اخر الانباء عن الاجور عاجل ومشفوع بالدليل

[احمد محمد عبد المجيد]

المفروض بأ نعمل ايه

خطوات عمليه نتفق عليها

[الاستاذ محمود حميد]

المشاركة الأصلية كتبت بواسطة adelawamy

مش معقول
المفروض ناخد الحد الادنى +الكادر
والا يبقى فين الخصوصية للمعلمين والاطباء

ماهي الخصوصية انهم هيفضلوا زي ما هما يابا الحج


تقريبا دي الي اسمها خيبة بالويبة

[فقير الى الله]

وبعد تطيبق الحد الادنى للاجور ... مرتب المعلم هايكون اقل مرتب فى الدولة

وسلملى على التعليم

[Mr: E.Elshair]

راحت علينا يا جماعة ومحدش هيسمعنا واللى مرتبه أكتر من 700 جنيه هيخدوا منه عشان يبقى الحد الأدنى هههههههههههههه

[قاسم الطيب]

يعني ايهيا جماعه بداية المربوط ونهاية المربوط اللى مكتوبه في الميزانيه

[mostafa_basha]

هى دى العدالة الاجتماعية و ان نهضة اى امة تبدا بالتعليم ههههههه سلامات يا حكومة

[فقير الى الله]

كان حلم جميل من امبارح ..... وواحد يقلى هناخد 1500 وانا اقله لا 1300

[mrhamed]

مش معقول
العالم دى بتضحك علينا ولاايه
لازم وقفة والله العظيم ياجماعة

اولا لازم نتأكد من الخبر
يعنى يطلع عينا وفى الاخر 400 جنيه

[احمد محمد عبد المجيد]

المشاركة الأصلية كتبت بواسطة mrhamed

مش معقول
العالم دى بتضحك علينا ولاايه
لازم وقفة والله العظيم ياجماعة

اولا لازم نتأكد من الخبر
يعنى يطلع عينا وفى الاخر 400 جنيه

ها هنعمل ايه

الله المستعان


لازم تجهيز لاعتصام

[mrhamed]

ياريت مصدر الخبر ياجماعة

[احمد_عصمت]

نقولهم مرتباتنا ليه هو احنا هنشحت بصوا يا اخوانا للاسف بلدنا دي اللي بيسكت فيها بياخد علي قفاه واحنا للاسف اجبن فئة في المجتمع عشان هما عملوا فينا اللي اكتر من الضرب علي القفة يعني انا علي الدرجة التانية ومعايا دبلومة دراسات عليا وبعد الكادر والقرف والامتحانات مرتبي 650 جنيه يعني اقل من مرتب عامل بوفيه او جامع للقمامة لسه متعين ...طيب علي ايه اراميلهم الاستقالة واروح اقدم يمكن الاقي واسطة اتعين بيها عامل بوفيه في اي مصلحة بلا تعليم بلا نيلة يا اخوانا احنا في بلد بتحتقر التعليم والثقافة واللي بيحصل في المعلم ده افضل دليل ومحدش يقولي اصل المعلم المصري غير كفء احط صوابعي في عنية وادبحه كمان الحد لله اشتغلنا في دول كتير غير مصر واتفوقنا علي السوري والاردني والسوادني

[meslmat]

المشاركة الأصلية كتبت بواسطة احمد محمد عبد المجيد

ما الرد على هذا الخبر

انا كنت حاسس ان دا اللى هيحصل

مستشار وزير المالية*:‬1.9* ‬مليون موظف يستفيدون من زيادة الحد الأدني للأجور بتكلفة* ‬7500* ‬مليون جنيه

رفع جميع الرواتب الدنيا إلي* ‬700* ‬جنيه وزيادة بقيمة* ‬278* ‬جنيها لباقي الدرجات

