حتطلق بكره بسبب التعيين ارجو المساعده

[Observer]

اسمعى كلام جوزك ونفذى كلامه
كفاية حرقة دمه فى الغربة عليكى
وربنا يصلح الحال

[ام رهف]

بصي انا رأيي انك تهدي وماتروحيش المدرسة بكرة ولو ليكي عارضة واتشطب عليكي او هتتحولي للتحقيق مش مشكلة وانا مع زوجك من حيث ان الطفل بيتبهدل خصوصا في السن الصغيرة لكن ما كانش لازم توصل الامور لهذا الحد بينكما ولكن انت عندك قضيتين انه حلف بالطلاق دي لازم يتوقف عندها اما القضية التانية انه فعلا مايصحش هو يعيش في بلد وانتى في بلد هذا في الشرع اسمه ايلاء والطفل ده حرام يتبهدل بحجة العمل اما مسألة الرزق والديون دي بيد الله تعالى والرزق مش بس فلوس ومرتب ومعاش لو عاوزك تخدي ابنك وتروحيلو خدي اجازة اعتيادي وسافري ان ماحصلش حاجة يبأى خسارة تخسري بيتك علشان وظيفة مش باقية عليكي وعموما اسالي شيخ عن موضوع الطلاق ده وربنا معاكي انا شخصيا هعمل كده ولو هتكون تضحية فانا ام وزوجة ولا مانع لدي ان اقوم بالتضحية لان وضعي كام وزوجة يتطلب مني هذا واكثر وورقي حاليا متعطل من السفارة فاحمد الله الى ان تنتهي فترة الامتحانات

[ام رهف]

وبعدين تطلقي فين على شان مين ووبعدين مدير الشئون القانونية في منطقة الازهر بقوله احنا لنا تعيين بحكم القانون ولنا اجازة رعاية طفل بحكم القانون قال لي قانون ايه اصلا فيه تعديل للقانون كله في شهر اربعة واللي سمعتوه حاجة واللي جاي حاجة تانية. حللللللللللللللللليني بأة دي لعبة كبيرة ماتستاهلش انك تخسري بيتك علشان ناس انتي اصلا مش في دماغهم

[عمر العدوى]

معلش
الصبر يا اختى

[M.Ahmed Elsaid]

يا جماعة اللى ايده فى المية مش زى اللى ايده فى النار

اختى الفاضلة حاولى تقنعيه تانى وتالت ومتيأسيش .. حاولى تفهميه ان القرشين اللى بييجوا اخر الشهر بينفعوا فى تربية ابنك .. على كلامك انه ملوش وظيفة فى الشعودية وبالتالى اكيد مش بيبعت لك مصاريف لابنك .. وحاولى تفهميه تانى انك اكيد عارفة توفقى بين شغلك وتربيتك لابنك بالراحة كدا والله .. الاسلوب البسيط مفيش احسن منه ..

وحاولى بردو تفهميه ان مفيش بديل عن الشغل علشان تقدرى تصرفى على ابنك .. لو قدر هو يبعتلك فلوس او حد من اهله يتكفل بالطفل .. خلاص مفيش مشاكل .. غير كدا فهميه بالراحة بس انك محتاجة مرتبك علشان مصاريفك ومصاريف ابنك ..

وقوليله شغلك ولا تمدى ايديكى للناس علشان تربى ابنك ..
خلى كلامك باسلوب بسيط وقنع علشان يقدر موقفك .. وصدقينى العند ولا الصوت العالى بيحل مشاكل


وان شاء الله ربنا يهديه ويقتنع ويرجع عن اللى فى دماغه ... والله المستعان


ويارب يهديكم لبعض ويهدى سركم .. وياريت الناس كلها تدعى لها

[اميمة طه]

على فكرة الرزق واحد فى كل الحالات بمعنى لو انتى دلوقتى بتاخدى300 جنيه لو سبتى الشغل ربنا هيعوضكم بنفس القدر من الفلوس دى مثلا فى مرتب جوزك ومثلا فى مورد رزق جديد انما الماديات هتفضل واحدة او انك هتوفرى 300 جنيه بس والله الكلمة بتاعة ربنا بيقطع من هنا ويوصل من هنا كلمة حقيقية 100ال100 متخافيش ومتتسرعيش ويا رب تكونى متابعة ردود الناس على مشكلتك ............ ربنا يستر والموضوع ميتطورش اكتر من كده

[ايهاب بدر الدين]

اختى الفاضلة لا تتخذى قرارا الا وانت تعلمين عواقبه اقعدى معاه وحاولى تقنعيه وبلاش تفضحى نفسك وانا بطلب من المشرفين غلق الموضوع لان كثرة الاراء سوف تشتت انتباهك وتفكيرك

[ايهاب بدر الدين]

خلاص المنتدى بقى كله شيوخ

[ركن الدين]

طلقى الشغلانة احسن ما تطلقى
يا حجة

[البنهاوي78]

توجهي الي لجنة الفتوي بمشيخة الازهر

[رائحه الورد]

طلاق ايه يا جماعه حرام عليكم انا ضد الفكره دى تماما زوجك وبيتك وابنك وطاعه الله اهم شئ طبعا هو زوجك اتسرع لما حلف اليمين ده لكن اكيد هو زهق لانه مش عارف للموضوع اخر وليه حق طبعا وبعدين لا قدر الله لو طلقت وبعدين محصلش تثبيت لانه مش مضمون اصلا لان شغلنا اساسا ميتبكيش عليه لانه مش مضمون وممكن بعد تعبنا ده كله يفصلونا هل تفضلى انك تكونى مطلقه وابنك يدفع الثمن ويتربى مشتت بين والده ووالدته وفى الاخر ممكن ميحصلش تثبيت . انا عارفه طبعا ان تعبك صعبان عليكى لكن زوجك وبيتك واستقرارك وراحتك وسعادتك وامانك وراحه بالك بالدنيا . عموما اهدى ومتزعليش نفسك وما تروحيش المدرسه غدا وحاولى تعلمى اجازه اعتيادى وسافرى لزوجك وبعد الاسبوعين الاعتيادى هتكون اجازه نصف العام ابتدت كده ممكن تفضلى معاه شهر ولو حصل فيهم تثبيت تعالى واحفظى وظيفتك وخدى اجازه بدون مرتب وسافرى تانى على فكره مش انتى بس اللى بتعانى من المشكله دى كلنا فى نفس الظروف وربنا معانا ومعاكى

[رائحه الورد]

ممكن تبعتى ايميل لوزير التربيه والتعليم او شيخ الازهر عشان يحسوا بينا ويعرفوا قد ايه احنا بنعانى وبيوت ممكن تتخرب بسبب تاخير صدور قرار تعيينا

[m.a.h.2050]

ممكن تعملي مرضي او اعتيادي لغاية ما ربنا يهديه وحاولي متفتحيش معاه الموضوع ده الا لما تحسسيه اته عندك اهم من اي شغل وهو الدنيا كلها وبعد متشعري اته راضي عنك حاولي تفهميه ان التعيين خلاص قرب واتك تفذتي اللي طلبه وياريت يصبر شوية

[اميمة طه]

والله اللى رد قبلى عاقل وكلامه الخلاصه

[محمدأنور3710]

طاعة الزوج واجبة