ومستقلة؟ صدام الذي دخل في حرب أيران وكان يدفع بالمصريين للجبهة ضد أيران بالجزمة وإلا تموت وتضرب بالنار صدام اللي أحتل دولة عربية وسفك دماء المسلمين ولا عندك مبرر لعدوان وقتل نفس بدون وجه حق؟ هل تعلم شيء عن شخص أسمه السعد الصباح أستشهد وهو بيدافع عن أرضة من أحتلال الكويت وهل تعلم كم كان هذا الرجل يعشق تراب مصر " كان من العائلة المالكة ووقف أما دبابات وطائرات صدام " وأختار الشهادة وهو موقن أنه لن ينجو امام جيش كامل. ياخي والله أنا مليت من الرد عليك لأن واضح انك مش عاوز تفهم أنك تحت النقد وانك حاجات كتير في تفكيرك غلط ومش فاهم التاريخ. أقرا التاريخ كويس أنت عارف أنا ليه أتكلمت باستفاضة عن صدام وشخصيته وتاريخه؟ أقولك بقي ليه طالما انت معجب بيه وشايفه كده لدرجة انك تحطه في توقيعك يبقي ده تفكيرك وميولك واتجاهاتك ولذلك حبيت أوضح لك أن تفكيرك مبني على باطل ووهم وخدعة كبيرة" ولن يجدي النقاش معك أبدا للأسف مهما طال ومهما كان. أخيرا أرجو من الجميع قراْة كلامي والتعليق عليه بكل حياد وأقسم بالله اني مافقلبي اي شيء لأي فرد اللهم إلا من يسبني ويتهمني بما ليس في إلا هي مواضيعك اللي بتشتمني فيها بتروح فين بتتمسح صح؟؟؟ أحب تكون أخر كلمات ليا في موضوعك هي دي على اسم مصر التاريخ يقدر يقول ما شاء انا مصر عندي احب وأجمل الأشياء |
|
#11
15-03-2010, 03:44 AM
|
|||
|
|||
|
اشكرك صديقى على هذة الر سالة الرائعة التى لخصت مأسى المجتمع المصر ى 0
وهذ ة الاسئلة تحتاج لعلا ج فورى 0 حتى لا تتفاقم الا مور 0 واتمنى من اللة شفا ء الر ئيس مبارك لعلا ج كل هذ ة المشكلا ت المز منة 0 0000000000000 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:35 AM.
