مطالب 80 مليون مصرى

[سنا مصر]

المشاركة الأصلية كتبت بواسطة nagar3321

كل يوم هو فى شأن

نعم وهذا هو القلق بعينه ، عدم التخطيط للمستقبل

[سمر2000]

هيضيعو باندفاعهم كل المكاسب مثل
) لولا هؤلاء الشباب مصر كانت ستورث لجمال مبارك والشعب الغلبان كان هيقعد كمان 30 سنه تحت الظلم والقهر والتخلف
2) لولا هؤلاء الشباب ما تم الكشف عن كل هذه المليارات المنهوبة من دم هذا الشعب المغلوب على أمره
3) لولا هؤلاء الشباب لما سمعنا عن قائمة الفساد المخيفة في هذا البلد العظيم
4) لولا هؤلاء الشباب لظل التعذيب بكل أنواعه يمارس ضد أبناء هذا الشعب دون أن يفتح أحد فمه
5) لولا هؤلاء الشباب لما تغير شعار الشرطة الى (( الشرطة في خدمة الشعب
6) لولا هؤلاء الشباب لما حدث أي تغيير في دستور مصر العظيمة
7) لولا هؤلاء الشباب لما وجدت فرص عمل لألاف الشباب العاطلين عن العمل وها أنت تسمع عنها كل يوم
8) لولا هؤلاء الشباب لما تم تغيير وزراء رأس المال الذين أمتصوا دماء هذا الشعب المطحون
9) لولا هؤلاء الشباب لما تغيرت ثقافة هذا الشعب للأفضل على الأقل بدأ يتغير فعلا
10) لولا هؤلاء الشباب لما كان هناك أحد يطالب بالعدالة في توزيع الأجور والمرتبات

[سنا مصر]

المشاركة الأصلية كتبت بواسطة أحـمد قرنى

كلامك صحيح
للأسف فى مجموعة من الشباب الفاضى مش لاقى حاجة يعملها وبيغنى وخلاص وهو مش فاهم حاجة

لأ مش هنقول فاضيين ، كلنا نحب مصر ولكن يجب أولاً أن نكون مدركين لما حولنا كله من جميع النواحى وكذلك معرفة إلى أين نسير .

[سنا مصر]

المشاركة الأصلية كتبت بواسطة أبــو بطــــــــــة

ربنا يهديهم جميعا

اللهم أنر بصيرتنا واحمِ مصرنا

[سنا مصر]

المشاركة الأصلية كتبت بواسطة patient

ياأستاذ عرفت منين أن دول شوية شباب فاضيين ومش لقيين حاجة يعملوها .......... هــــــــل تعــــــلم
1 ) لولا هؤلاء الشباب مصر كانت ستورث لجمال مبارك والشعب الغلبان كان هيقعد كمان 30 سنه تحت الظلم والقهر والتخلف
2) لولا هؤلاء الشباب ما تم الكشف عن كل هذه المليارات المنهوبة من دم هذا الشعب المغلوب على أمره
3) لولا هؤلاء الشباب لما سمعنا عن قائمة الفساد المخيفة في هذا البلد العظيم
4) لولا هؤلاء الشباب لظل التعذيب بكل أنواعه يمارس ضد أبناء هذا الشعب دون أن يفتح أحد فمه
5) لولا هؤلاء الشباب لما تغير شعار الشرطة الى (( الشرطة في خدمة الشعب
6) لولا هؤلاء الشباب لما حدث أي تغيير في دستور مصر العظيمة
7) لولا هؤلاء الشباب لما وجدت فرص عمل لألاف الشباب العاطلين عن العمل وها أنت تسمع عنها كل يوم
8) لولا هؤلاء الشباب لما تم تغيير وزراء رأس المال الذين أمتصوا دماء هذا الشعب المطحون
9) لولا هؤلاء الشباب لما تغيرت ثقافة هذا الشعب للأفضل على الأقل بدأ يتغير فعلا
10) لولا هؤلاء الشباب لما كان هناك أحد يطالب بالعدالة في توزيع الأجور والمرتبات
وأخيرا أخواني الأفاضل كل له وجهة نظره حسب ما هو عليه من أوضاع لكن لا ننكر أهداف هذه الثور العظيمة بكل المقاييس يكفي أنه راح ضحيتها أثر من 500 شهد غير الأف الجرحى من أجلي وأجلك

