حملة جاهد بالمقاطعة اشترك معنا

[كركركوكو]

بسم الله الرحمن الرحيم
اخواني الاعضاء
الموضوع سيكون عن المقاطعــــــــــــه

بسم الله نبدأ

انا هفكركم اولا بمره من المرات الدنمارك الملعونين اساؤ لسيد البشر اجمعين
الناس كلها قاتعت منتجاتهم فاكرين ياشعب مصر ولا ناسيين فاكرين ايه اللي حصل
خسرو مليارات مش ملايين والله المقاطعه سلاح متين

يبقي لازم نرفع شعاراتنا
1- اذا قاطعت فأنك لم تموت واذ لم تقاطع فأن غيرك سيموت
دعوه للمقاطعة منجات امريكا واسرائيل
2- اذا قاطعت فأنك لم تموت واذ لم تقاطع فأن غيرك سيموت
دعوه للمقاطعة منجات امريكا واسرائيل
3-
إوجعهم وإلوى دراعهم وقاطع منتجاتهم

الموضوع مش موضوع شعارات بس اهم حاجه ننفذ المقاطعات
المهم اكمل موضوعي وبعد كده المقاطعه نامت
بس ان شاء الله يااخواني المقاطعة المرة دى غير مقاطعة الدنمارك.. دى مش اعلان موقف، ولا تبرئة ذمة.. دى لوى دراع.. اه والله لوى دراع، احنا كشعوب عربية نقدر نقلب موازين العملية كلها.. نقدر نخلى المقاومة أقوى، والنصر قريب.. نقدر نخسف باسرائيل الأرض، ونقدر نمحى فكرة الشرق الأوسط الجديد دى

المقاطعة لمنتجات أمريكا اللى بتساند اسرائيل - بتساندها بالموافقة والمال والأسلحة - هيغير ميزان القوة ويجعله فى صالحنا، كلنا عارفين ان العالم دلوقتى مبنى على تلة فلوس كبيرة اوى، اللى يقف فوقها هو الكسبان، لو سحبنا من تحت أمريكا تلها.. هنهزها ونهز موقفها، ونمنع صاروخ ينزل على أخواتنا في فلسطين واماكن كتير عراق وشوفتم طبعا لبنان

بالله عليكم انا بصرخ وبقول ياشباب
عايز جواب
الدور علي مين ؟؟؟؟؟؟؟؟؟؟؟؟؟؟؟؟
هما عايزين من النيل للفرات
فوقوا بقي شويه معايا
حد يقولى "طب اتكلم على قدك" كلام كبير اوى اللى انا قلته ده.. صح؟ قال احنا واحنا قاعدين فى بيوتنا ممكن نغير الكون، ممكن نجيب النصر للمقاومة من غير ما نرفع سلاح، قال وكمان تبقى لنا اليد العليا من غير ما نغسلها فى بحر دم
بس انا بتكلم بالمنطق وبالتاريخ اللى المفروض نتعلم منه، هعتبر ان مقاطعة الدنمارك تاريخ نتعلم منه، اغلب المسلمين تفاعلوا معاها وقرينا وقتها عن خسائر جامدة اطاحت بكوب اللبن الدنماركى، طيب بدل ما تكون المقاطعة مجرد تبرئة ذمة، نخليها المرة دى وجع لإسرائيل وتغيير لمصيرنا

حد كمان يفتكر التبرير الشهير لرفض أى مقاطعة.. "دى مصانع فى مصر وبتشغل أهالينا".... يا سلام يا سلام، والنبى دا مش تبرير ساذج بتحاولوا بيه تهدموا اى فكرة ممكن تكون مؤثرة؟ ومع ذلك ممكن ارد على التبرير ده انه: اغلب المصانع بتاخد ترخيص، يعنى تقدر فى حالة التأثر بالمقاطعة تلغى ترخيصها وتعتمد باه على نفسها بنفسها، ثانيا، مقارنة ظالمة اوى بين اهالينا اللى بيتقتلوا بفلوسنا واللى نقدر نمنع عنهم ده، وبين اهالينا اللى ممكن لو مصنعهم اتقفل ربنا يفتح لهم ابواب رزق تانية وهما فى النهاية وسط اهاليهم لا متهجرين ولا مات لهم حد، ثالثا ليه التبرير ده محدش سمع عنه ايام مقاطعة منتجات الدنمارك؟؟ اذا كانت اهانة سيدنا محمد صلى الله عليه وسلم توجعكوا اوى، فموت الأبرياء بلا اى ذنب
ها.. هتقاطعوا؟؟

