ظاهرة الدروس الخصوصية ... ما هى ... حلقة للنقاش

[Amira Elrays]

انتشرت ظاهرة الدروس الخصوصية في كافة المراحل الدراسيه لاسيما وان الغريب في الامر ان هذه الظاهره كانت سابقا تقتصر على المرحله التانويه فقط بسبب رغبة الطلاب واولياء امورهم في الحصول على درجات تؤهلهم لدخول ارقى الجامعات
وطبعا ليس كل اولياء الامور باستطاعتهم توفير الدلروس الخصوصية لابناءهم وهذا يعتمد على دخل المواطن حيث توجد عوائل لا تستطيع حتى توفير نعمة التعليم لاولادهم بسبب ضعف المستوى المعيشي لتلك العائله .
اما الان فاصبحت ظاهرة الدروس الخصوصية تغزو جميع المراحل التعليميه على حد سواء من المرحله الابتدائيه وحتى المرحله الاعداديه واصبحت هما يضاف الى هموم العوائل
ان الطالب الذي يكون مستواه الدراسي ضعيف يضطر الى الاستعانه بالدروس الخصوصية من اجل الحصول على النجاح
اما الطالب المتفوق فيستعين بها من اجل الحصول على التميز وهذا حق مشروع لكل منهم
ولكن المشكله ان الدروس الخصوصية خلال السنوات الاخيره دخلت عالم البورصه واصبحت اسعارها خياليه على الرغم من تحسن رواتب المدرسين والمعلمين مقارنة بالسابق وهنالك اسئله تطرح نفسها في هذه المشكله
لماذا الدروس الخصوصية اصلا ؟
وما هي الاسباب التي جعلت الطالب يسلك طريق الدروس الخصوصية؟
ولماذا لا يتم محاسبة المدرسين الذين يقومون باعطاء الدروس الخصوصية وعرضهم للمساءله القانونيه ؟
كل هذه الاسئله تحتاج الى اجابات شافيه لمعالجة هذه الظاهره التي استفحلت مؤخرا

[Ahmed TiToOo2011]

موضوع جامد جدا
ويستحق النقاش
بس بجد اتخنقت اوووووووووووي من الظاهرة دي

نفسي اعتمد علي شرح المدرس بس في المدرسة


لان الدروس الخصوصية دي فعلا مضيعة للوقت

وكمان انا مخنوق من المجتمع بتاعنا ده

المدرسين عاملين اضرابات .. علشان يزودوا مرتباتهم

طيب بقي يراعوا ضميرهم شوية فينا ويتقوا الله ::::الا من رحم ربي:::

عاوز اسأل سؤال هو المدرسين اللي بيدوا دروس دول مشاركين في المظاهرات والاضرابات

ولا ايه النظام

عموما ربنا يسهل ويرزقنا بواحد يلغي الدروس الخصوصية دي تماما قولي يارب

شكرا ليكي علي الطرح القيم

اخوكي,,

جزاكم الله كل خير وبارك فيكم

[راجى طاعة الرحمن]

أنا اتخنقت فعلاً من الدروس

وأحب أضيف حاجة إن المدرس دلوقتى بيضغط على الطالب إنه ياخد عنده دروس علشان ينجحه

فعلاً الحكاية محتاجة حل فعلاً بس أنا مش بإيدى الحل أنا طالب بأروح مدرسة خاصة علشان آخد درس عند الأستاذ اللى عاجبنى

الحل بإيد المدرس إنه يتقى ربنا فى الطالب الضعيف ويرضى بالقليل علشان يبقى كثير

شكراً على الموضوع

[محمد السيد الديب]

بسم الله الرحمن الرحيم
أولا : بالنسبة لسبب هذه الدروس
فالاسباب كما ذكرت أضافة إلى :
1- وجود بعض المعلمين الذين لم يوظفوا في أي مدرسة سواء كانت حكومية أو خاصة لذلك يلجأوا إلى الدروس الخصوصية لظروف حياتهم المعيشية.
2- على الرغم من الكادر إلا إن الرواتب ما زالت لا تكفي حياة المعلمين بسبب ارتفاع الاسعار في شتى مجالات الحياة .
3- وجود بعض المعلمين وليسوا بأكثرية ممن يسعون للأموال وليس خدمة أبناء هذا المجتمع الكريم.
4- غيرة الطلاب من بعضهم البعض في الدروس الخصوصية .
5- استعمال الاسلوب غير اللائق مع الطلبة الذين لا يأخذوا هذه الدروس من قبل بعض المدرسين.
6- عدم ضغط أولياء الأمور على المدرسة التي ينتمي لها أولادهم بمعنى عدم استعمال الاسلوب القانوي ضد المدرسين الذين لا يلتزمون بالدراسة الجيدة في المدرسة .
7- رغبة أولياء الأمور في دخول أولادهم كليات يسمونها كليات القمة على الرغم من ضعف مستوى أولادهم وهم يعلمون ذلك .
8- الغش الذي تقشى وانتشر في الشهادة الاعدادية خاصة مما يؤدي إلى دخول جيل لا يتناسب مع المرحلة الثانوية.
9- تحول هذف بعض المدرسين إلى الناحية الاقتصادية وعدم السعي نحو خدمة المجتمع.
10- عدم وجود رقابة صارمة على المدارس وكيف تعمل .
11- ظهور جو التساهل بين الوجهين والمدرسين في عملية الرقابة على بعضهم البعض.
الاسباب كثيرة .................
وجزاكم الله خيرا على طرح هذه المشكلة

[Mohamed Ibrahim Shady]

