هل توافق علي ضرب التلاميذ

[™Myth D™]

انتوا بتكلموا ازاى ازاى الضرب يكون فى المدارس الطالب يروح المدرسة عشان يضرب اولا دى بتجيب امراض نفسية ويتعقد من المدارس ثانيا المدارس لازم تكزن تربوية جدا يعنى ازاى واحد معرفهوشى ييجى يضرب الطلاب او يضربنى حتى لو كان استاذى هتاوللى الطالب كدة هيتعلم ازاى هاولك تيجى بئا دور التنشئة الاسرية الصح مش تاوللى ضرب مدارس ولو سمحت يا رجالة متكتبوش حاجة بمزاجكوا دة موضوع خطير جدا جدا فى التدريس المدرسين يشرحوا وبس وملهومشى دعوة باللى يحصل الاسرة متكفلة بابنائها تقبلوا مرورى

[نجيب البقلي]

العقاب مش لازم يكون بدني

النظرة عقاب

المنع من الأنشطة عقاب

الزجر عقاب

لابد من الوثاب و العقاب

يثاب المحسن و يعاقب المخطئ

العقاب كالسم في الدواء يوضع لا ليقتل المريض و لكن بنسبة لا تضر الأنسان بل لتصلحه

[teacher120]

انا مع الثواب والعقاب والعقاب مش ضرب فقد يكون توبيخ او لوم او حرمان من الحضور او تذنيب داخل الفصل وفى النهايه قد يحتاج المعلم لاستعمال الضرب الغير مبرح
انما الرسول الكريم عليه افضل الصلاه والسلام لم يامر بالضرب من اجل التعليم

الاستاذ الفاضل الى بيقول الاسره متكفله بابنائها احب اقول لحضرتك ان اقل القليل من الاسر من يتكفل بابنائه انا مدرس شاب وبييجى ليا اولياء الامور بيتغربوا ان ابنائهم بيخافو وبيحترمونى لان ابنائهم غير ذلك معهم و اجد كثير عدم سيطره من الاسره على الابناء لذا فالمعلم عليه ان يستعمل من وجهه نظرى اساليب العقاب المذكوره سالفا وتختلف من طالب لطالب

[البرنس شرف]

اخواني بيعترضوا بيسحسوني انهم من كوكب اخر
اولادكم في البيت بيضربوا ولا ؟؟؟؟؟؟؟؟؟؟؟؟؟
عنده ولدين في البيت بيجننوا فما بالكم 50 طالب وكلهم يجيوا المدرسة للهزار ودلع
امريكيا هي اوصت بعودة الضرب
الضرب احدي وسائل عقاب ويكون ضرب مشروط وبعقل وهدوء
بلاش دلع للطلبة
امنعوا الغش وصلحوا المجتمع لن نحتاج للضرب

[البرنس شرف]

المشاركة الأصلية كتبت بواسطة أ/ محمود إبراهيم

انا مع الثواب والعقاب والعقاب مش ضرب فقد يكون توبيخ او لوم او حرمان من الحضور او تذنيب داخل الفصل وفى النهايه قد يحتاج المعلم لاستعمال الضرب الغير مبرح
انما الرسول الكريم عليه افضل الصلاه والسلام لم يامر بالضرب من اجل التعليم

الاستاذ الفاضل الى بيقول الاسره متكفله بابنائها احب اقول لحضرتك ان اقل القليل من الاسر من يتكفل بابنائه انا مدرس شاب وبييجى ليا اولياء الامور بيتغربوا ان ابنائهم بيخافو وبيحترمونى لان ابنائهم غير ذلك معهم و اجد كثير عدم سيطره من الاسره على الابناء لذا فالمعلم عليه ان يستعمل من وجهه نظرى اساليب العقاب المذكوره سالفا وتختلف من طالب لطالب

ممنوع طرد طالب من الحصىة ممنوع تانبة ممنوع ترفع صوتك علية تخضة ممنوع توجة له اي لوم
ممنوع توقفة في الفصل
ما العمل
كن واقعيا

[said_manar]

اناضد العقاب البدنى نهائيا 0 ويجب ان يتفرغ المد رس للتد ريس فقط 0 ويمكن عمل مذكرة
للطالب المشاغب وعرضها للمدير وحضو ر ولى الا مر ويمكن استبعاد هذاالطالب 3 ايام
كمايوجد اكثر من وسيلة خلاف العقاب البدنى 00000000000

[teacher120]

يعنى حضرتك شايف انه ممنوع توبيخ الطالب وممنوع تعلى صوتك عليه لكن مش ممنوووع الضرب

انا بقول الضرب اخر حاجه ويكون فى اضيق الحدود ومع الطالب الى عاوز ومصمم ويكون برده ضرب مش مبرح والا هنلاقى مدرس بيكسر رجل طالب زى ما حصل مع زميلى ايام المعهد

[امل حسين كامل]