معك كل الحق فيما قلت ونحن اعترفنا بذلك بل وانضممنا لهم ، ولكن ألست معى أن ما يحدث الآن هو نوع من التخبط ، وما فى حد مننا عارف البلد رايحة على فين ؟؟؟ ديمقراطية وحرية ؟؟؟ متهيألى بالشكل اللى شايفينه دا ، دى لا حرية ولاديمقراطية

[سنا مصر]

المشاركة الأصلية كتبت بواسطة أحـمد قرنى

حضرتك للأسف فهمت كلامى خطأ
أنا بتكلم على الشباب اللى بيطالب برحيل فلان وفلان لأنه من عهد الرئيس السابق ، وعلى الشباب اللى عاملين اضراب عن العمل لمطالب معين وإذا لم تتم فى الوقت الحالى وهما واقفين مكانهم هيضربوا عن العمل ،
هل شباب الثورة الشريفة والطاهرة نادى بذلك ، هل نادى بالمصالح الشخصية على حساب صالح البلد .

نعم هذا ما نقصده ، يجب أن تكون هناك موضوعية فى أسباب المطلب ، وإلا سنجد اعتصام كل فمتو ثانية كما يحدث الآن ، ما هو كله بيقول استغل هوجة المطالب .

[سنا مصر]

المشاركة الأصلية كتبت بواسطة omda noureldeen

والله العظيم فى ناس كتير ماشية فى المظاهرات وخلاص زى الباقيين مش عارفين هما عاوزين اية

أكيد ، وفيه أصلاً ناس رايحة تتفرج وتتصور ، وربنا يستر

[سنا مصر]

المشاركة الأصلية كتبت بواسطة كمبس 72

نفسي العقلية تنضج ويكون المشارك على قدر المسئولية
السيد الفاضل صاحب هذه المشاركة يا أخي الفاضل أنت عاوز ايه بالضبط لسه مطالب الثورة لم تتحقق لسه زيول النظام البائد تتلوى حول الثورة المباركة
وأخيرا أقول لك اتقي الله

الحمد لله تقوى الله دى غايتى ومرادى
أنا عايزة أقول اننا قبل ما نطلب المطلب نكون موضوعيين فى أسبابه ، مش مطلب وخلاص ، خلاص صدقونى الثورة نجحت وذيول ايه دى هو فيه حد ممكن يعمل حاجة تانى منهم ثم انت ضامن كل واحد فى باقى الشعب إنه هيبقى تقى ومش فاسد ، انت متأكد إن كل اللى بيطالب بالتغيير الآن ليس عن تشفى وتصفية حسابات ؟؟ لو كان الأمر هكذا وكلنا بنحب مصر ، ليه أول حاجة اتعملت هى القوائم السوداء ، هى الثورة مش نادت بالحرية فى الرأى ؟؟؟ ليه كل واحد بيطلع يتكلم تجده متشدد ومتعصب ومش راضى حتى يسمع الرأى التانى؟؟؟؟ بذمتك مش دى حاجة تقلق وتخوف

[سنا مصر]

المشاركة الأصلية كتبت بواسطة ashrof1010

يا جماعة مش كل واحد يتكلم نقفش بيه مش عايزين ننقسم (مع|ضد) انا مع الشباب قلبا وقالبا ولكن لى بعض التحفظات :
1)تصنيفهم لكل من يختلف عنهم بانه ضد ووضعهم له فى القائمة السوداء
2)بدات بعض الأصابع الخفية والشياطين الانسيه تلعب فى الخفاء
3) التصلب والتشدد دى حكومة تسيير الاعمال يعنى مؤقته ونصيحتى مراجعة العقل والمنطق
4)انصرافهم عن اهم شىء لنا وهو الأمان وليكن هذا هو المطلب الأساسى الان ولابد من تحقيقه بانشاء هيكل جديد للشرطة وذلك باخراج دفعات استثنائية من طلاب كلية الشرطة وذلك طبعا بعد اعادة تغيير ما رسخ فى اذهانهم من 00000
5)سمحوا لبعض الاعلاميين 000بتغيير صورتهم لدى الشعب بانهم اعداء للراى الأخر ويريد ان ينصبوه بطل قومى عليهم ان يتبراوا منه ومن غيره الذين يحاولون تحقيق امجاد على اكتافهم

دا اللى بنحاول نقوله وما فى حد منهم سامعنا

[سنا مصر]

المشاركة الأصلية كتبت بواسطة زكريا مختار

الناس اللي موجودة حاليا تابعين لتيار معروف للجمبع
فياريت الناس يكون عندها صبر دي حكومة انتقالية
ولازم كل واحد يحترم راي الاخر

من غير ما نقول تابعين أو غير تابعين ، أكيد فيهم شباب واعى ومثقف
ولكننا نريد الصبر مش مسك الايد اللى بتوجع واللى ممكن يؤدى إلى
فقدها.

