تطرف امتحان رياضة(i)كان لمصلحة مين ؟؟؟؟؟

[A.ra7man1]

سلام عليكم ورحمة الله وبركاته
كيفكم الحمد لله تمام
واخبار الاجازة .. ؟
_____________
كنت فاكر انى الكتب الموضوع ده بعد امتحان الجبر ولكن الوقت ما كان يسع .. المهم انا كنت اناقش موضوع ان امتحان الرياضىات السنة كان وسيلة تحطييم وليس ت وسيلة تقييم
بعنى ان احنا يوم ما امتحنا امتحان التفاضل كان امتحان مفاجئ وغريب جد وصعب,,,,,,,,, وبعد شكاوى الاهالى فى مصر كلها
فوجئنا بامتحان الجبر هل للغاية ..
________
طيب ليه كدة ومن المستفيد؟؟

يعنى لما يحاولوا يقيموا المفروض الامتحان يكون موضيعى يعنى يوم ما يصعب يصعب اوى ويوم ما يسهل يسهل اوى .
يعنى المفروض بدل ما يحطموا الناس فى فرع مادة معينة ويسهلوا الفرع التانى ع الاخر كان يبقى فيه موازنة شوية ..
وبعدين ليه غيروا الامتحان ...؟؟؟خوفا من اقالة من هم فى الوزارة ام الامتحان كان هو هو ؟؟؟ اتحدى ان الجبر اتغير
___________
على العموم انا مش هتكلم كتيير علشان اتكلمنا كتير قبل كدا
بس مش هقول غير
حسبى الله ونعم الوكيل..

_______________

[أسامه عز]

امتحان التفاضل من الكتاب المدرسى ودليل التقويم ليه متذكرش كل الكتب المقرره عليك كلهم كتابين .................................................. .................................................. .................................................. ....
السنه طويله

[A.ra7man1]

المشاركة الأصلية كتبت بواسطة أسامه عز

امتحان التفاضل من الكتاب المدرسى ودليل التقويم ليه متذكرش كل الكتب المقرره عليك كلهم كتابين .................................................. .................................................. .................................................. ....
السنه طويله

اولا انا بناقش حاجة معينة
ثانيا حضرتك قوللى فين فى الدليل او الكتاب
وخصوصا المسالة بتاع ثالثة اعداى!!!!
___
تسلم للمشاركة وياريت نتناقش!

[محمود الشافعى]

• العيب حضرتك قى مدرسك الخصوصى لانة لم يدربك على هدة النوعية وخصوصا مسائل الدليل

[الأستاذة أم شاهندة]

معظم الخلاف فى موضع المنهج التراكمى
وأعتقد أنه مفروض أن ما نتعلمه فى إحدى السنوات لا ننساه فى السنوات التى بعدها
وإلا ما سألنا فى اللغة العربية عن المبتدأ والخبر والفاعل والمفعول لأنهم بدايات القواعد
وما سألنا فى الرياضيات مثلا ُ عن جدول الضرب
المشكلة جاءت من عدم التنبيه على أن كل ما درس خلال الفترة الماضية فى سنوات الدراسة المختلفة يحب معرفته
للأسف اتعودنا يدخل الطالب الامتحان يحل وبعد شهرين تلاتة تعال قوله فاكر موضوع كذا من المنهج نفسه
يقولك مش خلص الامتحان خلاص
يجب ترسيخ مبدأ أن التعلم للعلم وليس للإمتحان
لا تقلق إن شاء الله النتائج حتكون مرضية وربنا يوفقك

[سيد معروف]

أمتحان التفاضل موضوع خصيصا لاحراج المدرسين الخصوصيين خاصة فى مادة الرياضيات لان معروف أنت الطلبة سوف تخرج من أمتحان التفاضل تراجع لامتحان الجبر فى اليوم التالى مما يؤدى إلى أحراج المدرسين الخصوصين وهذا نلاحظه فى السنوات 2002 - 2004 - 2006 - 2008 - 2010 كان أمتحان التفاضل فيه حاجات صعبة فى وقتها اما امتحان الجبر فكان سهل جدا أما أختبار التفاضل وحساب المثلثات كان 90 % منه للطالب الممتاز وأى حد يقول غير كدة يبقى بيغالط نفسه نقطة واحدة من 10 نقط للطالب العادى 7 نقط للطالب الممتاز ونقطتان للطالب المبدع ( خيال علمى أو المنقرض )

