اهم انجازات الرئيس مبارك وحكومته

[SwOrD OF JusTice]

متتغروش من اسم الموضوع وعلى رآى الكبير قوى خااااااربها




1-الماء اللى أصبح فى خطر وربما نصحو يوم ونجد النيل وقد جف

2-الكهرباء المقطوعه

3-العيش اللى بالطابور

4-اللحمه اللى سعرها تضاعف فى يومين

5-الأسعار اللى بقت نار

6-البطاله اللى موجوده فى كل بيت

7-التعليم اللى حاله لا يسر عدو ولا حبيب

8-خروج مصر من التصنيف فى أول 500 جامعه ولن ندخل هذا التصنيف أبدا بهذه المنظومه

9-صفر المونديال على يد على الدين هلال أمين التثقيف فى الحزب الوطنى

10-الديون اللى على مصر واللى عمرها ما حاتتسدد كان فين الحزب من 30 سنه.

11-زيادة الدين الداخلى والذى تعدى حدود الأمان الدوليه المتعارف عليها

12-فشلنا فى تصنيع أى منتج مصرى محترم اللهم إلا صناعة التجميع وياريتنا ناجحين
فيها

13-فقد مصر الرياده فى كل مجالات الحياه خاصة فى البلدان العربيه الشقيقه

14-الصحه والفساد الذى إستشرى فيها ومستواها الذى وصل للحضيض بشهادة السيد الرئيس (عملية الغضروف وعملية المراره بالمانيا)خير دليل على مستوى الصحه بمصر

15- الفساد الضارب فى كل أوصال مصر وبالمصادفه كل قضية فساد تجد أحد أطرافها عضو بالحزب الوطنى

16-عدم تنفيذ أحكام القضاء من كل مؤسسات الدوله وعلى رأسها مجلسى الشعب والشورى

16-موت أكثر من 1000 مصرى غرقا بالبحر والمسؤل يحتفل بغرقهم فى شوارع لندن وإحتفال أخر بإستاد القاهره
وإحتراق القطار بمن فيهم فى صباح العيد

17-حوادث المرور التى تحصد عشرات الأرواح يوميا

18-قضاء المصالح فى أى مصلحه عن طريق الرشوه حتى لو خالفت القانون أو لم تخالفه

19-لم نسمع عن مسميات أخرى للنواب إلا فى هذا العصر (نواب القروض-المخدرات-ا... على نفقة الدوله-الكباريهات... الأراضى-الإحتكارات حديد وخلافه-وغيره

20-فضيحة التعديلات الدستوريه الأخيره خاصة الماده 76-كان فاضل يكتبوا أسم السيد /جمال

21-غرق الأسواق بالمنتجات الصينيه من الأبره للصاروخ أليس ذلك دليل فشل الصناعه فى مصر

22-الإحتكارات فى مجالات -الحديد-الأرز-الز... وما يسببه من إرتفاع للأسعار غير المبرر

23-عندما بدأ الموبايل بمصر كانت الدقيقه 3 جنيهات وللتنافس وعدم الإحتكار أصبحت بقرش وفى بعض الأوقات ببلاش وهذا هو تأثير التنافس الطبيعى وعدم الإحتكار للأى سلعه

24-إستشهاد كبار رجال الحزب الوطنى بالسوق العالميه فى ما يخدم أرائهم فقط أما ما ينفع الناس فيكون الرد الجاهز هو مصر بلد ليها خصووووووصيه مثال(الأسعار-الإن... الطوارىء-وغيره وغيره

25-تطاول الكثير من بنو الجنسيات الأخرى على المصريين والذى لم يحدث من قبل

26-التخصص فى تزوير الإنتخابات بحيث أصبح يضرب بالمصريين المثل فى هذا المجال

27-بيع ثروات الشعب دون الرجوع لإرادة الشعب وأقرب مثال (بيع الغاز المصرى لإسرائيل)

28-بيع الأراضى وشركات القطاع العام وأى شىء وكل شىء أليس دليل قصور فى تفكير المسؤلين اللذين كان من المفترض أن يحافظوا على ممتلكات الشعب بل ينموها

29-فى إنتخابات 2005 أقسم السيد صفوت بأغلظ الأيمان أنه سوف يفصل كل من يخرج على الحزب الوطنى من أعضاؤه وفوجئنا بأنه ضم كل من نجح من المستقلين إلى عضويته حتى من خرج على سياسات الحزب فبماذا
نسمى ذلك أخجل أن أقول؟

30- زيادة معدلات الفقر ويشهد على ذلك _إرتفاع عدد المستفيدين من بطاقات التموين-وعدد شنط رمضان-وزيادة حالات الشحاته فى جميع وسائل الإعلام

31-زيادة أعداد المتعلمين بدون تعلم حقيقى وإسألوا مكاتب الطلب للعماله المصريه فى الخليج وغير الخليج

32-إنتشار ظاهرة الإنتحار بسبب الفقر والعنوسه وإنتشار وزيادة ظاهرة البلطجه لعدم سيادة القانون على الجميع الكبير قبل الصغير

إنتشار ظاهرة ترقيع غشاء البكاره وزيادة حالات الإجهاض ولو مش عارفين إسألوا.

