هام وعاجل جدا جدا

[بعبشش]

بسم الله الرحمن الرحيم ( تصريحات الازهر )
التصريح الاول لشيخ الازهر وقال فيه بالحرف الواحد ان التثبيت قبل نهاية مارس
التصريح الثانى كان لوكيل مكتب شيخ الازهر وقال بالحرف فى اليوم السابع ان
التثبيت سوف يكون على مراحل لضخامة العدد المطلوب تثبيته
التصريح الثالث كان من جريدة صوت الازهر وكان بالحرف الواحد تثبيت المتعاقدين خلال ايام
التصريح الرابع كان لديوان المظالم وكان فيه (ان التثبيت فى يد التنظيم والادارة)
التصريح الخامس ديوان المظالم ايضا ( ان شؤن العاملين بالازهر والتنظيم والادارة
فى الاجراءات النهائية لتثبيت المتعاقدين )
بعد كل ذالك الاخوة الاعزاء المعلمين
الرجاء منكم ان تتحدوا على قلب رجل واحد وتشاركوا فى الاعتصام يوم 29/5/2011
امام مشيخة الازهر الشريف الامتحانات انتهت على خير ولا يوجد مبرر لكم من الاعتصام
ولا يوجد تعطيل للعمل ولا يوجد تعطيل للامتحانات ولا يوجد تعطيل للعملية التعليمية
قال رسول الله صلى الله عليه وسلم
( ان لصاحب الحق مقال )
فلا بد ان يكون لنا مقال ومقال الرجاء المشاركه الجاده من الاخوه المعلمين

[Mr.Ahmed Raslan]

الله يفتح عليك
كلام تمام

[Hamada Radwan‏]

ياأخوة تمهلوا البلاد على حافية الهاوية اصبروا نعم التثبيت من حقكم لكن هذا الامر يستغرق بعض الوقت .لايوجد احد منكم كان يحلم بالتثبيت لو لا ماحدث ويوم تعاقدتم مع الازهر اشترط عليكم انه لاحق لكم فى التثبيت فاصبروا اولى لكم والخير قادم وان شاء الله سوف تتعينوا تقبلوا تحياتى

[ابو مريومة]

يا عم احنا مش عاوزين اى فلوس زيادة لما ترتاح الحالة الاقتصادية للبلد احنا عاوزين نتعين ونستقر ومش هنطالب باى زيادات ومستعدين نتعهد كتابيا بده بس نتخلص من كلمة متعاقد ونتخلص من النظرة الحقيرة اللى بينظروا لينا بيها الاساتذة الافاضل الاساسيين ونتخلص من اختلاف المعاملات في المناطق ونتخلص من حجات كتير رديئة
فيه حد موافقنى على كلامي ده
عموما احنا معاكم منطقة سوهاج
يد الله مع الجماعة وما ضاع حق وراءه مطالب
وثبت يا اخوانا والله ما فيه حاجة هتتم الا بالطرقة دى الحكومة نفسها عرفتنا بكده

[tato112]

نريد التثبيت وواضح انى الازهر لن يتقدم الى الامام ففضيلة الامام مشغول عن قضايا التعليم ومركز على قضايا الدوله

وسبحان الله لقد ولى علينا رئيس لقطاع المعاهد الازهريه مهمته هيا النوم فقط وعدم اتخاذ اى قرارات

[مصطفى جمال 1984]

برضوا مش عاوزيين فلوس زيادة ولكن الثبيت اهم

[hasann22]

الاستاذ اللي شغال على نغمت العقد وحق الأزهر واحمدوا ربنا ومحدش طايل وغيركوا يتمنى نص النعيم اللي انتو فيه ......... ايه ياباشا هو عيد الفطر عندك بيجي امته انتا مش شايف الظلم المتعرض له جميع متعاقدي الأزهر بالذات سيبك من بعد الثوره تعالى كده افكرك بان معظم من تعاقدوا مع الازهر او أي وظيفه في مجال العملية التعليمية كان يتابع وعود بابا حسنى البارقه بأن الموظف سيكون راتبه الأولي 1200 جنيه ومن ثم قبلنا التعاقد ومن ثم بدأت تنازلات الأزهر والتبعية لقرارات التربية والتعليم حتى أن وزير الماليه قال انا مالي ومال الأزهر الكادر مش هيطبق عليه لعدم وجود بند أو اعتماد مالي له وشويه ورجالة الأزهر عملوا اضراب عن اعمال التصحيح ودخلنا الكادر وبدأت الشروط الرخمه ( معليش ) التعسفيه رخصه دولية وتربوي و غيروه ممكن انت ترد لو سمحت

