|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
16-09-2007, 06:50 PM
|
||||
|
||||
لتحرش اللفـــــظى بالآخرين!
شارع في أحد ميادين القاهرة
فتاة ضخمة الحجم جدا تسير بصعوبة شديدة وهي تستند إلى قدميها اللتين تكادان تنهاران تحت وطأة وزنها الثقيل، وقد تصبب العرق على وجهها وبدأ صوت "نهيجها" واضحا، تمر بالقرب من شوية شباب دمه خفيف (يلطش) جالسين على مقهى، ينظر أحدهم إليها قبل أن يضرب كفا بكف وهو يضحك بصوت عال: "هاهاها.. إيه يا عم البت اللي عاملة زي برميل الطرشي دي.. ده أنا خايف لو وقعت "تتدألج" والطرشي يقع على الأرض.. هعهعهع!" يسحب زميله نفسا من الشيشة التفاح قبل أن يردد بصوت أعلى: "على قولك.. طب مش كانت تجيب معاها ساندوتشين فول وطعمية.. وهو يعني الواحد ينفع ياكل طرشي ع الريق كده من غير ساندوتشات.. هوهو هي هي لعلع!"  تسمع الفتاة التعليقات السخيفة ولا تملك ردا، تسير وهي تشعر بضيق وحزن كبيرين قبل أن تتغلب عليها دموعها وتسقط من عيونها رغما عنها. *** أتوبيس نقل عام زحمة رهيبة داخل الأتوبيس جعلته أشبه باستاد القاهرة في مباراة نهائي كأس مصر، يختلط الحابل بالنابل ويلتصق "زيد" بـ"عبيد" و"سوسن" بـ"نهى"، ومافيش مانع برضه إن "زيد" يلتصق بـ"نهى" و"عبيد" هو الذي يلتصق بـ"سوسن"!، فجأة ووسط بروفة "جهنم" هذه يصرخ أحدهم: "يا جماعة شوية رحمة.. هاموت خلاص مش قادر أتنفس.. شوية كده يا أخينا صباعك داخل في مناخيري". يضحك بعض الركاب، قبل أن ينظر واحد منهم إلى الشخص الذي يستغيث فيجده رفيعا جدا حتى إن عظام وجهه تكاد تكون بارزة، فيما ظهرت ملابسه واسعة للغاية فضفاضة فيقهقه بأعلى الصوت وهو يقول: "إيه يا عم الدوشة دي.. ده "عصعوص" خالص لدرجة إني بيتهيألي إنه مش بيتنفس أصلا!" يتدخل شخص ثاني في الحوار وهو يردد ضاحكا بدوره: "صحيح والله.. يابا ده لولا إنك بتتكلم ماكنتش خدت بالي منك ودست عليك.. إيه يا عم إنت بطل في كمال العظام ولا إيه.. هأ أو!" لا يترك شخص ثالث الفرصة تمر قبل أن يدلي بدلوه قائلا: "أنا بيتهيألي المفروض يعملوا أتوبيسات مخصوصة للناس الرفيعة دي.. يلموهم كلهم مع بعضهم.. أهو الأتوبيس اللي بيشيل 100 واحد عادي هيشيل ألف منهم.. وكمان عشان يبقوا مع بعض ويعملوا فرقة كورة بالاحتياطي والجمهور، ما هو الواحد منهم بعشرة من الناس العادية.. وساعات عشرين كمان.. حسب الرطوبة بقى.. هعهعهع!"..  لا يتمالك الرجل الرفيع نفسه فيصرخ فيهم وهو يهبط من الأتوبيس في أقرب محطة "اخرسوا.. هي الناس بقى ماعندهاش دم ليه كده"؟! *** آه صحيح.. تفتكر ليه كتير من الناس ماعادش عندهم دم؟ سيبك من التحرشات الجنسية سواء باللفظ أو بالفعل في الشارع.. دي ظاهرة موجودة ومؤكدة دلوقتي خلينا بقى في المعاكسات "والسخافات" اللي بيظبط بيها المصريين بعضهم البعض. لو خدت بالك هتلاقي إن السخافات دي مالهاش علاقة بالجنس.. يعني ممكن تلاقي ولد يسخف على بنت عشان مش عارف شكلها ماله. وممكن تلاقي نفس الولد يسخر من ولد زيه بالظبط عشان تخين شوية أو رفيع حبتين.. وممكن يا جدع -آه وبتحصل والله بس إنت انزل الشارع أو اركب عربية السيدات في المترو- تلاقي بنات بيسخفوا وبيسخروا من بعض.. قال إيه دي تخينة قوي ودي -ياي- لبسها بلدي جدا وكلامها فلاحي وشعرها منكوش –أكيد بتستخدم بريل أو برسيل كشامبو!