روح جديده

[hala azzam]

السلام عليكم ازيكوا يا جماعه انا عارفه ان اغلبكم بدا دروووس بس انا عن نفسي حاسه اني ماخدش اجازه وان السنتين موصولين في بعض وبصراحه مش جايلي مزاك ابدا دروس فقررت اعمل الموضوع ده علشان نشجع بعض وكل واحد يدخل يقول هو نيته ايه السنه ديه وعايز يجيب كام وايه الاخطاء اللي حصلت السنه اللي فاتت من تغير مدرسين او عدم اهتمام بماده وغيره....
وكمان ننتهز فرصه ان احنا في رمضان علشان كل واحد ياخد له نيه يعمل بيها طول السنه يعني يطلع مبلغ من فلوسه كل اسبوع او زياره لاحد اقاربه او او او

[basma 2010]

والله عندك حق

ده تقريبا مفيش اجازه

[bent aboha]

ربنا يعينكم باذن الله
والسنة الجاية فى نفس الوقت تكونوا بتستعدوا للكليات

[hala azzam]

[quote=bent aboha;3793541]ربنا يعينكم باذن الله
والسنة الجاية فى نفس الوقت تكونوا بتستعدوا للكليات[/quote
اميييييييييين يااااا رب
انتي دخلتي الكليه ولا ايه؟
احكلنا عملتي ايه؟

[محمود السعودى]

انا اقدر اقولك انى رايح اولى جامعه و انى جبت 86% فى 3 ثانوى من غير ماخد اى درس و فى 2 ثانوى جبت 75% و كنت باخد كل الدروس

[ام الاحباب]

على فكرة انا لسة هبدأ دروس بعد العيد و كل اصحابى نفس الموضوع مفيش حد هيبدأ اى حاجة قبل العيد لأنه بصراحة الموضوع صعب اوى ده احنا لسة مخلصين و الاساتذة قالولنا اللى يبدأ دلوقتى يبقى عايز فلوس و خلاص و احانا اصلا كنا حالفين اننا حتى لو كانوا هيبدأوا دلوقتى ما كناش هنروح يعنى الموضوع جالنا على الطبطاب

[bent aboha]

[quote=hala azzam;3793842]

المشاركة الأصلية كتبت بواسطة bent aboha

ربنا يعينكم باذن الله
والسنة الجاية فى نفس الوقت تكونوا بتستعدوا للكليات[/quote
اميييييييييين يااااا رب
انتي دخلتي الكليه ولا ايه؟
احكلنا عملتي ايه؟

اه الحمد لله
دلوقتى تعتبر اول سنة ليا فى الكلية
والله عملت كل حاجة ممكن اى طالب ثانوية عامة يعملها مذاكرة ودورس
بس للاسف ربنا مش اراد انى ادخل الكلية الى بتمناها بس الحمد لله ع كل حاجة
واتعلمت ان الانسان ما يعلقش نفسه بامل واحد لازم تحددى كذا حاجة عشان ما تحسيش بالاحباط بعد كدة
ربنا معاكى يا هالة يارب وتدخلى الكلية الى انتى بتتمنيها

[hala azzam]

[quote=bent aboha;3795778]

المشاركة الأصلية كتبت بواسطة hala azzam

اه الحمد لله
دلوقتى تعتبر اول سنة ليا فى الكلية
والله عملت كل حاجة ممكن اى طالب ثانوية عامة يعملها مذاكرة ودورس
بس للاسف ربنا مش اراد انى ادخل الكلية الى بتمناها بس الحمد لله ع كل حاجة
واتعلمت ان الانسان ما يعلقش نفسه بامل واحد لازم تحددى كذا حاجة عشان ما تحسيش بالاحباط بعد كدة
ربنا معاكى يا هالة يارب وتدخلى الكلية الى انتى بتتمنيها

شكرا علي الدعوه الجميله ديه