[مصراوى أصيل]

المشاركة الأصلية كتبت بواسطة hasann22

الاستاذ اللي شغال على نغمت العقد وحق الأزهر واحمدوا ربنا ومحدش طايل وغيركوا يتمنى نص النعيم اللي انتو فيه ......... ايه ياباشا هو عيد الفطر عندك بيجي امته انتا مش شايف الظلم المتعرض له جميع متعاقدي الأزهر بالذات سيبك من بعد الثوره تعالى كده افكرك بان معظم من تعاقدوا مع الازهر او أي وظيفه في مجال العملية التعليمية كان يتابع وعود بابا حسنى البارقه بأن الموظف سيكون راتبه الأولي 1200 جنيه ومن ثم قبلنا التعاقد ومن ثم بدأت تنازلات الأزهر والتبعية لقرارات التربية والتعليم حتى أن وزير الماليه قال انا مالي ومال الأزهر الكادر مش هيطبق عليه لعدم وجود بند أو اعتماد مالي له وشويه ورجالة الأزهر عملوا اضراب عن اعمال التصحيح ودخلنا الكادر وبدأت الشروط الرخمه ( معليش ) التعسفيه رخصه دولية وتربوي و غيروه ممكن انت ترد لو سمحت

إنت زعلان علشان الراجل بيقولك احمد ربنا ، يا شيخ حرام عليك، إيه المشكلة، أيوة إحمد ربنا على اللى إنت فيه و إصبر على البلد شوية
وبعدين إنت عايز تفهمنا إن إنت اتعاقدت فى الأزهر علشان باباك حسنى قال إن المرتب سيكون 1200 جنيه ، ولولا كده مكنتش إتعقدت فى الأزهر وكلامك ده طبعا على أساس إن الوظائف كانت أمام حضر تك كتيرة بس حضرتك فضلت الأزهر لما عرفت إن المرتب هيبقى 1200 جنيه ، طيب الأزهر مش هيقدر يوفى معاك بالكلام ده روح يا عم شوف مصلحتك ومضيعش وقتك فى مصلحة مش جايبة همها معاك
عجبى

[wahid500]

المشاركة الأصلية كتبت بواسطة مصراوى أصيل

إنت زعلان علشان الراجل بيقولك احمد ربنا ، يا شيخ حرام عليك، إيه المشكلة، أيوة إحمد ربنا على اللى إنت فيه و إصبر على البلد شوية

وبعدين إنت عايز تفهمنا إن إنت اتعاقدت فى الأزهر علشان باباك حسنى قال إن المرتب سيكون 1200 جنيه ، ولولا كده مكنتش إتعقدت فى الأزهر وكلامك ده طبعا على أساس إن الوظائف كانت أمام حضر تك كتيرة بس حضرتك فضلت الأزهر لما عرفت إن المرتب هيبقى 1200 جنيه ، طيب الأزهر مش هيقدر يوفى معاك بالكلام ده روح يا عم شوف مصلحتك ومضيعش وقتك فى مصلحة مش جايبة همها معاك
عجبى

على فكره انت مش ممكن تكون متعاقد


لان المتعاقد بجد وحس الذل وان انت مش مستقر وان واحد اقل منك فى حاجات كتير اقل منى يكون شيخ او هو متثبت واحنا لا ومنخدش حقنا فى حاجات كتير ولا حتى الكادر لحد دلوقت

ثانيا الاستاذ اللى بيقول لوالازهر مش عجبك سيبه و ان الشغل والازهر اشترط علينا كده

