هل أنت راضى عن مرتبك كمعلم ؟

[fefemath]

افرجها ياااااااااااااااا رب

[fefemath]

يا رب اصلاح شامل فى كل حاجه مرتبات و مناهج ومعامله؟؟؟؟؟؟؟؟؟؟؟؟؟؟؟؟؟؟؟؟؟؟

[فاطمة الزهراءمحمد]

احنا لازم فعلا نعمل حاجة ونكون ايد واحدة
ما فيش حد بيفكر فى المدرسين ومرتباتهم التعبانة عشان حيتان الدروس الخصوصية
انا اختى مدرسة اولى لغة عربية فى اعدادى وبنتها بتاخد دروس فى الثانوى اكتر من 700 جنيه فى الشهر يبقى ده حرام ولا حلال
خلاصة الكلام احنا بندور فى حلقة مفرغة يا ترى ايه السبب الدروس الخصوصية ولا المناهج المضغوطة الصعبة

[em_aladly]

العيسوى يقرر صرف حافز شهرى لأمناء وأفراد الشرطة

الإثنين، 21 مارس 2011 - 17:55
قرر اللواء منصور العيسوى، وزير الداخلية، صرف حافز شهرى جديد بمسمى (حافز العمل المميز)، إضافة إلى حافز (تطوير العمل) الذى تقرر صرفه شهريا من قبل لأفراد الشرطة من الأمناء والمساعدين والصف والجنود والخفراء وكافة درجات العاملين المدنين، وذلك اعتبارا من أول إبريل 2011، حرصا من وزارة الداخلية على توفير أقصى درجات الرعاية لكافة أبنائها وأسرهم.

يأتى ذلك فى إطار المتابعة المتواصلة من جانب العيسوى لسير العمل باللجان المكلفة بمدارسة أوضاع الأفراد العاملين بجهاز الشرطة.

[رانيا محمود]

يا ناس يا هوه إحنا فين من كل ده .
عارفين ليه محدش سامعنا ؟ لأن صوتنا واطى أو بنتكلم فى سرنا أو بندعى ساعة عصرية إن حد يفتكرنا لو تبقى فلوس بعد الزيادات لكل القطاعات ، يبقوا يحنوا علينا . كل ده وإحنا قاعدين مكاننا وبدون جهد .
لا لنقابة لا تحقق مطالب أصحابها ولا لوزير كل همه ديوان الوزارة و تثبيت المتعاقدين .

[sdfsdf]

لابد من وقفة جادة ونتحد جميعا فيها

[sasawawa]

مرتب ايه اللي عايزينه يزيد ؟مش كفاية فلوس الدروس اللي ناهبين بيها فلوس الأهالي الغلابة ولاّ المكافأة اللي بتاخدوها علي قلبكم كل سنه؟؟

الكلام دا مش كلامي طبعاً،دا الكلام اللي احنا بنعاني منه بالرغم
ان في كتيييير مننا مبيديش دروس وانا منهم
والمكافأة اللي تاعبة كل الناس حتي سائقي السيارات وبائعين الخضار لم تصل بعد 10 سنين تعيين الي 2000 جنيه يعني بتساوي مرتب واحد في الضرائب او البترول او الكهرباء كل شهر ، لكن مين يسمع ؟؟

لمّا الوزارة نفسها مش مهتمة بينا !..تبقي الناس معزورة

[محمدمدبولي1]

مقترحات
1/ تشكيل لجنة تضم نخبة من المعلمين
2/هذة النخبة تمثل جميع المعلمين من جميع المحافظات والادارات
3/عقد اجتماع فوري فور تاسيسها علي مستوي المحافظات ثم علي مستوي الجمهورية
4/الاتفاق علي طلبات عامة تخدم الجميع وترفع من شان المعلم حيث( وضع حد ادني وحد اقصي -رفع الحافز الي 100% بقاي مراحل الكادر كما هي ماديا ولكن الانتقال من مرحلة الي اخري يكون بالتدريب ورفع الكفاءة وليس الامتحان - وضع حافز اثابة شهري انسبة 10% من العاملين بالمدرسة - رفع المكافئة الي 500 يوم وبحد اقصي 10 الاف جنية .............................. الخ ) حسبما سنتفق
5/ ان تذهب هذة النخبة في موعد اقصاة شهر من الان لمقابلة الوزير لتنفيذ هذة الطلبات ملوحين بورقة الاضراب العام وكذلك ورقة الثانوية العامة وغيرها من كروت الضغط )


من يوافق علي تشكيل هذا الاتحاد فليوقع علي هذة الصفحة

ويترك اسمة وادارتة ومحافظتة ورقم التليفون

[رانيا محمود]

مقارنة بسيطة بينى وبين قريب لى ولكنه يعمل بالبترول وقد تم تعيينه عام 2003 مثلى تماما .
مرتبى بالحوافز 525 جنيه مصرى ، مرتبه يتخطى 2000 جنيه بالبدلات .
العام الماضى كانت مكافأة الأمتحانات 1620 جنيه والأرباح بالنسبة له 17 ألف جنييييييييييييييييييه .
والله لا حسد ولا حقد على أحد ولكن أين عدل الدولة ؟ كيف أن أغلب من يحصل على هذا الدخل ممن يجلسون على المكاتب بعمل قليل ووضع محترم .
على العكس من التدريس عمل مجهد ، تحكم من المدير والموجه و رئيس القسم و............................ ومعاملة لا تليق بمعلم محترم ، كل هذا بالأضافة إلى المرتب المخزى والفكرة السيئة عن المدرس بأنه حوت دروس وهذا والله لا ينطبق على 70% من المعلمين ولكن للأسف السيئة تعم .
كل ما نطالب به العدالة فى الأجور والتعامل الأدمى .

