الحكومة تتراجع عن تعيين 400 ألف خريج في ‬الموازنة الجديدة

[eslamkobessy]

المشاركة الأصلية كتبت بواسطة فرفورات

يا مولانا الخبر صريح نحن نتبع باب الاجور وليس الصناديق وباب الاجور اتوضع لة ميزانية 94 مليار وتم ذكر هذا المبلغ يسمح بتثبيت 104 اللى هم نحن اية المشكلة

فعلاً الكلام ده صح ومفهوم ومفيش مشكلة والتعيين سيتم في شهر 7 بإذن الله ومن الواضح ان فيه ناس مش راضية تفهم خالص .

[ميدو احياء]

ياجماعه نقرا الخبر جيدا الحكومه تتراجه عن تعيين 400 الف خريج ووزارة الماليه رصدت مبلغ كذا لتثبيت 104 الف مدرس مؤقت يبقى المجموع حوالى 500 الف عامل مؤقت هم العاملين فى الدوله يبقى احنا مش منهم ولكن المشكله فى عبارة تثبيت 104 الف مدرس معظمهم يعملون بعقود مؤقته يعنى ايه الجزء الذى لايعمل بعقد مؤقت كيف سيثبت

[حاتم شوقى]

هناك احتمالية لتفسير 104 عقد بانها عبارة عن تعيين 34 الف معلم اتوا بالكوسة ونواب مجلس الشعب و المحافظين الى جانب 70 الف معلم مؤقت اللى هما الغلابة اللى الوزير بدر و عدهم بالتعيين حيث ان كلمة تعيين فى هذا الزمن تعنى تعاقد مميز .حقا انه عالم الالغاز وفى الاول وفى الاخر دى احتمالات

[محمود حسين الزيات]

المشاركة الأصلية كتبت بواسطة فرفورات

مبروك لجميع المعلمين المساعدين المستوفيين الشروط التثبيت وهذا الخبر خير دليل ومن وزارة المالية ولعلمكم نحن نعمل على الباب الأول أجور وليس من ضمن 400 ألف العاملين على صناديق المحافظات مثل معلمين الحصة والعاملين على مشروعات ومن أسبوعين قال درويش أنهم عينم 34 ألف بالخطأ وقرر أن يزيدهم إلى 104 ألف بزيادة70 ألف درجه وظيفية موجهة للتربية والتعليم
‬ رصدت وزارة المالية،* ‬94* ‬مليارا و680* ‬مليون جنيه للانفاق علي* ‬الباب الأول للأجور للعاملين بالدولة،* ‬بما* ‬يسمح بتثبيت* ‬104* ‬آلاف مدرس وموظف أغلبهم* ‬يعلمون بعقود مؤقتة في* ‬وزارة التربية والتعليم من بين* ‬510* ‬آلاف موظف،* ‬يعملون بعقود مؤقتة،

بارك الله فيك

[MMYR14]

مبروك لكل المعلمين المساعدين المستوفيين الشروط
.‬ رصدت وزارة المالية،* ‬94* ‬مليارا و680* ‬مليون جنيه للانفاق علي* ‬الباب الأول للأجور للعاملين بالدولة،* ‬بما* ‬يسمح بتثبيت* ‬104* ‬آلاف مدرس وموظف أغلبهم* ‬يعلمون بعقود مؤقتة في* ‬وزارة التربية والتعليم من بين* ‬510* ‬آلاف موظف،* ‬يعملون بعقود مؤقتة،

[AlaaElden]

طيب هما اللى نجحوا 70 الف ولا اكتر؟

[teacher120]

كل الى اقدر اوقله وانا فاهمه اننا نتبع الباب الاول للجور ولسنا تابعين للصناديق واى حد يتاكد ويسال شؤون العاملين حسابات فى ادارته اما التابعين للصناديق مثل العاملين فى الزراعه والمراكز التابعه للمحافظات والتعداد السكانى والمعلومات والاحصاء ومدرسى الحصه الى مش معاهم عقد مميز(غير المعلمين المساعدين الى بياخدوا 105) احنا ان شاء اله تعالى ال 104 الف الى بيتكلموا عليهم وبعدين التربيه والتعليم فيها 80 الف معلم مساعد والازهر فيه الباقى

[AlaaElden]

المشاركة الأصلية كتبت بواسطة mmyr14

فعلا احنا تبع الباب أول أجور ومن أسبوعين قال الدكتور درويش أنه تم تعيين 34 ألف بالخطأ وسوف يضيف عليهم 70 ألف معلم مساعد مستحق للتعيين ليصبح الاجمالى 104 ألف كما جاء فى الخبر
وألف مبروك للجميع

هو درويش قال امتى انه تم تعيين 34 الف بالخطا ؟فى برنامج اية؟
طيب هما اللى تعيينوا دول بالخطا مش هيصححوا الخطا دة ؟

[احمدمسعود]

الخلاصة ان اللى اتعينوا بالخطاء 34 الف والمجتازين اختبارات المعلم المساعد فى وزارة التربية والازهر حوالى 70 الف هؤلاء المقصودين ب 104 الف

[احمدمسعود]

المشاركة الأصلية كتبت بواسطة eslamkobessy

فعلاً الكلام ده صح ومفهوم ومفيش مشكلة والتعيين سيتم في شهر 7 بإذن الله ومن الواضح ان فيه ناس مش راضية تفهم خالص .