ده محصلش لان الكل عارف ان احنا الدوله كلها ماشيه بكده سياسه دوله كامله

لكن ان ناس تتثبت وناس لا ده حرام

وثالثا الازهر او انت مع احترامى الكبير لحضرتك مش بتمن عليا الشغل لان دى كانت مسابقات والاعلى فى المؤهلات هو اللى بيخد الفرصه
عنى متنيدش حاجه من جيبك ولا احنا منستاهلش وهما عملوا معانا واجب

اسف للاسلوب ولكن انا جد محروق دم من عدم الد فى وعود الازهر

[محمد منصور البرنس]

بسم الله
ارجوكم اسمعولي
بالنسبه الاستاذ الفاضل المحترم اللي عاجبه حالو كده يسكت وميتكلمش مع زميلة بالشكل ده وكأن الراجل طماع وبيطلب حق غيره!!! محدش عارف ظروف التاني يمكن الراجل عايز يتجوز أو يبني بيت وعايز يتثبت عشان يسافر بره اللي المفروض بلده تساعدة ولكن اقول له اصبر إن الله مع الصابرين
ملحوظة " أنا متزوج ومعايا عيلين والمرتب ما بيكفهمش ذبادي فقط وشغال بياع فراخ بعد الظهر عشان يدوب أعرف أعيش اللهم صبرنا "

[ام رهف]

المشاركة الأصلية كتبت بواسطة محمد منصور البرنس

بسم الله
ارجوكم اسمعولي
بالنسبه الاستاذ الفاضل المحترم اللي عاجبه حالو كده يسكت وميتكلمش مع زميلة بالشكل ده وكأن الراجل طماع وبيطلب حق غيره!!! محدش عارف ظروف التاني يمكن الراجل عايز يتجوز أو يبني بيت وعايز يتثبت عشان يسافر بره اللي المفروض بلده تساعدة ولكن اقول له اصبر إن الله مع الصابرين
ملحوظة " أنا متزوج ومعايا عيلين والمرتب ما بيكفهمش ذبادي فقط وشغال بياع فراخ بعد الظهر عشان يدوب أعرف أعيش اللهم صبرنا "

اشكر حضرتك
اختصرت عليا كلام كتيير كنت عاوزة اقوله الناس اللي واخدين توكيل المن علينا لاننا نلنا الشرف العظيم للتعاقد مع الازهر والله احنا مش اجهزة تشغلها وقت ماانت عاوز وتعطلها وقت ماانت عاوز الناس دي مصريين مواطنين ليهم حقوق وعليهم واجبات ومش ذنبهم ان في ناس مش واخدة حقها لاء الذنب في رقبة اللي ضيعو شعب ده النبى عليه الصلاة والسلام بيقول كفي بالمرء اثما ان يضيع من يعول )
عندك شك ان المصريين اربع ارباع ربع متغرب برة مصر وبيدوق المر والغربة كل ثانية وربع موظفين مرتبهم مابيكفيش عيش حاف وربع عشوائيات وربع حرامية ورجال اعمال عاوزين يمصو دم الغلابة اتق الله وماتحسسناش ان انت من كوكب تانى
يعنى لو عاوز تصبر زملاءك اكيد مش ده الاسلوب الصح اللي تتكلم بيه

[ميرو 16]

ياجماعه اللى هيروح يروح واللى مش عايز يروح براحته مفيش داعى تهاجمو بعض

[جلال السعيد]

كتير من الساده الموجدين ليس من المتعاقدين ولكن يريدون المشاركه ولو بالسالبيه نرجوا من الجميع المساعده في هذه الوقفه ويريت ماتكن كالتي كانت من قبل نفسي اجد يوم 29 حد عن المشيخه كفيه كثير من الكلام ونبدأ العمل نعم للاعتصام امام المشيخه

[خالدتمام]

انا مع الرأى الي بيقول نحن مش عوزين فلوس بامانة احنا عوزين التثبيت

[الاستاذ عادل شوقى]

أخى المتعاقد تثبيتك ده حقك البلد بلدنا والازهر بتاعنا احنا مش من دوله تانيه علشان نشتغل بالاجر او بالعقد ولو كانوا مضوكم على اى ورق خلاف ذلك فهو باطل وكان قبل سقوط الفاسدين واى مسئول مش عاجبه كده يحول نفسه بعقد بنفس مرتبكم ويجرب .......... لا تلتفتوا للاصوات المحبطه