|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
02-08-2011, 10:16 PM
|
|||
|
|||
فى مطار القاهرة الدولى (قصه بقلمى الخاص)
فى مطار القاهرة الدولى قصه حب 000000000000 الساعه 4 بعد العصر فى مطار القاهرة الدولى 000000000000000000000000 يسمع امير وليلى نداء بيقول على الساده المسافرين اللى الكويت التوجه اللى البوابه رقم 10 فتبص ليلى لأمير وتمسك إديه وتقوله ليلى / لسه برضو ناوى تسافر وتسبنى ياامير امير / لازم اسافر ياليلى ،، انتى عارفه كويس قوى انا مسافر ليه!! ،، انا مسافر ومتغرب علشنا مكنش ينفع افضل فى مصر على امل ان احوالى الماديه تتحسن ،، وافضل مستنى واتعلق بحبال الهواء الدايبه وفى الاخر افوق على صدمه ،، وانتى قاعده فى الكوشه انتى وعريسك اللى جاهز من مجميعه،، كان لازم اسافر واكافح لحد ما اوصل للفلوس اللى اظاهر بقت كل حاجه فى حياتنا بقه من غيرها الانسان ما يساويش عايزانى افضل جمبك لحد ماالاقى مصباح علاء الدين ولا خاتم سليمان واحقق كل احلامنا ولدك عنده حق لما قلى انت مش كفئ لبنتى فعلا معاه حق ازى ادى بنتى لواحد كل اللى حلته فى الحياه حبه ،، شقه ما عندوش !! مهر معندوش !! حتى الشبكه مجرد دبلتين وكمان سالف تمنهم من واحد صحبه انا بس عايزك تستنينى ياليلى انا مسافر علشانك ،، علشنا ،، علشان حبنا اوعدينى تستنينى ،،، وتفضلى ديما فكرانى وفاكرة انا قد ايه حبيتك وهفضل طول ما فيا نفس احبك ليلى / ماتسبنيش ياامير ،، مش هعرف اعيش من غيرك انا مش عايزة فلوس ،، انا عايزاك انت امير / وانا كمان عايزك انتى ياليلى وعلشان كده لازم اسافر لانى عارف ان ولدك معاه حق ،، وانا لو مكانه كنت عملت زى ما عمل معايه ( انا جايز كنت لطشتنى كام قلم كمان ههههه) انا كل اللى بطلبه منك انك تستنينى إوعى تعملى زى الافلام ،، اسافر انا من هنا تروحى تتجوزى غيرى واخد انا الصابونه ليلى / ليك نفس تهزر ياامير ،، انت مش حاسس بالنار اللى جوايه د انت بتكون جمبى وبشتاق إليك امال لما تسبنى وتبعد هعيش ازى امير / يابنت انا كل مده هكلمك وهطمنك عليا ،، اه طبعا ما انا لو كلمتك كل يوم ان شاء الله مش هحوش اى حاجه وهيتخرب بيتنا ،،وبعدين انا مسافر الكويت ،، يعنى مش بعيده ،، د انتى لو اجرتى عجله من عم رجب بتاع العجل اللى فى اخر شارعكم هتوصليلى !! ليلى /ههههههههه كفايه ياامير !! امير / كفايه ايه!! انا كان نفسى اشوف ضحكتك دى من زمان ،، بقالك يابنتى 4 ايام و6 ساعات مكشره فى وشى،، من ساعه ماقولتلك على موضوع السفر وكأنى اول واحد يسيب حبيبته ويسافر ليلى / انا من يوم ماقولتلى على موضوع السفر ده وانا بسمع اغنيه شاديه خايفه لما تسافر على البلد الغريب امير / اه قولى كده .... انتى بقه خايفه اقطف ورده وارجع متجوز بواحده من هناك !! ليلى / د انا كنت قتلتك وقتلتها وانتحرت امير / طيب هى ماشى وانا فى داهيه انما القمر ده لازم يعيش مافيش اى حد فى الدنيا يقدر يعيش من غير نور القمر اللى بينور لينا