"التعليم" تدرس إلغاء الشهادة "الابتدائي"

[بسملة 2008]

المشاركة الأصلية كتبت بواسطة adawi

الطالب يطلع الاعدادى دلوقت لا يجيد القراءة والكتابة بسبب التعليم الابتدائى والغش فيه يبقى لازم الامتحان ايه ؟

الغش فى المدارس لوجود عصابات المدارس وهم الشلة الكبار فى كل مدرسة يعتبرون المدرسة ملكهم يقومون بتقسيمها دروس على بعض وفى الاخر الكل بيغش والكل بينجح تحت مرئى ومسمع مدير المدرسة اللى مابيزعلش حبايبه
والنتيجة لا تعليم ولا شغل يرضى ربنا طول السنة


طيب والغش ليه فى الشهادة وازاى الطالب اللى بيحضر الملحق بينجح حتى وان لم يكتب شئ

لأن الادارة عازة نتيجتها حلوة

والمديرية عايزية نتيجتها حلوة

وكله بيضحك على كله

من اول المدرس اللى معندوش ضمير وبيضحك على ولى الامربأن ابنه ممتاز وهو مابيعرفش يقرأ ولا يكتب علشان فلوس الدرس والمدرس اللى يعترض بيكون فى النهاية هو الخطأ وهم كبار وبيفهمو وعلى حق دائما

ومرورا بمدير المدرسة ثم الادارة ثم المديرية كل و احد خايف على كرسية

اذن الغش ليس فى المدرسة الابتدائى فقط الغش فى كل اللى ماعندهوش ضمير كلاً فى موقعه

[noonoo77aly]

كد تبقى خربت اكتر ما هيه مخروبه
وأتسأل هل يوجد تعليم فى مصر ؟
لو فيه
هل أصبح مثل الفرن الالى ندخل العيش الفرن من ناحية ونطلعه من الناحية الثانية
يطلع مظبوط يطلع مش مظبوط
المهم يطلع

[عثمان سلامه]

القرار القادم هو الغاء التعليم و الغاء الوزارة حيث ان التعليم غير مطلوب فى هذه الايام
هذا بجملة القرارت الخطأ وزارة السمك و اللبن و التمر هندى

[صلاح آدم]

اوافق الرأى الاستاذ صبحى والاستاذة بسملة والاستاذ عدوى . . ووجهت نظر سليمة واحب ان اضيف ان اصلاح المنظومة التعليمية فى مصر يبدأ من القاعدة المرحلة الابتدائية من خلال تعليم فعال لا يشوبه ايه قصور او نقص او ما شابه ذلك اعنى بالخصوص ظاهرة الغش الجماعى داخل مراحل النقل المختلفة ليخرج لنا المنتج هش وضعيف وقابل للكسر ( ادمان - بلطجه - سرقة - جماعات متطرفة . . . الخ )
* بالنسبة لموضوع اهدار المال العام بما يقدر بحوالى نصف مليار جنيه تنفق على اعمال امتحانات وكنترولات عامة للصف السادس وطباعة امتحانات وملاحظة وتقدير درجات و و و توزع بالتساوى على المعلمين والاداريين او تضاف على مكافأة الامتحانات 20 يوم او 50 يوم او ما شابه ذلك .
واخيرا لكم منى خالص تحياتى وتقديرى
ومع تمنياتى لأطفال مصر القادمين والحاليين بتعليم جيد . .

[عاطف رجل صالح]

لكى ينجح الطالب فى كل صف ابتدائى يجب ان يجتاز اختبار النحو والاملاء

[محمد ابراهيم عبد الباقى]

ياب يلغوك انت كمان يا(رضا مسعد السعيد) يا مستشار النحس والجهل وجميع اخوانك من مستشارين وزارة الجهل والخراب والسرقة

ربنا يضيعكم كما ضيعتم ابناء مصر طوال هذه السنوات من خلال تعليم متخلف

[نصرالدين36]

يا سادة اصلاح التعليم بثلاث نقاط
1- خفض كثافة فصول التعليم الابتدائى إلى 16 طالب ، وتحديثها واعادة هيكلة هيئة تدريسها
2- استحداث نظام صارم يمنع الغش والدروس الخصوصية
3- بشرط رفع اجر المعلم إلى اعلى راتب بالدولة ( 3000 ج بداية التعيين )
غير كده كله كلام فى كلام ويعود بنا للماضى

[shar-hassan]

النظام هو هو الجهل للتلميذ حتى يصل للمرحلة الاعدادية ولايعرف القراءة كانك ياابو زيد ماغزيت

