رحله ادخل وادفع تكلفها ... مش فاهم ... طب اتفضل ادخل

[postan algana]

السلام عليكم ورحمة الله وبركاته
ممكن قبل شي اكون رومانسيه معاكم وتقبلي دي



خلاص مش تزعلو ده بوكيه لكل عضو وعضوه
*****************
احبائي واحبابي واخواني

تجي معايا
عاوز تعرف فين
هنسافر ......... اقولكم فين .... مكان جميل فيه هتشوفو العجايب

ياتري نفسكم تشوفوه

تعرفو هو ايه المكان العجيب ... تيجو خلال 10 دقائق هتوصل وتتفرج عليه وتوصل بيتكم
بالسلامه

مش مصدقين !!!!!! انا زرتها قبل كده وعجبتني جدااااااااا

طيب حاضر هثبتلكم ... بس بشرط عاوزكم تسمعوني بقلبكم وتشوفوني برده بيه
******************
مكان ايه ده يالموت الاخير نوصل فيه ونتفرج عليه ونوصل في البيت بالسلامه
في عشر دقائق ... انتي بتشتغليني احنا مش عيال

بقولك بالراحه كده ...اسكت ... هدوء .... سكينه .. ممكن تحبني:D
طب بتضحكو ليه وفيها ايه لما تحبوني ... عشان تسمعوني بحب تتقبل كلامي
هاااا حبوني لمدة السفر مش انا المشرفه بتاعت الرحله هتكون مدتها 10 دقائق

*****************
الرحله هي ارض العتاب .. جمبيه علطول ارض اللوم ... جمبيه كمان الاعتذار
-----------------------------------------------------------------
قال رسول الله فيما معني الحديث
(( لايهجر المسلم اخيه فوق عن ثلاث ايام ))

فيها ايه لو انت صفحت اخوك الاول
ابتدي انا خليني الشجاعه
انا اسفه لم اخطت في حقه لاي عضو او مشرف او مشرف اداري
**********************
شفتو ازاي سهله هي محرجه شويه
ممكن دلوقت حالا ندخل ارض العتاب
دي شروط اللي يدخل الارض ديه ينفذ 3 خطوات
*************************************
1 - تقوله انا بحبك وتقوله زعلان منك عارف ليه وتقوله سبب الزعل
2 - بعدين هتتعاتبو اكيد هتسامحه لانك بتحبه
3 - عارف كمان لو خدت في ايدك هديه وقلتله انا عمري مهزعل منك معنو هو اللي غلطان صدقني وصدقيني هيلاقي نفسه انحرج ( مش يشترطك الهديه ايه ممكن ورده بجنيه مش عاوزه اكلفك اي شي )

هاااااااااااااا خلصنا اول 3 دقائق

نروح ارض اللوم بقا
وبرده قوانين ارض اللوم لازم تتخطا 3 خطوات عشان تنجح
***********************************************

1 - انت بقا مش قادر تسمحه لانه اخطا خطا كبير تلومه فوار
2- بعدين تقوله انت جرحتني اوي اوي كان موقف صعب عليا بس انا مش قادر اسمحك ولو سمحت افصلها مني ممكن
3- هو طبعا هيتخض تروح تبتسم ابتسامه خبيثه وتقوله شفت ازاي الكلام الصحب بيجرح ازاي انا مقدرش اعيش من غيرك :D

ودلوقت خلصنا تاني 3 دقائق
*****************
نروح الارض اللي جمبيها هي طبعا اصعب زياره هتكون
عارف هي ايه ارض الاعتذار

اصعب شي كلمة ( انا اسفه ) معنها من سبع حروف وسهله جداااا ولكن نتجاهلها لانها نشعر انها ضعف لا والله فانها قوه نعم انت قوي عندما تتلفظها لو تعلم جمال هذه الكلمه لا تقول انها ضعف هل تعلم انها تذوب الملح في المياه اوضحلكم اكتر عارف من الصعب نطرق الجبل وينزل رمال لكنه ينزل قطع من الحجاره
فبتلك هذه الكلمه تنسف الجبال وتفككها وتجعلها رمال وليس رمال خشنه والله رمال ناعمه .............................>>>>>>>>>>>>>>

