"التربية والتعليم" تعلن تطبيق الحد الأدنى للأجور على المعلمين

[هويدااحمد76]

"التربية والتعليم" تعلن تطبيق الحد الأدنى للأجور على المعلمين

السبت، 4 يونيو 2011 - 18:59

أحمد جمال الدين موسى وزير التربية والتعليم
كتب حاتم سالم

أعلن الدكتور طارق الحصرى مساعد وزير التربية والتعليم للتطوير الإدارى، أن المعلمين سيدخلون ضمن مشروع الدولة لإعادة هيكلة الأجور ، ووضع حدين أدنى وأقصى لها .

وأكد "الحصرى" فى تصريحات خاصة لـ "اليوم السابع" أنه أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات التى ينطبق عليها الحد الأدنى للأجور لأن رواتبهم عند بداية التعيين بالدولة لا تتجاوز 700 جنيه شهريا إلى جانب أن درجاتهم الوظيفية المقررة فى قانون الكادر مستوحاة من الدرجات المنصوص عليها بقانون العاملين بالدولة 47 لسنة 78 .

وكانت حالة من الجدل قد سيطرت على المعلمين خلال ال48 ساعة الأخيرة بعد انتشار أنباء عن استبعاد المعلمين من الجدول الجديد لأجور الموظفين بدعوة أنهم من أصحاب الكوادر الخاصة ، إلا أن مساعد وزير التعليم للتطوير الإدارى أكد أن المعلمين سيدخلون ضمن الفئات التى سينطبق عليها الجدول الجديد.

http://www.youm7.com/News.asp?NewsID...65&IssueID=168

[Mohamed.Helmy]

يعنى هنمتحن الحمد لله

[maestro98]

يارب ميكونش الخبر ده مسكن لغاية ما تعدي الثانوية العامة ونفاجأ بان المعلمين بره الحد الادنى
لازم رئيس الوزراء والوزير ووزير المالية يطلعوا يقولوا كده

[agomaa60]

يا مسهل يا رب اللهم أجعلة خير

[محمد حسين الشربينى]

المشاركة الأصلية كتبت بواسطة mohamed.helmy

يعنى هنمتحن الحمد لله

يا حبيبى الطلاب ملهمش ذنب
واكيد لو فيه اضراب هيكون فى التصحيح وبس
لانه ممكن تأخيره
اما الامتحانات لا اعتقد أن أحد من المعلمين يرضاها لنفسه ولأولاده
بس انت ذاكر

[أشرف المنوفى]

الكلام ده عشان يعدوا موسم الثانوية العامة و لا جد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Mohamed.Helmy]

المشاركة الأصلية كتبت بواسطة محمد حسين الشربينى

يا حبيبى الطلاب ملهمش ذنب
واكيد لو فيه اضراب هيكون فى التصحيح وبس
لانه ممكن تأخيره
اما الامتحانات لا اعتقد أن أحد من المعلمين يرضاها لنفسه ولأولاده
بس انت ذاكر

فعلا كلام حضرتك مظبوط المفروض لو فى اضراب يبقي فى التصحيح
مش فى المراقبة و الامتحانات

لان كل المدرسين عندهم يا اما اولادهم يا اما قرايبهم فى ثانوية

دعوات حضرتك ^^"

[مستر محمد خليفة]

المشاركة الأصلية كتبت بواسطة maestro98

يارب ميكونش الخبر ده مسكن لغاية ما تعدي الثانوية العامة ونفاجأ بان المعلمين بره الحد الادنى
لازم رئيس الوزراء والوزير ووزير المالية يطلعوا يقولوا كده

هو مفيش ثانوية السنة الى جايا ده
كل سنه فى ثانوية وامتحانات ....

