بشرة خير موافقة مجلس الوزراء على صرف حافز 200%كاملا للمعلمين بعد تدبيره من احتياطى

[فيرو]

ياريت حد يفهمنى

هو كده شالوا المكافاة والكادر من حساب ال 200% ؟
طيب ايه هو حافز الاداء .........؟

[أحمد على فارس]

بيقول وافق مجلس الوزراء طيب فين القرارات ؟؟؟؟؟؟؟؟؟؟؟
حد وصلتله قرارات يا أخونا ؟؟؟؟؟؟؟؟؟؟؟

[طه السعدني]

يا إخوانا ده التفاف و كلام جرايد
لأن حافز الإثابة 200% غير حافز الأداء اللي نسبه 75 50 25
طبعا فرقعة و تنييم و تعمية على الناس حرام عليكم كده يا مسئولين
اتكلموا مرة واحدة بوضوح وشفافية و محدش حيزعل من الصراحة
لكن تضحكوا على الناس و تطمعوا الخلق فينا يبقى منكم لله

[SAEEDS]

المشاركة الأصلية كتبت بواسطة aly almasry

هو التفاوض كان على استبعاد مكافأة الامتحانات واكيد الخبر يقول تم استبعاها ثم استكمال 200 % للجميع لكن الخبر جاء ملتوى

كلامك اكيد صح لكن للاسف الاعلام بيحب يبالغ .

[محمد عبدالحق]

الحافز الى هايتصرف دة الى هو 200% دة من غير االكادر والمكافاه ولا نت غير المكافاه فقط
يعنى هيكملوا على 25% الحوافز العاديه ولا هيكملوا على الكادر والحوافز العاديه
لو حد فاهم حاجه يفهمنى ؟

[MR : ABO BATTA]

محدش عارف حاجة
دا المدارس بتختلف في صرف المرتبات فما بالنا بالإدارات وما بالنا بالمديريات والحافظات .. حاجة غريبة !!!!!!!!!

[ابو عيد]

اللى انا فهمته من الخبر ان الحافز هينصرف كاملا دون المساس بالكادر او مكافأة الامتحانات ازاى احنا كنا بناخد 25% للجميع الخبر بيقول انه هيزود عليهم يعنى هنزيد 175% طبقا للخبر بس احنا قبل كده كل واحد زاد من أول شهر 7 يعنى انا مثلا زدت 75% على 25% السابقة يبقى المجموع 100% وكنت باخد كادر 100% يبقى كدة المجموع 200% ولكن طبقا للخبر ده يبقى هيشيل ال100% كادر وحسابه ويرجعهم لى مرة أخرى . انا لسة ليا عند الحكومة 100% عششان بكدة أكون أخذت 200% كاملة دون المكافأة والكادر وبالنسبة لحافز الاداء يتم تعديله بحيث يضيف لكم مايكمل 200%بدون المساس بالكادر والمكافأة

الخلاصة شوف انتا زاد ليك كام فى شهر 7 السابق وباقى ليك كام عشان تكمل 200% دون المساس بالكادر والمكافأة هوا دا اللى هتزيده
مثال انا خدت 25% +75%=100% ناقص على 200% 100% يبقى أنا هزيد ان شاء الله بعد صدق الوزارة 100%

[عاطف رجل صالح]

هل 200 % والكادر والمكافئة
ارى فيها شئ ما
اما زيادة نصيب الحصص او لا تعيينات جديدة
او رشة انتخابية

[أبو إسراء A]

المشاركة الأصلية كتبت بواسطة aly almasry

هو التفاوض كان على استبعاد مكافأة الامتحانات واكيد الخبر يقول تم استبعاها ثم استكمال 200 % للجميع لكن الخبر جاء ملتوى

ولماذا يا( أخ )على تفاوضتم على إستبعاد المكافأة فقط من الكادر ، ألم تعلموا أن إستبعاد المكافأة لا يستفيد منه إلا المعلم والمعلم المساعد فقط ؟ ، و أما المعلم أول فأغلب من هو على هذه الدرجة سوف يتم ترقيته ولن يستفيد من الزيادة ، ولن يستفيد لا معلم أول أ ولا خبير ولا كبير .
(بصراحة المعلم انضحك عليه )


هذا الخبر دجل فى دجل
الزيادة إلى 200% يدخل فيها الكادر ، و لذلك أرجوا من جميع المعلمين أن يتنبهوا إلى وفاة الكادر ولا عزاء للمعلمين .

