يا مستر اسامة ؟ ايه الغلط في كلامي .؟!!

[SmSm Basha]

سؤال الصواب و الخطأ انا عملت رقم 4 خطأ و ما زلت مقتنع بيها 100% .. و ياريت الـ عنده ادني تعليق على كلامي يقنعني بعكس كدا

اولا في القطعة :
Murad : Toll ! Ramy wird seinen Ball mitbringen . Da konnen wir FuBball spielen

السؤال بيقول :
Die Jungen mochten FuBball in Al-Fayoum spielen

انا جاوبتها انها خطأ بسبب :

اولا كلمت Jungen يعني جميع الشباب الذين ذكروا في القطعة لانه جمع و هما (اسامة و مراد و رامي و طارق و سمير )

اسامة :- اصلا معلقش على موضوع الكرة ولا رد على مراد يبقى ازاي اقول انه عايز يلعب كرة ؟؟
طارق و سمير :- اصلا مش حاضرين الكلام يبقى ازاي اقول انهم عايزين يلعبوا كرة ؟؟


ثانيا فعل konnen :
دا فعل يدل على القدرة او الامكانية moglichkeit و fahigkeit
يعني مراد لما قال عن لعب الكرة قال احنا هيبقى في امكانية اننا نلعب كرة

انما الفعل ال جه في السؤال هو الفعل mochten :-
و دا فعل بيدل على الرغبة او الامنية Lust و Wunsch

كلامي دا كله معناه :-
ان السؤال بيقول ان : الشباب كلهم (طارق و سمير و اسامة و مراد ) عندهم رغبة و امنية في لعب الكرة و الحقيقة ان دا لم يذكر في القطعة !!!!!!!!!!!!!

[h3ossam]

u r right


i made it nein also

[SmSm Basha]

حسام حبيـــــــبي اخيرا لقيت حد عملها زيي ??

[h3ossam]

i think it is right

but ..... lets wait until the right answer appears

[محمد نبيل البنا]

لالالالالالالالالالا
اكيد هيبقو عاوزين يلعبو كرة قدم يعنى مفيش شاب مابيحبش يلعب كورة
اما بخصوص mochten معنا زى will كدة بالانجليش بس الفرق ان mochten فيها رغبة
انا اعتقد ان الجمله صح ان شاء الله
وانا عملت بنصيحة المستر بتاعى فى قطعة ja و nein قالى وانت بتحلها خليك غبي متتفلسفش فيها وانا فعلا لو كنت فكرت فيها كان ممكن احل نفس حلكم
ان شاء الله التفوق يا شباب

[SmSm Basha]

اكيد هيبقو عاوزين يلعبو كرة قدم يعنى مفيش شاب مابيحبش يلعب كورة ؟؟؟؟؟؟؟؟

و انا بقى هامشي في كل الاسئلة بالفهلوة دي ؟؟؟؟؟؟؟؟؟؟؟؟
على كدة بقى محدش مبيحبش يروح رحلات و محدش مبيحبش يصحى بدري و محدش مبيحبش ياخد معاه كورة ؟؟؟؟؟؟؟؟؟؟؟؟؟؟؟

ياريت تقول كلام منطقي تقنعني بيه !!!!!

[محمد نبيل البنا]

وهو حضرتك مش شايف ان حلك دة فهلوة
دة هو دة الفهلوة بعينها
يعنى هو فى القطعة بيقولك هخلى مراد يجيب كورة معاة
وسائلك بيقولك هو الشباب هيلعبوا كورة فى الفيوم ولا لأ
تيحى انت تقوله لأ
بأي منطق جاوبت الاجابة دى
ومادام انت بتقول طارق وسمير مش معاهم عشان كدة المفروض منجاوبش صح
طب انا بقول ان كلمة jungen دى عايدة على اسامة ومراد
براحتى بقى افسرها زى ما انا عاوز

[تامر يسرى]

بكل بساطة الامتحان مش محتاج كل الابعاد دى ده مجرد سوال فى امتحان لغة مش مسالة لوغاريتمات و ربنا يعوض عليك و علينا درجة هذا السؤال اللعين

[O_zamalek]

المشاركة الأصلية كتبت بواسطة محمد نبيل البنا

لالالالالالالالالالا
اكيد هيبقو عاوزين يلعبو كرة قدم يعنى مفيش شاب مابيحبش يلعب كورة
اما بخصوص mochten معنا زى will كدة بالانجليش بس الفرق ان mochten فيها رغبة
انا اعتقد ان الجمله صح ان شاء الله
وانا عملت بنصيحة المستر بتاعى فى قطعة ja و nein قالى وانت بتحلها خليك غبي متتفلسفش فيها وانا فعلا لو كنت فكرت فيها كان ممكن احل نفس حلكم
ان شاء الله التفوق يا شباب

أنا برضه ماردتش اتفلسف عليها
وقولت أن ماحدش رد واعترض ان لأ مش هنلعب

[princess yoyaa]

انا عملتها ja على اساس ان مراد قال toll ده معناه ان مراد و رامى عايزين يلعبوا كورة و اللى فهمته ان طالما هو قال toll يبقى هم كلهم هيكونوا عايزين او بيحبوا الكورة
و لو خدنا ان مراد و رامى هم اللى عايزين يبقى برده السؤال عنهم هييجى بصيغة الجمع عشان هم 2 (die jungen )
انا كنت متردده بس لقيت ان الاقرب للاجابة ja
خاصة ان مفيش اعتراض من اسامة
و طالما فيه امكانية للعب فالامكانية بتيجى عن رغبة

[UW'KNIGHT]

المشاركة الأصلية كتبت بواسطة princess yoyaa

انا عملتها ja على اساس ان مراد قال toll ده معناه ان مراد و رامى عايزين يلعبوا كورة و اللى فهمته ان طالما هو قال toll يبقى هم كلهم هيكونوا عايزين او بيحبوا الكورة
و لو خدنا ان مراد و رامى هم اللى عايزين يبقى برده السؤال عنهم هييجى بصيغة الجمع عشان هم 2 (die jungen )
انا كنت متردده بس لقيت ان الاقرب للاجابة ja
خاصة ان مفيش اعتراض من اسامة
و طالما فيه امكانية للعب فالامكانية بتيجى عن رغبة

2222222222

[Herr osama]

ja
الاجابة الصحيحة