|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
02-04-2012, 11:59 PM
|
|||
|
|||
ممكن رايك ؟
هو انا ممكن لو زاكرت بجد الشهرين الجايين دول وانا ناقصنى حاجات كتير جدا اجيب مجموع
سوال بساله لنفسى كل يوم هو انا ممكن احقق حلمى وابقى فى يوم مهندس وبصراحة لما بشوف صحابى احسن منى ومتفوقين فى دراستهم ببقى محبط اوى وانا مش بحقد عليهم والله بس بحس انى مهما عملت وزاكرتمش هيفيد بحاجة يعنى مسيطرة عليا مقولة اللى زاكر زاكر من بدرى 
|
|
#2
03-04-2012, 12:10 AM
|
||||
|
||||
|
نونونو اللي ذاكر ذاكر ويقدر كمان يذاكر
 كملها للأخر ان الله لا يضيع أجر من أحسن عملاً خدها عبرة مني أنا ف تالتة ثانوي مفتحتش كتاب خالص وكنت جايب 91,5 في تانية ولغاية 17/3فوقت وذاكرت بجد بجد بجد يعني و الحمد لله ف تالتة جبت 97% ودخلت هندسة انت تقدر انت تستطيع انت عقلك كويس وتعرف تجيب مجموع عالي باذن الله بس ذاااااااااااكر اللي باقي وقت حلو مش وحش والله وكل ما تفكر ف الإمتحان انساه دلوقتي لأنه كده كده جاي لا محالة ذاكر بس اللي فاضل والله ربنا هيكرمك كرم لا يرد أبدااااااااااااً جميلهُ ربنا يوفقك باذن الله وتكون مهندس محترم جداً
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life 
|
|
#3
03-04-2012, 12:14 AM
|
|||
|
|||
|
ما انا لما بذاكر بحس انى مبنجزش بسرعة وببقى محبط على الاخر يعنى ممكن درس القراءة عشان احفظة اخد 3 4 ساعات بتحسبها درس واحد بياخد كدة اومال بقية المواد هعمل فيها ايه دا انا كدة هبقى محتاج سنة جديدة قولى طب حضرتك كانت طريقتك ازاى فى المزاكرة وانا اعمل بيها
|
|
#4
03-04-2012, 12:27 AM
|
||||
|
||||
|
هقولك طريقتي بس دي متفاوتة من شخص لأخر
العربي أنا كنت بذاكر الموضوع كفكرة عامة زي ما بنقرا موضوع على النت كده وأحلله وأشوف اللي عايزة ايه م الأخر و لو فيه سؤال بحفظه وخلاص بس دا ف العربي مش شرط يعني أحل 4000000 كتاب عليه النحو والبلاغة بس اللي كنت بحل فيهم بس بصراحة انت لازم تحل امتحان كاامل بالتعبير كمان :P المادة الأدبية كانت سهلة الحمد لله و كنت براجعها كل جمعة كده باب ولا بابين و الأسئلة هي هي كل سنة بتييجي أو كل سنتين الإنجلش مكنتش بذاكره خالص ودي مشكلة كبيرة بس الحمد لله كان عندي لغة الى حد ما كويسه فإستفدت منها في اني كنت بقرأ الLanguage notes و القصة و كنت حافظ الكلمات المهمة بس والحمد لله الأسلوب ف الإمتحان كان كويس و جبت 23 حتى مكنتش حافظ القصة الرياضة والفيزيا ايد واحده مكنتش بمل منهم أبداً ولما بزهق كنت بحل شوية رياضة بصراحة الموضوع سهل والله ومش محتاج قلق خالص انت بس متتوترش عشان ملوش لازمة التوتر و اقبت لنفسك انك تقدر على فكرة أنا عمري ما كملت 3 ساعات مذاكرة على بعض
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life
|
|
#5
03-04-2012, 12:34 AM
|
|||
|
|||
|
ربنا يحفظك يارب ويخليك والله حضرتك فتحت نفسى للمزاكرة وانا هتوكل على الله واللى ربنا عاوزه هيكون بس والله اوعدك انى هقطع نفسى على الكتاب ويوم ما هتنازل عن حلمى يوم ما هموت اكيد
بعد اذنك انا هقوم اتوضى واصلى ركعتين وهتوكل على الله وربنا يحفظك يارب وتبقى احسن مهندس فى الدنيا
|
|
#6
03-04-2012, 12:48 AM
|
||||
|
||||
|
اقتباس:
متملش بئه وتوكل على الله ومتنسناش من دعواتك وربنا يوفقك ان شاء الله
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life
|
|
#7
04-04-2012, 07:13 AM
|
||||
|
||||
|
والله لو حطيت فى بالك انك تذاكر بجد علشان الامتحان قب وانتا عايز تدخل كلية كويسة وتحقق حلمك هتذاكر بكل جهدك وهتحقق حلمك بس حاول تنظم وقتك وبلاش النت الكتير انا والله بعدت عن النت ايام كدا والله خلصت ماديتين علشان حطيت هدف قدامى
وربنا يوفقنا
__________________
|
|
#8
04-04-2012, 04:22 PM
|
||||
|
||||
|
اكيد طبعا انتا تقدر تجيب مجموع وبكل سهولة حتى لو قدامك اسبوع بس لو ذاكرت بجد وشديت حيلك هتجيب مجموع وهتخش الكلية اللى انت عايزها بس اهم حاجة تذاكر كويس ومتسيبش اى حاجة وتجتهد المدة دى وانشاء اللى ربنا هيديك على قد تعبك وبالتوفيق
|
|
#9
04-04-2012, 08:04 PM
|
||||
|
||||
|
مدام هناك دم ينبض فى عروقك تستطيع ان تصنع المستحيل بالايمان والتوكل على الله
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:12 AM.
