.:: مجرد علاقة بريئة ::.

[kaml_klamk]

هذا هو عنوان الموضوع الذى سيتم طرحة قريبا

واطرح بعض الاسئلة على الجميع ولكنى سارد فى الموضوع عن جميع الاسئلة ولا مانع من الردود والمناقشة

كيف تكون علاقة الشاب بالفتاة ؟؟

ماهى حدود العلاقة بين الشاب والفتاة ؟

مفهوم الحب عند الشاب والفتاة ؟

الشباب وفتنة الحب ؟

ماهو الحب الحلال ؟

ماهو الحب الحرام ؟

انتظروتـــــــــــــــــــــــــأ

[msamido]

واحدة واحدة بس علشان كل الموضوعات تاخد حقها والناس تقرأ كل ده
.
.

[المشتاقة إلى الجنة]

<div align="center">السلام عليكم ورحمه الله وبركاته
اولا :جزاك الله خيرا علي طرح هذه الاسئله التي اصبحت الشغل الشاغل للشباب والفتيات الان
ثانيا :سارد علي الاسئله من وجهه نظر الشريعه الإسلاميه :
نحن نعيش مجتمع واحد فيه الشباب والفتيات ولابد ان يحدث هناك احتكاك خاصه اذا كانوا في مكان تعليمي واحد ولكن كيف يكون هذا الاحتكاك وما هي حدود العلاقه بينهما :
1)ديننا لا يعرف معني كلمه صداقه بين شاب وفتاه ،وحرم ذلك علي المؤمنين وعلي المؤمنات "ولا متخذي أخدان "،"ولا متخذات أخدان "...يعني لا يعرف ان تكون هناك علاقه دائمه بين الشاب والفتاه يتعاملا فيها كأنهما جنس واحد ،،،،،،لماذا؟؟؟؟؟
الرجل والمراه جنسان مختلفان دائما ا يريد كل منهما الانجذاب للخر ولكن الانجذاب هذا قد يؤدي الي عواقب غير محموده خاصه وان معظم النار من مستصغر الشرر ،وان منهج ديننا الحنيف في علاج اي مشكله لا ينتظر الي ان تحدث ولكن يقطع جذورها من الاصل ،فكان لزاما قطع الاسباب التي تزيد الانجذاب واولها الاختلاط
2)بفرض ان كانت هناك ضرورة للكلام ،يعني مصلحه معينه تريدها الفتاه من الشاب اي مصلحه سواء دينيه او دنيويه ،بحيث لا تتم هذه المصلحه الا بهذا الشخص فعليها الاتزام بالتي:
أ/ عدم الخضوع في القول اي عدم تليين الصوت وترقيقه ،وورد هذا النهي في سوره النور لنساء النبي صلي الله عليه وسلم الطاهرات العفيفات فما بالكم بالنسبه لنا ؟؟"ولا تخضعن بالقول فيطمع الذي في قلبه مرض وقلن قولا معروفا"
ب/مراعاه عدم الخلوة بينهما بمعني الا يكونا معا وحدهما لان حديث الرسول صلي الله عليه وسلم ينص علي انه ما اختلي رجل وامرأه إلا وكان الشيطان ثالثهما ...
ج/ان تراعي الا تزيد في الكلام عن المطلوب يعني لا يخرج عن مجال العمل او المصلحه المشتركه
د/ان تلتزم هي بحجابها الشرعي الخالي من الاسراف في الزينه الغير معطر الفضفاض الغير شفاف ..
هذه هي الشروط ،ولو فقد شرط منهم فهما علي مدخل للفتنه
اما بالنسبه للحب فهو ميول قلبيه لا يستطيع الفرد التحكم فيها وعليه في فتره الشباب ان يضبط نفسه حتي لا يقع بسبب حبه هذا في اختلاط محرم او علاقه صداقه او تعامل غير سويفالحب الحلال هو الذي لا يؤدي الي علاقه او صداقه ولا يؤدي الي فساد في القلب بابعاده عن الله ،والعلاقه الشرعيه لهذا الحب هي الزواج فان لم يكن فعليهما الصبر وليعلما ان من ترك شيئا لله عوضه الله بخير منه ،يعني اذا اجتنبا الاتصال خوفا من الله ان شاء الله يكتب الله لهما الاتصال في الحلال بالزواج
هذا والله أعلم
والسلام عليكم ورحمه الله وبركاته </div>

