**## وجه نظر فى الكادر ##**

[samehsamaha]

بسم الله الرحمن الرحيم


طبعا فيه ناس كثيرة زعلانه من موضوع الكادر وجودة فلوسه حجزة لدرجات المدرسين امتحاناته

اولا وجودة اعتقد كون لينا كادر خاص زى الشرطه و القوات المسلحه و الاطباء و دكاترة الجامعه فدة شئ اعتقد بانه كويس رغم ان فلوسه فى نظرنا اقل منهم فاستغرب كون البعض بيطالب بالغاء الكادر ايوة لينا حق فى اننا نبقى بمرتبات بمقياس دورنا فى المجتمع بس مش لدرجه اننا ننزع كادر بيتهيالى غير مرتبتنا من شكل لشكل تانى .....

ثانيا حجزة لدرجاتنا مفيش حد فى الكوادر الخاصه دى ليهم درجات انا مسمعتش قبل كدة ان فيه ظابط شرطه او دكتور جامعه ليهم درجات فالدرجه بالنسبه للموظف العادى بيقابلها اسماء الترقيات اللى موجودة فى الكادر و دة ميمنعش ان فيه مشاكل و الوزارة لو صدقت فى موضوع حل الفوارق الزمنيه بين اصحاب المسمى الواحد فدة حل اكيد يرضى الناس .....

ثالثا الاختبارات بيتهيالى ان مدرس الجامعه علشان يترقى لازم يعمل شغل له ابحاث و ينشرها فى دوريات عالميه و ينتاقش فى رساله الماجستير و الدكتوراة احنا هيتعدل الكادر بحيث انه ميكونش مجرد اختبار صورى لا بيودى و لا بيجيب و يكون تدريبات لرفع مستوى المعلم و استغرب من اللى بيزعل من كون ان فيه اختبار او مناقشه او ملف انجاز معلم انا شايف ان فيه نسبه كبيرة من المدرسين زى ما كان اول ما اتعين زى ما هيكون قبل المعاش فكرة متوقف على اسلوب واحد من بدايه تعينه لحد خروجه ع المعاش .....

الكادر كفكرة جميل بس الاهم منه كفكرة اننا نقتنع بدورة فى رفع مستوى المعلم ان كان ماديا او معنويا او مستوى اداء فى المدرسه و ان الوزارة و الحكومه مقتنعه بنفس اقتناعنا دة

[kind_heart100]

وجه نظر جميلة بجد بس احب اضيف شئ بسيط يا ريت يقلبوا الهرم فى الكادر
يعنى ااقل واحد ف التربية والتعليم هو اللى ياخد زياده 150 % واكتر مرتب ياخد 50 % ويبقى كده الكل حيبقى متقارب مش واحد واخد 800 جنية كادر لوحده واحد تانى واخد 100 جنية

[safi_hp]

يا أخي انت لحد الآن بنتعامل على اساس الدرجة مش على اساس الكادر بالنسبة لي ،
قبل الكادر كنت أطلع في لامتحانات مراقب بعد الكادر رجع ملاحظ (لا أقلل من قدر الملاحظين بس هي مرحلة وعديناها)
وفي البدلات وببتعامل على اساس الدرجة فمثلا الدرجة الثالثة بدل سفر 14 ج والثاني 28 ج وإلخ
نرجوا العدل فقط لا أريد سوى حقي فقط لا تعطيني أكثر من حقي

[bido2005]

يا استاذ يا عظيم عليك بالرجوع للقانون المادة 89 التى تنص و تتم ترقيتهم للدرجة المالية الأعلى حسب قانون العاملين المدنين بالدولة
ثانيا هيكلة الأجور ستعلن بعد عدة ايام و تعتمد اعتمادا رئيسيا على الدرجة المالية و سيكون الفرق كبير جدا بين كل درجة مالية و أخرى
لذلك نطالب بتطبيق القانون و اعطاءنا الدرجة المالية اعتبارا من 1/7/2010

[أم عمير]

والله الذى لا إله غيره
انا كان معايا فى لجنة الكادر فى معهد محمد رجب فى منطقة كفر الشيخ مدرسين لغة انجليزية مش عارفين يحلوا امتحان انجليزى غير المتخصصين فمابالكم بقى بامتحان التخصص نفسه؟؟
غير الناس اللى كان بيدخلها ورق اجابات ولا كأنهم تلامذة خيبانين
الكادر كنظام حلو مش وحش بس عايز يتظبط كويس عشان يفرز الناس الكويسة
مش كله ينجح وخلاص

[elmahla22]

