|
||||||
| حي على الفلاح موضوعات وحوارات ومقالات إسلامية |
 |
|
|
أدوات الموضوع | انواع عرض الموضوع |
|
#1
28-12-2010, 09:55 PM
|
|||
|
|||
الحقونا يا جدعاااااااان..شوية هوا ولا كوباية ميه!!
 --------------------- بقالى كام يوم مش بنزل الشغل.. المهم قررت انى انزل انهارده.. صحيت صليت الفجر وقعدت شويه.. وقولت امشى بدرى قبل ما الجو يحرر.. لسه خارج من البيت لقيت ..لقيت لفحة هوا سخن بتخبطنى فى وشى .. قولت خير ...... روحت الموقف علشان اركب ..مجرد ما دخلت العربيه لقيت الناس قاعدين يهفهفوا واللى معاه ورقه عمال يهوى بيها على نفسه واللى عمال يهوى بايده واللى فاتح القميص ع الاخر .. قولت ايه ده ؟؟ الموضوع مش للدرجه يعنى.. مكملش دقيقه من دخولى العربيه وبقيت انا كمان مش طايق نفسى ..واقعدت اهفهف انا كمان..! وصلت الشغل بعد عناء مع المواصلات .. كنت بموت خلاص..!!!! دخلت الاوضه ..لقيت التكييف شغال .. يا سلاااااااااااااااااااااااااااااااااام.. اخيرااااااااااااااا.. الواحد كان قاعد وكأنه فى الجنه ومش عايز يخرج من الاوضه.. بعد ما خلصنا .. طبعا المواصلات وقت الذروه صعبه جدااااااا.. الناس واقفه فى الشمس مستنيه العربيات والجو بيغلى والاسفلت نفسه مولع ومحدش طايق يقف ثانيه واحده .. وانا واقف كده وعمال أتأمل والعربيات الملاكى عمالى تعدى من قدامى اشي مرسيدس واشى بي ام دبلو واشى كرولا واشى سكودا.. والنالس هى كمان بتبص وكل واحد عينه هتطلع على العربيه وقلبه هيتخلع من مكانه.. آآآآآآآآآآآآآآآآآآآآآآآآآآآآآآآآآآآآآآآآآه.. آآآآآآآه لو الواحد عنده عربيه دلوقتى ..مش كان زمانه موقفش الوقفه المهببه دى ..كان زمانه قاعد زى الباشا فى العربيه والتكييف شغال وعاااااااااااااااايش..! ودماغ الواحد عمال يودي ويجيب ..انت لازم تشد حيلك علشان تجيبلك عربيه ولو هتيجي على نفسك وتتعب بس مش مشكله ايه يعنى..! قولت سبحان الله .. اول حاجه الواحد المفروض يفكر فيها فى يوم زى ده ..موقف الحشر يوم القيامه .. وبدل ده عمال يفكر فى العربيات !! بدل ما يفكر فى النار وحرها ..بيفكر فى التكييفات والمصايف!! سبحان ربي!! اول ما الناس تبعث للحشر يوم القيامه وتـُساق لارض المحشر .. نفس المنظر اللى كنا بنشوفه فى الدنيا هنشوفه فى الاخره.. (يَوْمَ نَحْشُرُ الْمُتَّقِينَ إِلَى الرَّحْمَنِ وَفْدًا*وَنَسُوقُ الْمُجْرِمِينَ إِلَى جَهَنَّمَ وِرْدًا) وفدا : يعنى ركبانا ..رايحين وفود لربنا سبحانه وتعالى والملائكه بتحفهم وهما راكبين احسن ركوبه.. وناس تانيه ..الملايكه بتسوقهم لارض المحشر ..وناس بتتسحب وتنجر لارض المحشر عياذا بالله .. انت عايز تبقى مين فى دول ؟؟ طبعا من مش محتاجه تفكير .. من النوع الاول طبعا .. طيب عملت ايه علشان تبقى معاهم ؟؟؟ ربنا قال عنهم (يَوْمَ نَحْشُرُ الْمُتَّقِينَ) .. هل تحققت فيك صفات المتقين ؟؟؟؟؟؟؟؟  