ضياع هيبة المدرس الاعتداء على مدرسين بالمنتزه اسكندريه

[مجدىاحمدالددمونى]

هل تعرفون سبب انهيار هيبة المعلم العمليه التعليميه كلها تركز على اهتمام العاملين بالعمليه التعليميه على الطالب وإن كان مخطئ:
1- المعلم يأتى المعلم من السابعة والنصف ولوتأخر خمس دقائق نقفل عليه الحضور ولوعشرة دقائق عارضه
الطالب يأتى فى نصف الحصة الاولى بل فى أخرها ويكتب حضور بل فى بداية الحصه الثانيه المدرسه مفتوحة له فى أى وقت ربما عمل جريمه خارج المدرسه (شوف الفرق بين الطالب والمدرس)
يدخل الطالب يسلم على جميع زملاؤه :انه فى مسرح ويبوس ويحضن كأنه غائب أوعائد من رحلة سفر ويقوم زميله هذا مكانى لا يا استاذ ده مكانى طلع للمشرف ضاعت الحصة مفيش عقاب يقول المشرف ممنوع خروج الطالب من الفصل حسب التعليمات
2-المعلم يدخل المعلم بجميع ادواته ( كشكول التحضير وكراس المكتب والطباشير وكتب المدرسه والمدرس مجهز حاله على أتم الاستعداد
الطالب: لايوجد أى مظهر يشير انه طالب لاكشكول ولا كتاب ولا قلم بيه واستاذ مش عارف من الطالب ومن المدرس يقول الطالب انا جاى المدرسه علشان الغياب بس وتنتهى الحصة وبسرعه كل الطلبه على الباب بعد أخذ الغياب يبدا كل طالب يشوف مخرج للهرب وطريقه يصنعها للخروج من الفصل والمدرسه
الطالب عايز أخرج يااستاذ عندى درس الساعة تسعة أو عشره يخرج الطالب هربا بأى طريقه خلاص يومه الدراسى انتهى
المعلم صعب ياخذ إذن البوابه عليها قيود وياسلام حتى لوخرج أمام الباب حتى يشترى سندوتش من أمام باب المدرسه:abdoog8:
الطالب أثناء الشرح مش مهم شرحك كمدرس عنده البديل درس خصوصى خارج المهم يقرف فيك رنات موبايل لزملائه بلوتوثات اثناء الحصة رسائل مفيش ادب أثناء الحصة ومايقدرش المعلم يأخذ الموبايل من الطالب فين القانون الذى يحميه
المعلم لوجاله تليفون مايقدرش يترك الحصة ويرد الابعد الحصة خوفا عليها
المعلم × الطالب

الطالب
المعلم الطالب اعلى المعلم اسفل
العمليه مقلوبه محدش يقول شخصية المعلم لا لا كان زمان العمليه معكوسه مافيش مدرس يقدر يعاقب طالب احيانا مدير المدرسه يقول مافيش ظهر بالعاميه دهر يحميك
الطالب له حق الشكوى فى الوزارة والادارة التعليميه بل فى قسم الشرطه [انه يبتلى المدرس ببلوى كذب ] ضربنى شتمنى اى شئ مصدق فيه الطالب
العقاب فصل ثلاث ايام او استدعاء ولى الامر ولى الامر مصدق ابنه والمدرس كذاب ويدخلوها فى دروس خصوصيه ده لوكان فى اول ثانوى اما الحديث السابق كله على طالب 2 و 3 ثانوى
كل ده ومش عايزين الطالب يضرب المدرس فجأة بعد امتحان احد اللجان وكان نقل اولى ثانوى العام الماضى وجدت ولى امر امام المدرسه بعد اللجنه عمل معى عاركه علشان شديت على ابنه فى الاختبار وطالب تانى استدعى ابوه بالتليفون ودخل من باب المدرسه نحو الفصل مباشره ليه ياستاذ بتضرب ابنى لو لا ان الطلاب مسكوه وقالوا له ابنك غلطان كان يتصل بالموبايل اثناء الحصه ورد على الاستاذ رد غير لائق
الحل ايه
هل من حل يعيد للمدرس هيبته
هل هناك قانون جديد يمنع الطالب من دخول المدره متاخر _ يمنع استخدام الموبايلات فى الفصل_ قانون يمنع الطالب من البلاء والإفتراء بالكذب على المدرس اسلوب جديد للتعامل مع الغياب داخل المدرسه
حق المدرسه فى التعامل مع الطالب بحزم كالفصل اعطاء المدرس سلطه بمعاقبة طالب الثانوى بدرجات الغياب والسلوك والحضور فى ثانيه وثالث ثانوى مثل الدول العربيه الاخرى
هل من احد يفكر فى اعادة الطلاب الى اخلاقيات وسلوكيات المدرسه
هل من احديفكر فى اعادة الاخلاق لبعض المدرسين الذين ساعدوا فى ضياع هيبة المدرس كالذى كان يغشش الطلاب الذين يأخذون درس عنده فى مادة زميله الاخر ويضيع هيبة زميله حتى ياخذ الطلاب فى صفه
لقد وجدت مدرس واقف على باب الحمام مدرس كيمياء ليحمى طلاب يتناقشون فى مادة الرياضيات فى امتحان نصف العام
يطلب منى قلم ليكتب الطلاب الاجابات فقلت له حرام عليك خاف ربك وزعل منى
اكتبوا ايها المعلمون اقتراحاتكم ورفعها للوزارة لحماية هيبة المدرس وارجاع العمليه التعليمية لجودتها اذا كنت تبحثون عن الجوده
أنا اتكلم عما حدث فى ادارة المنتزه اسكندريه
للاسف اسمع عن هذا فى مدارس الاقاليم بل الارياف فى المحافظات