[د.حاملة المسك]

انا مع الاخت المشتاقة الى الجنة فى رايها

وان التصريف الوحيد للعلاقة العاطفية بين الرجل والمرأة هو الزواج وبس
مفيش صداقة ولا حتى اى علاقة ده حتى الحديث لازم يكون لضرورة فقط وبالشروط اللى ذكرتها الاخت المشتاقة الى الجنة

[kaml_klamk]

انا بشكر الجميع على الردود الجميلة وخصوصا المشتاقة الى الجنة على الرد الجميل والشرعى

واحب ان اذكر شىء هناك موضوع اسمه الحب حلال ام حرام فى منتدى الرجالة وده لينك الموضوع ، ارجو المرور عليه http://www.thanwya.com/forums/index.php?showtopic=18397

طبعا انا رديت على الاخ اللى طرح الموضوع وقال الجميع ان الحب ليس حرام وقلتلهم نناقش الفكره فى موضوع لكن رد اخ اخر وقال ليس حراما ولا عيبا والموضوع مش مستاهل انك تعمله موضوع لوحده.
هى الناس عايزه ايه عشان تقتنع انا مش هرد الوقتى لكن انا هتكلم فى الموضوع اللى طرحته باستفاضة كبيرة جدا

انتظرونـــــــــا

[msamido]

أنا قرأت ردك هناك

بس للاسف بدأتي غلط

يعني ايه الحب حراااااااااااام

ياريت تركزي في كلامك عايزه تقولي ان العلاقة بين الولد والبنت حرام دي قضية تانيه لكن الحب حرااااااااااااام

دي كلام غلط مية في المية

شكراااااااااااا..
.
.

[kaml_klamk]

اولا انا ولد ولست بنتا

ثانيا دلوقتى المقصود بالحب واللى كل الناس بتتكلم عنه هو العلاقة بين البنت والولد وده طبعا اللى انا قصدى عليه

ممكن اكون غلط فى الكلمة لكن كل اللى ردو فى الموضوع كان قصدهم بالحب العلاقة اللى بين البنت والولد لان من ضمن الردود ان قال احدهم هو يكلمها بس فى حدود الاحترام
يبقى انت هنا بتقولى ان كلامى غلط وهما كلامهم اللى صح ؟؟!!!!!!!!!

[LA STELLA]

لا يا اخى
فى فرق بين العلاقة بين الولد والبنت اللى مش صحيحة و الحب
لان الحب اولا ده مشاعر.؟ و من امتة المشاعر و الاحاسيس حرام؟

فى فرق كبير جدا

الحب حلال..
لكن ما يحدث ويلصقونه بالحب فاولا الحب ذاته برىء منه
ثانيه فهو حرام
لكن الحب حلال


ده الاختصار يعنى

<div class='quotetop'>إقتباس</div>

ياريت تركزي في كلامك عايزه تقولي ان العلاقة بين الولد والبنت حرام دي قضية تانيه لكن الحب حرااااااااااااام

دي كلام غلط مية في المية
[/b]

ياريت فعلا منخلطش بين مواضيع ليس لها علاقة ببعضها

[msamido]

اولا اسف علي الغلطة

ثانيا أنا مش بقول الكلام اللي قالوه هناك صح

بس سوري اصلي اتعصبت من كلمتك الحب حرااااام

المهم أنا عايز اقولك إن الحب مش بإيدينا علشان نقول حرام ولا حلال

بس عايز اقولك إذا كنت مضطر في كل حاجه في حياتك اليومية تتعامل مع بنات من أول ما تنزل من بيتك لغاية ما ترجع تاني اخر النهار في المواصلات والكلية او المدرسة والدورس والشغل والمصالح الحكومية والأماكن العامه والمكتبات ووووو ........ إلخ

طيب ايه المانع لو اتعاملت مع الإنسانه اللي بحبها في حدود الإحترام

يعني ما اجتمع رجل وامرأة إلا وكان الشيطان ثالثهما أنا مش هقعد معاها في شقة مفروشه مثلا ؟؟ انا لو حصل وقعدت معاها هيكون في مكان عام وكل الناس شايفانا وربنا قبل كل الناس دي

ممكن يكون لي عودة في الموضوع ده تاني إن شاء الله
.
.