الحمد لله ربنا يسر وركبت عربيه .. قعدت جوه العربيه والعرق بيشر منى .. بصيت لنفسى شويه.. آآآآآآآآآآآآآآآآآآآآآآآآآآآآآآآآآآآآآه.. دلوقتى جاى تفتكر حديث النبي .. (( تدني الشمس يوم القيامة من الخلق حتى تكون منهم كمقدار ميل، فيكون الناس على قدر أعمالهم في العرق، فمنهم من يكون إلى كعبيه، ومنهم من يكون إلى ركبتيه، ومنهم من يكون إلى حقويه ومنهم من يلجمه العرق إلجاما )) رواه مسلم . ياترى فى الموقف العظيم ده هتبقى مين فى دول ..؟؟؟ لما تقف حافى عارى والشمس على بعد ميل منك!!! بالله عليكم انا عايز كل واحدو يتخيل الموقف ده ..!! الشمس دلوقتى على بعد 93 مليووووون ميل.. والحراره بالمنظر اللى مش قادرين نستحمله ده ..!! ده العلما ء بيقولوا لو الشمس اقتربت ميل واحد من الارض كمان الارض كلها هتولع وتتحرق!! ما بالكم لما تبقى على بعد ميل منى ومنك يا اخى ومنك يا اختى ؟؟!!! هنقدر نستحمل ؟؟؟؟!! محدش هيقدر يستحمل طبعا .. طيب ايه الحل ؟؟؟ الحل .. عن أبي هريرة رضي الله عنه عن النبي صلى الله عليه وسلم قال ( سبعة يظلهم الله تعالى في ظله يوم لا ظل إلا ظله إمام عادل وشاب نشأ في عبادة الله ورجل قلبه معلق بالمسجد ورجلان تحابا في الله اجتمعا عليه وتفرقا عليه ورجل ذكر الله خاليا ففاضت عيناه ورجل دعته امرأة ذات منصب وجمال فقال إني أخاف الله ورجل تصدق بصدقة فأخفاها حتى لا تعلم شماله ما تنفق يمينه ) ياترى شغلت بالك فى مره من المرات انك لازم تكون واحد فى دول والا هتبقى عياذا بالله فى الشمس الحارقه اللى على بعد ميل؟؟ !! قال رسول الله صلى الله عليه وسلم (تعلموا البقرة وآل عمران فإنهما الزهراوان يظلان صاحبهما يوم القيامة كأنهما غمامتان أو غيايتان أو فرقان من طير صواف) فكرت تحفظ وتتعلم كتاب ربنا بجد ..ولا هو سهل جدا نصم الكتب فى المدرسه والكليه ..انما كتاب ربنا نبقى نحفظه بعدين لما نفوق..!! روحت البيت .. اول ما دخلت جريت جرى على التلاجه .. مش قادر خلاص ..هموت من العطش! شربت ميه لغاية ما قولت خلاص!! ساعتها افتكرت حوض النبي صلى الله عليه وسلم.. والناس فى عز الحر يوم القيامه ونفسهم فى نقطة ميه والحناجر هتتشقق من كتر العطش !! ياترى هتبقى من اللى هيشربوا من حوض النبى شربة عمرك ما هتعطش بعدها ابدا ؟؟ ولا هيتقالك وانت رايح على الحوض (سحقا سحقا ..بعد بعدا ..) ؟؟ قال رسول الله صلى الله عليه وسلم (إني فرطكم على الحوض من مر علي شرب ومن شرب لم يظمأ أبدا ليردن علي أقوام أعرفهم ويعرفونني ثم يحال بيني وبينهم فأقول إنهم مني . فيقال إنك لا تدري ما أحدثوا بعدك ؟ فأقول سحقا سحقا لمن غير بعدي ) متفق عليه آآآآآآآآآآآآآآآآآآآآآآآآآآآآآآآآآآآه.. آآآآآآآآآآآه.. خايف عليك يا اخى ياللى مش راضى تبطل تكلم البنات ..يلى مش راضى تغض بصرك ..يلى مش راضى تحافظ على الفرائض وبتستهزئ بالسنن!! تحب انه يتقالك سحقا سحقا ..بعدا بعدا ..وتتحرم من الشرب من حوض النبي فى الموقف ده؟؟ آآآآآآآآآآآآآآآآه.. خايف عليكى يا اختى ..يلى مش راضيه تصححى حجابك ولبسك ..يلى لسه مش راضيه تسيبى الميك اب علشان شكلك هيبقى وحش ..يلى مش راضيه تبطلى سماع اغانى الحب وافلام الرومانسيه اللى دمرت بنات امة محمد! تحبى انه يتقالك سحقا سحقا.. بعدا بعدا ..وتتحرمى من الشرب من حوض النبي فى الموقف ده؟؟ كفايه بقى يا شباب ويا بنات ..كفايه غفله بقى .. لما نلاقى الجو حر لازم نفتكر قول الله تعالى (قُلْ نَارُ جَهَنَّمَ أَشَدُّ حَرًّا) ونبدأ بجد نجتهد ونشتغل ونعمل كل حاجه تنجينا من النار وعذابها .. يا شباب ويا بنات يلى مش طايقين شوية حر ومش قادرين تعيشوا من غير المراوح والمكيفات ..هتعملوا ايه فى يوم بالف سنه مفيش فيه نجاة الا لمن اطاع اوامر الله واجتنب نواهييه ..؟؟؟ يلا با شباب نعلنها توبة من دلوقتى .. نندم فيها على كل اللى فات ..وكل واحد فينا يعاهد ربنا .. من هنا وجاى مش هعصيك يارب ..هجاهد نفسى وهبدأ حياه جديده .. حياه كلها فى طاعتك وفى رضاك يارب .. مكتبتش الكلام ده وربنا يعلم الا علشان خايف على اخواتى ونفسى كلنا نكون فى ظل عرش الله و نشرب من ايد النبي صلى الله عليه وسلم .. منقووووووول
|
|
#3
28-12-2010, 10:59 PM
|
|||
|
|||
موضوع جمييييل وعندك حق في كل كلمة قولتها ....
ياااااااااااارب يهديني ويهدي جميع المسلمين .... أمين يارب جزااااك الله كل خير
|
|
#4
28-12-2010, 11:30 PM
|
||||
|
||||
|
بارك الله فيك وجزاك خبرا على كل كلمة كتبتها فى هذا المقال
|
|
#5
29-12-2010, 11:27 AM
|
|||
|
|||
|
شكرا على النقل
وبارك الله فيك وجزيت خيرا
|
|
#7
29-12-2010, 02:26 PM
|
|||
|
|||
|
جزاك الله خيرا
وسلمت يمينك
__________________
|
|
#8
29-12-2010, 04:07 PM
|
||||
|
||||
|
موضوع رائع جزاكم الله كل الخير
__________________
|
|
#9
29-12-2010, 04:50 PM
|
||||
|
||||
|
بارك الله فيييييييييييييييييييييييك
ماشاء الله موضوع جمييييييييييييييييييييييييييييييل جداااااااااااااااااااا.......................
__________________
 ربي ان في قلبي أشياء كثيره ... لا أستطيع البوح بها لأحد سواك.. أنت تعلم سري وما يضمره قلبي ... ربي بكلمة ( كن ) منك تسعد حياتي ربي قل لأمنياتي كوني... فإذا كنت أنت معي ... فلا أحتاج لأحد سـواك
|
|
#10
29-12-2010, 05:00 PM
|
|||
|
|||
|
جزاك الله كل خير..
اللهم اسقنا من يدي حبيبك محمد شربة هنيئة لا نظمأ بعدها آبدا..
__________________
________
|
|
#11
30-12-2010, 01:54 AM
|
|||
|
|||
اقتباس:
|
|
#12
30-12-2010, 01:57 AM
|
|||
|
|||
|
اقتباس:
جزانا و اياكم و نفع بكم و اسكنكم جنتة بغير حساب و لا سابقة عذاب
|
|
#13
30-12-2010, 08:10 AM
|
|||
|
|||
|
اقتباس:
|
|
#14
30-12-2010, 08:12 AM
|
|||
|
|||
|
اقتباس:
|
|
#15
30-12-2010, 08:15 AM
|
|||
|
|||
|
اقتباس:
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:27 PM.