[BaNZeR]

الكلام مبالغ فيه قليلاً ولو كان منتشر
بس مش كله كده

وبعدين كله حيتظبط مع الوزير الجديد بإذن الله

تم النقل للقسم العام

[Mr. Medhat Salah]

كلالالالالالالالالالام عين العقل

[عبدالحليم احمد عبد الحليم]

فين الكلام اللى مبالغ فيه
اتمنى حلوووووووووووووووووووووووووووووووووول لذلك

[محمد على المنياوى]

الكلام ده عشر الى بيحصل انتى نسيت ايام الامتحانات ولما حضرتك تروح تراقب فى بلد تانية الطالب اصبح من حقوقه المكتسبة والشرعية انه يغش ويا سلام لو حضرتك عندك شوية جرأة و وقلتله الغش حرام واتمسكت برأيك هو كمان هيتمسك بيك بره اللجنة ويمكن جوه اللجنة وتتظبت - يا حرام - أو ممكن أهالى الولاد هم الى يقومه بالمهمة دى !!!
وده كله بسبب وسائل الإعلام ربنا يكرم القائمين عليها حولت العلاقة بين المدرس والطالب وأهالى الامور لحرب لو حصلت حالة فردية مدرس عاقب طالب الدنيا تقوم ولو حصل العكس ده برده ابنك وانت الكبير ولازم نحتوى المشكله علشان مستقبل الولد انزلوا المدارس شوفوا الطلاب بيفتخروا بينهم وبين بعض بالى ضرب مدرس والى هزقه والى ينرفزه وغيره وغيره ولو فكرنا بمنتهى العقلانية للحظات ليه طب المدرس ده عاقب الطالب اكيد صدر منه تصرف ما وهو احنا يا ناس نسينا ان المفروض نربى قبل ما نعلم مش كده ولا إيه!!!!

[شروق الطلخاوى]

انت عندك حق
بس تصرفات المدرس هى اللى تنرفز الطالب
لازم برده يكون للمدرس حدود زى ما للطالب
حدود و قوانين تحكمه

[مستر ايمن محمد راشد]

يا شروق انتى كده بتحكمى على المرس ده ازاى من غير ما تعرفيه مش جايز انتى طلمتى المرس اللى بيتكلم ن مشكلته واعتق عنده حق ....وشكراً على الموضوع الذى يعتبر صميم العملية التعليمية
اما بالنسبة للاستاذ المنياوى اتكلم عن موضوع مراقبة الثانوية العامة (( ازاى رئيس لجنة مثلا من البحيرة او اسكندرية ويروح مراقبة ثانوية عامة فى الصعيد )) ليــــــــــــــــه ؟؟؟وليه بتوع رشيد الملاحظين يروحوا طنطا او المحلة الكبرى او الغربية بصفة عامة ...مش بالزمة ده حرام وفى الاخر ميخدش حتى مصاريفه بعد التعب ده .... واسف وشكرى وتقديرى للجميع

[مستر محمد رشوان]

يا نهار ابيض0000000

[طارق حسام]

و الله فعلاً أغلب ده بيحصل عندنا

[Free Love]

هذا صحيح بالفعل

[أ/أحمدجاد]

والله أنتم ناس طيبين

ولكن تفتكروا فيه حل

أنا واثق ان السبب فى ده مخطط وبدأ تنفيذه منذ زمن لو تفتكروا
أرقام التليفونات والفاكس على الشاشات ليل نهار لللشكاوى من المدرسين والعقاب بالجملة بدون تحقيق
ياساده انا مرة بتكلم مع محقق قال لى بالحرف الواحد انا متأكد ان الاستاذ مظلوم ولكن أرد على وكيل الوزارة أقول ايه
والموضوع ده يخص السائق الخصوصى
تخيلوا معاقبة مدرس ظلما ارضاء لسائق وكيل الوزارة

المخطط ياسادة تخريب وجدان وعقول وجيوب المدرسين
والسبب انتاج أجيال فاسدة مرتشية لاتصلح الا للجلوس على المقاهى وتناول ؟؟؟؟؟؟؟؟؟؟؟؟؟؟
البقاء لله فى التعليم
على العموم لا عزاء للمعلمين

[soso2020]

مشكورررررررررررررررر

[مستر .سعد الحجرى]

الله يرحم ايام زمان
لما كان الطالب فعلا جاى المدرسة بكل ادب واحترام وشوق لتلقى العلم

[Miss Doaa H]

الكلام ليس فيه اى مبالغه

وده جزء بسيط من اللى بيحصل

[أحمد محمد التداوى]

الهيبة اولا ليست ماديا
ولكن اجتماعيا
فمثلا لا يحق للإعلام عرض مواد تسئ إلى المعلم مهما كان