سامحي ابوكي او امك قبل متندمي زيي

طالبة ولكن · #1 12-08-2010, 03:03 PM

طبعا الموضوع منقول من احد المنتديات النسائية

الموضوع

بعد 3 ايام هيبقي فات سنتين انا بعترف اني خدت وعود وعهود قدام ربنا وولا وفيت بواحد منهم
تعالو احكيلكم من الاول... بس اصبروا .. واتحملوا..
انا اصغر اخواتي طول عمري كنت دلوعه ابوياالكلمة كلمتي واللي عيزاه بيتنفذ كان صاحبي انتيمي وروحي كانت فيه لحد ماحصل اكبر خلاف ف حياتنا رفضه لجوازي بس كان المسمار اللي اتدق ف نعش اجمل علاقة هو كأي اب عايز مصلحة بنتها لانه باصص لحاجات تانيه مفهمتهاش غير بعدين وانا طبعا الحب عندي الاساس وطبعا هو ش فاهم ويمكن عشان رفض بقسوة تتناقض مع الحب اللي فات قلبي اتوجع
تخيلو اب وبنت كانو اصحاب قوي بقيت اعدي قدامه يتمنالي الموت ويقولي هتفضحيني وهقتلك شك ف كل تصرفاتي رغم اني قلت من البدايه ومخبتشي تهزيق وتريقه ف الرايحة والجاية ومراقبه ابتدي الشيطان يلعب لعبته كرهته بقيت بتمناله يموت هو كمان عشان اتجوز حبيبي تخيلوا اتمني كده لابويا طبعا كل ده علشان الحب واتقدم لاختي واحد اقل من مستوي جوزي بكتير لامستقبل ولا شقة ولا وظيفة ولا عيلة ووافق بابا عليه بقيت هتجنن تخيلوا كان رده عليا ايه اصلها محبتهوش زيك ياللي فيكي وفيكي...
طبعا خلاص بقي الكره اتاكد وفعلا بقيت عايشة معاه عشان الفلوس بس لامشاعر ولا عواطف ولاحب زي زمان 10 سنين انا وهو ف حرب بارده لحد مالقدر لعب لعبته ووافق ابويا علي جوزي وانا ف ذهول وافق كده عادي بعد 10 سنين نصيب ومكتوب فعلا الا ان موافقته للاسف مغيرتشي مشاعري كان الكره اتحكم وطرد الحب كنت بهرب من اي قاعده تجمعنا باي شكل حتي ف فرحي بيبوسني مكونتش حاسة للبوسه طعم كان يجي يزورني بعد الجواز وشايل ومحمل وانا مش فرحانه بالزيارة وبقول امتي تقوم عدي 7 شهور علي جوازي اكتشفنا ان ابويا مريض بالكبد جوزي كان مش بيسيبه ربنا يكرمه وكان القدر خلاه وافق علشان كده مكونتش متأثرة بتعبه مش عارفة الكره ده كله جاللي منين القلب ده شكله ازاي لحد ماجوزي جاللي مرة وقاللي حرام عليكي انسي اللي فات ابوكي تعبان بعدها بيومين تعب قوي وكانت المصيبه سرطان ف الكبد والحالة مش حلوة خالص اخر يومين كنت فعلا جنبه بس متخيلتش انه هيروح لحد مالنهاية اتكتبت عمري مكونت اتخيل اني هبكي كده وان جوايا حب انا نفسي متخيلتهوش الدموع منشفتش من عيني كنت اروح شقتي ف نفس الميعاد اللي كان بيجي فيه اسمع الجرس وابص من العين السحريه اشوفه اخبط راسي ف الحيط وابكي كنت انا نفسي ف نفس المكان بقف واول يوووووه اد ايه انا حقيرة خدت من الحب والجواز ايه وانا كنت اتمني تسامحني يابابا مكنتش بعرف اقعد ف الشقه كنت بنهار لحد
ماشوفت الحلم ده يوم الوفاه بعد ماصليت الفجر حلمت ان ابويا لابس حلو قوي وماسك شنطة سفر وطالع يركب اتوبيس وكلنا واقفين بنودعه وانا الوحيده اللي بعيط قال انا اتاخرت انا همشي بقي سلموا عليه كلهم ونادني قاللي بتعيطي ليه قلتله عشان مسافر وانت زعلان مني قام حضني وقالي ياهبله دنا محبتشي ف حياتي ادك دنا عمري مزعلت منك انا بس كنت بشوف حاجات منتيش شيفاها وطبطب عليا وقاللي انا همشي بقي لا اله الا الله قمت اقولها من النوم واشد ف جوزي واحكيله كنت حاسة لسه الحضن انا بقراله الفاتحة كتير وبدعيله وبقراله قران ف رمضان وبتصدق عليه قدر الامكان بس لحد دلوقتي نفسي يرجع ساعه اقوله اني مكونتش فاهمة الذكري الثانوية لابويا بعد يوميبن ادعوله يابنات والللي مختلفة مع ابوها او امها علي جوازة او حاجة تانية اسمعيهم يمكن فيه حاجة منتيش شيفاها مش بقولك سبيه لا عالاقل هيوضحولك صورة محياها الحب
الله يرحمك يابابا كنت السند وانا مش واخده بالي كنت الحماية اللي بغبائي برفضها وفاكرة اني جوزي بيحميني اهو مد ايده عليا بعدك
اهو شتمني وعمره ماعملها ف حياتك صحيح انا مسمحاه
بس انا نفسي تسامحني