اكتر حاجه أثرت فيك وخليتك تبكى بحرقة من الندم

[samar saad]

ازيكم كلكم وايه اخباركم , انا النهارده بجد حبيت اتكلم عن موضوع كلنا لازم نتكلم فيه كبرنا وصغيرنا , الموضوع هو ان احنا ساعات كتير جدا بنبعد عن ربنا وبننسى ان فى حاجه اسمها موت وفى حاجه اسمها عذاب الاخرة وفعلا بتاخدنا الحياة وتلهينا , لكن اوقات بتحصلنا حاجات تصحينا وتصحى ضميرنا الغافل والتايه , انا عايزة كل واحد فينا يحكى بجد ايه اكتر موقف حصله فى حياته وصحاه بجد وصحا ضميره لدرجه انه بكى فعلا بحرقة وندم اشد الندم انه مأثر جدا فى حق نفسه وحق ربنا, يعنى انا مثلا هحكلكم حاجه وهبتدى بنفسى الاول لانى بجد أتأثرت جدا , الكلام ده حصلى امبارح كنت قاعده انا واخواتى فرحانين ومبسوطين وبنضحك ونهزر وزى اى اخوات لما بيهزروا وفجأءه سمعنا صوت انفجار جامد وشوفنا نار من الشباك فجأة الضحكة والابتسامه راحت ومعالم الحزن والخوف ظهرت وصويت جامد من برة وناس بتجرى وناس بتموت خرجت لقيت الاسعاف والبوليس والدنيا مقلوبة برة لقيت البيت اللى ورانا انفجرت فيه امبوبة غاز وحرق البيت واحنا كنا ققرب بيت ليه حسيت ان بجد الدنيا دى لحظة فرح ولحظة حزن , حسيت انى كان ممكن اموت وانا مأثرة فى حق نفسى مع انى والله بصلى وبحفظ قرأن بس برضوا كلنا بنغلط واكيد فى حاجات تانية الانسان بيغلط فيها , عيط وحزنت جدا على اللى ماتوا وقولت الحمد لله , الحمد لله ان ربنا انقذنا ودعتلهم بالرحمه , ياريت بقى كل واحد فينا يحكى ايه اكتر حاجه فعلا أثرت فيه بجد وأدعوا ارجوكم للناس اللى ماتوا دول بالرحمه وليكم الثواب

[Eng..LiNa]

اكثر موقف بكيت فيه بحرقة كان من شهر
كنت واقفة مستنية مواصلات وواحد واقف قريب مني معرفهوش ولكن شكله مش كبير
وفجاة عربية ملاكي عدت وطيرته وطبعا مات (الله يرحمه ويسكنه الجنة)
يومها انا عيطت طول اليوم والناس بقت تقولي انت تعرفيه ؟؟؟هو قريبك؟؟؟؟؟؟؟؟
من كتر ما بكيت دا الموقف اللي بكاني بجد وفوقني
والفكرة عموما جميلة
شكرا

[samar saad]

ميرسى ليكى وربنا يرحمه يارب

[yomna1993]

بجد موضوع جميل جدا و لازم كلنا نهتم بالتفكير في الموت اكتر حاجة
لان لا مفر منه في اي وقت و كل واحد لازم يكون مستعد له في اي لحظة
ربنا يرحمنا يا رب
انا بفتكر الموت في كل لحظة في اي حاجة بعملها الحمد لله
و مواقف كتير اوي خلتني اخاف اوي ان الحياة ممكن في غمضة عين تنتهي من غير ما نكون جاهزين
الكلام ده من و انا صغيرة جدا و كنا مسافرين بالعربية و كنا هنعمل حادثة كبيرة اوي بس الحمد لله ربنا كرمنا
بس شوفت العربية اللي قدامنا اتقلبت و مات اللي فيها و شوفت منظر مش قادرة انساه ابدا
و الله حاجة صعبة اوي
و فعلا حسيت ان الموت قريب من اي حد مش بالسن او المرض زي ما ناس كتير معتقدة
اللهم لا تجعل الدنيا اكبر همنا
و جزاكي الله خير

[samar saad]

الحمد لله يا يمنى وجزاك الله كل خير

[عبدالله حسن رياش]

أشكرك أولا على الموضوع الرائع
الإنسان فينا إلا من رحم ربي
إذا مر به موقف صعب يتذكر الله ويندم وسرعان ما يعود للضلال مرة أخرى


من كتر سفرياتي من محافظتي إلى القاهرة
طبعًا حوادث الطريق حدث ولا حرج


لكن أصعب حادث سيارة سقفها مطبق الناس اللي فيها
لدرجة أجزاء من الرأس وجدتها بجواري
بجد كان موقف صعب