قصه قصيره من ميدان المشيخه

[midoay]

بسم الله الرحمن الرحيم

أسمى محمد مدرس رياضيات طول عمرى ادخل للمنتدى اقرأ مواضيع وكده وأطلع لكن عمرى مافكرت أشارك ليه مش عارف ومن الاخر زى ماحضراتكم شايفين دى أول مشاركه ليا وبرده أخر مشاركه عموما القصه حالا.......أسف للاطاله

أنا كنت فى المشيخه النهارده من غير تنسيق مع حد مجرد اتفاق بينى وبين زمايلى نروح والحمد لله روحنا احنا من المحله الكبرى مركز الغربيه عموما زى ماقال زمايلى روحنا عند المنطقه وبعدين بست عربيات ميكروباص روحنا المشيخه بس من هنا هتبتدى القصه

(سامع صوت بيهتف اجرى بسرعه ياعم الصوت بيقرب بيقرب قابلك ناس انتم منين من الغربيه الحمد لله كله يرد صوت بينادى بيهتف بيزيد بيزيد .......ولسه ولسه ولسه ناس قاعده على الارض بتقول مش البوابه دى روحوا التانيه بسرعه زمايلنا هناك قلنا اكيد هناك العدد كتير بس اتصدمنا عارفين ليه للآسف مايعدوش مائه شخص بس الحمد لله اندمجنا بسرعه وابتدت تعلى الهتفات ونردد مش راجعين مش راجعين غير ومعانا قرار تعيين وتعلى الهتفات ونردد وفى لحظه ابتدت الهتفات تتغير سلميه سلميه عارفين ليه الجيش كان بيحاول يفتح البوابات اللى مقفوله على المسؤلين جوه سلميه سلميه الجيش بيقرب سلميه سلميه بيفاوض ونرد نقول لاتفاوض الوضع بسرعه اتغير الحقوا كله يقرب الجيش هيفتح البوابات كله يقرب سلميه سلميه الجيش بيشد فى البوابات واحنا ماسكين كله يقرب كله يشد كله يردد سلميه سكت الجيش وشويه والتهديد ابتدى اللى مش هيمشى هيعتقل سبع سنين قانون طوارئ واحنا ماسكين فى البوابات واحد يقول واحنا وراه ..هيعتقولنا ليه ليه احنا صهاينه ولا ايه...واحنا نرد الجيش يشد واحنا نمسك فى بعض اكتر كله يقول كله يقول سلميه سلميه الهتفات تعلى والشد بيعلى والجبش بيرد بالعافيه بالقوه هيفتح البوابات كله يردد الجيش كتر بصراحه احنا ياجماعه اسفين ماكناش كتير دى غلطتنا ما جبناش حد معانا كنا للاسف للاسف شويه صغيرين الجيش كتر علينا من بره المبنى من جوه المبنى واحنا نردد سلميه سلميه وبعدين غيرنا الكلمه عارفين ايه هيه صور صور صور صور
كنا عاوزين نوريكم انه بنغصب عننا ماقدرناش نجيب حقنا قصدى حقكم ما احنا كنا شويه برده ياجماعه اعذرونا احنا اسفين غلطه مش هتتكرر لكن الصوت بيعلى قوى صور صور صور والشد بيعلى قوى الجيش فتح البوابات مالحقناش الجيش بيجرى ورانا اجرى ياعم اجرى لا لا لا كله فى مكانه الجيش مسك ناس الجيش بيضرب واحد الناس بتجرى هنا وهنا الحق الجيش بيضرب نار الجيش بيضرب حى ايه ده معقول ده الضرب كتر الصوت زاد كله بيجرى ماحنا شويه ياجماعه اعذرونا احنا برده اسفين ماعرفناش ناخد حقنا قصدى حقكم
كله بيجرى فى كل ناحيه ليهم حق اصله مش بس الجيش الامن المركزى جه المارد الاسمر جه اجرى دول بيجروا ورانا اجروا هيمسكونا كله يجرى ولينا حق اصل احنا شويه احنا اسفين ماقدرناش نقف فضل الامن ماشى ورانا كتير واحنا طبعا ياجماعه الحمد لله ماسكتناش طبعا كنا برده بنجرى اعذرونا ياجماعه احنا اسفين وشويه ورجعنا وابتدوا الناس يتفرقوا اللى للاسف روح واللى راح يتفسح واللى واللى معلش ياجماعه برده ليهم عذرهم كانوا شويه ازاى يشيلوا حمل سبعين الف متعاقد لوحدهم سبعين الف متعاقد يالله سبعين الف متعاقد يارب ....يارب يارب يارب)