[mo_el_amir]

لست من انصار التظاهر الاول نراعي ضمرنا في العمل ونرحم اهالينا من الدروس الخصوصية ونعمل بالمدرسة مثل الدرس وبعدين نفكر في الفلوس

[الرعب3250]

الللة ينورررررررررررررررررررررررررررررر

[رانيا محمود]

أصدر مجلس إدارة بنك التنمية والائتمان الزراعى عدة قرارات مالية وإدارية لتحسين مستوى العاملين بالبنك، وتتضمن هذه القرارات منح جميع العاملين علاوة إضافية قدرها ١٥٪ تحتسب على الراتب الشامل، وزيادة الراتب المصرفى من ٧٥٪ إلى ١٠٠٪ من الراتب الأساسى، وذلك بالإضافة إلى العلاوة الاجتماعية التى قدرتها الدولة مؤخراً بـ١٥٪، اعتباراً من أول أبريل المقبل، ويصل بذلك إجمالى الزيادات الجديدة إلى أكثر من ٥٥٪.
واعتمد الدكتور أيمن فريد أبوحديد، وزير الزراعة، أمس الأول، قرار مجلس إدارة البنك ضم العلاوة الخاصة البالغة ١٠٪، والتى منحت بمناسبة اليوبيل الماسى لإنشاء البنك إلى الراتب الأساسى، ورفع قيمة الحافز الشهرى إلى ١٠٠٪ من الراتب الأساسى فى بنكى الوجه البحرى والقبلى، مع تحقيق المساواة الكاملة بين العاملين فى هذا المجال.
إصحوا يا معلمين كل الجهات بترفع رواتب العاملين بها حتى من غير مظاهرات ، وهذا لأن عندهم إحساس بما يعانوه وليس مثل وزارتنا الفاضلة التى لا تعيرنا أى إنتباه على إعتبار أننا فئة غير منتجة . حسبى الله ونعم الوكيل

[أ/رضا عطيه]

أحكم إنت

أربعة رجال فى منزل واحد

الاول فى التليفونات

التانى فى الكهرباء

التالت فى بنك الإئتمان الزراعى

والرابع مدرس

كانوا التلاته قبل الكادر وضعين المدرس الأولى بالرعاية من الألف للياء

بعد الكادر عيش حياتك ونظمها -- انت بتاخد كادر

وماكان بالأمس بالمجان صار اليوم بأغلى الأثمان

وادفع يا أبو كادرخاص -- وخللى الكادر ينفعك

وربنا يولى من يصلح

شكرا لكم

[sasawawa]

المشاركة الأصلية كتبت بواسطة ضى القمر1

معلومة احب اضيفها بالنسبة للمرتب بالنسبة للمدرسين فى صعيد مصر ( قنا واسوان ) بالتحديد انا اعرف ان المرتب هناك كويس جدا وده لانهم باخدوا حوافز اضافية بما يسمى البدل النقدى و التذاكر وبدل اقامة لو انك مش من ابناء المحافظة وكمان بدل وجبة يعنى للى عرفته ان مرتب المدرس حاليا هناك تعدى الالف و 200 بعد الكادر لذلك هم هناك حسوا بزيادة المرتب بعد الكادر ده مش كلام وبس انا اشتغلت هناك مدة طويلة ولما نقلت لمحافظة وجه بحرى نقص مرتبى كتيير لذلك لو لاحظتوا انهم لا يطالبوا بالزيادة زيينا ولو ان الزيادة هتبقى مصلحة للكل

كلام سيادتك صحيح احنا فعلاً في الصعيد مرتبنا بيزيد عن زملائنا في وجه بحري ولكن مش لدرجة الارقام دي
حضرتك انا تعيين 2000 ومرتبي بعد كل البدلات والكادر ومن الاخر لم يصل الي 750 جنيه ،والحمد لله
وحسبنا الله ونعم الوكيل

[Computer_2007]

ياريت نفكر فى كيفيه حصولنا على كادر المعلم و بدل الاعتماد على أساسى العام الحالى

و ليس على أساسى العام السابق كما هو مطبق حالياً بالفعل

لأن ده حق شرعى تماماً للمعلمين ، و ليس من المنطقى أبداً أن يتم احتساب الكادر و البدل على أساسى السنه السابقه

ياريت يا جماعه لو حد عنده صوره قرار وزير الماليه اللى صدر بخصوص احتساب الكادر و البدل على أساسى السنه السابقه

عشان نقدر نغير الوضع ده ، أو نحاول نرفع قضيه للمطالبه بحقنا فى الحساب على أساسى السنه الحاليه

كمان ياريت ننشط موضوع تصحيح حساب العلاوات الخاصه اللى تم خصمها من أساسى المرتب بالخطأ

لأن هيترتب على ضمها إلى أساسى المرتب ، زياده كبيره فى قيمه المرتب الصافى و كمان الكادر و البدل و المكافأه

فياريت لو فى حد من أعضاء المنتدى صدر له حكم بأحقيه ضم العلاوات الخاصه إلى أساسى المرتب

يحاول يرفع صوره من حكم المحكمه و حيثيات الحكم عشان يستفيد منها باقى الأعضاء

و شكراً