شعب غير مهيىء للديمقراطية هل هذا صحيح ؟؟!!

[زمن فطين]

المشاركة الأصلية كتبت بواسطة أمين120

بنقول أن الديمقراطية هى حكم الشعب لنفسه
طب إيه اللى يخلى سواق الميكوباص يقف فى نصف اتلطريق ويكسر الإشارات ؟
طب إيه اللى يخلى كل بائع خضار يقف فى السوق شاغل الطريق ولا يخاف من احد ؟
طب إيه اللى يخلى المدرس لايحضر ولايسمع كلام الموجه وبيضرب اللوائح عرض الحائط؟
طب إيه اللى يخلى ماتش كورة لا هنا ولا هناك يقطع أواصر الصداقة والاخوة بين شعبين ؟
طب إيه اللغوة إللى بنسمعها هنا وهناك أن دول أنصار النظام السابق أو بتوع الثورة المضادة ونسينا أن هؤلاء ايضا مواطنين ولهم حقوق وعليهم واجبات ؟
إحنا شعب تعودنا أن نلقى التهم ونعلق الشماعات ونصف الناس أنته إخوانى ,إنته سلفى لا إنه شيوعى ولا إنته بهائى واخيرا إمسك حرامى ده فيه واحد وطنى ماشى فى الشارع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا إخونا فوقوا بقه لازم نتغير من الداخل وينظر كل إنسان فى نفسه اولا يغيرها ويصلحها ثم بعد ذلك ينظر إلى اخيه ويعمل بقول الله تعال "إن الله لا يغير ما بقوم حتى يغيروا ما بأنفسهم "

حقيقة ماوراء ماحدث فى مباراة الزمالك هى

طول عمر تونس والجزائر بتضربنا ونسكت لأننا كنا مقيدين

دلوقتى احنا أحرار ولازم ناخد حقنا بإيدينا وكفاية ذل !!!!!!!

هذا مادار فى عقل كل شاب اتفطم على الفيسبوك ومباريات الكرة اللعينة

ابقوا قابلونى لو شفتم ساعة فيها أمن وأمان بعد النهارده

وزى ماحرستوا بيوتكم بكرة هتحرسوا مقابر أهاليكم لتحموها من الهدم

الصورة وضحت أمامكم ولازلتم صم بكم عمى

وتنتقمون ممن كانوا يسهرون على راحتكم وحراستكم وحمايتكم وأنتم تلهون أوتنامون فى فراشكم المكيف

خليكم ماشيين وراء محمد غنيم وأمثاله وأفكارهم الهدامة

--========---

[محمد عب الصمد]

بسم الله الرحمن الرحيم
اولا اللهم صلي علي سيد الخلق رسول الله
دائما و ابدا اختلاف الاراء لا يفسد للود قضية
ما حدث في موقعة الاستاد ما هو الا انعكاس للوضع الحالي الموجود في مصر نفسي حد يقولي ايه اللي مظبوط في البلد دلوقتي العربيات كلها ماشية عكس اتجاه الا من رحم ربي و اذا كلمت واحد منهم يسبلك و يلعن لانه مقتنع بالغلط اللي بيعمله
الناس نازلة بني علي الاراضي الزراعية بالجملة و الكل بيقول فرصة
الشرطة ماشية جنب الحيط ال ايه خايفة
المدارس و الله ما حد بيروحها و المدرسين مش شغاله
و الله انا تهت خلاص و كرهت الدنيا من كثرة الجهل اللي احنا واضعينه تحت عملية التنفيث عن الكبت اللي جوانا و الله ده جهل
و الله انا قبل كده كنت باتمني اسافر و والله كنت وصلت لدرجة الكره للبلد (انا اسف للي كانوا ماسكين و ناهبين البلد)
دلوقتي انا كرهت اللي بيحصل في البلد و الله حرااااااااااااااااااااااام البلد دي تستاهل اكتر من كده محتاجه عقلائها و خاصة مدرسيها انهم يزرعوا في النشأ القيم اللي معظمنا نسيها
عارفين كان في مدرس بيقول لطلبته
المصري زي السوسته تقدر تضغطه بس ان فلت من ايدك هاينط في وشك
انا اسف علي الاطاله بس يا رب يا رب انصر بلدنا الحبيبة مصر

[هانى الشرقاوى]

نحن نحبو اولى خطواتنا فى طريق الديموقراطية
ولا بديل عنها بكل إيجابياتها وسلبياتها
والشعب سيتعلمها سيتعلمها .. لا خيار اخر

[أ/رضا عطيه]