معلش ياجماعه مش هقدر اكمل انا روحت بيتى الساعه 12 الا ربع بالليل بس الحمد لله بعد ماطمنا ان زمايلنا اللى اتمسكوا فى قسم الدرب الاحمر وهيسبوهم بكره وفى اخبار ان فى محامى معاهم الحمد لله الحمد لله

تانى ياجماعه احنا كلنا اسفين ماعرفناش نجيب حق السبعين الف معلش ياجماعه برده بلاش نظلم حد هنشيل من السبعين الف رجاله سوهاج ال400ورجاله المنصوره والشرقيه والمنوفيه وقنا يعنى بما انى مدرس رياضه يبقى الناتج قول 5 الاف مع درجات الرأفه قول 10 الاف معلش ياجماعه ماعرفناش نجيب حق السبعين الف

واخيرا وليس اخرا

بسم الله الرحمن الرحيم

"واعتصموا بحبل الله جميعا ولا تفرقوا " صدق الله العظيم

[hitsman]

جامد يا محمد يا بدير
انا فعلا كنت مع الراجل ده وهو ده اللى حصل
وياريت اللى قاعدين ف البيت يكسفو شويه ويحاولو يشاركو معاناااااااااااااااااا

[مصطفى جمال 1984]

على فكرة احنا عملنا اكتر من كدة امام منطقة سوهاج الازهرية وتحدينا كل دة الجيش والشرطة
وماخفناش

[حسن عسلة]

ياترى اخبار المعتصمين ايه؟
وهل يوجد حد حتى الان فى المشيخة ام لا


طيب مفيش اى ارقام موبيل بتاعت اى حد كان موجود هناك

[rabiasayed]

واحنا فى المنصورة كمان كنا معاكم بس للاسف العدد كان يسير
يا ترى الايام القادمة هتخبى ايه

[مستر / وائل الفايد]

والله العظيم كانت الوقفه في سوهاج وقفه رجاله فعلا ربنا ينصرنا

[اشرف الدمياطى]

جزاكم الله خيرا واتشرف بكونى زميلك ازهريا وفى مادة التخصص

[mustafa sakr]

مبروك علينا يا جماعه تجديد العقود

[حسن الامين على]

ان شاء الله التثبيت قادم

[Mr.Sayed El-Zayyat]

لابد ان نتمسك بالامل

[ميدو258]

طيب هل هتشاركوا معانا يوم الاحد القادم احنا انشاء الله هنعاود تانى الى المشيخة بس المره دى باعداد كتيرة باذن الله فيا ريت اللى يحب ينضم معانا نشوفة يوم الاحد القادم

[شبرمة]

ياباشا زمان كتبة مقال وكان الدياستي وزير المالية مقال ساخر بعبر عن الواقع اللي احنا فيه ولكن بعض الاخوة الجهلاء كتبوا تعليقات غير لائقه مع اني والله كنت بقول الحقيقة بشكل ساخر اني مفيش تعيين طول مااحنا سكتين
لا تعليق وشكرا

[الأستاذ أحمد راشد]

شكرا يا محمد وال المحمد كتبة صدق 100%

[حسن محمد حامد النجار]

خذلونا متعاقدى الازهر فى تمام التاسعة والنصف نصل للمشيخة ولم نجد اكثر من 30مدرس معظمهم كفر الشيخ استبشرو بنا خير وبنا فى هتاف وورد الينا انباء انا زمالئنا من طنطا يحضرون الينا كنا فى لهف لاى فرد لزيادة العدد ومع الواحدة والنصف وصل مدرسين الغربية ولكن العدد لم يتجاوز 250اين 70000مدرس ياللحسرة لكن اول الغيث قطرة ومطالبنا بسيطة ولن نسكت او تستسلم

[الباشا احمد الشريف]

بارك الله فيكم جميعا يا معشر الشباب