اوكى... يعنى اتفقنا كده؟ هنقاطع كلنا.. مفيش كوكاكولا وبيبسى..؟ أمرك لله مش هتدخل ماكدونالدز..؟ هتقف فى صيدليتك اللى مقاطعة الأدوية الأمريكانى؟.. هتسيبك من موتورولا..؟ أنا وانت وكلنا.. احنا كتير اوى، فلوسنا هتأثر.. مقاطعتنا هتلون الحياة وتديها وش تانى جديد.. وش عيونه بتضحك، مش مكسورة فى ملاجىء وللا خيام

انا هراهن على كل واحد يدخل هنا ويقرا التدوينة دى.. هراهن على كل مدون يقتنع بالفكره و ينفذها وينشرها بين أهله ويكتب عنها فى مدونته.. هراهن على المتواليات العددية.. واحد يقنع خمسة والخمسة يقنعوا خمسة وعشرين والخمس وعشرين يقنعوا خمسة وسبعين.. وهكذا


أخى الحب إبن الحب
السلام عليكم ورحمة الله وبركاتة
هذه هى المنتجاة التى وزعتها
المنتج اليهودى أو الأمريكى
شركة تستى فودز مصر(سامبل-كاراتيه-شيتوس-فن-لايز-سمعة)
والبديل (الشمعدان- شيبسى -كرانشى- هريدى -واو)
مقاطعة شركة هاينز (صلصه - كاتشب 00000)
البديل منتجات جوبر
مقاطعة شركة لامبرت(هولز-تشيكلتس-آدمز-كلورتس-سناكس)
البديل منتجات بمبم
مقاطعة شركة هوستس(توينكيز-هوهوز-كب كيك- رولز-هوستس)
البديل( منتجات الشمعدان) هاى كيك
مقاطعة منتجات شركة كادبورى
البديل أى منتج مصرى
كوكاكولا- فانتا-بيبسى-ميراندا-سفن أب-كندادراى-سبورت كولا
البديل جهينه- فرج الله - منتجات الأهرام
مقاطعة منتجات حدائق كاليفورنيا للمعلبات
البديل معلبات قها - أدفينا
مقاطعة منتجات ركى (بسبوسه-جلى - أم على -العجائن بأنواعها)
البديل شركة دريم وحلو الشام
مقاطعة ماكدونالدز-بيتزاهت-كنتاكى- تكا -تشيلز-ماك بيرجر كانتير-جاك أند وكس)
البديل سلاسل مطاعم دومينوز بيتزا- مؤمن - العمدة -جاد
مقاطعة سمن روابى-فيرن- شيراتون
البديل سمن الهانم- حياتى- النخلتين-الحلوب- الذبد البلدى
مقاطعة سجائر مارلنورو- كنت - ميريت- جولد كوست- ال ام -مور- كارلتون - وستن-كامبل
البديل الأفضل الإقلاع عنها لأن التدخين حرام شرعا
مقاطعة شركة أنلوبست فورميلان لمستحضرات التجميل
البديل مستحضرات شركة أوريفلام
مقاطعة شركة بروكتر أند جامبل الإسرائيلية( برت بلاس- بانتين - هيد أند شولدرز - صابون كامى - زيست - لوكس - بالموليف - بارفان هوجو - أولويز- بامبرز)
البديل (صابون ميست- فا- صانسيلك- سيف هير - بيبى فاين - وان مان شو)
مقاطعة شركة بروكتر أند جامبل الإسرائيلية(إريال - تايد - سائل فرى)
البديل (برسيل - لانج - اكسترا - بيوكلينا- سافو - رابسو- فيبا )
مقاطعة شركة جونسون- جليد - شاوت- ريد - منظف توليت بط
البديل (أقراص ايزالو- فليت - بيرسول - برستيج للموبيليا )
مقاطعة صبغة شعر است أندسامبل ومنتجات شركة أقون للتجميل
البديل صبغة شعر بايجن و الحنة
مقاطعة أجهزة رياضية (يونيفرسال - باريونت)
البديل أديداس
مقاطعة شركة Nike للملابس الرياضية - ملابس باور رينجرز
البديل لوتو
مقاطعة ملابس جيتر باسيك داينتون - كلفن كلين -رالف لورين - ليفيز -fas
البديل مونتيز- إنتربول - بووب
مقاطعة أدوات مكتب ماركة هايز
البديل الشركة المصرية Mintra
مقاطعة أقلام (شيفر - بارك)+ شركة (زيروكس) بكل منتجاتها
البديل أقلام بك +كانون فرنسى +توشيبا
مقاطعة برامج كمبيوتر ماك - أوركل - ديجيتال
مقاطعة شركة دلتا إيجبت
مقاطعة معجون حلاقة بالموليف -مايكنة حلاقة جليت- معجون أسنان كولجيت - سيجنال تو-كرست )
مقاطعة أجهزة الدش سونيك - أبك وستر
مقاطعة لعب أطفال العروسة سندى سربى- ميكى ماوس- الفلين الأمركى للحروف
مقاطعة بوتوجازات ماجك شيف -منتجات شركة بيزل
البديل تكنوجاز - كريازى- توشيبا العربى
أجهزة تكييف ( وستنجهاوس - يونيون - فيلكو - ميراكو - جيبسون - دايكن - تران )
البديل جلدستار- Lg -ميتسوبيش
مقاطعة موبايل الكاتيل T&at
البديل نوكيا -موتورولا-اريكسون
مقاطعة بطاريات إفرريدى- انيرجايزر - ديورو- مايل ستون - باور (القط الأسود-دورايل)
البديل سونى -سوبر جارد - كلوريدا
مقاطعة ميزان الأفراد مترو- فلاتر مياه بيور أندكلير - منتجات شركة بيزل
مقاطعة بنك أمريكان أكسبريس - أمريكا الدولى - ستىبنك - بنك أف أمريكا
البديل بنك مصر اكستيور - العربى الأفريقى -مصر- الأهلى
مقاطعة شركتى فايزر و سكويب للأدوية
البديل مصر - إسكندرية - القاهرة - النيل - سيدكو – ايبكو