- و.. و.. و..  يعني الظاهرة ماسكة المصريين.. من الشرق للغرب ومن الجنوب للشمال ومن فوق لتحت ولا مؤاخذة.. وإذا كان ممكن تتفهم أسباب التحرشات اللفظية والجسدية وتقول إن سببها الكبت ولا اللبس المستفز أو تأخر سن الزواج وتراجع الوعي الديني.. فإيه السبب في إن الناس بتعاكس وتسخف على بعضها في الشارع وفي الأتوبيس وفي المترو.. وكل واحد بقى بيتفنن في السخرية من عيوب الآخرين وكأنه كائن ملائكي نوراني نازل حالا من السماء؟ والأسوأ من كده إن الحاجات دي بقت بتحصل في العلن وبصوت عالٍ ودون أي مراعاة لمشاعر الآخرين اللي بنسخر منهم..  تفتكروا إيه السبب في ده فعلا؟ وليه سلوكيات المصريين اتغيرت بالشكل ده؟ وإيه الحل؟
__________________
 Always remember two things Don’t' take any decision when you are Angry Don’t' make any promises when you are Happy |
|
#2
16-09-2007, 07:08 PM
|
||||
|
||||
اهو رمضان جه
يارب الناس تبطل اللى فيها وايه سلوكيات المصريين اللى اتغيرت ما هى طول عمرها كده..!!  نسيت اسجل اعجابى بلغة حضرتك.... المرة دى الاسلوب كويس واللغة العربية عاملة شغل
__________________
 آخر تعديل بواسطة The_Relativistic200 ، 16-09-2007 الساعة 07:10 PM |
|
#3
16-09-2007, 08:38 PM
|
||||
|
||||
|
مش عارف أضحك ولا اتحسر يا سادات
ممكن ده يرجع للتربية فى البيت والمدرسة ناهيك بقى عن تربية اليومين دول فده أمر طبيعى ونتيجة طبيعية اللى بيجرح باللأفاظ ده بيحب يبين للبنى ادمين اللى حوليه ان دمه خفيف وهو فيه عيوب الدنيا اساسا ربنا يرحمنا
__________________
لا اله إلا الله *** محمد رسول الله[/ |
|
#4
16-09-2007, 08:58 PM
|
||||
|
||||
|
دى عادات الشعب المصرى وزادات قوى اليومين دول
من يوم ما الشباب بقت فاضية من جواها ونقص فى التربية وغياب الوعى الدينى وانتشار البطالة بين الشباب اظن انا قولت كدى الحل لوالشباب اتجهوا الى الدين كل شى يتحل شكرا يا محمد على الموضوع
__________________
ألا بذكر الله تطمئن القلوب
|
|
#5
16-09-2007, 09:55 PM
|
||||
|
||||
|
بص ياسادات لو كل واحد من دول فى جوة دماغة حاجة تشغلة شغل يعنى او كدة
مكنش خد بالة اساسا الى قدامة دة تخين ولا رفيع ولا طويل ولا قصير يعنى المشكلة هى الفراغ الى عايشينة 0 وكمان انا اعتقد ان الانسان السليم الى تفكيرة مش مريض ميخدش البنى ادم الى قدامة بمظهرة انما بطريقة تفكيرة واسلوبة فى التعبير ومفيش داعى للسخرية تحت اى غظرف من الظروف وشكرا يا مان على الموضوع الحلو دة
__________________
اللهم صلى وسلم على سيدنا محمد وعلى اله وصحبة واجزة عنا خير ما جزيت نبيا عن امتة ارداة + إخلاص + دعاء + تخطيط سليم = نجاح أكيد gamal saber
|
|
#6
16-09-2007, 10:03 PM
|
|||
|
|||
