"التعليم" تؤكد حظر الدروس الخصوصية وتتوعد المخالفين بـ"الشئون القانونية"

[ibrahim_eltony]

أسرع نشرة نوقع عليها .. الخبر اليوم .. وتم التوقيع على النشرة اليوم ايضا ... العقاب قبل رفع الاجور ..مرحبا (( حسين كامل بهاء الدين)) .. الوزير يرسل لنا برسالة للمعلمين للاضراب عن العمل ..

أكدت وزارة التربية والتعليم أنها أصدرت تعليماتها إلى المديريات التعليمية بمختلف المحافظات بضرورة تفعيل القرار الوزارى رقم 592 لسنة 1998، والذى ينص على حظر أى من هيئات التدريس والإشراف فى جميع مراحل التعليم قبل الجامعى، بما فى ذلك مدارس التعليم الخاص والعاملين بالمديريات والإدارات التعليمية وأجهزة الوزارة المختلفة، عرض أو قبول أو القيام بإعطاء درس خاص لأى طالب، أو لمجموعة من الطلاب فى أى مادة دراسية، فيما عدا مجموعات التقوية التى تتولى المدارس تنظيمها فى إطار القواعد المقررة فى هذا الشأن.

وأوضحت الوزارة فى بيان لها اليوم أنها خاطبت مديرى المديريات التعليمية، بضرورة التنبيه باتخاذ اللازم نحو متابعة تواجد المعلمين داخل المدارس من خلال التفتيش الدائم والمستمر على دفاتر الحضور والانصراف أثناء اليوم الدراسى بمعرفة إدارات التوجيه المالى والإدارى بالإدارات التعليمية، وإحالة من يثبت انصرافه قبل اليوم نهاية اليوم الدراسى إلى الشئون القانونية لاتخاذ الإجراءات القانونية المقررة فى ذات الشأن، ويحرم كل من يثبت قيامه بإعطاء درس خاص من الاشتراك فى كافة أعمال الامتحانات، ويحال للشئون القانونية لاتخاذ الإجراءات القانونية المقررة.

من جانبه أكد جمال العربى وزير التربية والتعليم على ثقة الوزارة والمجتمع فى المعلم ، باعتباره حاملا لرسالة الأنبياء، لافتا إلى أن رسالته هى الأسمى، وتأثيره هو الأبلغ والأجدى، باعتباره هو الذى يشكل العقول والثقافات، ويحدد القيم والتوجهات، ويرسم إطار مستقبل الأمة، وهو الذى ضرب أروع الأمثلة للتضحية والوطنية على مر العصور، ومازال يقدم الجهد الصادق والعمل الدءوب لأولادنا طلاب مدارس اليوم و قادة الغد ، معرباً عن ثقته فى قدرة معلمينا على تحقيق الاستقرار الكامل للعملية التعليمية خلال الفصل الدراسى الثانى.

يأتى ذلك فى إطار الجهود وخطط العمل التى اتخذتها وزارة التربية والتعليم فى علاج مشكلة الدروس الخصوصية، والعمل على تحسين المناخ التربوى ومد جسور الثقة بين المؤسسة التعليمية والمجتمع.

[مريم عبد العال]

مش لما يرفع الحد الادنى بتاعه يبقى يتكلم يعنى المدرسين هيكلو بال700 ج ولا يروحو يشتغلو على تكاتك احسن ايه الاستفزاز ده والله انا لااعطى دروس بس بصراحة اخر قلة ادب خلاص يمنعو الدكاترة من العيادات الخارجية والمتاجرة في صحة الناس ويبقي عملهم داخل المستشفى فقط ولا هما المدرسين دايما واقعين من القفة وكمان ده كل الطلبة بتاخد دروس من ضعف مستواههم من كمية التكدس بالفصووول

[m_salam]

تحيه الى ابوشنب اضرب المربوط يخاف السايب ياترى دخل ابوشنب من الوزاره كام وريس حام لجنه ويقبض من كام كشف دالمدرس ماحصلشى الادارى بلاقرف

[خالد سعدون]

والله ماشوفت افقر من المدرس وكمان بيتحارب من طوب الارض
لية مابنسمعش كدة عن موظف فى البترول او الكهربا او البنوك
ياعالم حرام عليكو انبوبة الغاز ال كانت ب5 جنية اصبحت ب 30 ج
واحنا زى ما احنا

[ramada55g]

اخر قلة ادب

[ramada55g]

اخر قلة ادب

[Lazersun]

نعم نعم عنتر شايل سيفه الوزير عاوز يكوي المعلمين بالنار علشان يحرمو يعطو دروس خصوصية يا سيادة الوزير احنا كان عشمنا فيك كبير انك تنصفنا وترجع لنا حقوقنا لأنك واحد من ابناء التربية والتعليم ولكن لتضح لنا انك طلعت غطاء زير مثل من سبقوك ربنا يسد نفسك كمان وكمان الواحد قرف من التعليم والقائمين عليه

[مريم عبد العال]

والله انا شايفة اننا اللى عملنا في نفسنا كده <ان الله لايغيرما بقوم حتى يغيروا ما بانفسهم > مش ملاحظين اننا الوحيدين اللى لما فكرنا نعتصم الدولة كلها كانت بتحارب فينا واحنا الوحيدين اللى كنا مهددين بالفصل والعقاب لكل من اشترك في المظاهرات وفي الاخر لم نستطع ان ناتى بحقنا وصرنا امام المجتمع جشعين انا لله وانا اليه راجعون والله الواحد بيفكر يستقيل

[صفاء عزمى]

يا وزير التعليم خليت اداري احسن من مدرس وعايز تحرمه من الدروس
انا اقترح ارفض المدرسين وكفاية عليك الادرايين

[فيفا مزيكا]

اعتقد ان السيد الوزير المبجل بدا يدفع المدرسين فعلا الى طريق الاضرابات والاعتصامات واضح ان املنا خاب كالعادة لا تجبرونا على ذلك والله يخرب بيت الكرسى

[ادكاوى]

لابد من وقفة مع هؤلاء الاوغاد - إنها عصابة تتحكم فى الوزارة - رضا ابو سريع - مسعد السعيد - لاجعل الله له نصيبا من اسمه!! المعلمون هم من فعلوا بانفسهم ذلك لأنهم رضوا بالذل - وهانت عليهم انفسهم - فهانوا على الآخرين
وحسبنا الله ونعم الوكيل

[ايهاب90]

شكرا على الخبر

[السيد2011]

كل ده كلام جميل جدا
بس الي انتم مش واخدين بالكم منه ان اكتر ناس بتتدي دروس
هما الي لسه ماتعينوش او واخدين اجازه لان الطلبه اصلا مابتخدش عند مدرسين المدرسه
ولا ايه يا اساتذه
وكمان يسيب المدرس في حاله
دا عامل النظافه بياخد اكتر منه

[بسملة 2008]

يسقط جمال العربى

يسقط يسقط رضا ابو سريع

يسقط يسقط يسقط مسعد السعيد

تسقط كل عصابة الوزارة اللى عاوزة نسبتها تكبر من مجموعات التقوية التى تصب من كل المحافظات فى الوزارة

[محمد مدحت حسنين]

طيب موافق بس الدكتور كمان بلاش يفتح عياده خاصة يقدر الوزير الهمام على كده ده كشفهم وصل 300 جنيه