هاااااا اقتنعت تيجي سوا نروح ارض الاعتذار ونشوف هتنصحنا باايه
3 خطوات وهي .....
1 - اول شي تبادر بالاسلام معنه هيكون متغاظ منك ممكن ير وممكن لا مش تترجع
انت اللي غلطت لازم تستحمل تستاهل عاوز تجرح وبعدين لما تداوي متلقيش صعوبات
2- حاول معها خليك هادي ومبتسم مهما كان رد فعله تجاهك قوله انك معترف انك غلطان
بس ممكن تعتبني واتنقاشو في المشكله باذن الله ربنا هيسهلها بس بشرط النيه تكون لله سبحانه وتعالي
3 - بعدين هتلاقيه لان حبه بحبه مش تنسا ربنا معاك لانك انت اللي بديت هيسهاله وتلاقي المشكله اتحلت بعد مكنت مش عارف تعمل ايه شفت ازاي كلمه من سبع حروف
تحل اكبرها مشكله ..........................>>>>>>>>>

خلصنا 3 دقائق باقي من الزمن دقيقه
خلاص في الدقيقه ديت يدوب ترجعنا للبيت يلا
استوب هنا وصلنا للمنتدي ..... مين فينا بقا اللي طلع العيل
صدقت انها في عشر دقائق هتوصل :D
*******************************************
ايه ريكم ناخد رست تيجي في الرست ده
نذود فيها حسنات لينا
سبحان الله وبحمد سبحان الله العظيم
لا اله الا الله
لا اله الا انت سبحانك اني كنت من الظالمين
ياربي لك الحمد كما ينبغي لجلال وجهك وعظيم سلطانك ( بعشق هذا الدعاء )

**********
تيجو بقا
نعمل خمسه فرفشه

بمناسبة موضوعنا احكيلكم عن عضوه هنا معانا في المنتدي
مزعلا منها مامتها رفضت تساعدها قال ايه خايفه علي ضوافرها لتتقصف
عارفين البت ديه مين ( انا ):D

تعرفو انا صالحتها ازاي ( اي بنت علي وجه الارض بتحب الدلع ) قعدت اقولها وانديها باسم الدلع بتاعها ( عاوز تكسب اي شخص نديه بااحب الاسماء ليه )

المهم بعد اسبوع صلحتنيبعد مطلعت عيني ربنا يسمحهاعارفين انا حرمت

****************************
بالمناسبه عارفين يابنات تكسبو قلب باباكي ازاي هقولك

لو انتي بعيده عنه قربي انتي ابتدي بالسلام
اسالي عليه دلعيه ايوه عاوزكي تتدلعي فاهمه يابت متتضحكيش والله اي رجل علي
وجه الارض بيحب الاهتمام:D والله بقولك نصيحه تفيدك
بعدين ده باباك ورضاها عنك يرضي ربنا عنك مش عاوز تدخلي الجنه
اسمعي اسمعي بس يعني قوليو وحشتني بحبك نفسي اتكلم معاك
وحشني النقاش والدردشه معاك ... ايه مكسوفه ... مكسوفه مكسوفه منك مش قدرا اقولك اني بحبك تيرارارارارارار:D ........... يابت ده ابوكي
مفهاش حاجه اهو كويس عشان لما تتجوزي انشاء الله تبقي اتدعوتي فاهماني صح
المهم بقا لو حبيتي تاخدي منيه فلوس

تعالي شوفو انا بعمل ايه مع البابا بتاعي :Dبس متتريقوش

اعملهالكم محداثه
بابا وانا

انا ..... بابا وحشتني اوي واقعد ابوسه واهزر معها

بابا .... خير في حاجه انتي عاوزه فلوي ( دايما فاقسني:D ) بس بيبقا مبسوط

انا .... ايه يابابا ده انا قلت انت وحشني وجيت اقعد معاك دائما فاهمني غلط اقوله بقولك ايه انت عارف ....

