|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
24-01-2007, 12:06 PM
|
||||
|
||||
واحـد
كلما سمع عوض عبيد أغنية: وحياة قلبى وأفراحه.. أصابه ذات الاكتئاب الذى أصابه منذ عشرة سنوات عندما رسب فى الثانوية العامة.. الرسوب الذى قام بعده بالتحويل إلى الثانوى الصناعى. والقائمون على التليفزيون يصرون كل عام على إذاعة الأغنية والمقابلات مع العشر الأوائل.. الذين تظهر نتائجهم مبكرًا.. بينما يحترق آلاف الطلبة فى طاسة إلانتظار ********* اثنيـن القاسم المشترك الأعلى بين كل الممتحنين هو الإصابة بالإسهال. شعور غريب يبدأ بالتوتر وبينتهى بكركبة فى البطن، يليها الطيران إلى الحمام على أجنحة الرعب. وبمجرد أن تخرج من الحمام حتى تشعر بالرغبة فى الرجوع إليه ثانية هناك أشخاص يختصرون الوقت وجهد الدخول والخروج ويستذكرون فى الحمام مباشرة! قد يكون من الصعب النزول للامتحان دون قرصين من الإنتروكين، لأنها داهية سودا لو هاجمك الإسهال وأنت لاتزال تسطر ورقة الإجابة. من الصعب جدًا أن تتماسك فى مواجهة شئ كاسح كالإسهال يقول جورج فريد: كانت المرة الثالثة التى أطلب فيها الذهاب إلى الحمام أثناء اللجنة، لدرجة أن أحد المعيدين اصطحبنى إلى خارج القاعة، وعرض عليّ أن يساعدنى فى حل شفرة الأسئلة التى لا أعرفها بدلاً من الذهاب والإياب.. يعتقدون طبعًا أنني أحتفظ بالكتب والمذكرات فى الحمام لأطالعها. وهى حيلة يمكن أن تُصنع فى الثانوية العامة لكنها لا تصلح للجامعات ********* ثلاثـة نبتعد الآن عن السيرة العطنة للإسهال لنتحدث قليلاً عن الغش والتغشيش والغشاشين الغش فعل أساسى فى الامتحانات فى مصر، والغريب أن الغشاشين لا يشعرون أبدًا بأي نوع من أنواع الذنب كأنه حق طبيعى للممتحن. والطالب الذى لا يغشش زميله طالب منبوذ، لأنه خائن للصداقة والزمالة، وفوق كل هذا أنانى يستأثر بالدرجات لنفسه يتوقف الغش على غلاسة المراقب أو طيبته.. فالمراقب الذى يسمح بالغش يعتبر رجلاً طيباً وجدعا. وفى الصعيد يعتبر الغش عملاً قانونياً فى المدارس خاصة فى الشهادات. وأحياناً تُتلى الإجابات فى الميكرفون أو يدور المدرس على اللجان ليحل الامتحان مع التلاميذ أعرف مديرة مدرسة ابتدائية فى أحد الأقاليم منعت الغش فى مدرستها، فتجمهر الأهالى وأولياء الأمور خارج المدرسة وطالبوا برقبتها لأنها.. ستضيّع مستقبل الأولاد!.. وكادت أن تُقتل لولا أنها استطاعت الهرب متنكرة من باب خلفي.. ثم عاد الغش إلى المدرسة وهكذا يمكنك أن تقابل طالبًا فى الإعدادية لا يعرف القراءة، أو بالكاد يفك الخط حُشِرتُ فى اللجان - طوال دراستى الثانوية - بين اثنين لا يتوقفان عن ندائى باسمى طوال الوقت، ولا يمنحانى فرصة التركيز لكتابة شئ مفيد.. ورغم أننى كنت أترك كراسة الإجابة مفتوحة للجالس خلفى.. إلا أن نظره لم يكن يساعده.. فكان يشب برأسه خلف كتفى طوال الوقت هاتفًا: يخرب بيتك.. إيه اللى انت كاتبه ده كله؟.. وهكذا أنا مطالب ببدء عملية الإملاء وكل هذه الأصوات لا تجذب المراقب لينظر ماذا هناك. فى إحدى المرات أمليته نصف إلاجابة وطنشت الباقي، وقمت لتسليم الورقة للمراقب الذى ما أن رآنى حتى هتف: إيه اللى انت عملته ده؟.. سقط قلبى بين قدمى كده تسيب الراجل معلق؟ خليك جدع وكمّل جميلك!.. ورجعت لأعطيه باقى الإجابة .. ولكى يغش المرء، يجب- على الأقل- أن يكون لديه فكرة عن الموضوع، ولو أعطيتَ كتابًا فى الامتحان لشخص لم يستذكر- فلن يستطيع الاستفادة منه فى شئ. هذا نموذج لشخص- يوجد منه الكثير في اللجان بالمناسبة- يريد أن يغش من أسامة : هو: أسامة.. أسامة.. السؤال رقم3ج أسامة: الرسول صلى الله عليه وسلم هو: صلى الله عليه وإيه..؟ !!!! ********* أربعـة ليلة الامتحان يهرب النوم بعيدًا. حتى الملائكة لا تجد الأرز الذى ستطعمه لك لأسباب لا تتعلق بأزمة السيولة.. أما المنهج فتظل صفحاته تتحرك أمامك على سقف الغرفة طيلة الليل وحتى انبثاق الفجر، مما يجعلك تحسد أولئك الذين قضوا هذا الوقت فى المذاكرة بدلاً من التقلب فى السرير وفى كل الأحوال ستقول لها وأنت تدلف إلى اللجنة: منى.. ابقى صحيني لو نمت على الورقة ********* خمسة نصائح جادة النوم مبكرًا ضروري فى الامتجانات للاستيقاظ فى كامل لياقتك الذهنية.. لكنها نصيحة ليس لها معنى كما رأينا آنفًا الغذاء المتكامل والمتوازن ضرورى جدًا أثناء الامتحانات، فالمذاكرة والمجهود الذهنى يؤديان إلى استهلاك جزيئات ATP بكثافة كما يحدث في التمرينات الرياضية قطعة من الشيكولاتة المستوردة قادرة على منحك الطاقة بين امتحانين نعم هناك أنواع من الطعام تساعد على التركيز وتنشيط الذاكرة أهمها: عسل النحل والرمان والتمر معظم المصرين لديهم نقص فى البوتاسيوم الذى هو هام جدًا للتركيز.. أعراض نقص البوتاسيوم هي ضعف فى العضلات، إرهاق عام، وانخفاض فى الضغط لذلك فزجاجة بوتاسيوم من الصيدلية ستصنع معك فرقًا. إذا كنت لا تحبذ الأدوية يمكنك الحصول على البوتاسيوم من الموز والذرة
__________________
 |
|
#2
24-01-2007, 12:23 PM
|
||||
|
||||
|
موضوع جميل جدا يا خالد
واكتر حته فرستنى حته الغش دى بجد السنه اللى فاتت فى امتحان الكيميا فى اتنين كانوا بيراقبوا ومش موجودين واحده بتكلم مامتها وبتقولها انها زهقت لان بقالها حوالى ساعه واقفه على رجليها ( مع العلم ان الامتحان 3 ساعات) والتانى نايم على نفسه فلما زهق نزل يشرب شاى وهكذا ......  وبالنسبه برده للناس اللى بتغشش فده عبيط عبيط عبيط الخ الخ يعنى ايه واحد مذاكر يروح رامى مجهوده فى الارض ويوزعه على اللجنه؟ بالنسبه للموز مش محتاج توصيه :D منى.. ابقى صحيني لو نمت على الورقة منى مين؟ :D وعموما هى اللجنه اساسا مش تنفع تلعب فيها كوره حتى :D وربنا يسهل ونشوف اللجنه بشكل جديد السنه دى
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#3
24-01-2007, 01:37 PM
|
|||
|
|||
|
هههههههههههههه موضوع حلو يا خالد
__________________
تم حذف الصور المخالفة بواسطة الإدارة رجاءاً التزام القوانين ممنوع وضع صور الممثلين والمغنين شكراً لتعاونكم <div align="center">عاشقة منى زكى</div> |
