لسه فيه ناس بتبكى على مبارك ؟؟؟

[مستر أحمد حمدى]

حذفت الموضوع استجابة لرأى أخ محترم من الادارة اقدرة واحترمة

[MiSty AnGel]

هههههههههه
بس احنا برده عقلنا كبير وهنسامح الناس دي
هما مسيرهم يكبروا ويفهموا لووووول

[مارسين]

مش كل حاجة بنفكرفيها بتكون صح
المهم الراى والراى الاخر هى دى الديمقراطية

[nesma mohsen hamdy]

ايوه صح الرأى والرأى الاخر
كل واحد حر فى رأيه
مش هى دى الديموقراطيه اللى انتوا بتطالبو بيها
والحريات اللى وجعتوا دماغنا بيها

[مستر أحمد حمدى]

المشاركة الأصلية كتبت بواسطة misty angel

هههههههههه
بس احنا برده عقلنا كبير وهنسامح الناس دي
هما مسيرهم يكبروا ويفهموا لووووول

بس دول ناس كبار فى السن لكن للأسف صغار العقل

المشاركة الأصلية كتبت بواسطة rashwan20090

مش كل حاجة بنفكرفيها بتكون صح
المهم الراى والراى الاخر هى دى الديمقراطية

بس المفروض يبقى الكلام بالعقل ثم المفروض ان الخلاف فى المسائل الفرعية لكن مش معقوله يكون الخلاف فى الاساسيات ؟؟؟

يعنى مثلا مش معقول نلاقى اتنين مختلفين على ان القتل شئ سيئ فممكن واحد يرفض انه يتقتل وواحد نلاقيه يوافق دا مش معقول

بكن ممكن نختلف فى الفرعيات

المشاركة الأصلية كتبت بواسطة nesma mohsen hamdy

ايوه صح الرأى والرأى الاخر
كل واحد حر فى رأيه
مش هى دى الديموقراطيه اللى انتوا بتطالبو بيها
والحريات اللى وجعتوا دماغنا بيها

حاسس انك زعلان ان مبارك غادر ليه الحدة فى الكلام كدة ؟؟؟؟؟؟؟

ومع ذلك مقلتلكش شئ

صح الحرية مكفولة للكل

لكن احنا مش عاجبنا ان الغير بيفرض رأية وبيشتم غيرة

فالافندى الاستاذ المحترم بيقول مدافعا عن مبارك ان الشعب المصرى بقر وانه اتبرى منه

هل يرضيك قوله ؟؟؟؟

والبنى ادمه الغبية بتقول ان المتظاهرين كلاب وعملاء لإسرائيل وامريكا فهل يرضيكى هذا التهجم ؟؟؟

ولو كانوا منصفين ولو كنت انت منصف لقلتم رأيكم دون تجريح تقليل شأن الغالبية المضادة لكلامكم

[maiay]

يعني اولا تصرف مش كويس انك تسجلهم كدة و تحط هنا
ثانيا كل واحد له رأيه
و حنا مش المفروض نتحول لقسمين كدة و نخسر بعض بدل ما نبقي ايد واحدة عييييب احترموا اراء بعض

[مستر أحمد حمدى]

المشاركة الأصلية كتبت بواسطة maiay

يعني اولا تصرف مش كويس انك تسجلهم كدة و تحط هنا

اولا انا مش مسجلهم فضيحة جنسية دا رأيهم اللى المفروض يفتخروا بيه مش يتهربوا منه ثم هما لو خايفين من رأيهم بيقولوه ليه

وانا سجلت دا كمجرد توثيق

لأنى كتبت قبل ذلك ما حدث بينى وبين شخص فخرج فأنكر وكذب على وتمنيت يومها لو ان هناك برنامج يسجل ما يحدث

ومن يومها وانا احتفظ بصورة لكل من يناقشنى ولا اثق فيه واخاف ان ينكر

ثانيا كل واحد له رأيه
و حنا مش المفروض نتحول لقسمين كدة و نخسر بعض بدل ما نبقي ايد واحدة عييييب احترموا اراء بعض

غريبة ردك

يعنى معلقتيش على الاستاذ الاول اللى قال على الشعب كله بقر

ومعلقتيش على المدام التانية اللى قالت علينا كلاب وخونه وان الريس شجاع

وبتعلقى عليا انا ؟؟؟؟

ازاى بتطالبينى انى اقبل رأى الغير وانت نفسك مش متقبلة كلام غيرك وبتهاجميه لأنه مش عاجبه الريس او اللى كان ريس

وبتدافعى عن اللى بيدافعوا عنه

يبقى ازاى يستقيم الامر وانت كما قال الله

اتأمرون الناس بالبر وتنسون انفسكم