دعوة لإسقاط دفتر التحضير ( دفتر تحضير المدرس )

[tasneem sa]

معاك والله فنحن نحضر تحضير روتينى ولا نلتفت الى دفتر التحضير لكن فليعد المدرس الدرس جيداً فى ذهنه ومن الممكن فى مذكرة خاصة به ان لزم الأمر ومن الممكن فى CD or Flash

[ابوعبدالله المصرى]

أوافقكم الرأى تماما كما أجده معوق رئيسى للمعلم داخل وخارج الفصل وهناك البديل له وهو دليل المعلم للمراحل التعليمية المختلفة ومثبت به تحضير لكل درس على حده فلم لايعتد به كبديل ولا هو كمالة كتب والسلام

[نور سيناء]

فعلا معاكم التحضير مرهق جدا وبدون اي ابداع ولا ابتكار فيه لو انا اخدت الوقت اللي بكتب فيه التحضير زي ما الاستاذ المدرس الاول المشرف ماهو عايز كل فصل بتحضير ولو الدرس اتعاد لفصل تاني لازم لازم اكتب التحضير والتمارين بالظبط بس ممكن اختصر شويه بدل الاطاله اللي حصلت في الدرس الاول بصراحه ملل شديد وزهق
تخيل لو انا بحضر باسلوب تجميع ما يخص الدرس من الانترنت ووعمل دروس بوربوينت اعتقد هتفرق كتير
بس المشكله هتقابلنا في الفصول المجهزه بالتكنولوجيا دي للاسف مش بتحصل في المدارس الحكوميه
انا نفسي افهم هو احنا خدنا دوره الانتل ليه في تحضير الدروس كده وخلاص ولا المفروض اننا نستخدم التكنولوجيا في التحضير لدروسنا

[Mr.Zing0]

معلش يا جماعه علشان منخلطش المفاهيم
أنا مع التحضير للدرس و ضد دفتر التحضير

يعنى المعلم لازم يتمتع بقدر من المرونه و الحرية فى أستخدام الطريقة اللى هيحضر بيها الدرس زى مبعض الزملاء عملوا
ممكن على شكل عرض توضيحى ( باوربوينت) أو حتى ملازم زى اللى بنعملها للدروس
و محدش ينكر أن إى مدرس بيطلع أفضل ما عنده فى شغله الخارجى. يبقى أيه المانع لما يشتغل منه فى الفصل و يرضى ربنا فى شغله؟
المانع: أن المنهج = التجهيز للإمتحان = الملازم و الكتب الخارجيه
و هو ما يتعارض تماماً مع دفتر التحضير بشكله العقيم الحالى
و إذا كان هناك من إصرار للتحضير الورقى فى دفتر: لتكن المرونه فى التحضير و الطباعه الجاهزة من الكمبيوتر مش لازم تنقل الدرس كل عام ( علشان تحسن خطك يعنى)!!!!!!

[aid904]

كنت بس عايز أقولكم أن عندي كشكولين تحضير واحد عقيم منقول من teachers' guide والتاني هو اللي فعلا بأشتغل منه وهو تصوري الخاص بسير الحصه وبعض الاسئله والامثله التي أجدها هامه وأحاول أن أضع فيها كلمات أستدلاليه وحتي مواقف ظريفه تساعدني كثيرا على الابقاء على الحصه بعيدة عن الملل والرتابه ولا أجد لها موقعا في كشكول التحضير التقليدي.

[MIDO ASWAN]

اية ياخوانا احنا بعد ثورة 25 يناير عاوزين نسقط كل شئ . قلنا عاوزين نسقط النظام وسقط النظام قلنا عاوزين نسقط الرئيس سقط الرئيس العملية مش كدة . اسقاط اسقاط لغاية ما تسقط الدولة لا قدر الله .
دفتر التحضير مهم جدا للمعلم مع احترامى للجميع على الاقل انت بتراجع افكارك وبتعرف اية النقاط اللى هتذكرعليها فى الدرس وبعدين العملية مش متعبة قوى كدة الدرس بيتحضر فى دقائق عبارة عن افكار واهداف ونقاط اساسية . انا بقول الكلام دة علشان فى اخوة من المدرسين ممكن يدخلوا الحصة وهما مش عارفين اية اهم النقاط اللى هيركزو ا عليها وهتلاقيهم تايهين فى الحصة ودة مش كويس
طيب سؤال احنا لو اسقطنا دفتر التحضير مش برضة ضرورى هنشوف اية هنقول بكرة فى الدرس على الاقل شفهى . طيب اية المنانع اننا نكتب النقاط دى فى ورقة او ورقتين علشان الموجة بدل ماييفضل طول الحصة علشان يعرف من التحضير انت هتقول اية
على فكرة انا مش موجة انا معلم اول أ لغة انجليزية وخبرتى 26 سنة دفعة 86

[lifestar]

