ازاى يتساوى المعلم المساعد بالمعلم ؟؟؟؟؟؟؟؟

[عصام الفنان]

المشاركة الأصلية كتبت بواسطة mmagdy_81

السلام عليكم ورحمه الله وبركاته



انا كتبت هذا الكلام من تعبى النفسى بسبب الظلم الواقع على المعلم المعين حديثا


ومش عايز الجماعه المعلمين المساعدين يزعلوا بس ده الحقيقه حتى وان كانت فيها بعض المشاكل , هذا رزقهم ولا جدال ولا شك فى ذلك وليس هذا عيبهم بل عيب من وضعوا هذا الحافز الفاشل


ازاى المعلم المساعد يحصل على 125 فى الميه والمعلم يحصل على 75 فى الميه ؟


المعلم الذى ادى كل ما يلزمه من اجل الترقيه الى معلم واستحقاق التعيين


بكده فرق ال 50 فى الميه بتوع المرحله التانيه من الكادر اصبحت غير موجوده بالمره


ولو تلاحظوا ان كل الناس زادت وفرقت عن غيرها الا المعلم

كيف يكون اتنين تعيين مختلف ومسمى مختلف ومرتبهم واحد ,حد يحل اللغز ده ؟

طب وحضرتك زعلان ليه ...مش لما يكون الموضوع صحيح اصلا اهو كله مسكنات وضحك على الدقون

[mmagdy_81]

حسبى الله ونعم الوكيل

[إسماعيل قناوى]

وهو أيه الفرق بينى وبين سعادتك أنت معلم ومعدى الكادر وأنا معلم مساعد ومعدى الكادر ومش عايزين يبعتوا الجوابات يبقى ليه تفرق عنى فى المرتب مع العلم أن قرار كتابتنا للعقد المعلم المساعد كان واحد . وبعدين هو مش ظلم أن أحنا نكون من 2006 و عملنا كل حاجة من دورات كمبيوتر و دبلوم تربوى و امتحان كادر ولسه متعينتش و مش عايزين يقبضونا شهر 7 فى إدارة عين شمس بالقاهرة ياراجل أحنا مش معلمين أحنا مجاهدين.

[mmagdy_81]

المشاركة الأصلية كتبت بواسطة إسماعيل قناوى

وهو أيه الفرق بينى وبين سعادتك أنت معلم ومعدى الكادر وأنا معلم مساعد ومعدى الكادر ومش عايزين يبعتوا الجوابات يبقى ليه تفرق عنى فى المرتب مع العلم أن قرار كتابتنا للعقد المعلم المساعد كان واحد . وبعدين هو مش ظلم أن أحنا نكون من 2006 و عملنا كل حاجة من دورات كمبيوتر و دبلوم تربوى و امتحان كادر ولسه متعينتش و مش عايزين يقبضونا شهر 7 فى إدارة عين شمس بالقاهرة ياراجل أحنا مش معلمين أحنا مجاهدين.

ياعم اهدى عليا بس وافهم من غير عصبيه انا لم اقصد المعلم المساعد اللى اجتاز الكادر بتوع 1/4 انا بتكلم عن المعلم اللى كان بالحصه والمكافاه الشامله بتوع قرار 57 (الملغى) ياريت ميزعلوش منى


وبعدين انا شغال من 2002 مش من 2006 متزعلش نفسك


كل ده ارزاق انما فى عداله لازم تكون موجوده فى التوزيع

وشكرا على مشاركتك

[د.عبدالرحمن المنياوي]

بص يا أخ مجدي كلامك مش مظبوط بالمرة ونظام الحوافز وحافز الأداء واضح وانهاردة اتبعت فاكس لجميع مديريات مصر بتطبيقه بالنمط اللي أنا وضحته لك سابقا وهو كالآتي :
المعلم المساعد ----> حوافزه 25% + 85% مكافأة + 50 بدل معلم + 75% الحافز الجديد (حافز أداء) = 235%
المعلم الحديث التعيين ----> حوافزه 25% + 85% مكافأة + 50% بدل معلم + 50% بدل اعتماد + 50% حافز أداء = 260%
وهي يعني جمهورية شرق الشرقية هتطبق قبل ما الفاكسات توصل يعني .. عموما لو كان كلامك انت سمعته وصح لازم تسأل بكرة علشان الفاكسات دي وصلت اليوم ...