[إسماعيل القاضى]

الحمد لله على الخبر ونتمنى تأكيده من الوزير شخصيا

[حسين فؤاد حجاج]

يا جماعة دي مسكنات

[صفاء عزمى]

اخونا هذا من شهر قال درجات اتحلت ومعلمين سوف يحصلون علي الدرجة انه نصاب

[أ / نادر النقاش]

الله أنا حاسس إن البلد دى متغيرتش .............. الفلسفة الفارغة من المسئولين هى هى .. كان الله يديله الصحة د.يسرى الجمل يقعد 3 ساعات مع منى الشاذلى و غيرها عشان نفهم منه حاجة.... منفهمشى و تدور الأيام و يجى الدكتور أحمد جمال الدين و رجعنا لقضية فى الواقع و حتماً .... العالم دى واخدين الدكتوراه فى الواقع و حتماً و حط عليها شدتين ... بجد أنا معنتش فاهم حاجة خالص ... لازم يمسك الوزارة دى معلم .....لازم يمسكها واحد اتبهدل وطلع عينه على السبورة علشان يعرف إحنا عاوزين ايه ......و النبى إرحمونا من الدكاترة دول ..........الله يوقف حال إل مبيفهموش إحنا غلبنا ... و الله لو فى مجال نطلع من البلد دى لطالع .... لأ دنا فعلا لازم أغير التوقيع ... مفيش فايدة !

[zkoar]

المالية: المدرسون يستفيدون من "الأدنى للأجور" ولاضرائب على الأسهم

[zkoar]

نفى الدكتور سمير رضوان وزير المالية صحة ما نشر بشأن عدم استفادة المدرسين من الحد الأدنى للأجور المدرج بمشروع الموازنة العامة للدولة باعتبارهم من أصحاب الكوادر الخاصة.
وأكد الوزير أن الحد الأدنى للأجور المدرج بالموازنة سيتم تطبيقه على المدرسين وجميع العاملين بالدولة الذين يقل إجمالي ما يتقاضونه عن 700 جنيه سواء كانوا كادرات خاصة أو كادر عام مشددا على حرص وزارة المالية على استفادة جميع العاملين بالدولة من الحد الأدنى للأجور المدرج بالموازنة بعد إقراره.
ومن جهة أخرى نفى الدكتور سمير رضوان فى تصريح له السبت أيضا ما تردد عن فرض ضريبة على عمليات تداول الأوراق المالية من أسهم وسندات خلال التعاملات بالبورصة مؤكدا أن حقيقة الأمر أن ما يجري دراسته حاليا هو فرض ضريبة على توزيعات الأرباح التي تحققها شركات الأموال والمتمثلة فى الشركات المساهمة والتوصية بالأسهم وذات المسئولية المحدودة أيا كانت الصورة التي يجري عليها توزيع هذه الأرباح.**

http://www.egynews.net/wps/portal/news?params=127064

[السعيد عامر]

أعلن الدكتور طارق الحصرى مساعد وزير التربية والتعليم للتطوير الإدارى، أن المعلمين سيدخلون ضمن مشروع الدولة لإعادة هيكلة الأجور ، ووضع حدين أدنى وأقصى لها .

وأكد "الحصرى" فى تصريحات خاصة لـ "اليوم السابع" أن الوزير أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات التى ينطبق عليها الحد الأدنى للأجور لأن رواتبهم عند بداية التعيين بالدولة لا تتجاوز 700 جنيه شهريا إلى جانب أن درجاتهم الوظيفية المقررة فى قانون الكادر مستوحاة من الدرجات المنصوص عليها بقانون العاملين بالدولة 47 لسنة 78 .

وكانت حالة من الجدل قد سيطرت على المعلمين خلال ال48 ساعة الأخيرة بعد انتشار أنباء عن استبعاد المعلمين من الجدول الجديد لأجور الموظفين بدعوة أنهم من أصحاب الكوادر الخاصة ، إلا أن مساعد وزير التعليم للتطوير الإدارى أكد أن المعلمين سيدخلون ضمن الفئات التى سينطبق عليها الجدول الجديد.