دا يا جماعة نص جواب التعيين اللى احنا اخدناه من ادارة مطوبس / محافظة كفر الشيخ

[samehharaz]

دا يا جماعة نص جواب التعيين اللى احنا اخدناه من ادارة مطوبس / محافظة كفر الشيخ .... بس انا ليه سؤال قبل ما اكتب النص ياريت اللى يقدر يرد عليه بعد ما يقرا الجواب ....والسؤال هوا ان كل الناس بمن فيهم العاملين بالادارة وغيرهم كتير بياكدوا ان دا تعيين مش تثبيت على درجة معلم مش معلم مساعد ... وكمان الاسماء اللى نازله الاداره مكتوب قصاد كل اسم الوظيفة " معلم " والجواب اللى انا ها اكتبه ده مكتوب فيه " المعين " مش المثبت " طبعا الكلام دا احنا مش مصدقينه بس كل حاجه فى البلد دى ممكنه .... وكل المعلمين المساعدين غضبانين جدا .... لان من كان يعمل بالاجر اتعين وهما اللى كانوا متثبتين لسه ما اتعينوش .... وفيه حاجه كمان واسف للاطاله وهى الرد على اسالة الاخوة عن الطريق التى تم احتساب الثلاث سنوات على اساسها .... والطريقة باختصار هى كل يوم قضيته فى التربية والتعليم من يوم ما اتخرجت ... سواء متصله او منفصله ... فى مدرسه واحدة او فى مدارس مختلفة واحتساب جميع المدد الزمنية مهما كان طول فترة الانقطاع ما بينها بشرط ان يكون على راس العمل الان ... وان يكون معه ما يثبت كل المدد والفترات ... ومعلش فى حاجه كمان هما بيطلبوا 27 شهر بس مش ثلاث سنوات .... ما فيش سيرة 3 سنوات هما 27 شهر ..... على اساس ان هما برضه 3 سنوات بس بيحسبوا السنه 9 شهور بس على اساس ان احنا كنا بنتفصل فى الصيف .... ودا طبعا من مصلحتنا ... لانه كدا كمل لى ال3 سنين بفترة الصيف اللى انا اصلا ما كنتش با اشتغالها .... ودا يا جماعة كله بفضل الله سبحانه وتعالى .... والسبب فيه المحافظ الهمام سيادة اللواء احمد ذكى عابدين محافظ كفر الشيخ ... لانه على الرغم من الماخذ المحسوبة عليه الا اننى والله احبه حتى من قبل الثورة .... وكلنا نلاحظ للى متابع كل قرارته ... بيتهيالى هوا اكتر واحد بينفذ ... ومش عاوز اطول اكتر من كدا بس الدور والباقى على بتاع البحيره اللى .... الله يكون فى عون معلمى البحيرة ..... نتمنى لهم من قلوبنا ولكل معلمى مصر كل الخير يارب
نص جواب التعيين : -

مديرية التربية والتعليم بكفر الشيخ
ادارة مطوبس التعليمية
شئون العاملين
تعينات

السيد الاستاذ / مدير مدرسة ................................................
بعد التحية
قادم لسيادتكم السيد / ................................... بوظيفة / ...............................................
المعين بقرار رقم ( 1 ) بتاريخ 27/6/2011 تعيين جديد
برجاء اقامته بالعمل طرفكم وموافتنا بعدد ( 5 ) صور اقرار قيام بالعمل من المدرسة مكتوب عليه تعيين جديد بالحبر الاحمر .
مرسل للعلم واتخاذ اللازم مع قبول وافر التحية .
المختص رئيس الوحدة مدير شئون العاملين مدير عام الادارة



على فكرة احنا ما مضيناش اى عقد احنا قدمنا مصوغات بس ودا اللى بيخلى الناس تقول ان دا تعيين على درجة معلم مش تثبيت على درجة معلم مساعد .
لسه فى كلام كتير بخصوص قرار صفوت النحاس الاخير بس مش دلوقتى بقى علشان ما اطولش اكتر من كدا احسن الناس تزعل منى وتكرهنى بس احنا عاوزين الفائده تعم بس وبوضوح الان الجو ملخبط ...

