|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
12-08-2011, 08:11 AM
|
|||
|
|||
تجربة الثانويه العامه
السلام عليكم ورحمة الله وبركاته
انا عارفه ان في ناس كتير مش هيقروا الموضوع وهيستطولوا وعندهم حق انا بس حبيت افضفض واتمنى حد يرد عليا اولا المنتدى هنا هو انسب مكان للموضوع دا اكيد علشا اسم المنتدى ثانيا انا طالبه خلصت ثانويه عامه السنه دي يعني داخله اولى كليه ثالثا ودا موضوعي انا حبيت انقل للطلبه اللي لسا هيدخلو ثانويه عامه تجربتي بصراحه مش دا الهدف الاساسي هدفي الاساسي هو الفضفضه وحبيت افضفض مع ناس خبراء ادخل في الموضوع بس معلش هبدأ من ورا شويتين من بداية دخولي نظام التعليم الفاشل ككل بس مش هطول عليكم متخافوش انا والدي موظف و انا كنت اكبر بنت عنده وكنت رقيقه اوي وانا صغيره وبعدين قعد 5 سنين مبيخلفش فكنت دلوعه بمعنى اصح واحنا ساكنين في قريه يعني المدرسه الحكوميه لما([color="rgb(255, 0, 255)"]انا اسفه في الكلمه بس دي الحقيقه[/color]) والدتي خافت عليا وقررت ان هي ووالدي يقتسموا مصاريف ويدخلوني مدرسه خاصه دخلت المدرسه وقضيت فيها احلى ايام حياتي وخرجت في 1 اعدادي على مدرسه حكوميه صحيح تعبت في الاول من المعامله والزملاء في المدرسه لكن الحمد لله اتعودت مش هقول اني كنت متفوقه وبطلع من الاوائل دايما بس مستواي كان فوق المتوسط بشويتين تلاته طول عمري بحب الرياضه ودرجاتي مبتقلش فيها كتير قررت وانا في اعدادي ادخل في ثانوي علمي رياضه وكنت هموت وادخل هندسه خلصت اعدادي وكل سنه مستوايا كان بينزل لحد ما جيت في 3 اعدادي جبت 89.7في الميه طبعا كنت كل سنه بتهزق بس كنت دايما بقول السنه اللي جايه احسن وجات الكارثه في اولى ثانوي جبت 86 في الميه وانا المره الوحيده اللي جبت فيها اقل من فوق التسعين هي 3 اعدادي غير كدا كنت دايما فوق التسعين طبعا اتصدمت بس برضه قلت السنه اللي جايه هي اللي عليها لاساس وهتفوق فيها ربنا قدرلي اني في سنه تانيه ثانوي اجيب80 في الميه علمي كل اللي حواليا نصحوني احول ادبي لكن انا اصريت ودخلت علمي رياضه واخترت اقتصاد واحصا لاني بحب الرياضه وجبت في تالته ثانوي 45 من 50 في الرياضه و25 من25 في الاحصا لان هي دي المواد اللي انا اخترتها لكن في الفيزيا نزلت جامد جدا جبت درجه مكنتش في حياتي اتخيل اني ممكن اجيبها ومقدرش اقوللها حتى المهم ان في تالته رغم تعبي في الرياضه الا اني برضه جبت 80 في الميه وبقا مجموع السنتين 80.5 بالمستوى اتضايقت جدا لاني مش هدخل هندسه وقلت خلاص ارضى باللي ربنا كتبهولي وادخل تجاره واهي كمان كليه فيها رياضه وانا بحب الرياضه حتى لو ما جتش تجاره ادخل دار علوم مع ان هما ملهومش علاقه ببعض بس دار علوم علشان الالتزام المهم علشان ما اطولش عليكم مليت استمارة الرغبات ونتيجة التنسيق نزلت عليا زي الصاعقه تعبت التعب دا كله وحبيت الرياضه الحب دا كله وجبت 80.5 في الميه وفي الاخر مجاليش كليه وجالي معهد خاص 4 سنين انا من ساعة ما نتيجة التنسيق طلعت وانا منهاره مبعملش حاجه في حياتي غير اني بعيط انا انضحك عليا انا علمي رياضه ميجليش ولا كليه ويجيلي معهد واللي في ادبي ووالله العظيم كانوا في سنه تانيه علمي وجابو 59 في الميه 95 في الميه ودخلت اداب بنات عين شمس وحولت دار علوم وانا بعد التب دا كله ميجيليش ولا تجاره ولا اداب ولا