الموعد النهائى لاعتصام المعلمين " الـثـــلاثـــــاء 7 - 6 - 2011 " .........

[احمد محمد عبد المجيد]

؟؟؟؟؟؟؟؟؟؟ فين الردود ؟؟

[الأسطورة1]

اعتصام اعتصام اعتصام اعتصام

[zizo76]

انا عملت صفحة علي الفيس بوك ( معلمون معتصمون ) كنت عاملها قبل كده و عدلتها يا ريت الكل يشارك و ينشر
http://www.facebook.com/pages/%D9%85%D8%B9%D9%84%D9%85%D9%88%D9%86-%D9%85%D8%B9%D8%AA%D8%B5%D9%85%D9%88%D9%86/126692534069691?sk=wall

[elbass]

ان شاء الله معكم

[nada1993]

لابد من الأعتصام حتى ترجع لنا حقوقنا ان شاء الله هيكون اعتصام ناجح

[hazmanco]

سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلمها للطلبه والتلاميذ

[man22]

الى الاخ ناجى اسماعيل لا تتحدث باسم الاسماعيلية اتكلم عن نفسك فقط
كل مدرسى الاسماعيلية مشاركين باذن اللة

[mohammed ahmed25]

وانا من النهارده هعمل دعايه فى منتديات متنوعه للاعتصام

[احمد محمد عبد المجيد]

ان شاء الله امام ماسبيرو

ومتنسوش المتعاقدين والحصة وكل يجماعة

[البنهاوى]

لازم نكون ايد واحده وقلب واحد
الصوت العالى هو اللى بياخد حقه
والسلبى ملوش مكان
فين الدرجات
فين الزياده فى الاجور
مفيش درجات مفيش زياده؟؟؟؟؟؟؟؟
مفيش ثانوية عامه!!!!!!!!!!!!!

[احمد_عصمت]

انا معكم ولكن لازم تكون لنا طلبات محددة ومنطقية : يعني محدش يروح يقول عايزين نرجع كرامة المعلم يعني الوزارة مثلاً هتصرفلنا بدل كرامة لا لازم طلبات اجرائية زي الاهداف الاجرائية يعني مثلاً ( وجود عقد بين المدرسة وولي الامر يعرف بيها حقوقه وواجباته ) ان يكون هناك عقاب وطبعاً المقصود بالعقاب مش الضرب ولا الشتيمة اطلاقاً ولكن عقاب تربوي فعال يضمن للمعلم القدرة علي التحكم وضبط سلوك الطلبة ) اتنين يا تري مكان الاعتصام فين بلاش الوزارة ولا وزارة المالية اما ماسبيرو او ميدان التحرير رغم ان التاني هيزعل مننا الجيش لا بلاش التاني ده

[أحمد قلانه]

صفحتنا على الفيس بوك
معلمون معتصمون
اضغط هنا
موعدنا الثلاثاء الساعة العاشرة امام وزارة التربية والتعليم من جميع المحافظات
وسيتم تحديد مايلى بعد ذلك

[الدكتور المهندس]

السلام عليكم ورحمة الله وبركاته ياريت ياحضرات احنا شغالين فى الكلام ده من شهرين وحددنا ميعاد للاعتصام به امام الوزارة والميعاد محدد من اسبوع فات وشامل من كل الجمهورية وعاملين قاعدة بيانات واحنا على اتصال تام ببعض ونحن الان عددنا يفوق800 معلم ورايحين يوم الخميس القادم بتاريخ 9/6/2011 وماينفعش نغير الميعاد فاريت الكل يوحد الصف وخليكم معنا
لانكم لسه ميحددين الميعاد النهارده وده صعب التجميع فىة للاعداد المطلوبة لن فيه كتير مش شغال على النت
فاريت تنضموا لينا نحن مجموعة عريضة وكبيرة من المعلمين شغالين منذ شهرين على تحديد مطالب محددة وموعد مححد وتم در مطلبكم الذى هو مطلبنا ضمن مطالبنا الاساسبة ونطالب بها فى الموعد المحدد لنا فياريت للمرة الالف توحيد الصف معنا وبلاش تشتيت ناس تقول الثلاثاء وناس تقول الاحد احنا ميعادنا محدد من اسبوع ماضى وهو الخميس

[احمد_عصمت]

انا جمعت كده شوية طلبات
1- تحسين اجور المعلمين بما يتفق مع اجور باقي العاملين في الوزارة فلا يوجد مبرر واحد لان يقبض الموظف في الادارة او في المديرية او في الوزارة راتب اعلي بكثير من المعلم الذي هو اساس العملية التعليمية
2 - محاسبة رموز الفساد في الوزارة واقالتهم جميعاً
3- التحقيق بواسطة الاجهزة المعنية في الفساد الاداري وانتشار الواسطة والمحسوبية في التعيين والمكافأت في الوزارة ( يا ريت يبحثوا في اسماء العاملين في الوزارة لانهم هيلاقوا عائلات باكملها بتشتغل في الوزار وطبعاً ده لا يمكن يحصل لو الوزارة تابعة لنظام التعينات الحكومي ولكن يمكن يحصل في حالة واحدة ان تكون الوزارة عزبة تورث وتقسم بين عائلات محددة )
4 - مشاركة المعلمين في السياسات التعليمية للدولة وان تتوقف الوزارة عن معاملة المعلمين كعبيد
5 -تجريم دفع بعض المعلمين للطلبة واجبارهم علي الدروس الخصوصية والمجموعات

[mohammed ahmed25]

يا جماعه فساد ايه و رموز ايه...سيبكم من الكلام ده
- تطبيق الحد الادنى على المعلمين بوجه عام و مرتب الدرجه الثالثه للمعينين حديثا
ياريت نحدد مطالبنا من دلوقتى وتكون عمليه , يعنى بلاش حكايه محاسبة الفاسدين, و بلاش تكون المطالب تغيير المرحله الى اعدادى للتربيه عام, خلينا فى الاهم ثم المهم