[الأستاذ علاء سليمان]

عاوزين صوره من القرار ووضوحه وسرعه التنفيذ

[mos3d]

نحسبها بالعقل كده
ناخد متوسط المرتب الأساسى للمعلم
و لنفرض أنه 350 جنيه ( هناك أكبر و هناك أصغر )
فتكون نسبة الزيادة الـ 175 % تقدر بمبلغ 612.5 جنيه
فإذا حذفنا منها 10 % استقطاع فتكون الزيادة هى 551.25
فإذا كان عدد المعلمين هو 1.2 مليون سيحصلوا على الزيادة لمدة 12 شهر
فبحسبة بسيطة يكون المطلوب هو
551.5 * 12 * 1200000 = 7938000000
يعنى حوالى 8 مليار جنيه
فكيف يكفى مبلغ 2 مليار التى وضعتهم الحكومة ؟؟

على كل حال هناك نقطتين
الأولى أن هناك لقاء اليوم للوزير على قناة روتانا مصرية فى برنامج ناس بوك مع هالة سرحان الساعة 9 مساءا ..و الوزير المفروض لو الخبر صحيح سيبادر بإعلانه فورا لأنه يعتبر إنجاز هام له

النقطة الثانية أننا لن نطمئن أو نتراجع عن مطالبنا و إضرابنا إلا بعد صدور قرار رسمى و ليس مجرد كلام و وعود

[أبو إسراء A]

المشاركة الأصلية كتبت بواسطة ابو عيد

اللى انا فهمته من الخبر ان الحافز هينصرف كاملا دون المساس بالكادر او مكافأة الامتحانات ازاى احنا كنا بناخد 25% للجميع الخبر بيقول انه هيزود عليهم يعنى هنزيد 175% طبقا للخبر بس احنا قبل كده كل واحد زاد من أول شهر 7 يعنى انا مثلا زدت 75% على 25% السابقة يبقى المجموع 100% وكنت باخد كادر 100% يبقى كدة المجموع 200% ولكن طبقا للخبر ده يبقى هيشيل ال100% كادر وحسابه ويرجعهم لى مرة أخرى . انا لسة ليا عند الحكومة 100% عششان بكدة أكون أخذت 200% كاملة دون المكافأة والكادر وبالنسبة لحافز الاداء يتم تعديله بحيث يضيف لكم مايكمل 200%بدون المساس بالكادر والمكافأة

الخلاصة شوف انتا زاد ليك كام فى شهر 7 السابق وباقى ليك كام عشان تكمل 200% دون المساس بالكادر والمكافأة هوا دا اللى هتزيده
مثال انا خدت 25% +75%=100% ناقص على 200% 100% يبقى أنا هزيد ان شاء الله بعد صدق الوزارة 100%

أخى الكريم
ما تقوله هو ما يجب أن يكون ، ولكن الخبر لا يدل على ذلك وبخاصة المبلغ ، فنحن فى حاجة إلى ستة مليارات حتى نحصل على 200% دون المساس بالكادر والمكافأة وليس 2 مليار فقط .

الخبر عبارة عن خداع فى خداع ، والصحيح فى الخبر والذى لم تقله الجريده أن الكادر يدخل فى 200% ، بمعنى وفاة الكادر إكليكيا .

[اسماعيل2010]

زوجتى مدرسة بالفصل الواحد و هذه شكوتها انا اعمل مدرسة بالفصل الواحد التابع للتعليم الجتمعى بالبحيرة بالعقد منذ 16/9/2000 و قد تم تثبيتى انا وزميلاتى فى 5/5/2010 و قد صدر قرار التسوية برقم310 بتاريخ 31/7/2011 و بعد تحديد المرتبات على اساس الاقدمية بعد التسوية فوجئنا جميعا بتخفيض المرتبات لنعامل جميعا على اساس تعينا فى 5/5/2010 و ليس حسب السنوات التى تم ضمها رغم ان منا من يعمل بالتعاقد منذ 11 عام ويزيد و ان منا من تم تثبيتهن فى عام 2005 و بعد التسوية اضيفت لهن سنوات العمل للمرتب و حصلو على درجاتهم المالية بعكس ما تم التعامل معنا به بعد التسوية ( علما باننا قد حرمنا من حافز الاداء رغم حصولنا على 50% بدل اعتماد ) الرجاء التكرم بالرد نظرا لاننا حرمنا من جميع الامتيازات رغم طول مدة قيامنا بالعمل و شكرا

[يوسف اسامه]

[COLOR="Blue"][/COLOR ربنا ييسر الامور

[استاذ مظلوم]

القرار مبهم فعلا دوخة وخلاص والاكتشاف اخر الجلسة علي ما يمر العام الدراسي علي خير

ههههههههههههههههه