وفي النهايه جزاكم الله كل الخير
هي بنا كي نبدأ الحمله عرف اهل بيتك بهذه المنتجات وأصدقائك وشارعك ةحال نشرها في كل مكان والسوبر ماركت

واحب ان اشكر اخي في الله تامر خالد لانه هو الذي شجعني علي ان اكتب هذا الموضوع
جزاه الله عنا كل الخير

[TEMO_KHALED]

مشكور يا كريم وانا معاك ان شاء الله وهقاطع ذهه المنتجات ..ماحنا قاطعنا المنتجات الدنماركية ..اية الي حصل موتنا من الجوع ...بالعكس وفرنا كتير علينا وخسرناهم كتير وحاولنا نبين ان احنا مش بنسكت....
ومشكور يا حبيبي ..انا ما عملتش حاجة ...انت انسان مبدع... واحنا اخوات

[عاشقـــ الانمى ـــة]

بالتوفيق يا جماعة وأنا معاكم إن شاء الله

[كركركوكو]

جزاكم الله خيرا
رجاء خاص للمنضمين توحيد التوقيع وخلوا لينك الموضوع من ضمن التوقيع
لو عجبكم توقيعي يبقي علي خيرة الله ولو كده هنتفق ونغيره من خلال الرسائل الخاصه والسلام عليكم ورحمة الله وبركاته


(ارجو تثبيت الموضوع )

[أمة الرحمن]

فكرة اكثر من رائعه
وان شاء الله نحاول ننشرها
وانا معاكم باذن الله
وجزاك الله خيرا وجعلك من حماة الاسلام

[الرهينه]

السلام عليكم ورحمة الله وبركاته
بجد يا كريم الموضوع مؤثر اوى واقل ما يقال عليه انه رائع بجد
شئ مؤسف اننا حتى واحنا مكتوفى الايدى اننا مش نستكفى باننا مش نساعدهم بس
لا كمان بنساعد الصهاينه ونديهم فلوسناه عشان يقتلوا ولادنا واخواتنا
بجد نفسى كل واحد يتخيل نفسه مكان اى طفل فلسطينى او عراقى او.........
صدقنى هتلاقى رد فعلك اتغير كتير
لكن للاسف احنا مش بنتعلم من غلط غيرنا بنستنى لما المصيبه تقع علينا احنا كمان وساعتها بس نفكر ونشوف هنعمل ايه
بجد حاجه تكسف
ربنا معاهم "اللهم انصر الاسلام والمسلمين فى كل مكان"

[TEMO_KHALED]