بابا ..... عارف ايه

انا .... عارف امبارح سمعت ماما بتقول كلام حلو عليك ( طبعا بزود من عندي هاااا )

بابا ... طبعا مبيصدق قالت ايه قوليلي

انا .... ممممممممممم خلاص القيه كشر اقوله بص ياباباي ياحبيبي متجيب خمسه جنيه ((( بستغل الفرصه ))
بابا ... متغايظ دلوقت طيب مامتك قالتلك ايه لالالا خلاص هقولك بكره متقولي
يقوم زي الشاطر مطلع خمسه جنيه

ههههههههههههههههههههههه واقوله بقا واقعد احكيله والف ( ممثله صح ))
ده انا طلعت كدابه بشكل(( والله مقصدش يعني حبا اخلي جو ود بنيهم مش اكتر يعني بروق الجو بحيث كده يعني عشان ميحصلش مشاكل كتيررررر )
***************
اصحابي وحبايبي

خلصت كلامي مش فاضل غير انكم تطلعو مستفدين
وكلمة اسف مني لاي عضو اخطات في حقه

بحبكم يااحبابي

[M I D O]

ههه موضوع لذيذ بس طويل سنة

لكن هايل وعلى قد فهمى مش بسيب حد عنده فراغ فى قلبه منى

لازم اتناقش معاه واشوفه زعلان من ايه

على العموم موضوع رائع

واحلى حاجة انه مكتوب بمجهود كبير

شكرا يا فندم

[postan algana]

العفو يافندم
فين باقي المرور
بقا كده ربنا يسامحكم


شكرااا للمرور

[fares elnet]

بجد موضوع جميل جدا


وده اللى اتعودنا عليه منك


جزاك الله كل خير


وننتظر المزيد

[mR . mOstafa Fathi]

اكيد لزم اتناقش
ونشوف الكلام على ايه هه

شكررا يا مى

[احمد رضا]

موضوع جامد يامي ماشاء الله
و فعلا الاسف و الاعتراف بالخطأ عمره ما كان عيب
التمادي هو اللي بيبقي عيب كبير اوي

تسلم ايدك يا مى
والله موضوع تمام
جزاكي الله كل خير
لما اروح اجرب نظريتك مع بابا وانا عارف انه هيرميني من الشباك ههههههههه

[noha sad for ever]

جامد اوى موضوعك والله
تسلم ايدك
بتحصل كتير معايا وبقلب بابا تمام يعنى اشطه
تحياتى

[postan algana]

المشاركة الأصلية كتبت بواسطة fares elnet

بجد موضوع جميل جدا


الاجمل مرورك وتقبلك لالاعتذار
وده اللى اتعودنا عليه منك

بجد مش اعرف اقولك ايه
جزاك الله كل خير
وجزاك مثلي


وننتظر المزيد

متشكره علي المرور الرائع ده:D

[postan algana]

المشاركة الأصلية كتبت بواسطة mostafa fathi

اكيد لزم اتناقش
ونشوف الكلام على ايه هه
طبعا انتظرك وانتظر نقدك يااستاذي ونقاشك
شكررا يا مى

العفو وشكرااا للمرور

[postan algana]

المشاركة الأصلية كتبت بواسطة احمد رضا

موضوع جامد يامي ماشاء الله
و فعلا الاسف و الاعتراف بالخطأ عمره ما كان عيب
التمادي هو اللي بيبقي عيب كبير اوي
صح برافو عليك:D
تسلم ايدك يا مى
والله موضوع تمام
مرسي شكراا اوي
جزاكي الله كل خير
لما اروح اجرب نظريتك مع بابا وانا عارف انه هيرميني من الشباك ههههههههه

:Dديت نتفع مع البنات بس مش هتعرف ده هيطردك بره
هتروح في داهيه

[postan algana]

المشاركة الأصلية كتبت بواسطة noha sad for ever

جامد اوى موضوعك والله
متشكره
تسلم ايدك
وايدك لانها مرت وابدت اعجبها
بتحصل كتير معايا وبقلب بابا تمام يعنى اشطه
تحياتى

لا تقلبيه كده عيب يابت بطلي تهدي النفوس
روقي الجو هتكسبي رضا ربنا ورضاهم
ده انتي مشكله

شكرااا للمرور

[zizo2_2]

جزاكم الله خيرا اسلوب رائع في الكتابة ومعنى اكبر واعمق من اي كلمة شكر

[postan algana]

جزاك الله خيراااا
ومتشكره للمرور