اخرجوا يوم السبت وقولوا نعم للدستور

[miss_emy]

على جميع المصرين أن يثبتوا أنهم يعملون على استقرار مصر وأنهم يفهمون مقاصد العلمانيين الفاسدين وأصحاب الرغبات الخارجية الذين يسيرون خلف ما يقوله اغرب والأمريكان دون تفكير
إنهم يريدون أن تظل مصر فى فوضى وأن تُدمر اقتصاديا لنظل محتاجين إليهم وننصاع لرغباتهم الشريرة والتى يضعونها فى طبق من ذهب
طبق الحرية والعدل والمساوة وهم أبعد عن ذلك
لاتسيروا خلفهم واعملوا من أجل مصر مصر فقط وشعبها الطيب الذى عانى كثيرا
أما البرادعى وأمثاله فهم لايعرفون عن مصر وأهلها شيئا ولم يشعروا بها أبدا
قولو (نعم)لاستقرار مصر-نعم لعودة مصر إلى مكانتها _نعم للوحدة الوطنية_نعم للحب بين أبناء مصر
لاتتركوهم يفرضون رأيهم فنكون قد استبدلنا رئيس فاسد بأشخاص أشد فسادا منه
نعم نعم نعم نعم نعم نعم ن لتعديل الدستور
تحياتى
واحده بتحب بلدها وعايزه تشوفها زى ما كانت أم الدنيا

[محمد حسين الشربينى]

نعم للتعديلات الدستورية من أجل الاستقرار

[ناجى اسماعيل عبد النبى]

انا كنت بنام فى التحرير عشان تيجى انت وتئول نعم للتعديل لا للتعديل ونعم لدستور جدييييييييييييييييييييييييييييييييد

[miss_emy]

نعم والف نعم بكرا تندم على لا دى البلد يا اخى هتعانى من فراغ تشريعى بعد كدا زيه زى الفراغ الامنى واللى حصل وترتب عليه وانت شفت وغيرك شاف البلطجيه بقوا فى كل مكان
البلد هنخربها بأيدينا صدقونى
نفسى اشوف بلدى كويسه
نفسى اشوف الامن فيها زى الاول واحسن
استرها معانا يا رب

[سفير الحياه]

لا لترقيع الدستور
نعـــــــم لدســـــتور جـــــديد .. بناء على الشــــرعـية الثـــــورية

[miss_emy]

ترقيع خلينا ماشيين ورا افكار الغرب والناس المغرضه اللى هتودينا ورا الشمس

[vip_ame]

وانتى مالك باصوات الناس التانية ؟؟؟؟؟؟؟؟؟؟؟؟؟؟؟

المشكلة ان كل واحد عنده رأى عايز يفرضه على باقى الناس

انا ان شاء الله هاقول لأ

ده رأيى وأنا حر

وكل واحد حر

لازم نفهم يعنى ايه كل واحد حر فى رأيه

ونفهم برضه ان الحملات الموجهة بتجيب نتائج عكسية فكل واحد ياريت يخليه فى نفسه احسن

مش علشان هاقول نعم هابقى وطنى ولا علشان هاقول لا هابقى مش وطنى كل واحد شايف ايه مصلحة البلد من وجهة نظرة الاتنين وطنيين اللى بيقول نعم خايف على البلد واللى بيقول لا برضه خايف على البلد

المهم كله يروح ان شاء الله يوم السبت واللى نفسه فى حاجه يقولها ونشوف الاغلبية لمين

[drfayoum2010]

نعم للتعديلات الدستورية من أجل الاستقرار

[mostafa_basha]

مش عارف انا حاسس ان اللجنة الالكترونية بتاعة الحزب الوطنى لسة شغالة
على العموم حضرتك فاكرة ان دم الشهدا اللى ماتوا وضحوا بنفسهم علشان البلددى تبقى حرة و علشان يوقعوا الدستور و فى الاخر نرقع الدستور وندى الرئيس الجاى سلطات الهية وكمان نخلى نسبة 50 فى المية عمال وفلاحسن وكمان مافيش الزام للرئيس انة يحط دستور وكمان انة يجيب لجنة تحط الدستور على مزاجة
وبعدين بلاش نغمة الاستقرار دى لانها بقت مفقوسة قوى الكلمة دى سمعناها كتير من الرئيس المخلوع الله لا يرجع ايامة انة اما انا او الفوضى ودلوقتى لسة بسمعها معناها ان الثورة المضادة على اخرها انا هصوت بلا و انا حر

[mostafa_basha]

ده على أساس يعنى أن الرئيس القادم حيقلل من صلاحياتة و لا على أساس ان مجلس الشعب اللى نصفة عمال و فلاحين لا يعرفوا القراءة و الكتابة حيبقا عندهم ثقافة نقد الرئيس و إنتاج دستور عظيم يليق بمصر و شعبها و الشهداء اللى كده دمهم حيروح هدر ...طيب ماكنا من الأول وافقنا على التعديلات اللى مبارك عرضها علينا و مكنش ناس ماتت ...جايين تقبلوا دلوقتى بالفتات

[seef2006_]

نعم والف نعم وموافق للتعديلات حتى تمر الازمة والاخ ناجي اسماعيل مش انت لوحدك الي كنت بتنام في مدان التحرير واحنا كنا بنحرسك وانت نايم