بستهبل وعامله نفسى نايمه

[cool girle]

السلام عليكم ورحمه الله وبركاته
ازيكوا يا احلي اعضاء في اجمل منتدي
-----------
من غير رغي كتير الموضوع ده تخيلته و عجبني وحبيت اجيبهلكوا لان بجد ديما بحس بيه اوي وديما بتخيله

تعالوا كده نتخيل مع بعض
يلا تعالوا

***

تخيل كده لو انت نايم بالليل الساعه 4 ولا 5 الفجر
وعين مفتحه والتانيه مغمضه( اعمل نفسك نايم)


ولقيت مره اوحده او علي مرتين تلاته مش هتفرق يعني
البلكونه بتتفتح او الشباك وحد دخل عليك من بره وماخدتش باله انك صاحي


لابس اسود في اسود وخطوط بيضه وخير اللهم اجعله خير طويل .. وعريض.. واحتمال يكون غبي
هتعمل انت بقي ايه يا برنس او يا برنسس مش هتفرق بردو


1_اسيبه يقلب الشقه علي اقل من مهله بس ايه لو قرب مني هشرحه كفايه عليه الشقه ويخرج زي الباشا ..( لا ياراجل )

2_ اغمض عيني وانام وابقي اتفاجيء بعد كده بالي حصل( علي طريقه اعمل نفسك ميت)

3_ انط عليه من ضهره واعضه في كتفه واديله فوق دماغه اي حاجه جمبي( تؤ طب لو مكنش جمبي حاجه هعمل ايه)

4_ اقول بصوت عالي الحقوناااااااااااااااااااااااا.. حراميييييييييييييييي



وخلي بالكم طبعا طبعا الحرامي ممكن يكون
معاه
سكينه_ مطوه قرن عزال _ ميه نار -خنجر-مسدس-...... وكتير من ده

والباشا بقي اللي نايم علي السرير ده هيعمل ايه



انا بقي هغمض عيني التانيه وهقول لنفسي اكيد انا بحلم واكمل نومي عادي خالص

يارب يعجبكوااااااااااا يارب

[Mr. Ali 1]

والله الحكاية دي حصلت لواحدة في المدينة التي اقيم بها وحينما اسيقظت ورأته قال لها " احسن لك أن تنامي وسيبيني أشوف شغلي كويس ومن غير دوشة " طبعاً هي سمعت الكلام وعملت نفسها نايمة علي طول . أما عن نفسي فلم يحدث معي هذا الأمر والحمد لله . لكن ان حدث والعياذ بالله حيكون تصرفي علي حسب الموقف وتفاصيله , يعني لو كان واحد فقط غير ما يكونوا اتنين أو أكثر , الحكاية تفرق !! وهل يوجد لدي شيء ثمين ام لا !! ولكن في أوضاع معينة لا يهمني ما يفعله معي حتي وان قتلني فمن مات دون ماله فهو شهيد ومن مات دون عرضه فهو شهيد . وبعدين الظاهرة دي بقت تحدث في وضح النهار وخاصة في القاهرة وللأسف رد الفعل تجاهها سلبي وبيشجع اللصوص علي تكرارها . أنا بقول بتحدث في وضح النهار !! والمعروف أن الحرامي جبان , يبقي احنا اللي خليناه يتجرأ علينا . مش كده والا ايه؟!!!

[bosyy cat]

لا طبعا ننام ونبقى نتفاجئ الصبح معاهم زيهم هههههههههههههه

شكرااا ليكى على موضوعك الروعة

بصراحة انا الحمد لله مش اتحطيت فى الموقف ده لكن لو اتحطيت فيه مش عارفة هعمل ايه

[sympathique]

ايه ده
ايه الموضوع ده
اولا الحرامى اللى جاى ده بيكون جبان جدا وبيكون خايف اوى
بس هى بتفرق فى التصرفات من ذكر او انثى
يعنى هو لو قابل انثى طبيعى ان هى هتخاف منه

انما لو قابل راجل اكيد هيقاومه ويمسكه كمان
انا عن نفصى هخليه يكره اليوم الللى فكر يعمل فيه كده

ولا انتوا ايه رايكم ياشباب

[تغريد الطيور]

ههههههههههههههههههههههههههه ههههههههههههههههههههه

و الله موضوع بضحك بجد هههههههههههههههههههههههههههه بس انا مع راى الاستاذ sympathique

[Mah200985]

إيه رأيكم ياشباب ؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!
نعزمه على السحور وندى له اللى فيه النصيب كمان
صح ياشباب
شكرا على المواضيع الهادفه

[yara attia]

هههههههههههههههههههههههههههههههه

انا بقي هقوم زي الشاطرة كده وهقوله اهلا حبيب قلبي ازيك يا باشا ليك وحشة والله

وبعدين اساله عاوز ايه وانا هديهوله واسمل عليه وبالسلامة بس كده

ههههههههههههههههههههههههههههههههههههه

احسن حل يرضي الطرفين

شكرا يا قمر وانا جبانة اصلا بخاف من خيالي

تقبلي مروري

[coody]

انا عن نفسي مش بخاف بحمد لله
و لو قدرت اوصله هاقتله و ارميه من البلكونة (بدون مبالغة)
او اخنقه بأي حبل او ملاية او اي حاجة
يعني من الاخر يا قاتل يا مقتول
و انا في الاذية مؤذي

[usernamo]

مع ان ده مستحيل يحصلى او صعب شويتين .. بس انا حل من اتنين ..

1- اقوم اقتله بدون اى مقدمات (( و مش هاخد فيه يوم ^^ ))

2- لو مسكته اعذبه و اخليه يتمنى الموت (( دى حصلت بجد ))

لان الناس دى بيبقو ضربين حاجات اكسات او حبوب مش بيحسو باى ضرب يضربوه و بالتالى انك تعوره فى مناطق مش توجعه ... لا تشوهه ^^ و بالتالى يبقى منبوذ من المجتمع (( مجرم انا ))

[mera_mar21]

لا صراحه انااااااااا بخاف لكن فعلا حسب الظروف واعمل زى ماايارا هتعمل وانصحه بقى ان كده حرررررررام ونخليه يتوووووووووب وتبقى فرررصه بقىىىىىىىىىى

مشكوووووووررة ياقمر

[cool girle]

ميرسى ياجماعه ع المرور

























نورتوا يااحلى اعضاء

[هانى الشرقاوى]

أنا هعمل سوبر مان
بس مش سوبر اوى يعنى
نصف سوبر
ههههههه

[BaNZeR]

حقوله من غير مشاكل كل واحد فينا عايز يحافظ على حياته ومش محتاجة تضيع دلوقتي

[روووووز]

شوفى انا هعمل زى محمد هنيدى فى فول الصين العظيم هسيبوه يقلب الشقة الصحة بالدنيا بردوا
انا لسه صغيرة ومش عايزة اودى نفسى فى مصيبة

[yaso_yoyo]

انا هعمل نفسي نايمه طبعا لانه لو اكتشفت اني صاحيه حتى لو معملتش حاجه ممكن يقتلني
لان الشيطان بيكون لابسه في الوقت ده قال رسول الله صلى لله عليه وسلم (لايسرق السارق حين يسرق وهو مؤمن...)