التلميذ صغير خائف

[الاستاذه وفاء صلاحي]

انا مدرسة وام
مع الضرب المعقول والمسبب
لو حضر احد اولياء الامور الي اي فصل يختار وجلس مع التلاميذ لمدة نصف ساعة فقط اما سيقتل التلاميذ او يجن
هذه ليست نكتة التلاميذ الذين تصفهم العضوه امل حسين بطفل خائف
صدقيني هذا كان من زمن بعيد ولي وانتهي التلاميذ هذه الايام يحملون السكاكين ويضربون ويسبون حتي المعلمين
اتصدقين ان تلاميذ الصف الثاني الابتدائي يسبون الدين للمعلمة ويحضرون السكاكين الي الفصل ويهربون من الحصص
وولي الامر يصدق ان ابنة ملاك لا يخطىء والمدرس شيطان

انا اعرض علي كل ولي امر ان استطاع الجلوس في اي فصل دراسي لمدة نصف ساعة وطبعاً بدون المعلم فيكون له الامر ونحن سنطيع ان قال ان الضرب ممنوع فله ما اراد

[teacher120]

الثواب والعقاب مطلووووووووووب
كلاهما له دوره الطالب الجيد يثاب والسىء يعاقب لكن ضرب عشان مصلحته ونراعى ربنا فى الضرب مش نكسر ايده او كده انا وانا طالب كان معظم المدرسين بيضربوان ومنهم كان بيضربنا لمصلحتنا ومنهم كان بيضرب لمجرد عرض شخصيته وكان يضرب ضرب قاسى زات مره استاذ الانجليزى كسر سنه زميلنا وهو بيضربه بالبوكس ومره تانيه استاذ اخر ضرب طالب وكسر رجل التخته على ذراعه واستاذ اخر ضرب زميلنا بالخرزانه على وشه ووالله طبله اذنه اخترقت وتكفل بعلاجه باكتر من الفين جنيه هذا لا يصح

يعنى المفروض نضرب للتقويم المفيد ويكوووووون فى اضيق الحدود

[adawi]

اوافق بشروووووووووووووووووووووووووووووووط

[مشرف نشاط 2]

لابد من الثواب والعقاب فى المدرسه فى البيت فى العمل وبالاخص فى المدارس بشرط ان يقنن
نريد محاربة الفساد محاربة الفساد محاربة الفساد
اذا نجح التعليم نجحت الامه

[رضاالوادي]

اذا كان التلميذ عارف من بيت الأهل انه لابد من اطاععة المعلم فلما الضرب
ولكن هل التلاميذ عارفين كدا

كمان كفاية تشهير بالمعلمين اصل اللي بيتكلم لا بيمر عليه موجه ولا متابع

[sabah2000]

اوافق عتى الضرب بطريقة تربوية التى لا تصيب الطالب بلى اذى انا عن نفسى كنت اضرب ابنى فى المدرسة و كان اكثر الطلاب ضربا لا و زملائى يطلبون منا ضرب ابنائهم و الشدة عليهم من اجل تحسين مستواهم

[osamaabdsalam]

يقول البعض
طالعت ما نُشر بملحق «الإسكندرية اليوم»، بتاريخ ٢ أبريل حول لائحة عقوبات للطلاب المشاغبين تتضمن الضرب كعقوبة مقننة ومعترف بها.. إننى كتربوى وباحث ومدير عام سابق بالتعليم أزعجنى ذلك كثيراً. فما كادت الضجة التى أثارها أول تصريح لوزير التعليم حول العلاقة الطردية بين مكانة المعلم وهيبته وضرب التلاميذ.
تهدأ بعد نفى الوزير قصد إباحة الضرب فى المدارس، حتى جاءت زوبعة ثانية بناء وترتيباً على الأولى!! ذلك أن مدير إحدى المدارس بإدارة غرب إسكندرية قدم مقترحاً بما سمى لائحة للعقوبات الطلابية تتضمن الضرب كعقوبة يقرها ولى الأمر، وإلا تم نقل ابنه إلى مدرسة أخرى!!
بل يوقع على إقرار بعدم أحقيته فى اللجوء للقضاء إذا ضرب ابنه فى المدرسة.. ويا للعجب أن نتصور هيبة المدرسة والمعلم تقوم على العصا.. تصور عقيم مبعثه الجهل والقهر الذى يعيشه المجتمع بأسره فى كل موقع.. إن قضية الضرب قد حسمتها المدارس التربوية منذ أمد بعيد مؤكدة الأضرار النفسية والصفات السلبية التى تشوه شخصية الطفل الذى يعاقب بالضرب.. أقلها شأناً الجبن والكذب.. وأعلاها العنف والكراهية التى تصل إلى حد القتل!! فهل رسالة المدرسة أن تسهم فى بناء مجتمع قائم على المودة والرحمة.. أم تنتج لنا شغباً وعنفاً يهدد كيان المجتمع؟!