انا عملته من غير ماتقول يا كيمو...يالا يا جماعة عايزين نعمل حاجة ...واكيد هاننجح ..شوفتوا بنا مسهلنا حاجات نقدر نساعدهم بيها واحنا برضوا مابنتحركش......تخيلوا كام واحد بياكل في المطاعم بتاعتهم و بيستخدم منتجاتهم....طيب لو عالاقل نص الناس دي بطل يروحلوهم ...صدقوني هانغير كتيييييييييييييييييييييييييير اوي

[كركركوكو]

ايدي في ايدكم يلا نحارب
كل مفتري وجبار
لازم كلنا نعمل حاجه
مش لازم نقعد نحتار
بصوا وشوفه كان ايه بياكل
نبينا الهادي المختار
كان بالزيت والعيش بيغمس
من غير تسبيكه علي النار
قاطعوا المنتج اليهودي
ولو كان بأقل الاسعار
مش نقعد ناكل ونشرب
ونقول استر ياستار
فيها ايه يعني لما نقاطع ؟؟
حاجه هتمنع الدمار
ونخلي اخواتنا الاسري
يدعولنا ليل ويانهار
ونحرر كل اللي انظلموا
من ظلم الكفره الاشرار

جزاكم الله كل الخير علي الاهتمام ليس بالموضوع ولاكن باخواننا في فلسطين

[الرهينه]

كريم بعد اذنك ممكن اخد الموضوع ده واضيفه فى منتدى تانى
ولا ايه؟؟؟؟؟؟؟

[كركركوكو]

ياسلام
انا بقول ننشر الموضوووووووووووووع ياجماعه ارجوكم انشروه
يلا بسرعه مستنيين ايه





وجزاكم الله كل الخير

[مغترب وبس]

جزاك الله كل خيرا
كلام جميييييييييييل بجد
بس بما اني واقعي يبقى اهم حاجة يا جماعة كلنا ننفذ مش نقا ونقول موضوع جميل
وموضوع حلو وبس لا ونعمل كده فعلا ونقول لصابنا كلهم
وفيه حاجة كمان نفسي اقولها
مش لازم يحصل حاجة يا جماعة عشان نتحرك لازم نتحرك من نفسنا

وجزاك الله خيرا مرة تانية

[كركركوكو]

جزاك الله كل الخير
يلا البدأ من الان
ولا توقف ان شاء الرحمن
انشر الموضوع في اي مكان
انشره وزعه بلا استئذان



جزاكم الله كل الخير

[المجاهد فى سبيل الله]

السلام عليكم ورحمة الله وبركاته
الله عليك يا كريم
يلا يا بطل
اشهد الله انى بقالى اكثر من خمس سنين وانا مقاطع
انا واهل بيتى واصحابى
بس الا كام مره كده بصراحه بس ولله غصب عنى
ربنا يعز الاسلام بامثالك اخى الكريم انت واخى تامر
وبالاخوه والاخوات اعضاء منتدى الثانويه

[كركركوكو]

جزاك الله كل الخير اخي
والله انا سعيد جدا اني معاك في منتدي واحد
وانا فخور جدا بحضرتك
وبجد انا كنت مقاطع بس في ظروف كده بتحصل بتخلي الواحد يرجع
لاكن ان شاء الله هقاطع وقاطع
يلا يارجاله
انا سألت سؤال في الموضوع ومحدش جاوب عليه خالص
السؤال بيقول هما عايزين من النيل الي الفرات يبقي الدور علي مين ؟؟؟؟؟؟؟؟؟

[TEMO_KHALED]

المشاركة الأصلية كتبت بواسطة كركركوكو

جزاك الله كل الخير اخي
والله انا سعيد جدا اني معاك في منتدي واحد
وانا فخور جدا بحضرتك
وبجد انا كنت مقاطع بس في ظروف كده بتحصل بتخلي الواحد يرجع
لاكن ان شاء الله هقاطع وقاطع
يلا يارجاله
انا سألت سؤال في الموضوع ومحدش جاوب عليه خالص
السؤال بيقول هما عايزين من النيل الي الفرات يبقي الدور علي مين ؟؟؟؟؟؟؟؟؟

حبيبي المفروض الدور علينا بس هما اصلا شغالين علينا من زمان بس باسلوب غير مباشر....
وبالنسبة للمجاهد...(هذا هو مثال للمسلم الحقيقي)مش هاقول غير كدة...ربنا يكرمك يا حبيبي