حراميه ديوان وزاره التربيه والتعليم موجودين الي الابد لن يرحلوا ولن يغيروا من انفسهم
المفروض من اعلي المرتبات في مصر يكون المعلم مش محتاجه كادر ولا امتحان لان المعلم بيعلم فكر ويربي اتفرج علي دول العالم وشوف مصر والمعلم المصري
ديوان الوزاره ليس به اكفاء لاداره العمليه التعليميه الموجودين فيه بلطجيه وسمسره المصالح والمنتفعين وليس لهم علاقه بالتعليم شغلتهم تجميع فلوس واخذ رشاوي فقط وتحيه للوزير الفاشل وعصابته الذين قدموا الدمار الشامل للتعليم والمعلم المصري

[med9bb11]

المشاركة الأصلية كتبت بواسطة bido2005

يا استاذ يا عظيم عليك بالرجوع للقانون المادة 89 التى تنص و تتم ترقيتهم للدرجة المالية الأعلى حسب قانون العاملين المدنين بالدولة
ثانيا هيكلة الأجور ستعلن بعد عدة ايام و تعتمد اعتمادا رئيسيا على الدرجة المالية و سيكون الفرق كبير جدا بين كل درجة مالية و أخرى
لذلك نطالب بتطبيق القانون و اعطاءنا الدرجة المالية اعتبارا من 1/7/2010

راجع المادة 89 تاني نجد ان من يحصلون على الدرجات الماالية من حصلوا على بدل معلم فقط ولكن لم تنص المادة على منح الدرجات لمن حصلو على بدل المعلم وبدل الاعتماد نقرأ المادجة كاملة وبتأنى ؟
أنا لاقصد تضيع لحقوق المعلم ولكن علينا احترام القانون أو تعديله
لان قانون الكادر لم يمنح المعلمين العئد المادى الكافى لهم دون البحث عن موارد رزق اخرى وياريت الوزير يفم كده !!!!!!!!!!

[sheer2010]

أيها الاساتذة

روحوا اى امتحانات فابلوا اى موظف فى الادارات او اى موجه يجيى ياخد بيانات اى معلم لازم يسأله عن درجته المالية قولى بقى كل الدنيا عماله تتعامل بالدرجات ولا لأ؟

[الأستاذ محمد عامر]

الكادر اهدر اقدميات معظم المعلمين

[محمدابوشهد]

والله المفروض اننا نلغى الاكاديمية
وكمان نشيل وزير التعليم اللى عمره ما ينصف المعلم ابدا وده لانه اصله مش معلم
وكمان نشيل القيادات الفاسدة فى التعليم اللى شغالة بالمحسوبيات والمعارف
عايزين ننظف الوزارة 00000000000000
عايزين ناخد حقوقنا 00000000000000000

[هيما2010]

لابد من إقالة الوزير الهمام / جمال موسى لأنه لا يراعى مصالح التعليم ولا مصالح المعلمين
ولا يرد لنا اى رفعة معنوية ولا فائدة مادية ... وسوف يتم خراب التعليم على يدبه

[smsmale]

الوزير من الحزب الواطى لا نتوقع منه حاجة نظيفة فى جو مليان بالفساد ربنا يتولانا كمان فيه ابو سريع ننتظر حاجة بعد كل هذا الفساد ربنا موجود يمهل ولا يهمل

[هيما2010]

بص يا رئيس الوزراء على مستوى المرتبات فى وزارة الخارجية من وزارتكم المحترمة: مرتب السفير 16000 يورو و مرتب القنصل و المستشارين 14000 يورو و مرتب اقل موظف فى السفارة 9000 يورو . ده غير بدل السكن الكامل و بدل نفقات المدارس و المدارس فى هذه البلاد مجانية و دعم البنزين و....... الخ. يعنى اضرب هذه الارقام فى 8 جنيه ونصف سعر اليورو يبقى اقل مرتب كام = 72000 جنيه لاقل مرتب موظف (ليسانس او بكالوريوس). ونادرا لما تشوفهم بالسفارات. فيه ناس على درجة استاذ دكتور مستعدة تمثل مصر احسن من هؤلاء الف مرة و بمرتب 1000 يورو فقط.
وزاد و غطى لما نبيل العربى راح مسك الوزارة عمل شهر لكل موظف فى العام لاعمال مساعدة بهذه السفارات (التى لا تعمل اصلا) يتقاض فيه 7000 يورو ده غير تذاكر الطيران !!!!!! و عجبى عليكى يا بلد!!! ما افضلية هؤلاء عن بقية الشعب المصرى و هنا الملايين افضل منهم لهذه الاماكن. أين العدل و الرحمة يا رئيس الوزراء