[The_Relativistic200]

هم هم الكلمتين
هو هو النقد
هو هو الرد عليه
لا تعليق
انا لست مفتى حتى اتحدث فىsuch a great topic

[msamido]

المشكلة يا خالد إن الموضوع الناس اللي مشغوله بيه وبتتكلم فيه كتير أنا شايف ان الموضوع سابق أوي لأوانه بالنسبة ليهم

يعني يا جماعه نفكر في داستنا ومستقبلنا الأول
.
.

[The_Relativistic200]

بالظبط كده
الله ينور عليك
طب مين هيلحق يحب فى ثانوية عامة؟؟؟
ما يا تحب يا تنجح
يبقى انجح الاول احسن

[kaml_klamk]

السلام عليكم ورحمة الله

اخى الكريم msamido سوف يتم باذن الله توضيح وادراج كل ما يدور فى عقول الشباب اليوم وتزيين الشيطان لهم بالنسبة لموضوع الحب والموضوع كبير جدا وتحدث فيه كل العلماء والمشايخ والدعاة.

لانى هعقب على كلامك وهرد على كلمة انى هقابلها ادام الناس خاصة .

انتظروا موضوع" مجرد علاقة بريئة " وشكرا.........

[LA STELLA]

<div class='quotetop'>إقتباس(msamido @ Jan 2 2007, 12:27 AM) [snapback]251456[/snapback]</div>

المشكلة يا خالد إن الموضوع الناس اللي مشغوله بيه وبتتكلم فيه كتير أنا شايف ان الموضوع سابق أوي لأوانه بالنسبة ليهم

يعني يا جماعه نفكر في داستنا ومستقبلنا الأول
.
.
[/b]

و كمان نقطة كمان... ان الحب اصلا هو اللى بيجينا "ناس بتفهم الحتة دى غلط على فكرة" يعنى مش اللى بندور عليه

و مش معنى الجملة دى
انه يجينا بان واحد يروح يقول لواحدة بحبك ولا حاجة..مش معنى هو ده المقصود اطلاقا..
لالالا... اومال مثلا مشاعر الطرف التانى فين؟؟...عشان بس بتتفسر غلط.......اتمنى اكون اتفهمت صح بس
و هو مشاعر مش بيد حد..بس الاهم الصدق خصوصا مع النفس دى اهم حاجة



.......................

[السيد خضر]

السلام عليكم و رحمة الله وبركاته ...
في البداية أشكر الزميلة " مشتاقة إلي الجنة " علي التوضيح الرائع للموضوع من الناحية الدينية في الجزء الخاص بكيفية ضبط العلاقة بين الرجل والمرأة في حدود الشريعة الإسلامية السمحة الت لم تنهانا أبدا عن أمر إلا وكان فيه شرا كبيرا ولم تأمرنا أبدا بامر إلا وكان فيه الخير كله.
ومن هذا المنطلق احب أن أطرح وجهت نظري في موضوع الحب
أولا : يجب تحديد المقصود بكلمة الحب في النقاش .. لأن الكلمة لوحدها معناها مشاعر وأحاسيس وبدون توضيح لنوع هذه المشاعر او الأحاسيس نكون بنتكلم غلط ..
ثانيا : كلنا عرفين ان الحب أنواع كثير جدا ..منها مثلا " الحب لذات الله وهو أسمى معاني الحب وأطهرها واجلها - الحب في الله مثل حب الولد لأبيه و صديقه واخيه وأخته دون ان يكون سبب ذلك منافع أو مصالح خاصة" وهذا كله حلال والله أعلي وأعلم
.
ولكن هناك حب آخر منه ما هو حلال وما هو حرام وذلك وفقا لرأي الشريعة وهو حب الرجل للمرأة... فقد يكون حلال إذا كان هذا الحب في إطار الشريعة الاسلامية وهو الرابطة الوحيدة لذلك هي الزواج الشرعي بين لارجل والمرأة والتي أقرها الدين وحض عليها .
أما الحب المحرم بين الرجل والمرأة والتي نهى عنه الدين هو ما لا تحكمه شريعة وليس له قواعد ولا ضوابط بل هو طليق يمكنه أن يقع في الخطأ في أي لحظه وذلك للطبيعة البشرية التي تخطأ و تصيب فقد نهى الشرع عنه لتجنب الوقوع في الخطأ.
كما أن القلب وعاء إن لم تشغله بحب الله ورسوله وما امرك به ربك ...
انشغل عنك بما يغوي به الشيطان ...
أعاذنا الله وإياكم