دفتر التحضير ماهو الا اسلوب بيروقراطي معقد يتمسك به كل المديرين و الموجهين ممن عقولهم تجمدت ونحن في طريقنا الى ما صاروا اليه

[batman_star]

انا معاكم على للقضاء على هذا الروتين

[Mr.Ramadan Seddik]

فعلا كلام ناس متحضرين . هذا الدفتر ليس له فائدة . هو مجرد اثبات ان سيادتك موجود وتم شرح الدرس. فين الكتاب المدرسى. فين اللاب توب. فين المعمل ؟

[أحمد الهلالي]

أنا من رأيي ان كتاب Teacher's Guide يتعدل بحيث يكون دفتر تحضير مطبوع وجاهز لا ينقصة الا وضع التاريخ والفصل والحصة . مش هو دة اللي بننقل منة في دفتر التحضير . (( ونشترية كمان من الوزارة ))

[حسن الهلال]

]دفتر التحضير شئ اساسي مع المعلم ولكن لي اقتراح ان تعمل الوزارة كتاب تحضير نموذجي معد عن طريق الخبراء موحد لكل مدرسي المادة وتترك خانة الفصل والتاريخ يكتبها المعلم سنويا ثم يستخدمه العام القادم فنوفر وننجز
أ/ أشرف رمضان -مدرسة بني مزار الثانوية للبنات

[طارق حرفوش]

وانا معكم فيجب تغيير نمط التحضير القديم ونبدأ سويا التحضير من خلال الكمبيوتر .

[Mr. Ahmed Samy]

يا جماعة والله عندكم حق
دي حاجة عقييييييييييييييمة ومالهاش لازمة نهائيا
إحنا للأسف بلد أوراق وروتين وشهادات
ما فائدة الثورة لو أنها لن تغير أمور التخلف هذه؟!!!!!!!!!!!!!
نتمنى أن ينظر الوزير لهذه الحركة التي نقوم بها
ونتمنى إلغاء دفتر التحضير نهائيا ودفاتر أعمال السنة ودفاتر الأنشطة ودفاتر رواد الفصول وتصحيح الكشاكيل والكتب وأي روتين آخر يعطل العملية التعليمية ويجعل المدرس مرتبط بشغل آخر غير شغله الأساسي وهو الشرح والإبداع داخل الفصل
لماذا ترهقون المدرس بروتين بينما هو في أمس الحاجة لجهده كي يبدع وينتج؟!!!
وفي الآخر يقولوا التعليم بايظ
طيب ما الدولة هيا اللي بوظته والله
شكرا على طرح الموضوع للمناقشة

[Mr. Ahmed Samy]

اية ياخوانا احنا بعد ثورة 25 يناير عاوزين نسقط كل شئ . قلنا عاوزين نسقط النظام وسقط النظام قلنا عاوزين نسقط الرئيس سقط الرئيس العملية مش كدة . اسقاط اسقاط لغاية ما تسقط الدولة لا قدر الله .
دفتر التحضير مهم جدا للمعلم مع احترامى للجميع على الاقل انت بتراجع افكارك وبتعرف اية النقاط اللى هتذكرعليها فى الدرس وبعدين العملية مش متعبة قوى كدة الدرس بيتحضر فى دقائق عبارة عن افكار واهداف ونقاط اساسية . انا بقول الكلام دة علشان فى اخوة من المدرسين ممكن يدخلوا الحصة وهما مش عارفين اية اهم النقاط اللى هيركزو ا عليها وهتلاقيهم تايهين فى الحصة ودة مش كويس
طيب سؤال احنا لو اسقطنا دفتر التحضير مش برضة ضرورى هنشوف اية هنقول بكرة فى الدرس على الاقل شفهى . طيب اية المنانع اننا نكتب النقاط دى فى ورقة او ورقتين علشان الموجة بدل ماييفضل طول الحصة علشان يعرف من التحضير انت هتقول اية
على فكرة انا مش موجة انا معلم اول أ لغة انجليزية وخبرتى 26 سنة دفعة 86

أنا عاوز أسأل حضرتك سؤال وتجاوب عليا بصراحة:
هل تشرح من خلال الدفتر في الفصل؟
هوا احنا محتاجين نراجع مثل الطلبة ولا إيه؟
كل واحد فينا متشرب اللغة كويس
إحنا مش مادة معقدة ومكلكعة مثل المواد الأخرى
اللغة الإنجليزية مادة بسيطة ولذيذة ما فيهاش نقاط
بل يجب تدريب الطلبة على النطق والاستماع والقراءة والكتابة والمناقشة والتحدث
عموما أحترم وجهة نظرك فلا أعرف طبيعة المواد الأخرى
لكني أرفض وبشدة وجود الروتين في عملنا

[إيمان الكشك]

للاسف عندنا فى المدرسه الدفتر اهم من المدرس نفسه و اهم من الشرح و كانه دليل على امتياز المدرس

مجرد روتينات فارغه للاسف

شكرا لطرح الموضوع