[سنا مصر]

المشاركة الأصلية كتبت بواسطة mohsen ghareeb

أختى الفاضلة
هل هذا استخفاف بمطالب شباب الثورة ؟ !
أم أن هذا مشاركة منكم تُظهر مدى كرهكم لعهد مبارك الفاسد ؟ !
أنا عن نفسى كرهت حتى أسماءهم والتى لاتعبر عن شخصياتهم بأى حال من الأحوال !!!
مبارك ، جمال ، علاء ، نظيف ، سرور ، العادلى ، عز ، زهير ، رشيد ، .......

لا أنكر أن مطالب شباب الثورة كلنا تمنيناها، لا أنكر أننا عانينا ، ولكن عندما آتى لحضرتك وأقولك يجب اقالتك من هذا المنتدى ، مش يجب أن تكون معى أسبابى ومبرراتى التى يقبلها العقل وتكون أيضاً مدمجة بمستندات ، وألا خلاص أول ما أقول اقالة يبقى الكل يسمع كلامى ، مش معنى انك كنت منظومة فساد إنك أيضاص فاسد ، هتقولى لأ كنت استقيل ، هأقولك مش يمكن انت فى المكان اللى بتشغله ممكن تحسن فيه وانك شايف ان دورك ستؤديه فى هذا المكان .

[سنا مصر]

المشاركة الأصلية كتبت بواسطة جدو عبده

مطالب مشروعة

على بركة الله

بس مفيش درة الأيام دى

هندارى فين ؟!!!!!!!!!!!!!!

شكرا على الموضوع
ويكفينا شر المتشددين اللى على هدم البلد ناوين
وعلى خرابها مصمصمين
وفى كل سكانها مشككين
وولاد أخويا الخمسه اللى كانوا فى السياحة شغالين
وعلى المصطبه دلوقتى قاعدين ومربعين -
وياترى حقهم دلوقتى هنا خدوا من مين ؟؟؟؟
من صاحب شركات أومن ناس مرتبهم بالملايين
وفى الميدان واقفين ؟ وبحقوقهم السياسية مطالبين

وكل الاحترام والتقدير لشباب 25يناير أبطال الثورة الحقيقين
وربنا ينتقم من أصحاب الفكر الهدام والمثعلبين
ولدماء الشهداء مستغلين
حسبنا الله ونعم الوكيل

نعم نفسنا الكل يعرف ان رأينا بالهدنة ليس معناه اننا مش معترفين بكل اللى حصل وبالثورة ، ولكن كل ما نرجوه هو نظرة متأنية

[سنا مصر]

المشاركة الأصلية كتبت بواسطة ابو عثمان

ينصر دين ابوك اكيد اللى بيستهزئ بمطالب الشعب المصرى كان منتفع بشكل او باخر من النظام القديم زى الاقطاعيين زمان انتوا نسيتوا ان 80% من الشعب المصرى تحت خط الفقر تعالوا شوفوا اغلب اهالى الصعيد بيتحصل على قوت يومه بالعافية والحرامية نهبوا مليارات البلد حرام عليكم والله العظيم لو شباب التحرير تنازلوا خطوة واحدة للوراء لكان النظام استعبدنا معلهش هنتعب شوية لكن الحال سيتحسن بشكل ملحوظ ان شاء الله