حقوق ولا دار علوم ولا رياض اطفال حتى سبحان الله على دي بلد وعلى دا نظام تعليم بيتعاقب فيه الطالب اللي بيفهم واللي بيحب ماده انا المفروض اني حبيت الرياضه واخترتها ومرضيتش احول ادبي علشان متخلاش عن حلمي واللي جاب في علمي 59 في الميه في سنه تانيه وحول ادبي علشان فشل في علمي دخل دار علوم جامعة القاهره وانا مش هعرف اشوف قبة الجامعه بتعاقب اصل انا عقابي اني حبيت ماده اني اشرب بقا واهلي يضغطوا على نفسهم ويقططعوا من قوت يومهم علشان يدفعولي مصاريف المعهد الخاص اللي جالي علشان ما اسيبش التعليم واتدمر الحمد لله على كل حال طبعا انتوا اتشليتوا مني بس معلش ما لقيتش حد غيركم اتكلم معاه 
|
|
#3
12-08-2011, 12:53 PM
|
|||
|
|||
|
الحمدلله وان شاء الله خير
ينقل لاجتماعيات طالب
|
|
#4
12-08-2011, 01:19 PM
|
|||
|
|||
|
خوفتينى
انا جايبه 86 ومكمله علمى رياضه بس انا مش هقيس تجربتى على نفسى لان لكل قاعده شواذ ولكل انسان ظروفه وعلى فكرة كليتك و المعهد دا مكتوب من يوم ما اتولتى فانا عارفه كدا واستخرت كتير ومرتاحه للرياضه وياريت ممكن حضرتك تكلمينى على رياضه ازاى اكون كويسه فيها
|
|
#5
12-08-2011, 01:35 PM
|
||||
|
||||
|
قدر الله و ما شاء فعل
ده قدر و نصيب و طبعا الحمد لله على كل حال معاكي حق في الظلم اللي بيحصل في التنسيقات و الكلام ده بس هنعمل ايه! المكتوب على الجبين لازم تشوفه العين  يمكن تكوني مقدرتيش تدخلي الكلية اللي نفسك فيها بس ان شاء الله ربنا هيكرمك في حياتك و انتي اكيد ما زلتي قادرة على اثبات ذاتك  ربنا يوفقك و يوفق الجميع يا رب
|
|
#6
12-08-2011, 02:08 PM
|
||||
|
||||
|
ربنا أكيد أكيد شايلك حاجة احسن ربنا عادل مش ظالم والعياذ بالله أكيد ربنا عارف إنتي تعبتي قد إيه وهيوفقك بعد كده في حياتك إن شاء الله
__________________
 Problem ؟ 
|
|
#7
12-08-2011, 10:08 PM
|
|||
|
|||
|
شكرا على طرح تجربتك لينا..بس احب اقولك وأكدلك انه الثانوية العامة دي مش هي نهاية المطاف او بداية النجاح لشخص
ونهايته لشخص تاني وانه الثانوية دي سنة زيها زي اي سنة لكن بتفرق انها اخر سنتين يعني انا بقولك كده لانه مش معنى مجموعك مجبش هندسة يبقى نهاية الدنيا ونهاية الطموح والاهداف,لانه حتلاقي مجالات كتيرة في الحياة تثبتي فيها تميزك عن غيرك..والثانوية العامة دي عادية جدا..وبالنسبة للهندسة اللي مجموعك ماجبهاش ده مش معناه انه قدراتك اقل من انك تدخليها لكن انا لاحظت انك بتذاكري اللي بتحبيه واللي مش بتحبيه بتسبيه صح انا ولا غلط ؟؟ .."نظامك ده بتاع امريكا على فكرة" وان شاء الله تلاقي المجال اللي تتفوقي وتتميزي فيه وتبقي احسن من غيرك فيه..ومعلش طولت عليكي.. على فكرة انا رايحة تالتة ثانوي ان شاء الله
|
|
#8
12-08-2011, 10:34 PM
|
|||
|
|||
|
قدر الله وماشاء فعل بس احب اقولك اني انتي كمان مقصرة لانك لاحظتي ان مستواكي كان بينزل وماشدتيش على نفسك
في مصر ماينفعش تذاكري بس اللي بتحبيه وخير ان شاء الله ربنا معاكي
__________________
الحمدلله الذي هدانا لهذا يقيني بالله يقيني
|
|
#10
13-08-2011, 06:03 PM
|
||||
|
||||
|
ربنا بوفقك يارب فى المجال ايلى اتحطيتى فيه وأكيد ده الخير ليكى وعسى أن تكرهوا شيئاً وهو خير لكم
وادعولى ربنا يوفقنى راحة اولى ثانوى بعيد عنكم تقبلوا مرورى