الخلاصة ان اللى اتعينوا بالخطاء 34 الف والمجتازين اختبارات المعلم المساعد فى وزارة التربية والازهر حوالى 70 الف هؤلاء المقصودين ب 104 الف البرنس 0145198966

[طاهر الشاعر]

رصدت وزارة المالية،* ‬94* ‬مليارا و680* ‬مليون جنيه للانفاق علي* ‬الباب الأول للأجور للعاملين بالدولة،* ‬بما* ‬يسمح بتثبيت* ‬104* ‬آلاف مدرس وموظف أغلبهم* ‬يعلمون بعقود مؤقتة في* ‬وزارة التربية والتعليم من بين* ‬510* ‬آلاف موظف،* ‬يعملون بعقود مؤقتة،*
لكن
‬تسببت الخلافات بين وزارتي* ‬المالية والتنمية المحلية والمحافظين،* ‬في* ‬عدم دمج أموال الصناديق الخاصة بالمحافظات للموازنة العامة للدولة*. ‬فشلت وزارة التنمية الإدارية في* ‬إقناع مجلس الوزراء بوضع المؤقتين علي* ‬درجات ثابتة،* ‬مع ارتفاع تكلفة تمويل الدرجات،* ‬في* ‬ظل تزايد العجز بالموازنة للدولة،* ‬وسعي* ‬الحكومة إلي* ‬رفع رواتب بنسبة* ‬10٪،* ‬في* ‬العلاوة الاجتماعية الجديدة*

[البرئ0]

ياجماعة الى عاوز يقرا الخبر يقراه كله على بعضه هيشوف ان كل تهرب من التعيين سواء الى على درجة الاجور او الصناديق والواضح انهم عينوا 34 الف واحد وسطات بدوم ما حد يعرف وبتهربوا من الباقى الى هو احنا

[زهره الثلج]

لا حول ولا قوه الا بالله تناقض بينا وبينا بعضنا وخلاف حتى فى فهمنا للحقائق يا جماعه الحكومه بتلعب بينا ولا تثبيت ولا شىء

[the keng]

المشاركة الأصلية كتبت بواسطة زهره الثلج

لا حول ولا قوه الا بالله تناقض بينا وبينا بعضنا وخلاف حتى فى فهمنا للحقائق يا جماعه الحكومه بتلعب بينا ولا تثبيت ولا شىء

بصي الدولة علي كف عفرت وكل يوم بكلام يعني ممكن الوزير يطلع ويتكلم ويقول احنا خلاص هنثبتكم
وتاني يوم تلاقي تصريح بوجود عجز في ميزانية في الدولة والتفكير في عدم التعيين
هو ده اللي حصلان
يعني هم من الاخر بيجثوا النبض تمهيدا للقرار اللي وخداه الدولة ومش معروف وكداب اللي يجزم اني فيه تعيين ولا لا
دي حاجة في علم الغيب

[نسيم الروض]

ابسط يا عم .. اهم شيء اتكون مستوفي الشروط

وسلم لي على الشروط واللي وضع الشروط .. واللي لسه في الكليه يحاول من دلوقتي بعد فترة تعليم تترواح من 16 إلى 20 سنه وتقدير وامتياز .. وبعد ده كله .. شغل 5 سنين .. ورخصه دوليه ودبلومات .. إلخ إلخ .. ولسه هنخترع ليك كام شرط كده عشان اتكون مستوفي الشروط .. ولازم اتكون مستوفي الشروط .. وأهم شيء لازم نربي عندك شرط اليأس من الحكومة عشان تعرف قيمة التثبيت .. وبعدين لازم اتكون مستوفي الشروط وكل شرط لازم يكون مستوفي الشروط .. يعني الشرط الأول مستوفي الشرط الثاني .. والشرط الثاني مستوفي الشرط الأول .. وهما الاتنين مستوفين الشرط الثالث .. والشرط الثالث مستوفي الشرط الرابع .. ... إلخ ..


وبعد ده كله لازم اتكون مستوفي الشروط .. ولو الشروط في دولة تانيه تروح تجيبها عشان اتكون مستوفي الشروط


والكلام ده كله في المظبوط .. اشوفكم بعد الشروط ....!!!