كل شئ عن التعليم المفتوح (الالتحاق - المصاريف - الاماكن ....الخ).

[hamadaricardokaka]

بسم الله الرحمن الرحيم

نبذه عن التعليم المفتوح:

برامج التعليم المفتوح بكليات الجامعات والتي ستقبل كرغبات مستقلة وشروط القبول بها في العام الجامعي 2011/2012 عن طريق التنسيق الالكتروني.

· قرر المجلس الأعلي للجامعات أن يتم قبول الطلاب ببرامج التعليم المفتوح بكليات الجامعات عن طريق التنسيق وفقاً للشروط التالية:-
- يكون القبول بهذه البرامج من الطلاب الحاصلين علي شهادة الثانوية العامة هذا العام فقط 2010.
- تطبق نفس القواعد و شروط القبول المطبقة علي الطلبة المنتظمين في نفس الكلية والجامعة التي تقبل هذه الفئة من الطلاب بما في ذلك قواعد التوزيع الجغرافي والإقليمي.
-
الحد الادنى والاقصى للمقررات :: يحددها الطالب حد أدنى ثلاثة (3) مقررات و بحد أقصى (6) مقررات للطالب بالفصل الدراسي الواحد، باستثناء الفصل الدراسي الصيفي إن وجد فلا يتجاوز الحد الأقصى ثلاثة (3) مقررات ,ينبغى دراسة المقررات المحددة للتخرج فى الاربع سنوات .

-وتم تخفيض سعر الماده فى التعليم المفتوح 35% وجعل لطلاب التعليم المفتوح حقهم فى ممارسة الانشطه داخل الكليات وبذلك تساوى طالب التعليم المفتوح مع طالب الانتظام.
الاوراق المطلوبه للتقديم :
وهي:
1)الاستمارة البيضاء الدالة علي النجاح.
2)عدد (6) صور شخصية.
3)شهادة الميلاد الأصلية أو مستخرج رسمي منها.
4)نموذج (2) جند للطلاب الذكور فقط (من مكتب البريد).
5)شهادة التفوق الرياضي (للطلاب الحاصلين علي حوافز رياضية فقط).
6)موافقة كتابية من مدير المدرسة الثانوية الجوية والثانوية العسكرية الداخلية للطلاب الحاصلين علي الثانوية العامة من إحدى هاتين المدرستين للالتحاق بإحدى الكليات أو المعاهد.
ملحوظه:

نوجه عناية الطالب إلي عدم دفع أي مصاريف إضافية بخلاف رسوم ومصروفات القيد بالكلية أو المعهد الملتحق به، وتوفر الكلية أو المعهد المظروف أو الملف لوضع أوراقك بدون مقابل.

·يلاحظ أن مكتب التنسيق سيقوم بإرسال نسخ من كشوف نتائج الترشيحات إلى الكليات والمعاهد التي تم ترشيح الطلاب إليها، وتحتوي هذه الكشوف علي أرقام الجلوس وأسماء ومجموع درجات الطلاب وجميع بياناتهم، حيث ستقوم الكلية/المعهد بمراجعة الأوراق التي سيقوم الطالب بتسليمها، علي البيانات التي وردت بهذه الكشوف، ولا يوجد أي مصاريف إضافية يقوم الطالب بدفعها بخلاف مصاريف الكلية/المعهد الذي تم ترشيحه إليها.

نوع الدراسه:

- يتم اختيار نوع الدراسة تجارة - حقوق - اعلام - اداب - زراعه سياحه وفنادق - تربيه - دار العلوم... ويكون التوزيع على البرامج المختلفة لاحقا مع برنامج التعليم المفتوح المختص.
ايام الدراسه:
يومين بدلا من يوم واحد .

الكليات المتاح فيها نظام التعليم المفتوح والاقسام المتوفره فيها:
جامعة القاهره: تجارة - حقوق - اعلام - اداب - زراعه
جامعة عين شمس : تجارة - حقوق - - اداب - زراعه -
جامعة حلوان: تجارة - حقوق - خدمه اجتماعيه - - سياحه وفنادق -
جامعة المنوفيه: تجارة - حقوق - اداب
جامعة اسيوط: تجارة - حقوق - اداب - زراعه
جامعة سوهاج: تجارة - حقوق - اداب
جامعة طنطا: تجارة - حقوق
جامعة المنصوره: تجارة - حقوق
جامعة المنيا: تجارة - حقوق - اداب - زراعه - سياحه وفنادق - خدمه اجتماعيه - دار العلوم
جامعة الزقازيق: تجارة - حقوق - اداب - زراعه
جامعة قناة السويس: تجارة - حقوق - علوم زراعيه بيئيه العريش
جامعة بنها: تجارة - حقوق - اداب
جامعة جنوب الوادى:تجارة - حقوق - اعلام - اداب - زراعه - دار العلوم
جامعة الفيوم:تجارة - حقوق - سياحه وفنادق- اداب - زراعه - دار العلوم
جامعة كفر الشيخ: تجارة - حقوق - اعلام - ادابe - زراعه - دار العلوم
جامعة بور سعيد: تجارة - تربيه
جامعة الاسكندريه: تجارة - حقوق -سياحه وفنادق - فنون جميله - تربيه
جامعة بنى سويف: تجارة - حقوق - اداب
مصاريف التعليم المفتوح فى العام الدراسى الواحد بالجنيه المصرى بالتقريب:
فتح الملف أول مرة : 50 جنية
ثمن المادة شاملة ثمن الكتاب : 120 جنية بالكتب
رسوم الامتحان لكل مقرر : 20 جنية