[القباني12]

فكرة تصعيد الطلاب في المرحلة الابتدائية ستستمر إلي الإعدادية يعني الطالب يخرج من الإعدادية من غير ما يروح المدرسة أصلا ..........هو فيه تخلف أكتر من كده ؟
مازال هناك من يخرب في التعليم
مبارك مش رئيس وبس ده نظام كامل عارف هو رايح فين وماشي بخطوات ثابتة ولن يتراجع عن تدمير البلد

[Soaad-532]

يوجد نجاح ورسوب من الصف الثالث الابتدائىالى جميع المراحل المهم كل معلم يخاف الله ويعمل بضمير ويعلم ان الله سيحاسبه فى الآ خرة

[رهوفه]

وياريت يا جماعة بالمرة كدا يتم الغاء برنامج الجودة لانه بيتصرف عليه مبالغ طائة بلا فائدة يعنى زمان كان فى جودة ؟وكان مستوى التعليم كويس على الاقل كان اللى بيخرج من الابتدائى كان بيعرف يقرأ ويكتب اما الان الطلبة فى الاعدادى ولا بيعرفوا لاقراءة ولا كتابة حرام الفلوس اللى بتضيع على الارض اهتموا بالطلبة وبلاش كلام فارغ

[نور الندى]

المشاركة الأصلية كتبت بواسطة sobhy333

فعلاً قرار جرىء وسليم وصحيح مائة بالمائة لللأسباب التالية : 1ــ كنترولات الصف السادس الابتدائى ماهى إلا سبوبه وأهدار للمال العام تحت مسمى مكافآت كنترول بالآلاف طبعاً لكل عضو 2ــ مرحلة التعليم الأساسى عبارة عن تسعة سنوات من الصف الأول الابتدائى وحتى الثالث الإعدادى فكيف يكون شهادة فى وسط مرحلة 3ــ انتقال المعلمين من مدرسة لأخرى بل والطلبة فى كثير من دمج اكثر من لجنة بالأرياف يشكل ظاهرة غريبة جدا ليس لها تفسير بمعنى انك تلاحظ على طالب الصف السادس خارج مدرستك لتلاميذ اخرين وتقدر الدرجات فى كنترول عام ، ثم تعود للمفارقة فى الصف الأول الإعدادى لتلاحظ انت عليه فى مدرستك ومدرسته . 4ــ طفل المرحلة الابتدائية فى هذا السن الصغيرة لانك تضعه تحت ضغط عصبى ونفسى وتروعه . 5ــ الانفاق المالى الغير مبرر من جانب أولياء الأمور لما يسمى بالدروس الخصوصية وكذا الابتزاز من ذوى النفوس الضعيفة وهم قلة فى وزارة التعليم وايهامه بانك فى شهادة ويجب ان تتعاطى دروس فى كل المواد دون توضيح وتبرير لماذا هذه الدروس ولماذا التحصيل لدرجات مرتفعة دون تعلم _ لانة يوجد فرق كبير بين الشهادة والتعلم _ الشهادة أن تحفظ أسئلة وامتحانات واجوبة وتتفوق فى سردها فى ورقة الامتحانات لتحصل على درجات مرتفعة ثم تنساها أما التعلم أن تعرف معلومة مفيدة وتحصل علوم نافعة دائمة وتكتسب سلوك يمكنك من التعايش مع الأخرين كفرد مدرك اجتماعيا .6ــ مكافأة الإمتحانات تمنح لجميع المعلمين على حضورهم امتحانات النقل وليس الشهادات يعنى الصف الاول الابتدائى والثانى والثالث والرابع والخامس وفى تكملة المرحلة فى الصف الاول الاعدادى والثانى ، اما الصفين السادس الابتدائى والثالث الاعدادى لهما مكافأة منفصلة ومستقلة وكذا تقدير الدرجات .

أتفق مع كلام حضرتك بنسبة كبيرة بارك الله فيك

[نور الندى]

وكما قالت الأستاذة بسملة
لانلقى بمستوى الطلبة فى القراءة والكتابة إلى الابتدائى

وكلمة شهادة معناها أنه يمكن العمل بها فهل يمكن العمل بالابتدائية غى أيامنا !

ولكن طبعا من ينتدبون باستمرار فى امتحانات الابتدائية لن يعجبهم إلغاؤها كما لم يعجبهم إلغاء الثالث الابتدائى

مرحلة التعليم الأساسى مرحلة واحدة فلاداعى لشهادة الابتدائية