اليوم السابع ( مصادر: الحد الأدنى للطب 98% وللصيدلة والأسنان 96.7%)

[omar.magdy]

أكدت معلومات من مكتب تنسيق القبول بالجامعات والمعاهد المصرية، ارتفاع معدل القبول بكليات الطب والصيدلة وطب الأسنان عن الأعوام الماضية بنسبة كبيرة، حيث يبلغ عدد الحاصلين على مجموع أعلى من 93.9% 52 ألف طالب وطالبة فى المرحلة العلمية، من بينهم 30 ألفا و752 طالبا وطالبة علمى علوم، و21 ألف و548 علمى رياضة.

وأوضحت المصادر أن مجموع كلية الطب لن يقل عن 98%، لأن عدد الطلاب الحاصلين على مجموع أعلى من 98.4% يبلغ 7 آلاف و434 طالبا وطالبة، وهو العدد المطلوب بالفعل فى هذه الكلية.

وأضافت المصادر، أنه طبقا للإحصائيات لن يقل مجموع كليات الصيدلة وطب الأسنان عن 96.7%، لأن الأعداد الحاصلة على أعلى من هذا المجموع تبلغ نحو 17 ألف و959 طالب وطالبة فى علمى علوم، من بينهم العدد المخصص لكلية الطب فى الجامعات الحكومية.

وبالنسبة لكلية الهندسة أكدت المصادر أنه طبقا للإحصائيات لن يقل مجموع كلية الهندسة عن 94 %، لأن عدد الحاصلين على أعلى من هذا المجموع يبلغ عددهم 20 ألف و949 طالب وطالبة، وبالتالى سيتم قبولهم فى كلية الهندسة ومعهد الطاقة وكليات الحاسبات والمعلومات، والتى ربما يتبقى من الكلية الأخيرة أعداد محدودة فى المرحلة الثانية.

ومن جانبه رفض الدكتور عمرو عزت سلامة وزير التعليم العالى والبحث العلمى والتكنولوجيا والمستمر فى أداء عمله بالوزارة، التعليق على هذه المعلومات، وإن أشار إلى أن المجلس الأعلى للجامعات سيعقد اجتماعه صباح غد الأربعاء لتحديد الحد الأدنى للقبول بكل كلية.

[MoHammed Youssef]

بالنسبة للحاجات دى تعتبر اجتهادات
بس من الكلام واضح انه معقول شوية
وربنا يستر على السنة الجاية

[omar.magdy]

الله احنا بننقل كل التوقعات من كل الجرايد وربنا يستر

[احمد محمود22]

انا على كدا ضعت
انا جايب 93 و كان نفسى ادخل هندسة
انا هدخل معهد فنى صناعى احسن

[UniTed]

يعني الكلام ده رسمي و لا لسه كلها إجتهادات ..

ياريت الرد بسرعة ...

[shadymasr7]

دا افضل واقرب توقع الى الان لانه بيستند الى ارقام مش تخااريف وانا اعتقد ان دا تنسيق 2011 مقدما

[reem_n]

الكلام دة مش صجيج لان دكتور عمرو سلامة اتغير في جركة التغيرات الاحيرة للوزراء

[ningooooo]

المشاركة الأصلية كتبت بواسطة reem_n

الكلام دة مش صجيج لان دكتور عمرو سلامة اتغير في جركة التغيرات الاحيرة للوزراء

لا الوزير الجديد لم يحلف اليمين حتي الآن

فيكون الدكتور عمرو هو الوزير قانونا و هو رجع تاني علشان ميعطلش مصالح الطلاب ده غير ان في اساتذه جامعيين كتير يطالبون ببقاءه

[mostafatom]

يعنى بجد والله العظيم حرااااااااااااااااااااااااااااااااااااااااام ... حسيى الله ونعم الوكيل يعنى انا جايب 96.3% مش حخش لا صيدله ولاحتى طب اسنان ان شاء الله حتى ف الاقاليم بجد و الله العظيم دا حراااااااااااااااااااام ..... امال ايه بقى ان الحد الادنى 95.7 % و الكلام اللى كنا بنسمعه دا ......... استغفر الله العظيم يارب سلمتلك امرى يارب فرج كربتى و كربه المكروبين جميعا (((((((((((((((((((((((((((((

[ArabianPDA]

المشاركة الأصلية كتبت بواسطة mostafatom

يعنى بجد والله العظيم حرااااااااااااااااااااااااااااااااااااااااام ... حسيى الله ونعم الوكيل يعنى انا جايب 96.3% مش حخش لا صيدله ولاحتى طب اسنان ان شاء الله حتى ف الاقاليم بجد و الله العظيم دا حراااااااااااااااااااام ..... امال ايه بقى ان الحد الادنى 95.7 % و الكلام اللى كنا بنسمعه دا ......... استغفر الله

العظيم يارب سلمتلك امرى يارب فرج كربتى و كربه المكروبين جميعا (((((((((((((((((((((((((((((

أخي
في ظل الوزير والي عمله ف الامتحانات السنادي
ولو حتي زودوا المقبولين 100% مش 15%

التنسيق هيعلي


وده ما تم التأكد منه من موقع الاستاذ
مجاميع كارثيه

تخيل ان 98 فما فوق 13 الف طالب
اي بما يعادل الكليات الطبيه جمعاء!

طبعاً منهم ما لايزيد عن 3000 طالب رياضه

يعني 10 علوم
والطب والصيدله والاسنان والعلاج الطبيعي
بياخدوا مع بعض 15000 الف طالب
بس
يعني علي شرايح 97.3 فما فوق علاج طبيعي
مش صيدله حتي

فروح اعمل تظلم ممكن تاخد درجات
وربنا يوفقك ويوفق الجميع الي سواء السبيل

[سارة عطالله]

كفاااااااااااااااااااااااااااااية اجتهادات
التنسيق هينزل قريبا

[العصفوره المغرده]

انا جبت فى تانيه ثانوى 96.8 ومش عرفه اكمل علمى علوم ولا علمى رياضه ارجو الرد بسررررررررررررررعه

[الشارد الشديد]

اسمع انا كان لي واحد صاحبي كدت راح المدرسة للمشرف التعليمي وعملهالوه السنة اللي بعدها روح وشوف

[حسن عبده]

الكل بيقول ان هندسة لن تقل عن 94 ده يعنى اننا ممكن نلاقيها 96 ولا ايه الحكاية


ولو سمحتم 20 الف دول طلبة هندسة وحاسبات ومعهد الطاقة انا عاوز اعرف اعداد كل واحد لوحده اعداد تقريبية يعنى

[helmyfekry]

المشاركة الأصلية كتبت بواسطة العصفوره المغرده

انا جبت فى تانيه ثانوى 96.8 ومش عرفه اكمل علمى علوم ولا علمى رياضه ارجو الرد بسررررررررررررررعه

خليكي علمي رياضه لان مش هتلحقي طب