التجاره 1400
الحقوق 2200
الاعلام 1300
الاداب 1200
الزراعه 1720
سياحة وفنادق 1632
الخدمه الاجتماعيه 1400

[eme the best]

شكرا على المعلومات بقس انا عايزه اعرف الفرق بين اعلام مفتوح وعادى

[soley93]

ياريتهم كانوا رجعوا الانتساب بدل وجع الدماغ ه

[eme the best]

شكرا على المعلومات بس انا عايزه اعرف الفرق بين اعلام مفتوح وعادى

[hamadaricardokaka]

مفيش فرق بين الاعلام مفتوح والعادى الشهاده بتكون واحده
وكمان الاعلام المفتوح جامعة القاهره نزل مرحله اولى وكان من 85% ومعنى ان التعليم المفتوح نزل مرحله اولى ده بيدل على ان التعليم المفتوح له اهميه وله قيمه وشهادته معتمده من جامعه حكوميه وافضل كثير من الجامعات والمعاهد الخاصه

[ايمان هارون]

يعنى الى هيخوش سياحة وفنادق حلوان هيحضر يومين بس وهيدفع 1632 فى السنة وطب اية شروط المجموع وهل لازم يعمل انترفيو مع الى المفروض عملو ولة ليهم انترفيو لوحدهم دول عرفنى بليز

[soley93]

المشاركة الأصلية كتبت بواسطة hamadaricardokaka

مفيش فرق بين الاعلام مفتوح والعادى الشهاده بتكون واحده
وكمان الاعلام المفتوح جامعة القاهره نزل مرحله اولى وكان من 85% ومعنى ان التعليم المفتوح نزل مرحله اولى ده بيدل على ان التعليم المفتوح له اهميه وله قيمه وشهادته معتمده من جامعه حكوميه وافضل كثير من الجامعات والمعاهد الخاصه

مع كامل احترامي لحضرتك
بس التعليم المفتوح مش هو هو كلية اعلام انتظام ومينفعش تقارن كلية بتروحها يوم ولا يومين بكلية بتروحها كل يوم
وعلي فكرة مثال صغير جدا للخبطة الي الناس فيها ( نقابة المحامين حاطة شروط زي شروط النيابة لخريجي التعليم المفتوح عشان الانضمام لنقابة المحامين )
كمان انا سألت ناس كتير في مجال الاعلام ياسيدي الفاضل دايما كان الرد اما انها شهادة غير معترف بيها اصلا او ان لسه الدراسة تجريبي ومفيش حاجة اكيدة
وبعدين احسبها بينك وبين نفسك كده هل هتقارن كلية بتروحها كل يوم بكلية بتروحها مرة او مرتين في الاسبوع ...؟؟؟؟

[eme the best]

ياجماعة اعلام مفتوح لسا يوم واحد ولا ليها جدول محاضرات

[hamadaricardokaka]

السياحه والفنادق بتنزل فى التنسيق وهتبقى فى المرحله التالته ويشترط النجاح فى امتحان القدرات والحضور في الجامعه يومين فى الاسبوع مش فى السنه

[eme the best]

طيب انا جالى تربيه عين شمس بس انا بحب الاعلام والسياسه والكلام الفاضى ده علشان كده عاوزه اروح بكره احول اعلام مفتوح . وانل جايبه90% ومجموع اللغات ميد خلنيش اداب اعلام اعمل ايه

[hamadaricardokaka]

من رأيى تخشى حسب ميولك

[eme the best]

كمان فيه ناس قالولى ان طلبه الثانوية ليهم جدول طول الاسبوع ومنفصلين عن اللى دخلين بعد خمس سنين والفرق المصاريف بس

[eme the best]

انا ميولى اعلام بس خايفه من المفتوح ده لانى معرفش معلومات كتير عنه وخايفه ميكونش كويس وضيع تربية

[hamadaricardokaka]

ايوه الكلام ده صح . اصلا نظام التعليم المفتوح ده الثانويه العامه بس هى اللى تخشوا على طول عكس الدبلومات اللى لازم تستنا 5 سنين . ونظام الثانويه العامه ده كان نازل السنه اللى فاتت

[hamadaricardokaka]

الافضل انك تسألى ناس متخصصه فى التعليم عن نظام التعليم المفتوح