[الاستاذ محمد سرور]

المشاركة الأصلية كتبت بواسطة سيد معروف

أمتحان التفاضل موضوع خصيصا لاحراج المدرسين الخصوصيين خاصة فى مادة الرياضيات لان معروف أنت الطلبة سوف تخرج من أمتحان التفاضل تراجع لامتحان الجبر فى اليوم التالى مما يؤدى إلى أحراج المدرسين الخصوصين وهذا نلاحظه فى السنوات 2002 - 2004 - 2006 - 2008 - 2010 كان أمتحان التفاضل فيه حاجات صعبة فى وقتها اما امتحان الجبر فكان سهل جدا أما أختبار التفاضل وحساب المثلثات كان 90 % منه للطالب الممتاز وأى حد يقول غير كدة يبقى بيغالط نفسه نقطة واحدة من 10 نقط للطالب العادى 7 نقط للطالب الممتاز ونقطتان للطالب المبدع ( خيال علمى أو المنقرض )

الحمد لله انا محدش احرجنى

بس عايز اقولكم حاجة ليس من الطبيعى ان يقوم المدرس بشرح جميع المناهج السابقة + منهج الصف الثانى الثانوى سواء فى المدرسة او الدرس او المركز

وهنا تضح الفروق الفردية بين الطلاب ..لانه ليس من الطبيعى ان يحصل كل الطلاب على 50 درجة
وهم لا يعلمون عن المادة الا منهج هذا العام فقط ..فال 50 لايحصل عليها من استطاع الالمام باكبر كم من علوم الرياضيات + منهج هذا العام

اطيب الامنيات بالتوفيق

[mera_mar21]

على فكرة احنا ادربنا على معظم افكار اولى ثانوى وتالته اعدادى البعيده اوى انه يجيبها ومع ذلك متعرضناش للفكرة دى بس الحمد لله فى الامتحان خطرت على بالى وحليتها وثبت النظريه كمان وده لانى كنت بحب هندسه تالته اعدادى جداااااااااااااا
والبركه فى مدرستى ربنا يبارك فيها

[A.ra7man1]

اولا :شكرا لكل اللى شارك معانا
_______________________________
ولكن انا عايز اسال سؤال ليه التفاضل ييجى صعب جدا والجبر ييجى سهل جدا؟؟
انا مش بقول كده علشان حد يطلع يقول فى باله دلوقتى (هو ماله او انت يعنى خبيير وانت اللى المفروض تتكلم على الامتحان))
لا لا . ان عايز اعرف بس من مدرس خبرة ايه الفكرة
ولا الاتنين كانوا فى مستوى واحد ؟ بس الناس كانت طالعة بتعيط فى التفاضل وكانت فرحانة جدا فى الجبر.
هو ممكن فعلا علشان احراج المدرسين كم يقال ؟؟
الله اعلم .. على العموم كل حد ربنا يعطيه على قد نيته سواء كان الوزيراو الاساتذة اللى وضعوا الامتحان.
اه افتكرت هو احنا من امتى كان مطالب منا الهندسة بتاع تالتة اعداى وخصوصا ان احنا فى رياضيات 1 بندرس تفاضل ومثلثات بس ؟
من اىامتحان من امتحان السنوات السابقة كان مطالب هندسة فى امتحان التفاضل ؟
مش عارف هو انا اللى غلطان ولا ايه الوضع ؟
ياريت يا جماعة اللى يعرف يقوللى
___________________________
على فكرة فى اى امتحان انجليش ممكن يجيب اى شيئ م المنهج اللى فات لان دى لغة وما ينفعش نقول الكلمة دى ما اخدنهاش ؟ ده بالنسبة للانجليش..
_______________________________
لكن امتحان الرياضة عمرنا ما كنا مطالبين بحاجة مش علينا او مش بندرسها خالص يعنى لو كان جاب برهان مثلا كان موقف الاساتذة هيبقى ايه؟ عادى برضو ولا ايه ؟؟
_________________________
وناسف ع الازعاج والكلام الكتيير
______________________