03/06/2011 12:48:08 ص

كتب عاطف زيدان*:‬

اكد* ‬الدكتور عبدالفتاح الجبالي مستشار وزير المالية المسئول عن ملف اصلاح الاجور ان عدد المستفيدين من تطبيق زيادة الحد الادني للاجور الي* ‬700* ‬جنيه يصل* ‬1*.‬9* ‬مليون موظف وقال انه لن يستفيد من الزيادات اصحاب الكادرات الخاصة مثل المعلمين والاطباء لتجاوز مرتباتهم وفقا للكادر الخاص بكل منهم مبلغ* ‬700* ‬جنيه*. ‬واوضح مستشار وزير المالية ان عدد موظفي الدولة الخاضعين لكادرات خاصة يصل إلي* ‬2*.‬6* ‬مليون موظف كما تم استبعاد موظفي الوزارات ذات المرتبات المرتفعة مثل الاستثمار والمالية والبترول لتجاوز مرتباتهم بكثير الحد الادني الجديد*.‬
وشرح الجبالي ان كل موظف يتقاضي مرتبا شاملا اقل من* ‬700* ‬جنيه سيتم رفعه الي* ‬700* ‬جنيه شهريا ووفقا للارقام المتوافرة لدي وزارة المالية فإن الحد الاقصي للزيادة يصل* ‬64٪* ‬لكن بشكل عام اذا كان هناك من يتقاضي مثلا مرتبا شهريا شاملا يصل* ‬350* ‬جنيها كما يدعي البعض في بعض الجهات مثل المحليات فانه سيتم رفع راتبه الي* ‬700* ‬جنيه شهريا أي بزيادة* ‬100٪* ‬لكن كما سبق ان اشرت فان المعلومات المتوافرة لدينا تشير الي ان اقل راتب في الجهاز الاداري يتجاوز* ‬400* ‬جنيه شهريا وان اقصي زيادة وفقا للبيانات المتوافرة لدينا تصل* ‬64٪*.‬
وحول معدل الزيادة لباقي الدرجات الوظيفية اكد الجبالي ان كل موظف من الدرجات الاعلي من الحد الادني الجديد سيتم زيادة راتبه بقيمة* ‬278* ‬جنيها شهريا*.. ‬واشار الجبالي إلي ان الحكومة* ‬راعت استفادة اصحاب المرتبات المتدنية من الزيادة في الحد الادني لتحقيق العدالة الاجتماعية مشيرا الي ان الحد الادني سوف يتحرك سنويا ليصل* ‬1200* ‬جنيه خلال خمس سنوات* . ‬واضاف ان رفع حد الاعفاء الضريبي لدخول أصحاب المرتبات يمثل زيادة اضافية في المرتبات اضافة الي استمرار اعفاء العلاوات الاجتماعية التي تصل نسبتها الاجمالية حتي الآن* ‬340٪* .‬


هل سنعتصم؟؟؟؟؟؟؟

نعتصم ؟؟؟!!!

[meslmat]

مش معقول
وما المعقول؟

[mmar1]

اللهم ارفغ مقتك وعضبككككككككك عنا ايها المعلمون الاحرار اسمعوا واقراءوا واعوا لقدسبق وحذرتكم جميعا ان الحدالادنى لو طبق لن يمسكم ولقدتحققت قرائتى للمشهد فرب البيت حامينا ووزيرنا يتنصل منا وكل شئ رامية على المحافظ مركزبة بقى نسيتم الدرجات المالية لان انتم كادر ونسى اننا مصريين واهم مثل عض قلبى ولاتعض رغيفى حان الوقت للاتحاد والاعتصام والامل فى رجال الثانوى نحن ليس اقل من الاطباء اضراب عام عن الامتحان يارجال النواح لن يجدى الفعل الفعل واعتصموابحبل الله جميعا ولاتفرقوا بعد15 سنة وفى الدرجة الثانية اقبض 756 جنية وخريج جديد يبداء ب700 فى شرع مين

[احمد محمد عبد المجيد]

وخريج جديد يبداء ب700 فى شرع مين


لا مش تقلقى احنا كلنا فى الهوا سوا

الحمد لله رب العالمين