أخيرا وبعد مجهود كبير موقع خاص بمطالبنا بقاعدة بيانات

[Mr MohammedHassan]

جزاك الله خيرا

[جارةالوادى]

هى مطالب شرعية من وجهة نظرك يااخى
لان مفيش وزير هيرضى بعمل معيارين لنفس الكاريير عنده يعنى كدة او كدة فيه ناس اترقت فعلا وصرفت بدل اعتمادها على قانون الكادر وفيه ناس امتحنت ودخلت الاى سى دى ال وبتعينو على درجة معلم وناس اتفتحت لها التقديم للامتحان تفتكر بقى هيتعاملو مع الوضع ده ازاااااى؟؟؟؟؟؟؟؟؟؟ ولااحنا عايزين نستفيد من الكادر كحقوق وفلوس ومش نلتزم بباقى البنود ياريت نخلينا منطقيين فى مطالبنا عشان منضيعش لاوقتنا ولامجهودنا فى حاجات صعبة التغيير بين يوم وليلة انا رايى ان مطلبنا الاساسى لازم يتركز فى اننا زى مابنعمل اللى علينا وبندخل امتحانات ونحضر تدريبات وناخد نصاب حصص زى الاساسيين نتعامل زيهم ونبقى اساسيين وعندنا درجة مالية عشان نقدر نحصل على حقوقنا زيهم فى النقل والاجازات الطويلة والاعارات هى دى العدالة الحقيقية

[مسيو عاطف]

كلنا معاك وعلي فكرة انا مستوفي الشروط

[Observer]

up
up
شكرا استاذ محمود فتحى
موضوع مهم وكلنا لازم نشارك فى الصفحة
لحد مانوصل 10 الاف واكتر

[عبده44]

معاك وبرده مستوفي الشروط عاوزين نتثبت من غير شروط

[misterzook]

تمام كلنا ايد واحدة

[أبوطالب82]

كلام رائع والله برغم انى مستوفى الشروط
بس والله يا جماعة ماهينصلح حال البلد إلا لما ينصلح حال التعليم فيها

[محمود شعت]

انا نفسى سجلت فيه
جزاكم الله خيرا

[سيف رسول الله]

معلمون معتصمون حتى الموت

http://ilikeegypt.com/teacher.php

بيان تغيير الظلم

تاريخ الظلم:

لقد قال أحد الزملاء كلمة أعتقد أنها وافية لسرد ماحدث لنا :
لقد تعرض المعلمون المساعدون لكل أنواع الاهانة التي يمكن أن يتخيلها بشر ، فالكثير منهم اضطر للاستدانة و البعض الآخر باع شبكة عروسه ، و ذلك كله بهدف تغطية نفقات الحصول علي الدبلومة التربوية اللازمة للتعيين ، و بعدها تم اختراع موضوع شهادة Icdl ، ليس لهدف سوي تعطيل تنفيذ القانون ، و لقد انصعنا للامر الواقع و قلنا " آمين ".
و بعد أن كان المطلوب هو النجاح في أربعة موديولات فقط " أربعة امتحانات " ، عندها اكتشف السادة المسؤلون الجهابذة أن مخططهم لم يكبح جماح شباب المعلمين ، فذادوا الموديولات " الاختبارات " الي سبعة كاملة .
و لكن هيهات لهم أن يوقفوا النهر عن الجريان ، لقد اجتاز الآلاف من شباب المعلمين الاختبارات ليحققوا رقما قياسيا لم تحققه أي وزارة أخري .
و جاءت النهاية ، و نضبت الحيل ، فأخذ السيد الوزير الأسبق / احمد ذكي بدر .. يستخدم حيلة التسويف و التأجيل مرة بحجة أن الأوراق و المستندات تتم مراجعتها ، و مرة بحجة أن هناك بعض " القلة المندسة " التي قامت بتزوير أوراقها ، و مرة ......... تجر مرة ......
الي أن قامت الثورة
و استيقظت مصر
و فر الجبناء الفاسدون
و هبت رياح التغيير
و أخيرا هلت قرارت التعيين
و لكن .. و يالها من كلمة تقتل كل أمل و حلم
بدأت اللعبة من جديد
تم الاعلان عن أن رسائل التهنئة سوف ترسل لكل من استوفي أوراقه
و جاءت الرسائل بالفعل و لكن لبضع مئات
و الأغلبية الساحقة لم تجد شيئا
و تم ارسال أسماء من ستم تعيينهم الي الادارات التعليمية
و لكن ....
أين بقية الأسماء ، و هم قد استوفوا كل أوراقهم ، لدرجة أنني كنت عندما أشتري جريدة " جرنال " كنت أختمها بختم النسر و أحتفظ بها لعل جهابذة الأكاديمية يطالبونني بصورة منها شرط تكون "طبق الأصل"
لقد اكتشفنا أننا قد وقعنا ضحية موظف / ة مستهتر / ة
و لكن ما ذنبنا نحن !!!
انني أحذر من انفجار وشيك ، و ثورة ربما لن تكون سلمية تماما
اللهم و قد بلغت
اللهم فاشهد

مطالب تغيير الظلم كالآتي:
1-تثبيت جميع المعلمين المساعدين الذين استوفوا شروط التعيين فورا أسوة بزملائهم، وعدم الانتظار والتسويف الذي اعتدنا عليه من الحكومة
2-إلغاء شرط ال ICDL
3-التثبيت الفوري لكل من أمضى 3 سنوات بناءا على قرار رئيس الوزراء حيث أننا لسنا أبناء البطة السوداء ، تم تثبيت جميع المؤقتين الا المعلمين !!! هل لأننا أبناء البطة السوداء أم لأن قدرنا أن نكون معلمين في هذه البلد؟!

سوف يتم التجمع على حسب المحافظة والارسال عبر الايميل او التليفون ما سوف يتم فعله

عزيري المعلم السامي والعظيم كن ايجابيا وشارك في بيان تغيير الظلم :

[ellafy]

كلنا معاك وعلي فكرة انا مستوفي الشروط

[elsaqer11]

شكرا على فكرة العدد بقى كويس والنهاردة هابعت ايميل للجميع ان شاء الله اعتصام السبت والاحد كل واحد قدام المديرية بتاعته وجماعة القاهره واللى قريبين من القاهرة قدام الوزارة وياريت مانخرجش عن المطالب اللى موجودة في الموقع عشان حقوقنا متضيعش لازم نتحد الاول وبعدين اللى ليه مطالب تاني يقولها بعدين ، بالمناسبة انا هاضيف طلب اسقاط النقيب فما رأيكم ؟؟؟