__________________
يَــــارب أسألـــك أْن تكـــونَ معىَّ وأن تكتــــب لىَّ الخيــــــــر أينمــا كـــــــان
|
|
#11
14-08-2011, 03:40 AM
|
|||
|
|||
|
قدر الله وما شاء فعل
خييييييير والله يا حبيبيتي دا الخير لييكي لو كنتي دخلتي هندسة عمر ما كنتي هتنجحي فيها او هتتفوقي لان قدر ربنا جابلك كدا صدقيني دا الخير ليكي وحتى لو معرفتيش دلوقتي هتعرفي بعدييين دي تجربة في حياتك لكن مش تتوقف عليها حياتك تجربة زي اي تجربة بنتعلم منها حاجات كتيير في الحياة وان كانت تجربة قاسية لكن الذكي بجد هو اللي يخرج من تجاربه بأكبر مكسب ممكن يعني دلوقتي خلاص اللي حصل حصل وانتي عياطك مش هيفيييد ولا هيرجع اللي فااات ابداااا لكن هيزيد حزنك ويغضب عليكي ربك واحنا هدفنا اصلا اسمى من اننا ندخل الكلية اللي احنا عاوزينها لاا هدفنا اسمى بكتييير هدفنا هو الجنة واجتهادنا في الدنيا دا عشان يبقا طريقنا للجنة يبقا ازاي تخليي تجربة زي دي تبقا واليعوذ بالله طريق لحاجة غير الجنة ؟؟؟ خلاص دلوقتي مينفعش تعيطي عملتي اللي عليكي وربنا وفقك للخييير احسن حاجة دلوقتي عارفة تعمليها اي ؟؟ انك تستفيدي من التجربة دي في حياااتك وصدقيني هتستفيدي منهاا جدااا واهم حاجة هتطلعي بيها هو انك تستخيري ربنا قبل اي قراااار تاخدييه ووتووكلي على ربنا راجعي نفسك يا حبيبيي وراجعي علاقتك بربنا هل انتي مواظبة على الصلاة ؟؟ بتقرئي قرآن ؟؟ بتفضفضي مع ربنا وبتدعييه ؟؟ دا هو اسلامنا يا قمر اللي المفروض يبقا حياتنا كلها وياااارب اكون افدتك واي حاجة انا تحت امركـ
__________________
حسبي الله ونعم الوكيل ..... وكلتك يارب ...
|
|
#12
14-08-2011, 09:42 AM
|
||||
|
||||
|
لألألألألأ متزعليش نفسك كدا و الله مش بيضيع تعب حد و أكيد هو شايلك الاحسن بس الصبر بس و ادام انتى حاسة انك عملتى اللى عليكى بجد يبقى ان شاء الله ربنا هيوفقك فى اللى انتى فية و ربنا معاكى يارب
__________________
 كتبت الكثير بقلمى لكي أعبر عن أحلامى فما حققت الحلم ونفذ الحبر وانتهت ايامى
|
|
#13
14-08-2011, 05:51 PM
|
|||
|
|||
|
من ناحية ان التعليم فااااااااشل فهو فاااااااااااااااااااااااااااااااشل ومحدش بيقول غير انه فااااااااااااااااااااااااااااااااااااااااااااااااا اااشل
اكيد طبعا البني اّدم بيتقطع من الزعل والحزن عشان محصلش اللي نفسه فيه ...بس ليه متبصيش للموضوع من ناحية ان دا هو الخير وانك طول مانتي متوكلة ع ربنا مش هيضيعك ابدا...خلي ثقتك ف "الجبااااار"كبييييرة واعملي اللي عليكي وزيادة ناحية ربنا وادعيه انه يزيل همك ويفرج كربك..والحمد لله دا نصيبك ماهو كان ممكن تجيبي الهندسة ولو قدر الله تحصلك حاجة وحشة او تحصل حاجة لاهلك بصي قوللي لنفسك دايما "كـــــــيف احـــــــــزن والله العظيم الرحيم ربـــــــي؟؟؟؟؟" ربنا يحميكي و يسدد خطاكي ف رعاية الله وامنه وابقي طمنينا عليكي
__________________
(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)
صبراً يا نفسي , معنا الله..صبراً يا نفسي فطريقي من نيران :: إلا الحبيب .. يا عُبَّـاد الصليب ::
|
|
#14
15-08-2011, 02:25 PM
|
|||
|
|||
|
انا عجبني اوي الرضا و القناعة الي عندك و اتأكدي ان ربنا له حكمة في كل حاجة بتحصل لينا
اتمنالك التوفيق و النجاح
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:53 AM.
