ابشروا حقوقنا المالية وصلت ولكن

[صفاء عزمى]

سيادة الوزير ممكن توفر مليارات
1-الغي حصص مجال في التعليم العام وظيفة امين مرافق وفني وسائل
2-الغي نظام ث ع نظام سنتين ونجعلها سنة واحدة والغي دور ثاني
3-اجعل دور ثاني في مراحل التعليم لمن رسب فقط في مادتين مع دفع رسم 50ج
4-الغي الجودة والاعتماد والدعم الفني5-قلل عدد حصص بعض مواد توفر مدرسين مثل عربي
6-اعد هيكلة ادارت التعليمية والغي اقسام مالهاش لازمة
7-الغي تدريس انجليزي في الصف اول وثاني وثالث ابتدائي

[كاملة الاوصاف 1]

ياأساتذة الفاكس وصل الادارات ووقفو تنفيذ فاكس المعلمين
الله هو اعلم جايز وقف هذا الفاكس فية خيرٌ لنا
واريد ان اسأل سؤال محيرنى لايوجد ولا مدرس من السويس فى هذا المنتدى
لانى لم اسمع عنهم اىشئ بخصوص حقوقنا

[semsemron]

البدل النقدى وبدل وجبة فى المناطق النائية والصعيد مش موجود فى باقى المحافظات
يعنى المدرس الذى لدية اسرة واولاد لية 3 تذاكر بمبلغ 201 جنيه زيادة فى الشهر
والمدرس الاعزب ليه تذكرة واحدة 67 جنية
يعنى الكلام ده مش موجود فى الوجة البحرى

[احمد سعيد11]

والله انت حسبتها حسبة الوزير الخايب، وانا دلوقتى عايز اتأكد ان كلامك ده مش جيلك مكتوب من الوزارة عشان تهدى بيه الناس
انت قبضت كام عشان تنشر الكلام ده؟ وهو انت فعلا مدرس؟ ماحنا مدرسين واقدم منك ومرتبنا موصلش كده ليه؟ وللا انت اخدت حقك وشبعت وبعت القضية؟
جتكم القرف مليتو البلد

[س ص ع]

والله الناس دي اكيد بيحسوبها قبل الفطار انا متعين من 12 سنة وعلى الدرجة الثالثة ومرتبي يدوب 730 ج يريت الا بتكلم يدفع لنا الفرق من المرتب بتاعه قبل ما يقول الاشاعات دي ويقلب الناس علينا




:0 40vk0:

[maru20002000]

اى موظف فى مصر بيتعين فى اى جهة بنفس اساس المرتب ويزيد الاساسى بنفس الزيادة وبدون اى فرق
فيا اخوانى اذا الحكومة لغت الكادر والمكافاة واعطتنا 200% هتكونوا مبسوطين
هيه نفس الحكايه ولامليم زياده سوى الفرق بين المرتب الحالى وما تقرر من حافز اداء 75% للمعلم المساعد ليحصل على الحد الادنى 50% للمعلم ليحصل على الحد الادنى وكذلك 25% للمعلم الاول ليحصل على الحد الادنى
والوزير حسبها هو والحكومة كالاتى
مرتب معلم مساعد =
مرتب معلم مساعد + 50%بدل معلم +25% حافز +85% مكافاة +75% حافزالاداء الجديد = المرتب +235% جملة الحوافز بعد الزيادة اللى تقررت .
مرتب المعلم =
مرتب المعلم + 50% بدل معلم +25% حافز +85% مكافاة +50%بدل اعتماد +50% حافز الاداء الجديد = المرتب +260% جملة الحوافز التى تقررت
مرتب المعلم الاول=
مرتب المعلم الاول + 50% بدل معلم +25% حافز +85% مكافاة +75%بدل اعتماد +25% حافز الاداء الجديد = المرتب +260% جملة الحوافز التى تقررت
مرتب المعلم اول ا=
مرتب المعلم اول ا + 50% بدل معلم +25% حافز +85% مكافاة +100%بدل اعتماد +25% حافز الاداء الجديد = المرتب +285% جملة الحوافز التى تقررت
اما المعلم الخبير =
مرتب المعلم الخبير + 50% بدل معلم +25% حافز +85% مكافاة +125%بدل اعتماد +25% حافز الاداء الجديد = المرتب +310% جملة الحوافز التى تقررت
اما الكبير =
مرتب المعلم الكبير+ 50% بدل معلم +25% حافز +85% مكافاة +150%بدل اعتماد +25% حافز الاداء الجديد = المرتب +335% جملة الحوافز التى تقررت
انتم هتغالطوا الحكومة اللى بتقبضكوا وبتحاسبكوا بالمليم
انا بقول لو لينا مطالب اخرى نرفعها ونتفق عليها زى الكادر ومصايبه زى الدرجات الضايعة ونخلى عندنا ضمير ونحاول نصلح التعليم بعدالثورة
انت راض عن نفسك عن ادائك شوف الغش اللى فى المدارس حاربوا الفساد
والله لو كل واحد راعى ضميره لو الحكومة عطته 100 جنيه بس هتكفيه وربنا هيدبرها لوحده اما الانسان اللى بياخد اكتر من حقه متبصش عليه لانه لو معملش بيها هتنزع بركتها وكانه مااخد شئ
لكن الانسان طماع عايزياخد ومش عايز يدى .