ماهو لو اللي بيتريق دة يحط نفسه مكان اللي بيتريق عليه ويشوف منظره والناس كلها بتضحك عليه يبقى بعد كدة يطلعله لسان ويتريق وبعدين الناس اللي بتاخد بالظاهر دي اغبيا متخلفين والله مش عارفة اوصفهم بايه يمكن تافهين تعتبر اقرب حاجة وبعدين هما يعني هما اللي كاملين الكمال لله وحده وربنا قال " يا ايها الذين آمنوا لايسخر قوم من قوم عسى أن يكونوا خيرا منهم ولانساء من نساء عسى ان يكن خيرا منهن " صدق الله العظيم
والله بجد حاجة تغيظ جدااا 
|
|
#7
16-09-2007, 10:27 PM
|
||||
|
||||
تمام
بس انته نسيت نقطه مهمه جدا وهي الاستشهاد من القرآن الكريم {يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْراً مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ } (الحجرات11)
__________________
The WORLD WITHOUT Civil Engineering
 |
|
#8
17-09-2007, 10:55 AM
|
||||
|
||||
|
اقتباس:
عندك حق هى طول عمرها كده هنموت ونعيش كده
شعب هلاس
__________________
Always remember two things Don’t' take any decision when you are Angry Don’t' make any promises when you are Happy |
|
#9
17-09-2007, 10:59 AM
|
||||
|
||||
|
اقتباس:
لاء اتحسر واتقهر كمان على اللى احنا فيه
قصدك يعنى عاوز يعمل فيها البرم والسبع رجاله فى بعض
__________________
Always remember two things Don’t' take any decision when you are Angry Don’t' make any promises when you are Happy |
|
#10
17-09-2007, 11:01 AM
|
||||
|
||||
|
اقتباس:
والله عندك حق يا حسام طول ما الدين بعيد عننا وآخر حاجه بنفكر فيها ده هيبقى حالنا وعمرنا ما هنتغير ربنا برحمنا برحمته
__________________
Always remember two things Don’t' take any decision when you are Angry Don’t' make any promises when you are Happy |
|
#11
17-09-2007, 11:03 AM
|
||||
|
||||
اقتباس:
هو يعنى ايه كلمه دماغ أصلا ويعنى ايه كلمه عقل ؟؟؟ !!!! 
__________________
Always remember two things Don’t' take any decision when you are Angry Don’t' make any promises when you are Happy |
|
#12
17-09-2007, 11:05 AM
|
||||
|
||||
|
اقتباس:
ده فعلا اسلم حل لو كل واحد حط نفسه مكان اللى هيتريق عليه عمره ما هيطلع كلمه واحده :D
__________________
Always remember two things Don’t' take any decision when you are Angry Don’t' make any promises when you are Happy |
|
#13
17-09-2007, 11:07 AM
|
||||
|
||||
|
اقتباس:
ميرسيه على الإضافه
وجزاك الله خيرا
__________________
Always remember two things Don’t' take any decision when you are Angry Don’t' make any promises when you are Happy |
|
#14
17-09-2007, 01:40 PM
|
||||
|
||||
|
ههههههه
والله اللى انتا كاتبه ده يا محمد أقل واجب دى فى أكتر من كدة 100 مرة بس ها نقول ايه عالم ماعندهاش ايمان ولا عندها دين ولا عندها حاجة تعملها او تشغلها من الاخر عالم ما وراهاش حاجة خالص!!!!!
__________________
الفرقة الرابعة-كلية الحاسبات والمعلومات-جامعة المنصورة |
|
#15
17-09-2007, 02:57 PM
|
||||
|
||||
|
ههه
لا المحات خلاص زهق فعلا كلامك تمام ولا دين ولا اخلاق يسلمو يا محمد
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ 
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:57 PM.