|
#4
24-01-2007, 02:18 PM
|
|||
|
|||
|
الواد بتاع البلاليص ده انا من يوم ماشفوته وانا قولت عليه
^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ مرح والله مرح  :P
__________________
عندما تُخدع وعندما تتزوج بغير حبيبها</span></span></span></span></span> [/b] </span></div></span> |
|
#5
24-01-2007, 05:53 PM
|
|||
|
|||
|
ههههههههههههه
عثل عثل ذاكر تنجح........غش تجيب مجموع |
|
#6
24-01-2007, 06:00 PM
|
|||
|
|||
|
الحمد لله والله ما بغشش فى الامتحانات انا بغشش بس
وشكرا جدا على الموضوع
__________________
ممثل مدرسة أحمد حلمى الثانوية التجريبية  
|
|
#7
25-01-2007, 03:50 AM
|
|||
|
|||
|
موضوعك جميل كالعادة يا خالد
لكن فعلاً في الجامعات الغش بيختلف عن المدارس بطرق أخرى واحد كان عندنا في إمتحان من الإمتحانات في اللجنة كان قاعد جنب الشباك وحاشر ورقة كاتب فيها الإجابات على إطار الشباك وبينقل منها ولما قفشوه قال لهم دي ورقة موجودة من الأول مش بتاعتي.. ونقلوه لمكان تاني قريب من الشنط.. صاحبتي جاية تاخد الشنطة بتاعتها لقت ورقة من ورقه بتقع منها  دة مجرد مثال بس.. وهو مش أول ولا آخر واحد يغش اللجنة كلها عمالة تسأل بعضها والمراقبين ساعات يسحبوا الورق وساعات يسيبوهم <_< وشكراً ليك على الموضوع الطريف
__________________
<div align="center"><span style="font-family:Comic Sans Ms">ما أصعب أن يعطي الإنسان،، ثم يُقابل عطاءَه بالنكران</span></div> |
|
#8
27-01-2007, 05:19 AM
|
||||
|
||||
|
هههههههههههههههههههههه
انا قبل كده السنة اللى فاتت الواد خد ورقة اجابة واحد غش منها ...ولما حس انهم هيقفشوا رماها من الشباك :D
__________________
|
|
#9
27-01-2007, 05:38 AM
|
|||
|
|||
|
طب والله مرة جالنا امتحان الرياضيات في السعودية صعب جدا وكانت اللجنة بتاع 30 طالب
وكنت بمتحن تبع السفارة وانا الحمد لله كنت بأخذ دروس خصوصية في الرياضة فشبه مقفل الأمتحان فجه المراقب لاقاني كاتب كل حاجة في ورقة الأجابة راح قالي اكتبها في ظهر ورقة الأمتحان فكتبتها بعدين قالي هات الورقة بتاعة اديتهالوا وبعدين افاجئ ان الورقة اتصورت واتوزعت على كل اللجان والمراقب بكل خفة دم يجي يقولي شكرا ليك نجحت 3\4 من الطلبة العفو يعني بدل ما أغشش اللي جنبي ولا اللي قدامي لأ غششت 700 طالب في كل اللجان والله ما كنت اعرف ان ده اللي هيحصل
__________________
عشنا و شوفنا
ماليش تصريح ههههههه وعجبي  |
|
#10
27-01-2007, 07:24 AM
|
|||
|
|||
|
عادى جدااا
احنا مرة قعدين فى اللجنة ووصل الدكتور المشرف على المادة ولسه داخل وحيات ربنا متعرفش دى صدفة ولا ايه بالظبط شوية هوه يفتحه الشباك بتاع السكشن وتلقى برشام طاير من درج واحد زميلنا ونازل تحت رجلين الدكتور والواد وشه جاب على احمر وكان فاضل شوية ويموت بالسكتة القلبية من الخضة بس الدكتور عمل مش واخد باله من الورق ربنا يخليله عياله |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:34 AM.