المشاركة الأصلية كتبت بواسطة هانى الشرقاوى

نحن نحبو اولى خطواتنا فى طريق الديموقراطية
ولا بديل عنها بكل إيجابياتها وسلبياتها
والشعب سيتعلمها سيتعلمها .. لا خيار اخر

عندك حق ياهانى

نحن نحبو ----

ومن يحبوا فعليه أن نصبر عليه إلى يقف على قدميه

طيب ليه تطالبوا الناس الصبر على البعض ولاصبر على البعض الأخر

لماذا لانصبرعلى الحكومة التى هى من اختيارالشعب للمرة الأولى فى التاريخ المصرى

وكمان الصبر على الجيش المصرى قوتنا وعزوتنا

والشعب يريد هدم البلد فى السادسة مساءأ على أن نصحوا من نومنا صباح الغد تانى يوم نجدها جاهزه ومتشطبه كمان وجاهزه للسكن يعنى بدون مشاركتنا كمان !!!!!!!!!!!!!!

وعلى فكرة مصر الجديدة قوانينها ترفض التعليم بالإكراه

شكرا ياهانى

[Observer]

المشاركة الأصلية كتبت بواسطة هانى الشرقاوى

نحن نحبو اولى خطواتنا فى طريق الديموقراطية
ولا بديل عنها بكل إيجابياتها وسلبياتها
والشعب سيتعلمها سيتعلمها .. لا خيار اخر

من أفضل ما قرأت عن الأحداث الأخيرة
فعلاً لا تراجع ولن نعود إلى الوراء
الديمقراطية هى الحل

[T!to]

المشاركة الأصلية كتبت بواسطة عاشق البلانكو الابيض

لا حول ولا قوة الا بالله
لسه ساامع فيديو فى المباراة
وواحد بيشتم فى الثورة يا ترى هما
نجحوااااااا انهم يكرهوااا الشعب فى الثورة ؟؟؟؟؟؟؟
بس الامن ده علامة استفهااام كبيرة

والله انا خايف من كده
ربنا يستر
شكرا على المرور الرائع

[T!to]

المشاركة الأصلية كتبت بواسطة hamada256i

الى حصل فى الماتش ده مدبر لان الزمالك بيخسر على طول والاهلى برضوا وبقيه الاندية ومحدش من جماهيرهم عملت كدة

بس لما كان بيخسر كان فيه امن
انا مش بتهم جماهير الزمالك
بس فيهم قلة شاركت فى الموضوع ده
شكرا على المرور الرائع

[T!to]

المشاركة الأصلية كتبت بواسطة سمر2000

بلاش نظريه الفلول لو سمحتو احترمو عقولنا اما ليه حصل كده لان الحياء انكسر هيبه الدوله راحت من كتر المظاهرات والعتراضات اما الشرطه خايفه اه خايفه انتو لو شفتو الماتش يقدر ظابط او فرد ام يمسك مش هقول يضرب يمسك حد من الجمهور كان الباقى قطعوه صح واللا غلط بادينا قولنا للحرامى متخافش بعد كده الشرطه هتحترم نفسها ومش هتبهدل اى حد ولا هتعذب تفتكلرو ايه من الناس اللى مبقلهاش اى ضبط وربط ولا لاى شرطه قيمه عشان البيه الظابط قبل ماهيمد ايده عليه لازم يستاذنه ويكلمه بادب

الشرطة غلطت فى الماضى
وبتدفع ثمن غلطها بسقوط هيبتها بين الناس
انا زعلان عشان فيه ناس لم تتحمل المسئولية كما يجب
شكرا على المرور الرائع

[T!to]

المشاركة الأصلية كتبت بواسطة Mr. Ali 1

ينقل إلي قسم من أجل مصر .

شكرا استاذ على
كنت اتمنى معرفة رايك
فى الموضوع

[T!to]

المشاركة الأصلية كتبت بواسطة nasser gad

بحبك يامصر بحبك يامصر يامصر بحبك بحبك يا بلادي

بحبك يامصر
شكرا على المرور الرائع

[T!to]

المشاركة الأصلية كتبت بواسطة جدو عبده

الحرية ليست فوضى
تمام جداااا
وارى أن البعض يصنع مايشاء

طالما كل شىء سينسب إلى وهم الثورة المضادة

عندما تهيأ لى الاعتذارات مسبقا

فلاتنتظر منى الالتزام كما ينبغى


شكرالك

السؤال هنا احنا ليه ماتغيرناش ؟؟
ليه حتى ما بنحاولش ؟؟
شكرا على المرور الرائع

[T!to]

