استرجل

[mollto]

والله حاجه تقرف كل واحد نايم ف بيته وحاطط اللاب على بطنه ويقولك ايه اخبار الوقفه النهارده هيا الوقفه هتم من غير ناس ما انتا وغيرك وغيرك بتعملوا نفس الحكايه الفرجه من بعيد استرجلوا بقى واطلعوا دا كان شكلنا النهارده يقرف مليون ونص معلم بيمثلهم 600 واحد ويقولك طبقة المثقفين لا مش طيقة المثقفين انتوا طبقة الخانعين اخر فرصه لينا 9/10 امام مجلس الوزراء اما نرجع حقنا واما ممات لاحياة بعده

[احمد على2011]

أؤيدك فيما تقول فالأغلبية ارتضت بأن تكون يدها السفلى ويد تلميذه العليا فهانت عليه نفسه فهان على الآخرين ويا ريت نوفر مجهودنا فى حاجة تانية بلا مظاهرات بلا كلام فاضى نحن نستحق كل ما يفعل بنا

[حسن خلاف]

انا معك فقد كنت متواجد اليوم وفعلا حاجة تكسف ان يكون هو دة عدد المعلمين للتعبير عن مطالبنا المشروعة وان اجمل شىء هو كلام الاستاذ كمال ابة عيطة ان الحقوق لاتاخذ الا باتلاعتصام والاضراب ........لذلك نرجو الاخوة المعلمين ان يسترجلو وموعدنا 10 - 9 -2011 امام مجلس الوزراء

[alneseem]

اولا انا من محافظة المنيا - احدى قرى مركز مطاى والسبب الحقيقى الذى جعلنى انا وزملائي لم نذهب للمشاركة فى الاعتصام هو تضارب الاراء حول ان تكون الوقفة الاحجاجية يوم الاربعاء 24/8/2011 ام يوم الاربعاء 10/9/2011 حيث ان البعض اعلن التأجيل والبعض اعلن عدم التأجيل وهذا التضارب جعل الوقت المتاح امامنا صغير فلم نتمكن من تجهيز انفسنا وتجميع بعضنا البعض وتجهيز الاتوبيس هذا والله هو السبب الحقيقي والله على ما اقول شاهد

ثانيا قرر جميع المدرسين بالمدرسة الاعدادية بقريتنا اليوم 24/8/2011 بأستثناء الابلوات الذهاب الى مقر مجلس الوزراء للمشاركة فى الاعتصام القادم يوم 10/9/2011 وقررنا تجميع مدرسي ابتدائي واعدادى بقريتنا واعداد اتوبيس كبير للذهاب للاعتصام امام مجلس الوزراء بمشيئة الله ونحن قادمون اليكم لمساندتكم لتحقيق مطالب جميع المعلمين واتمنى ان تشاركنا قرى ومراكز محافظة المنيا فى الذهاب الى مجلس الوزراء ليكون عدد المشاركين من محافظة المنيا مشرف وسوف اقوم فى الايام القادمة بمناشدة زملائنا فى القرى والمراكز الاخرى ليفعلوا المثل بإذن الله

[alneseem]

التضارب فى الاراء حول تأجيل الاعتصام او عدم التأجيل والاحداث الاخيرة كان سببا فى عدم مشاركة الكثيرون اليوم وخصوصا معلمى المحافظات البعيدة لذا نرجوا ممن يصدرون البيانات عدم التردد حتى لا يحدث ما حدث اليوم من قلة عدد المشاركين فى الاعتصام

[mollto]

عموما اخر فرصه 9/10 لازم نجهز بشكل عملى يعنى كل واحد يقول هشارك يكتب رقم تليفونه والمركز ومسئول النقابه او الرايطه يكون مسئول عن متابعته عشان نروح واحنا عندنا عدد حقيقى للى هيروح عشان ميتكررش اللى حصل النهارده

[السيد عبد المنعم]

والله رحت اليوم وكان العدد يكسف اتمنى ان تكون مليونية يوم 10/9 ان شاء الله

[hample]

أنا معاك بس نجهز نفسنا ليوم 10 - 9