[Nabila]

بدل تغذيه ... السيد الاستاذ الاخ مدرس مصرى ... لو حد فى مدارس زراعة بمكن بياخد البدل دة !!!!!!!

[صبرى العنانى]

يا عم ارحمنا الناس على الدرجة الثانيه فى مجلس المدينه والزراعة بياخدوا حوافز 1000 جنيه بعد حافز 200% غير المرتب بتاعهم ارجوك ارحمنا مش ناقصينك انت راخر وخلينا صايمين بدل ما نضيع صيامنا

[احمد_عصمت]

المشاركة الأصلية كتبت بواسطة maru20002000

الحسبة بسيطة وسهلة
المرتب=
المرتب + الحافز العادى 25% + بدل معلم 50 % + بدل اعتماد 50 او 75 او 100 او125 او150 %على حسب المسمى الوظيفى +البدل النقدى فى بعض المحافظات + بدل التغذية لمن اخذ حكم + مكأفاة الامتحانات موزعة على 12 شهر + حافز الاداء لو تم تطبيقه = الدخل الشهرى
مثال انا معلم اول على الدرجة الثانية
المرتب بالتفاصيل السابقة بدون الحافز الجديد = 1190 + 70 ج حافز الاداء المقرر صرفه =1260 ج اجمالى الدخل الشهرى ونجده مقارب جدا لدخل اى موظف خدمى عالدرجة نفسها
انا حسبت الحسبة دى حطيت نفسى مكان وزارة المالية وشوفت بيحسبوها ازاى .
احنا مش طالبين اكتر من حقنا لان الطمع مش كويس
لكن اين باقى الحقوق؟

ولكن اين حقوقنا الادبية ؟
اين قانون الكادر ؟
اين الدرجات المالية ؟
اين الترقيات ؟
اين تعب المعلم و المجهود الذى يبذله لا يوجد موظف فى الدولة بيتعب مثله ؟
واين واين .....................الخ

وياريت محدش يفهمنى غلط ويراجع ضميره ويشوف مرتبه بعد حافز الاداء وضم المكافاة على المرتب الشهرى ويقولى هل الذى ينقصنا هو المال فقط ام اشياء اهم من المال .

مدرس حاسب آلي تعيين 2002 درجة تانية مرتب + حوافز + بدل اعتماد = 540 جنيه + كادر 75% 164 جنيه + مكافاة 166 جنيه + حافز اثابة (ابقي قابلني لو اطبق ) 25% 70 جنيه المجموع = 940 جنيه تفتكر ده مرتب ممكن يفتح بيت ويعيش اسرة طب لو انا شغال في وزارة تانية وقعدت فيها عشر سنين تفتكر كان ده هيبقي مرتبي انتا عارف ان مرتب فرد الامن دلوقتي في اي شركة بيبتدي من 600 جنيه ويمكن اكتر يا راجل قول كلمة حق تقف بيها ادام ربنا ينفع يبقي المدرس اللي بيعلم اجيال يكون مرتبه اقل مرتب في الدولة مع العلم ان وزارتنا فيها فلوس

[ماجد جمال]