السماء ويخلى الضلمه نور سبينى بقه يامجنونه هتأخر على الطياره وتضيع عليا التذكرة انتى عارفه انا عملت ايه لحد مالميت تمنها ليلى / خليك معايه ياامير ،، متسبنيش امير / اعقلى يامجنونه ده خلاص الطياره هتقوم اوعدك انى مش هكمل سنه وهكون راجع ومتقدم تانى لولدك بس المرة دى مش هيقدر يرفضنى ابدا لانى هرجع بالفلوس بمهرك ياعروسه ليلى / هفضل اعد الثوانى والدقائق والايام والشهور لحد ما ترجعلى ياامير ونبقى لبعض امير / انا بقه مش هعد اى حاجه ،، لانك مش هتوحشينى ،، لانك حته منى وفى كل مكان هروحه هشوفك فيه راجع ياليلى ،، راجع بمهرك استنينى ويحضنها امير وتحضنه ليلى وكأنها بحضنها ليه هتخبيه جواها ومش هيسافر ،، يفوقها امير وهو بيبعدها عنه ويقولها ودموعه على خده لازم امشى دلوقتى ياليلى ،، ويمشى تجاه بوابه المطار رقم 10 وهو بيبصلها وبيقولها ( هفضل طول عمرى احبك ) استنينى ياليلى لازم تستنينى ويمشى امير تجاه البوابه رقم 10 وتمشى ليلى على بيتها وهى منهاره ودموعها بحور على خدودها وبعد لحظات يخرج امير من مطار القاهرة بعد ما اتاكد ان ليلى مشيت خلاص ،، ويخرج بره المطار وهو بيبتسم ويفتح باب عربيه كانت مستنياه واول ما يشوفه احمد صديقه اللى سايق العربيه يقوله وهو بيضحك احمد / والله لعيب ياإبنى ،، انا ماشوفتش ولا هشوف ممثل زيك ايه الخطط الجهنميه دى ياعم يخرب بيتك دماغك دى البنت قلتلك تعاله قابل والدى روحت ولا همك !! وعقدت ابوها وكرهته فيك كل اما يقولك عندك شقه تبص فى الارض وتقوله لاء يقولك بتشتغل ايه ؟؟ تتنح وتقوله بدور على شغل هههههههههههههههه كبير ولعيب من يومك ياامير ياجن يخرب بيتك أنا إبتديت أخاف منك هههههه يبصله امير وهو بيمسح دموعه المزيفه بمنديل ويقوله وهو بيبتسم امال انت عايزنى اربط نفسى بواحده مشيت معاها ،، وقال ايه عايزانى اتجوزها !! الدنيا مليانه بنات كتير يااحمد محتجانى وانت عارفنى عمرى ما اقدر اكسر بخاطر اى بنت ويطلق امير واحمد ضحكه عاليه وينطلق احمد بالسيارة النهايه تمت 20/6/2011 بقلم امير الجروح تامر على الطويل
__________________
 ولما قلبى إداكى قلبى ياحته منىرجعتلى بسمه كانت رقيقه ضايعه منى  
|
|
#3
03-08-2011, 06:20 AM
|
||||
|
||||
|
يا خبر إحوس إيه المقلب الجامد ده بقى بقى
 بجد أنا لو قابلت واحد زي ده بيلعب بـ بنات الناس بالطريقة دي هقتله على طول تسلم إيدك يا تامر وطبعاً رأينا معروف  قصة جااااااااااامدة آخر عشرة عشرين تلاتين حاجة 
__________________
عندي حلم ومش هسيبه . . 
|
|
#4
03-08-2011, 09:47 PM
|
|||
|
|||
|
اقتباس:
هههههههههههههه وانا معاكى ياسندس لو قبلت انسان زى ده واسف انى سميته انسانه لانه عمرة ما هيكون انسان اكيد هقطعه بس ساعتها وقدام البيه المخبر هبيعك ، العمر مش بعزقه ياسندس اقتباس:
ههههههههههههههههه نورتينى يالوجين ويارب مش يموت ده بطل قصتى حرام عليكى
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:49 PM.