33-إنتشار الفوضى فى الشارع المصرى من أول ميكرفونات الجوامع إلى أفراح الشوارع إلى ثقافة الميكروباص
والبلطجه على الركاب الغلابه ولا يوجد من يحميهم

34-إنتشار ظاهرة التدين الشكلى فلا نجد لهذا التدين أى تأثير على حياة الناس(مسلم أو مسيحى) وعند أول إختلاف نجد قتيل وإتنين لعدم أحساس الناس أن هناك من يقتص من الجانى فلجأ الجميع لثقافة أخذ الحق بالذراع أو تأجير بلطجيه للقيام بذلك نيابة عن صاحب الحق ودى مصيبه.

35-إنتشار العشوائيات وما يستتبعه من أخلاقيات غير حميده ومردودها السىء على الجميع.

36-فساد وزارة رجال الأعمال وما يترتب عليه من تداخل فى المصالح.

37-كيف يكون الوزير وزير وفى نفس الوقت نائب عن الشعب فكيف سيحاسب نفسه فى البرلمان وهذا ما تكاد مصر تنفرد به من دون الأمم

38-إهتمام الدوله بكل ما هو تافه مثال(الكوره ومع ذلك لم نصل لكأس العالم




بعد كل الى شفناه لو مقلناش نعم للتغيير يبقى شعب يستاهل كل الى بيحصل فيه




ياجمال ابوك باع الغاز لاسرائيل ياترا جه الدور عليك علشان تبيعنا لاسرائيل



نعم لصلاح الدين القادم نعم للبرادعى

[canavar000]

انا بس بطمن انت لسه موجود ولا اتخد امن دوله
هههههههههههههههههههههههههههه

[وجدان حنفي]

يابن الناس انا خايف عليك والله

خف من مواضيعك شوية ويا ريت تمسحه اصلا

اصل المنتدى ليه ودان

[وردة امل]

كل الانجازات دى
عشان الخطة المعمولة
لانتخابات الرياسة
الجديدة

[Free angel]

ايه ده
انا ايه اللى دخلنى هنا

ولا اعرفكوا ياجماعة

بس احتمال ابقى اجبلك عيش وحلاوة

[a7mad 3abdo]

ايوة انا معاك ان كل دا حصل مع الريس مبارك
بس كل حياته ماكانتش فساد
كان فيه طبعا جانب اصلاح , ... الخ
يعني مش لازم نذكر المساوئ دائما .
انا مش بدافع عنه , بس الراجل زي ما عمل الكويس عمل الوحش
وربنا هو اللي بيحاسب في الاخر
حتي لو الوحش كان اكتر من الكويس
محدش عارف الخير فين
والمثل بيقول اللي تعرفه احسن من اللي ما تعرفوش .
انا لا اميل الا البرادعي لانه قضي معظم حياته خارج البلاد
وبفضل عمرو موسي او اي حد متعمق في السياسة ( يعني مجال شغله السياسة مش العلم )
ودا رأي شخصي جدا ,
شكرا علي المجهود , جزاك الله خيرا .
تقبل مروري .

[emadcom]

أهم إنجازات الرئيس مبارك؟
ههههههههههههههههههههههههه
فقر , سواد , ظلام . يأس , جشع , إستعباد للعباد
خدنى معاك يا hellmster

[love ur life]

الريس دا
والله جوه قلبي وانا بحترمو جدا ذى ولدي

[دى برولى]

ايه يا جماعة
انتوا مش أعدين فى بيتكوا وفى أمان
خلاص يبقا مش نائصكوا حاجة كتر خيروا عمل الى عليه


الله على الظالم اذا كان ظالم هيحاسبه
وان بعض الظن اثم



زى ما قالت سمر والراجل زى ماعمل طالح عمل صالح
وربنا هو البيحاسب فى الآخر

[SwOrD OF JusTice]

اممممممممن الدوله وصصصصصصصل




متخافوش عليا الاى بى بتاع الروتر مش ثابت




ميقدروش يعملوا حاجه ماما امريكا حاضره (حريه شخصيه) هع هع هع