[سندس وشهد]

استووووب كفاية ياريت كل واحد ينظر لحقه ومالوش دعوة بغيره لأنه مش واكل حقه دا مظلوم أكتررررر بكتيييييير منه اتغصب عليه يعمل دبلومة وicdlوامتحان كادر واتمرمط من 104 جنيه ف الشهر ويادوب بدأت تبتسم له الدنيا ولو انها ساعات بتمطر وتغيم لكن املنا ف ربنا كبييييير

[أبو عمر وإلياس]

حب لاخيك ماتحب لنفسك وبعدين انت ايه مصدرك في الغاء القرار ؟ فيه بيان صدر بالكلام ده

[أبو عمر وإلياس]

وايه معنى العداله عندك انهم ميتثبتوش ولا ياخدو المرتب 7جنيه مثل اول تعاقدهم هو لما يعملو كده تبقى هي دي العداله وهو ده اللي يريحك سبحان الله العظيم

[SHYMAAAAAAAAA]

على فكرة الزيادة اللي بتقولوا عليها انا معلم مساعد والزيادة هي 82 جنيه على المرتب اللي هو374 والمرتب انا قبضته النهاردة

[أبو عمر وإلياس]

المشاركة الأصلية كتبت بواسطة shymaaaaaaaaa

على فكرة الزيادة اللي بتقولوا عليها انا معلم مساعد والزيادة هي 82 جنيه على المرتب اللي هو374 والمرتب انا قبضته النهاردة

هل أنت تعيين على قرار 75 أم 244 ؟؟؟؟؟؟؟؟؟؟؟؟؟؟؟؟؟؟ وفي أي إدارة؟؟؟؟؟؟؟؟؟؟

[حماده رمضان 80]

يا جماعة بش عايزين نختلف الان كلنا والله مظلومين علينا الان انكار انفسنا من اجل انفسنا

[خير زاد]

ياجماعةفى تخبط جامد فىامعلومات اللى وصلت الادارات ومحدش فاهم حاجة ولا حد خد حاجة حتى الان

[mmagdy_81]

ده الطبيعى مش هى ده مصر بلد العدل اذا كان حسنى سرق البلد 30 سنه ودمرها اقتصاديا واجتماعيا واخلاقيا وسياسيا ومش عارفين يحاكموه وهيميعوا القضيه ,والله لو محصل كده منبقاش فى مصر



البلد ماشيه بضهرها وعمر حال البلد ده ما هيتصلح, وعايزين ترحموا حسنى الله ينتقم منه اللى شرب البلد الفساد فى كل مكان واللى نشر الفاسدين والمفسدين فى كل مكان احنا محتاين تقاوى ناس صالحه متلوثتش قبل كده يمكن نقدر نحصل على جيل اخلاقيا واجتماعيا وسياسيا افضل من الاجيال اللى ادمرت بسبب الفساد الادارى والاخلاقى والسياسى والاجتماعى
اللى عشنا فيه




حسبى الله ونعم الوكيل

[kimo basha]

اللى يشوفك وأنت بتقول مين اللى ساوى المعلم المساعد بالمعلم يقول أنك معلم من 100 سنة ولا حاجة
والله أنت لم تكتب ذلك إلا لسبب من اثنين
إما أنك مريض نفسى
أو لمرض فى قلبك واعلم أنه من راقب الناس مات هما وغما
أسأل الله أن يشفيك من حقدك وغلك من أخيك المسلم

[جنى الجنة]

حسبى الله ونعم الوكيل فى كل اللى يظلم انا بشتغل من 2001 ولسة معلم مساعد علشان الكوسة اللى كنا عايشين فيها