المشاركة الأصلية كتبت بواسطة naglaa mahmoud

حقيقى انا حزينه جدا على مصر كل بلطجه نرميها على النظام السابق لكن احب اقول ان ده مش جديدعلى كل متكاسل فالشعب المصرى تلته بلطجيه والتلت كسلان عاوز يشتغل فى الحكومه ويقبض اخر الشهر ولا يطور نفسه ولايبحث عن جديد ويلقى اللوم على الدوله والثلث الباقى هو اللى بيشتغل بجد فى الحكومه او الخاص او المشاريع الخاصه وده لم يكن فاضى لمظاهرات او احتجاجات لانه كان بياخد حقه كويس وراضى بيه ومستواه المعيشى كويس واحنا منهم والحمد لله اذا كان النظام السابق فيه عيوب كان فيه مميزات وما ينكرهاش غير كل جاحد مش معقولل مش شايفين المشاريع والكبارى والمدن الجديده اللى طلعت ولا انا لوحدى اللى شايفه ده على العموم كلمتى حاسبوا انفسكم واصلحوا من انفسكم الاول تجدوا الصلاح حولكم وفى الاخر بحبك يا مصر

ايه هي المميزات ده ؟؟
انا اعترف بشىء واحد فقط لا داعى لذكره الان
وفى الاخر كلنا بنحب مصر
شكرا على المرور الرائع

[T!to]

المشاركة الأصلية كتبت بواسطة السما

السلام عليكم
إن ما حدث في المبارة مؤامرة خسيسة ضد مصر. ما حدث من أعوان النظام السابق متعمد. اسمعوا إلى ما قاله إبراهيم حسن بعد مباراة الذهاب في تونس و تحريضه للجماهير على الاعتراض و أنه لابد من الرد على النزول للملعب. و اسمعوا ما قاله أثناء الثورة و مدحه هو و توأمه للرئيس السابق و نفاقهم في المدح و اعتزامهما النزول للرد على الثوار في التحرير و قد حدث.
لابد من وقفة حاسنة مع هذا التوأم الشرير المحرض دائما للفتن. فقد جرضا على الوفيعة بين الجماهير و اتحاد الكرة الذي لا كرامة لهم لم يتحرك لهم ساكن. فاتحاد الكرة أجبن من أن يتخذ موقف معهما.

انا بصراحة شبه مقتنع ان اللى حصل مدبر مسبقا
لكن .......
جماهير الزمالك لم تكن خارجة عن الموضوع
اشتركت فى التخريب
وانا معكى انه حان الوقت لمحاسبة التوام
فلهم الكثير من المهازل
شكرا على المرور الرائع

[T!to]

المشاركة الأصلية كتبت بواسطة mohamad fawzy

اللى حصل فى ماتش الزمالك واضح زى الشمس
ومعروف مين وراه

انا بصراحة شبه مقتنع ان اللى حصل مدبر مسبقا
لكن .......
جماهير الزمالك لم تكن خارجة عن الموضوع
اشتركت فى التخريب
لكن السؤال ..
احنا ليه مابنحاولش نغير من نفسنا ؟؟
شكرا على المرور الرائع

[T!to]

المشاركة الأصلية كتبت بواسطة أمين120

بنقول أن الديمقراطية هى حكم الشعب لنفسه
طب إيه اللى يخلى سواق الميكوباص يقف فى نصف اتلطريق ويكسر الإشارات ؟
طب إيه اللى يخلى كل بائع خضار يقف فى السوق شاغل الطريق ولا يخاف من احد ؟
طب إيه اللى يخلى المدرس لايحضر ولايسمع كلام الموجه وبيضرب اللوائح عرض الحائط؟
طب إيه اللى يخلى ماتش كورة لا هنا ولا هناك يقطع أواصر الصداقة والاخوة بين شعبين ؟
طب إيه اللغوة إللى بنسمعها هنا وهناك أن دول أنصار النظام السابق أو بتوع الثورة المضادة ونسينا أن هؤلاء ايضا مواطنين ولهم حقوق وعليهم واجبات ؟
إحنا شعب تعودنا أن نلقى التهم ونعلق الشماعات ونصف الناس أنته إخوانى ,إنته سلفى لا إنه شيوعى ولا إنته بهائى واخيرا إمسك حرامى ده فيه واحد وطنى ماشى فى الشارع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا إخونا فوقوا بقه لازم نتغير من الداخل وينظر كل إنسان فى نفسه اولا يغيرها ويصلحها ثم بعد ذلك ينظر إلى اخيه ويعمل بقول الله تعال "إن الله لا يغير ما بقوم حتى يغيروا ما بأنفسهم "

هذا هو لب الموضوع بالفعل
لماذا لانتغير ؟؟
لماذا لا نحاول التغير ؟؟
شكرا على المرور الرائع