ا معلمين يا مدرسين تعالوا شوفوا النصب بتاع الوزير والوزاره علينا
الوزارة النصابة
واضح ان الوزارة بتاعتنا محترفة في النصب
* بتنصب في حساب نسبة المكافاة المكافاة نسبتها 83.3 % دا من غير خصومات بعد الخصومات بتبقي 72% بس
طبعا الوزارة وهي بتعد علينا كل مليم حسبت المكافاة على اساس انها 85% وهي في الحقيقة 72% بس
مثلا انا قبضت المكافاة 1603 والاساسي بتاعي 183.6 يعني لو المكافاة نسبتها 83% كنت قبضتها 1828 جنيه مش 1603 .
وتتجسب كدا : 1% من الاساسي = 1.836 *83% = 152.3 شهريا * 12 شهر =1828 جنيه دا طبعا مبيحصلش
بيحسبوها 1.836 *72% = 1603
* نصبت علينا في حافز الاثابة وحسبت المكافاة والكادر
* وكمان في حساب الكادر على الاساسي بتاع السنة اللي فاتت مش السنة الحالية
وفي الاخر الوزير النصاب يطلع يقولك المعلم متميز عن باقي الموظفين الحوافز بتاعته بتترواح من 235% ل 335 %
طيب يا وزير خلينا وراك وادينا زي ما بتقول وبلاش نصب
يعني انا معلم معين حديثا عايز 260%
يعني لو مفيش نصب مرتبي هيبقي كدا
اساسي 219.6
النسبة اللي بيقول عليها الكادر 100% والحوافز 25%المكافاة 85% الحافز ال 50% يبقي مجموعهم 260% من الاساسي = 2.6*219.6 = 571 جنيه
وبعدين نضيف العلاولت الخاصة بتاعة 5 سنوات
علاوة 2007 15% = 32.94
علاوة 2008 30% = 65.88
علاوة 2009 10% = 21.96
علاوة 2010 10% = 21.96
علاوة 2011 15% = 32.94
يبقي مجموعهم = 175.68
+ منحة مايو 10
+ 6 للمتزوج وعنده اولاد يبقي المجموع
219.6+571+175+10+6 = 981.6 جنيه شهريا
بدون مكافاة سنوية المكافاة متوزعة على الشهور والله تمام بس ناخد كدا
لو بدون المكافاة يبقي نحصم 186.6 شهريا
وتفضل المكافاة سنوية
يبقي الصافي الشهري = 981.6-186.6=795 جنيه
برضو كويس بس دا لو شالو النصب والذي منه حكومة نصابة
منهم لله النصابين منقول حسبى الله ونعم الوكيل

[محمود القناوى]

المشاركة الأصلية كتبت بواسطة حنان حلوة

واين هو حافز الاداء حد يا جماعة سمع عنه

وما هو البدل النقدى
واين بدل التغذية
حديقولنا عليه
حد يقول يا جماعة اى حاجة

توضيح
أولا : حافز الاداء أول مرة اسمع عنه
ثانيا : البدل النقدى موجود فى المحافظات النائية دون المحافظات الاخرى
وايضا هذا البدل النقدى يختلف من محافظة الى اخرى فى مجموعة المحافظات النائية .
ثالثا : بدل التغذية ايضا اول مرة اسمع عنه فقد يكون موجود فى محافظات لجذب العمالة لديها .

قنااااااااااااوى وهشارك فى اضراب
عام دراسى بلا معلم وادعو الجميع للمشاركة فى الاضراب ان لم تتحسن الأمور .

[abo_kelany]

لو وزارة المالية محتارة ترضى المعلم ازاى ليها حل عندى
المساواة بين الجميع هى قمة العدالة ليه تحير نفسها وتقول المعلم معاه كادر ومكافاة والخ الخ الخ
كل اللى عليها انها تخلى استمارة مرتبات المعلمين وحقوقهم بالضبط زى اى مصلحة وتلغى المكافاة والكادر واحنا هنكون مرتحاحين وهى ترتاح

[أبوبسملة ياسر خليفة الطحاوى]

والله شكل الاخ ده مدسوس علينا
يا اخى حرام عليك
روح بقى

[أبو أشرف]

الله معنا ----------------- ان الله مع الصابرين

[حبيبة رمضان]

http://masrhabeeba.blogspot.com/2011...post_1464.html
http://www.facebook.com/groups/14703...group_activity