بالعكس أنا اتظلمت زى كتير من المصريين ، ولم تكن لدى أى استفادة من النظام سوى إنى عايشة فى أمان نسبى ،
ولم أكن مستهزئة بالمطالب إلا عندما وجدتُ مطالب دون مبررات ، يعنى إيه إنى أقول يا مطالبى تتنفذ يا هأعتصم ، يعنى إيه لازم تُلبى حالاً ، يعنى إيه أقول ليه ما قبضوا على فلان وعلان وليه ما حاكموهم " هو انت أول ما تقول حاجة لازم تكون صح هأدخل كمان فى شغل القضاء والمحاكم " كلنا بنسمع حاجات كتير لكن الصح والصواب فين ما فى حد يعرف ، مش طالبين غير شوية صبر ، واللى بيستشهدوا بتونس أقولهم إن كل شوية يجيبوا لهم رئيس وزراء وما يعجبهم
، معظمنا مدرسين مش كدة ؟؟
يا ترى وانت بتشرح فى الفصل متأكد انهم كلهم بيحبوك وفاهمين ؟؟
أكيد لأ ...إيه رأيك ان اللى مش بيحبوك ومش فاهمين يخرجوا ويطالبوا بإنك تخرج من الفصل ؟؟!!!!!!!!!!!!!!!!!!!
ثم الاسلوب اللى حاصل جعل حتى طلاب الثانوية يعتصموا عشان المفصولين يرجعوا ، وألا اللى اعتصموا فى مدرسة عشان المدير مش عاجبهم ،
قولوا لى ايه بقى الفرق بينا وبين البلطجية ؟ انهم بيستعملوا السلاح !!!!!!!!!!!!!!

[سنا مصر]

شكراً لكل مَنْ ساهم برأى ورد
وأتمنى أن تكون هكذا حواراتنا
راقية كرقى أخلاقنا
سامية كسمو مبادئنا
وقد أعجبنى التعليق الآتى على أحد الموضوعات فى جريدة اليوم السابع ، ورأيته يعبر عن حال 80 مليون مصرى أمثالى الذى يُقال عنهم سلبيين .

هكذا كان طموحى فما هو طموحك؟؟؟؟؟؟؟؟؟؟؟

أيها الثورى العظيم الذى جعل حلم الحريه أصبح حقيقه وكل الامانى أصبحت ممكنه.
فقبل اليوم الخالد للحريه فى مصر 25 يناير كانت طموحاتى السياسيه بسيطه ولكنها
كانت صعبه للغايه وهى آلا يستطيع جمال مبارك الوصول إلى الحكم حتى لا نعيش
فى نفس الظروف القاسيه التى نعيشها فى عهد والده.وقد كانت كل الإتجاهات
والهيئات والقوانيين والدساتير يصنعون ويزخرفون كرسى الرئاسه على مقاس
البيه جمال لدرجة أنى أقنعت نفسى بشئ حتى استطيع أن أتقبل هذا الوضع وهو
أن يكون جمال رئيسا لمصر أحسن من غيره (على الأقل جمال شبع فلوس إنما لو
حد جه تانى هيبقى جعان وهينهب فى الشعب)وهذه الفكره كانت مسيطره على معظم
شعب مصر البسيط .
وقد صال وجال فطوطه بيه (أحمد عز) حتى يسيطر هو وجمال
وأعوانهم على مصر ولكن تأتى الرياح بما لا تشيهى السفن فقد كان هو القبطان
الغبى الذى قاد سفينة النهب والسرقه والتزوير والتوريث إلى الغرق .
فقد
أنتفض الشباب ومن ورائه الشعب لكى يقفوا أمام الظلم والأستبداد .وقد كان
ما لم يصدقه عقل إرادة الله مع إرادة الشعب وأن ينعم هذا الشعب ببريق
للحريه والرخاء .
وقد كانت الأحداث تفوق بكثير أعظم طموحاتى فقد رحل
الطاغيه . رحل مبارك ومن بعده حكومته ومن بعده مجلسى صفوت وسرور ومن بعده
دستوره ومن بعده ظهرت المليارات المنهوبه. كل هذه المكاسب والأحلام
والأمانى تحققت ياالله ياالله . فأنا فى غاية السعاده والراحه وأتطلع بهذه
الإنجازات لغداً مشرق ومستقبل يعمه الرخاء بإذن الله .
أما أنت أيها الثورى العظيم فما مدى طموحك ؟؟؟؟؟؟؟
أرجو منك أن تتريث فالبناء لا يقام مرة واحده ولكنه يحتاج إلى رسم ثم تخطيط ثم بناء ثم ...... .......
فتمهل يا أخى فنحن معك شركاء فى دين واحد ووطن واحد ودماء واحد ومنهج واحد . فنحن معك حتى يكتمل طموحك بإذن الله . والله الموفق .

أخوك / أحمد عبد الحميد

[طبعي كدا]

المعذرة هو في توقيع احد الاعضاء قريت

يعني اصلا هو مين قال ان وائل غنيم هيترشح ليه عمل ايه يعني علشان يرشح نفسه

لا اله الا الله استرها يا رب