[حمدى البيلى]

بسم الله الرحمن الرحيم

دائما أمتحان الرياضيات فية ربط بين المناهج وتواصل
فى امتحان1997 مساحة الدائرة 2أعدادى

2003 خواص التناسب3أعدادى

2006 التحليل باستخدام القانون العام3أعدادى
2008 خواص الشكل الرباعى الدائرى3أعدادى
2010الزاوية المماسية3أعدادىوأولى ثانوى ترم ثان
بمعنى الرياضيات فيها تواصل دائم
المهم أن الطالب يحاول أن يسترجع ما درسه لخدمة المنهج الحالى
غير كدا منهج3 ثانوى كلةمن منهج أولى أعدادى
يعمل أيه نلغى المنهج ولا أيه
ربنا الموفق

[الشارد الشديد]

الى الاستاذة اللي بيتكلموا انا اسف وكل الاحترام ليكوا بس انتوا كنتوا بتاخذوا فلوس كثير ة وكان من حقنا عليكم تقولوا ان هيجي تراكمي مش تقول زي العربي استاذة العربي قالوا هيجي كل شي انتوا استهترتوا حسبي الله ونعم الوكيل فيكوا معلش دي حرقة قلب نار طالب حل الدليل والكتاب المدرسي والوسام والمعاصر و100% ولامي والماهر ومش وجد ثمرة تعبه يا سيدي الفاضل دي مش فروق فردية فين الفروق دي في التذكر هو دا الفرق ولا ايه انت محدش قلك مثلا عن قانون واخده في خمسه ابتدائي عن مسالة ما تعرف تحله وانت في ثالثة ثانوي دا مش فرق فردي طيب انا كنت اعرف احل السؤال الرابع بس الوقت المتبقي معي كان 10دقائق المدرسين بيتكلموا وهم عندهم 35,30,40سنة عن امتحان لطلاب 16سنة اللي عندهم 35.40يحلوا المتحان ويقولوا سهل طبعا ما انت شعال في المادة ولو مش قلت كدا تكون مصيبة المتحان كان فوق المتوسط 65%في السؤالين الاول والثاني والثالث وكان بنسبة95%في الرابع والخامس وأحب اقولو ليكوا شي افتكروا امتحان الكادر وانتوا كنتوا بتشتموا الوزير علشان بيمتحنكوا في حاجات المفروض انكم تعرفوها هي مش تراكمي زي العربي لغتكم وطرق التربية والتعليم اللي حضرتكم مش بتتعملوا بيها اصلا هو دا مش خدتوه في الكلية (انا اسف )

[ningooooo]

اولا المسألة اللي في السؤال الخامس موجودة في دليل التقويم (الفكرة) لكن مش الارقام طبعا

و اقرب امتحانت كان بتاع 2008 كان فيه الشكل الرباعي الدائري

و لازم كلنا نكون فاهمين ان ربنا مش بيضيع مجهود حد و كل واحد بياخذ علي قد عمله

و انا والله غلطان في حاجات تافه بس الحمد لله

[حمدى البيلى]

على فكره أسلوب واضع الإمتحان

بيشوف كل الكتب لم تتعرض لفكرة أية ثم يضعها فى الإمتحان

عشان كدة لو فية خمسين امتحان تفاضل أؤكد لك أنك لن تحل ب فى السؤال الخامس أيضا

أيضا رقم ب فى السؤل الخامس فى الترم الثانى للصف الأول الثانوى يعنى مش بعيدة أوى عنك

مع العلم أن فية عددقليل من الطلاب حلته أيضا

ونصيحه لك

فى الصف الثالث الثانوى أبعد عن الرياضيات من كل قريب أو بعيد يعنى خد مادةأ دبية أحسن