وماذا عن دور الطلاب أنفسهم فى هذه الظاهرة؟ لماذا يلجأون الى الدروس الخصوصية قبل أن يعرف هل سيستفيد من المدرس فى المدرسة أم لا. وماذا عن علاقة الطالب بالمدرسة؟ وهل من المعقول أن يذهب الطالب الى المدرسة - عندما يذهب - حاملا أجندة وربما لا شيء من الأدوات اللازمة ليستفيد من المدرسين؟ وكيف يقوم المدرس بواجبه مع طالب يشعر المدرس أنه لا يحتاج اليه ، بل أكبر من هذا ، الطلاب فى الدروس الخصوصية لا يبذلوا - مع كثير من الحالات إلا من رحم ربى - أى مجهود ، أى أن الدروس الخصوصية هى الأخرى أصبحت مجرد روتين - رايح الدرس جاى من الدرس - واضح إن فيه مشكلة فى منظومة التعليم ونزعة الطلاب للتعلم. فأول نقطة يجب مناقشتها هى:
How to motivate pupils to learn? It's a great problem which perplexes me. What about you?
حتى الدروس الخصوصية لا تؤتى ثمارها فى كثير من الأحيان ومعظم الطلاب فى الأقاليم على وجه الخصوص فالطالب يبدو أنه يحتاج لمن يبرمج المعلومات فى عقله دون مجهود منه ، لا تظلموا المدرس فأى أنسان يشعر أنه غير مرغوب فيه ولا أهمية له يفقد الاهتمام ولن تجنوا منه خيرا مهما قدمتم له من أموال شرعية أهم من ذلك أن يشعر المعلم بأهميته فى المجتمع وأن يحترم من قبل الجميع وخاصة طلابه، عندها سترون ماذا سيفعل, أين طلابنا من قول الشاعر (قم للملم وفه التبجيلا ، كاد المعلم أن يكون رسولا.) وراجعوا كيف كنا نحن العواجيز فى هذه المهنة كم كنا نحترم مدرسينا بل الشيخ فى الكتاب بتاع زمان - الله يرحمه _ الأمر معقد ومتشابك وعلى كل آدىء دوره ، لأن لن يكون لنا شأنا نفخر به أقصد يفخر به أبناؤنا بدون حل هذه المعضلة. مع تحياتى
محمد شادى موجه أول اللغة الإنجليزية بالشرقية

[الأستاذة / أم أمل]

الدروس الخصوصيه كانت زمان للطالب الضعيف

اما الآن اصبحت للكل ولوقتى بتبدأ من شهر 8

اى قبل الدراسة بشهر ونصف

يعنى الطالب بيكون خلص ثلث المنهج

المشكله دى سبهها مش المعلم فقط

سببها الطالب واواياء الأمور ووزارة التربية والتعليم

وحلها بأصلاح التعليم

رفع مرتبات المعلم

وتقليل كثافة الفصول

وتغيير هدف كليات القمه

ربنا يرحمنا

[mr.tifa]

ربنا يرحمنا

[موريكال]

انا دلوقتى فى 2 ثانوى وكل السنين اللى فاتت مكنتش باخد دروس والسنة ديه واللى بعدها هما اللى هاخد فيها دروس عشان انا فى كل السنين اللى فاتت كنت بعتمد على نفسى فى المذاكرة يعنى ولا بعبر مدرسين مدرستى ولا الدروس الخصوصية
بس السنتين اللى انا فيهم دول دخلت دروس عشان اعرف اهمية كل جزء من المنهج وبيجى فى الامتحان ازاى وازاى اجابتى تكون نموذجية واخد عليها الدرجة النهاية
يعنى انا مشكلتى مش فى المنهج خالص
انا المشكلة فى انى اعرف اسلوب وضع الامتحانات عشان اذاكر على اساسه
وانا شايف ان المشكلة سببها مش المعلم بس ولا الطالب بس هما الاتنين اساس المشكلة
الاستاذ متساهل فى الحكاية ديه وشايف طالما العيال موافقة يبقى مفيش مشكلة
والعيال مستهترة مش عارفة ابائهم بيعملوا ايه عشان يجيبولهم الفلوس ديه .

[abdo fathy]

طب المدرسين اللي مش متعينين وعاوزين يمارسوا المهه ميدوش دروس ؟؟؟؟؟؟

[مرموور]

ياساتر دروس خصوصيه وثانويه عاميه
الحمدلله ان الواحد خلص منهم على خير
موضوع مهم جدا وفعلا يستحق النقاش
الدروس الخصوصيه بقت هم على اولياء الامور
وهناك بعض المدرسين مبيرحموش
يعنى انا بنت خالى رايحه خامسه ابتدائى
وبتاخد دروس فى كل المواد
انا معرفتش يعنى ايه درس خصوصى الا لما دخلت تانيه ثانوى
وكل ده بيبقا فى اوقات كتير من ضغط بعض المدرسين
ان اللى مش هياخد درس هيتعمل فيه كذا وكذا
والله انا فى نظرى ان الدروس الخصوصيه دى مضيعه للوقت
ونفسى فعلا الطلبه تعتمد على المدرسه وبس
وبالذات فى الثانويه لأنهم فى عرض كل دقيقه
لأ وفى ناس تلاقيها بتاخد درس فيزيا عند 3مدرسين
وعربى مش عارفه عند كام
طب بيقعد يذاكر امته انا معرفش
انا بشكرك على اختيارك للموضوع
وتقبلى مرورى

[Amira Elrays]

نورتوا
بانتظار رأى الباقين