[samehharaz]

على فكرة انا كنت عاوز اكتب الموضوع دا من كام يوم من اول ما النشرة اتعلقت على باب الادارة بس انا ما رضيتش غير لما نخلص ونستلم جواب التعين علشان نتاكد من المصداقية والشفافيه لان انا ما بقيتش اصدق اى حاجه فى البلد دى غير لما تحصل مش لما نسمع عنها ولا حتى ينزل بيها قرار يعنى انا والله كنت باعمل فى اجراءات التعيين ومش مصدق .... مش من الفرحة ... لأ...... لعدم الثقة وقلة المصداقية ...... كمان شوية او بالليل ها نكتب المصوغات اللى قدمناه بالتفصيل لو كانت تهم حد علشان معلش انا نازل دلوقتى.....اشوفكم على خير يا اطيب واغلب شعب فى الدنيا ....

[dody sharazad English teacher]

الف مبروووووووووووووووووووووووووووووووووك وعقالنا المتعاقدين فى البحيرة

[احمد رضا2]

يا اخى ده تعيين صريح وليس تثبيت

[احمد رضا2]

الف مبروك وعقبال باقى المحافظات

[heronet2500]

الف مبرووووووووووووووك واحنا في محافظة المنيا جاري التعيين على درجة معلم

[اشرف البدوى]

يارب تكون الشرقية فى الطريق سريعا

[السيد ابراهيم احمد]

على فكرة يااستاذ سميح ان العاملين فى ادارة مطوبس لايعرفون اى شى واعتقد انك تؤدنى فى ذلك وارجو توضيح شى ان الوزير على مدونته السخصية على الانترنت فرق بين القرار 75 والتعين طبقا لقرار 224 حيث قال لاحد المستفسرين ان القرار75 هو تثبيت على درجة معلم مساعد اما قرار 224 فهو تعين على درجة معلم لمن امتحن ونجح فى 1/4 وهذا ماقراته وفهمته والله اعلم وعموما الف مبروك لك فى اى حال من الاحوال

[farah mohamed]

الف الف مبروك وعقبال باقى المحافظات يا رب

[Mr.ramy00]

المشاركة الأصلية كتبت بواسطة السيد ابراهيم احمد

على فكرة يااستاذ سميح ان العاملين فى ادارة مطوبس لايعرفون اى شى واعتقد انك تؤدنى فى ذلك وارجو توضيح شى ان الوزير على مدونته السخصية على الانترنت فرق بين القرار 75 والتعين طبقا لقرار 224 حيث قال لاحد المستفسرين ان القرار75 هو تثبيت على درجة معلم مساعد اما قرار 224 فهو تعين على درجة معلم لمن امتحن ونجح فى 1/4 وهذا ماقراته وفهمته والله اعلم وعموما الف مبروك لك فى اى حال من الاحوال

اولا :مبرووووووووووك لكل من تم تثبيتهم او تعيينهم.
ثانيا :من امتى يا استاذ سيد وادارتنا بتفهم حاجة انا لسه سائل موظف فى الادارة بدون ذكر اسماء عن قرار تعيينا من اجتاز الكادر 4/1 قالى انتوا متعيين من 6/1 حاولت افهمه ان فى قرار بتعيينا من 7/1 هو مصمم برده هههههههه ودلوقتى بيحاولوا برده يضحكوا على الناس ويفهموهم انهم اتعينوا على معلم بدون كادر ولا تربوى ولا اصلا عقد معلم مساعد.........بجد حرام عليهم جدا.

[محمد حسين الشربينى]

الف مبروووووووووووووووووووووووووووووووووك

[مريم عبد العال]

مبروك يامستر وتعالى نتفائل شويه مبروووووووووووووووووك

[السيد ابراهيم احمد]

معلش يا استاذ رامى احنا عندنا فى الادارة ازمة فهم وشوف اخر اختراع طلبوا من المعينين فى 1/4 افادة من المدر سة انهم على راس العمل حتى الان نفسى حد يقولى ليه هى المدارس بتشغل مدرسين من وراهم وبيصرفوا مرتبات من ادارة اخرى ولا حاجة

[السيد ابراهيم احمد]

اسف عل الخطا السابق قصدى المينين فى 1/3

[msamirkh]

عقبال المنيا ان شاء الله رب العالمين