ممكن رايك لو سمحت

[daliamm]

دلوقتي محدش عاجبه حاجة من المدرسين ومش متحدين على راي واحد وده غلط يا جماعه
لما المعلم الاول والمعلم الخبير يزيد في الراتب نلاقي المعلم والمعلم المساعد عاوزين يزيدو اكتر
ولما المعلم والمعلم المساعد يزيدو شوية عن الفئة الاخرى من المعلمين يثور المعلمون الاوائل ويقولو احنا عاوزين نزيد اكتر احنا بقالنا سنين مطحونين
انا تهت منيييييييييييييييييييييييييييييييييييييييييي بجد
حيرتونا انا ليا راي احنا نقفل المدارس السنة دي الى حين اشعار اخر - وياريت نكون على قلب رجل واحد عشان ناخد اللي احنا عاوزينه لو سمحتم طول ما في 100 راي وطول ما احنا قلوبنا مش على بعض ومش حابين الخير لبعض مش هنوصل لحاجه
والله يعينا على الايام اللي جايه ربنا يعطينا كلنا ويرزقنا كلنا ان شاء الله

[منى القيشاوي]

على فكر ة هو ده الهدف من قرار الحوافز الاخير لما ححد استفادة المعلم الاول فقط وهي طريقة اليهود فرق تسد على فكرة الموضوع بتاعنا وهدفنا اكبر من مجرد الماديات اصبح الموضوع اكبر واسمى ياريت كلنا نجط ايدينا في ايد بعض عشان لا نحقق اهدافهم الخبيثة في قهر المعلم وتخلف التعليم

[Mr Refaat]

الموضوع ببساطة المعلمون ينقسموا كالأتى :
1-مدرسون جماعة الأخوان نسيوا أنهم مدرسون و حاليا تفكيرهم في انتخابات مجلس الشعب و الرئاسة و لذا يحققون ما في مصلحتهم للوصول الي هدفهم و لذلك هم ضد الاضراب عشان يكسبوا أصوات الناس
2-مدير المدرسة و وكلاء المدرسة و مدير الادارة التعليمية و مدير المديرية و وكيل الوزارة ضد الاضراب لأنهم لا ينظروا لهذه الزيادة لأنها ملاليم بالنسبة لهم و هم يستولون علي ميزانية المدارس و ميزانية التعليم و كلنا عارفين أزاي و أظن انكم عارفيين انها ميزانية ضخمة بالمقارنة بالزيادة اللي المدرسين بدور عليها و من مصلحتهم تبقي فيه دراسة عشان يأخذوا الفلوس دي في جيوبهم و يقولوا صرفناها و لو مفيش دراسة مش حيقدروا يقولوا صرفناها ( مثال : في استراحة الثانوية العامة مدير الادارة بيأخذ مكافأة عن كل مدرسة فيها استراحة و بيكتب اسمه فمثلا لو فيه عشرة استراحات في الادارة التعليمية و شوف أساسي مرتب مدير الادارة و عدد أيام الثانوية شوف الدرس الحديث بيأخذ كم لما تطلع امتحانات ثانوية و شوف مدير الادارة حيأخذ كم و اضربها في عدد الاستراحات لأن الباشا كاتب اسمه في كل استراحة ) عوز أفهمك ببساطة مدير الادارة ممكن بذلك دخله من الامتحانات ابتدائي و ثانوي و اعدادي من 30 الف جنيه الي .......... يبقي ليه يقف مع الاضراب
3- مدرسي الدروس الخصوصية اللي بيفكر بمنطق الزيادة يجيبها في مجموعة درس و كأنه مفيش ايمان بأنه ممكن تحصله أي حاجة و هو ماشي و بعدها ميقدرش يدي دروس أو بيفكر مش حيموت أبدا و ان الزيادة دى في مصلحة أسرته بعد عمر طويل
4- نقابة المعلمين اللي واخدين ميزانية النقابة و بيحطوها في جيبهم
و الوزير ناصح فرق تسد هو الحل زود كل واحد من المعلمين الشباب 60 جنيه
و هذا هو حال المعلمين

[daliamm]

تسلم ايدكم والله كلام جميل اوي وشكرا لردكم واهتمامكم انا كنت خايفه يحصل هجوم على كلامي بس فعلا الواحد محتار مش شايفه حد راضي وياريت على حد عدم الرضا لا اللي مزعلني حقيقي هو اننا بناكل في بعض وكل فئة تقولك احنا احق وبقت في احقاد بينا وبين بعضينا وده بقى واقع ودي حاجة تخوف بجد
وكمان بالنسبة للسرقات انا فعلا سمعت الكلام ده بس بعد الثورة وانا اللي كنت فاكره ان سلك التعليم كله مطحون وغلبان
وطلع الموجهين بيطلعلهم فلوس كتير اوي من ورا الامتحانات العملي والحاجات دي والهوا طلع في الاداره بفلوس بس احنا منعرفش ومش لنا الكلام ده خالص ولا العيديه والمولد النبوي اللي عمرنا ما شفناها ولا سمعنا عنها كانت بتتقسم بين المحافظ وبين مديرين الادارات وما خفي كان اعظم على فكره انا تعيين 1-7-2011