انتبهو ا

[boudy1983]

انا شوفت صور الكتابين بتوع العلوم لابد من ملاحظة ما يلى جيدا:
1- لا يوجد اسم وزارة التربية والتعليم على الكتابين
2- لا يوجد اسماء المؤلفين كما تعودنا
3-لا يوجد ما يدل على انه كتاب هذا العام اى (2010/2011)
4-لا يوجد فى بنر الصفحات اى دليل على انها كتب الوزارة

وهذا ان دل فانه يدل على ان هذه الكتب ليست الكتب المقررة للطبع ولا تنسو ان الوزارة بتعمل مسابقة كل دور نشر تتقدم بكتاب وعلى الوزارة تختار اى الكتب وعلى حد علمى ان مسابقة العلوم دخل فيها 5 دور نشر مختلفة اى انه هناك خمس انواع من الكتب مختلفة فلن يستطيع احد ان يجزم ان اى هذه الكتب تم اختيار ه لان الوزير عامل تعتيم على الموضوع ومانع دور النشر من اصدار اى كتب خارجيه والسبب معروف طبعا لانه يريد ان يحجم من الدروس الخصوصية وفعلا هو ذكى جدا فى الموضوع ده وكما فيه حيله اخرى اخترعها عطلت الدروس الخصوصية خالص وهى انه ذاع انه هيحذف 30% من المناهج من الصف الاو ل الابتدائى الى الثالث الثنوى اى انه لا يستطيع مدرس فى مصر حتى هذه اللحظة ان يبدا فى الدروس وهو متاكد من ان الدروس سوف تكون موجوده او تحذف وكتاب الرياضيات اللى نزل كما ممكن يكون من الكتب التى لم تطبع ولم تعتمدها الوزارة ...
فلنصبر يا اخوانى كلها اسبوع وتبان كل حاجة بس فيه حاجه عاوز اقولها انا بهنى الوزير على اللى عملو لان اللى عملو فعلا عمل واحد ذكى لانه بالفعل انا مش قادر ابدا دروس وحتى اللى بدا غير متاكد من الذى يعطيه للطلبة وفى النهاية ارجو من حضراتكم التعقيب على ما ذكرت وكل سنة وانتم طيبين

[هيما هيما]

هنصبر اكتر من كدا ايه تااااااااااااااااااااااااانى؟

[Hisham_physics]

إنت شايف إن اللي بيعملة ده صح ؟؟؟؟؟؟؟؟؟؟؟
تأخير الكتاب لهذا الوقت صح ؟؟؟؟
المدرس يخش للطلبة أول يوم في الدراسة و هو مش عارف إزاي هيشرح الدرس ده صح ؟
و بعدين دروس إيه اللي عايز يلغيها ؟
مهو لو إتحسنت أحوال المدارس و أحوال الكتاب المدرسي الدروس هتقف لوحدها ( الموضوع مبيجيش بالعافية ) و الدليل على كده كام وزير قبل كده و قرر يلغي الدروس ، عرف يعمل حاجة ؟
و بعدين زي ما الطبيب له الحق في العمل بالمستشفى و كمان بالعيادة
فالمدرس له الحق برده في العمل بالمدرس و كمان في الدروس
إيه وجه الفرق بين الطبيب و المدرس ؟؟؟؟؟؟؟؟؟؟؟؟

[أسامة يعقوب]

قال تعالى "وَاصْبِرْ وَمَا صَبْرُكَ إِلاَّ بِاللّهِ وَلاَ تَحْزَنْ عَلَيْهِمْ وَلاَ تَكُ فِي ضَيْقٍ مِّمَّا يَمْكُرُونَ "

[مستر عبدالرحمن المغربى]

اللهم استرنا فوق الأرض وتحت الارض ويوم العرض عليك

[alaamoner30]

والله كلام معقول
انتا بتتكلم صح
الكتابين مش عليهم اسماء مؤلفين
ولا اى حاجة تمت إلى الوزارة بصلة
نصبر بعد العيد ويفرجها ربنا - إن الله لا يضيع أجر من أحسن عملا
والناس اللى اشتغلت التفاعلات متندمش
والناس اللى راجعت متندمش
وان شاء الله المنهج يبدأ بجزء كيمياء

[عبدالرحمن جودة]

اللهم استرنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مستر حاتم فتحي]

والله احترنا واحتا دليلنا معاهم

[علاء عطية محمود]

بعد كدة ان شاء الله تبدأ دروس اول الدراسة

[خالد خضر]

انا شخصيا مش ببدأدروس الا مع الدراسه علشان كدا الموضوع مش شغلنى اوى بس بصراحة دا تهريج لان المنج الجديد لازم يبقى فىيد المدرس قبل الدراسة بوقت كاف حتى يستطيع الاستعداد وخاصة المدرسين الجدد حديثى الخبرة

[الأستاذ أحمد دياب]

يا أستاذنا إذا كانت دي طريقته في مواجهة الدروس فهي طريقة فاشلة
لأنها مش هتطبق إلا السنة دي بس وكمان الصف الأول و الثاني بدأوا دروس من بدري
و كل المرحلة الثانوية , يعني الموضوع محصور في 3ع , 6 ابتدائي
وبعدين موضوع حذف 30 % , مش هيأثر كتير لأني هشرح المنهج عادي و لما تيجي نشرة تخفيف المنهج نبقى نحذف يعني مفيش أجزاء لم تشرح من المنهج
لكن 3ع الأمر مختلف
انت مش عارف إيه المنهج بالضبط
وطبعا دا غلط مش صح
يعني يقولك لازم دفتر تحضيرك يكون جاهز في أول يوم من الدراسة , "و البعض بيطلبه قبل أسبوع من بداية الدراسة"
ازاي و انت مش عارف حاجة عن المنهج
لا توزيعة المنهج ولا موضوعاته يبقى ازاي تكتب أهداف أو استراتيجيات أو تحضر دروس ....
أما بالنسبة للدروس فأنا أتفق مع كلام الأستاذ هشام
يعني ليه من حق الطبيب انه يفتح عيادة خاصة رغم وجود المستشفيات
ليه من حق المهندس انه يفتح مكتب هندسي خاص به رغم وجود مؤسسات هندسية خاضعة للدولة
و المحامي - .......
ليه المدرس يمنع من حقه الطبيعي في علاج من لديهم مشاكل في عملية التعلم أو أو رفع كفاءة التعلم عند الطلاب المتفوقين الراغبين في رفع مستواهم لكي يتفوقوا على أقرانهم في سباق التعليم خصوصا ان مكتب التنسيق بيفصل بين الطلاب عن طريق الدرجات
لو عايز يلغي الدروس يعطي للمعلم راتب يكفيه هو و أولاده و يضمن له حياة كريمة
يعني زي ما سيادة الوزير بيلبس بدل كاملة البدلة ب3000 جنيه أو أكثر يعطي للمعلم بدل وجاهة " لبس"
و زي ما سيادته عنده سيارة و اتنين " يصرف للمعلم سيارة بالتقسيط "
وزي ما سيادته بياكل خبز فاخر أفرنجي و لا يقف على أفران الخبز البلدي يوفر للمعلم هذا المستوى من المعيشة
وزي ما الشرطة و الجيش لها تخفيض في مرافق الدولة " المواصلات , المستشفيات وخلافة " فالمعلم أولى بذلك
وزي ما موظفي البترول راتبهم بالدولار عفوا "آلاف الدولارات " يكون المدرس راتبه بالدولار و بالأسعار العالمية
وقطاع الأعمال اللي بيقبض أرباح قد مكافأة المدرس 5 مرات , وقطاع الكهرباء اللى بيقبض 5 مكافآت في السنة
و أساتذة الجامعة اللى لهم أضعاف المدرس مكافآت " وطبعا مش واخدين حقهم كفاية " لكنهم أفضل حالا بكثيييييير
اعتقد ان الأمثلة اللي فاتت كفاية
المدرس اللى راكب سيارة بتكون إما من الدروس أو وارثها عن بابا وماما أو سافر الخليج كام سنة "مدرس "
أعتقد كفاية كدة
لكن دا غيض من فيض من هموم المعلم
وبلاش أكلمكم عن مشكلته مع التأمين الصحي و الأمراض المزمنة " و مستشفي المعلمين الاستثماري " التي لاتعالج المعلمين إلا بالمال لكن بعض النقابات تعالج منسوبيها في مستشفى المعلمين لكن على حساب النقابة
سلاااااااااااااااااااااااااامي للوزير الحقاني اللى عاوز يقضي على الدروس و سايب المدرس يغرق في المشاكل

[الاستاذ رباح]

والله يا استاذنا الفاضل (احمد دياب)

انا بصراحة مبسوط جدا من اللى بتقوله

بس اعتقد ان هذه احلام

وخايف عليك الا تروح ورا الشمس من الاحلام

اما لو بقت حقيقة فاكيد انت عارف الاجابة

مع تقديرى الكبير لكلامك الراقى

مع الشكر

[علاء هزع]

يا اخوان طالما هناك منهج ومعلم ومتعلم لازم هيكون فى درس خصوصى وده من ايام الفلاسفة افلاطون وارسطو اى منذ الاف ملايين السنين قبل الميلاد

[boudy1983]

انا معاكم انا مش ضد الدروس الخصوصية ولكن انا بقول عن اللى استنتجتو من اللى بيحصل ده والاستاذ احمد دياب الللى بيقول ان موضوع المناهج ده السنة دى بس لا انا بقولو انه السنة اللى جاية فى مصفوفة مناهج جديدة خالص ومناهج جديدة خالص

انظر هذا الرابط
http://www.youm7.com/News.asp?NewsID=272986

وقال المصدر لليوم السابع إن التجديد الدورى هدفه تنمية قدرات الطالب المصرى، واعتبر أن المناهج الدراسية لابد أن تتغير كل فترة تتراوح من 3 إلى 5 سنوات، مشيراً إلى أن مصفوفة المناهج الجديدة، والتى بدأت "التعليم" فى إعدادها لتطبيقها عام 2011/2012، تحمل عدة مفاهيم متطورة ستراعى الوزارة تضمينها فى الكتب على أن يكون شعارها "مصر وطن واحد".

[علىكامل]

الاستاذ احمد دياب وفى
انتهى الكلام

مش عارف ليه العلوم بالذات
كتاب الرياضيات موجود من اسبوعين