قولولى اعمل ايه انا مابحرمش

[ahmed.el.shrpeny]

اول حاجه قبل ما اكتب اي كلمة هو الطيب فى الزمن ده المفروض انه ما يعيش

فى مثل يقولك حرص ومتخونش المثل ده سمعته كتير وحاول اطبقه فى حياتي بس معرفتش

على فكرة انا اجتماعي جدا واللى معايا مش ليا لغيري حتى لو نص جنيه ولو لقيت واحد صحبي محتاجه

ادهوله وانا مش معايا غير .

اي حد يطلب منى حاجه بعملهالوا فلوس احتاجها اديلوا احتجنى فى مصلحه بقضيهالوا

وبعد دا كله يجي من ورايا ويقول الواد ده مصلحه احنى مصحبينه علشان وعلشان ........

واتقرس مرة واتنين من نفس الشخص واول ما يجي يكلمنى اويطلب منى حاجه على طول اعملهالو واقول

لنفسى دا مهما كان عشرة عمر .

على فكرة الشخص اللى انا بكلم عليه دا كان قاعد معايا فى التخته من 3 ابتدائى لغاية 2ث وبعد السنين ديه

كلها. اتفرقنا عن وبعض واصاحب على شباب تانية وبدأيعمل معايا كده .

انا بجد مش عارف اعمل ايه ولو جالي دلوقتى وطلب منى حاجه مقدرش اقوله لاء علشان العشرة اللى بنا وهو

مش مقدر حاجه زى كده . اللى انا فيه اسميه ايه طيبه ولا عبط ولا ايه بس وعلى فكرة لغاية دلوقت خايف

اتعامل مع اي حد بجد نفسي قلاقى حد اكلم معاه وافضفض بس خايف اثق فى واحد وبعدين يطلع زى الاخ

اللى بكلم عليه. وده موقف بسيط من المواقف اللى بتعرض ليها مشابة لموقف ده

معلش انا اسف دوشت دماغكم بس اعمل ايه لازم اكلم بدل ما اطق انا من المشاكل اللى انا فيها ديه جالي

الضغط بجد وانا عندى 18 سنه وعندى ضغط شفت الدنيا بتعمل ايه فى الواحد وحدووووووووه

[محمد فري دوم]

بص انت مهما كان بتعمل الحاجات ديه لله وحدة لو صاحبك مقشي اتاكد ان الله اكيد سايبهالك في الاخرة يعني اي حاجة حلوة بتعد وبرده الحاجة الوحشة بتعد بس الفرق ان الحاجة الحلوة ممكن تغطي علي الوحشة بس الوحشة لا انت فاهمني ولا ايه ؟؟ههههههه
وبعدين طول ما الوالدين راضيين عنك ربنا هايبعد عنك الوحش ويقرب الحلو ولما تصاحب حد اعرفة كويس وبرده مش كل الاسرار تطلع بره ولا ايه؟؟

[ahmed.el.shrpeny]

انا معاك بس انا عايز اعرف هو الطيب فى الزمان ده المفروض انه يموت والا احنى بقينا فى غابة القوى بياكل الضعيف

[كلمه حب]

الطيبه عمرها ما كانت عيب بس فى زماننا ده الطيبه بتقلب عبط لو ذادت عن حد معين يعنى لازم تعرف ان محدش هيفضلك على نفسه مهما كنت قريب منه يمكن انت تعمل كده بس غيرك لا وبالنسبه لصاحبك ده انت مينفعش اصلا تزعل عليه لانه ميستاهلش والمفروض انك تقول الحمد لله يمكن انت دلوقتى شايف انك عرفت حقيقته متاخر بس الله اعلم ايه اللى كان ممكن يحصل منه فى المستقبل واكيد احنا بنتعلم من كل الحاجات دى هنزعل اه وهنتضايق ويمكن يجلنا اكتئاب من الصدمات اللى بناخدها فى الناس بس برده بنتعلم وكتير كمان . وبلاش ندم وفكر صح شويه يمكن انت خسرت صاحب غالى عليك وعشرة عمرك بس متنساش انه صاحب مش تمام يعنى ربنا انقذك منه وهيعوضك ان شاء الله . ربنا معاك

[مس رانيا حسن]

نصيحه منى ليك
لو حبيت شخص فى الله واكتشفت انه بيكلمك لمجرد المصلحه ابعد عنه
وواعمل الخير بس لناس تستاهل الخير ده
اتمنى لك التوفيق

[♥έĻ-мΰšŧâρèdâ♥]

اخى الكريم

باين من شخصيتك انك طيب وحبوب

بس واخد فكره ان الطيب ملوش مكان ليه ..........?!

وصاحبك اللى انت بتتكلم عليه ده بعد كل اللى حكيت عنه انصحك

ما تصاحبه تانى مش مقاطعه لا بس تبعد عن معاملتك معاه

لانه شخص بتاع مصلحه لما يعوز شى يجى ليك واول ما ايده تضرب بتضرب اول ايد ساعدته

بص انا لو الموقف هذا وحدث معى صدقنى كنت بتعمل نفس الشئ

انا اجتماعيه لابعد الحدود احب الناس احب اصحابى جدا <<<<< انا فى مدرسة بنات بس خلوا بالكم

لما واحده تعمل معايا كده بالسلامه هى لا مش هتزود منى شى بالعكس هتخلينى ابص لنفسى على انى

ضعيفة ومش قادره احكم على نفسى وتخلينى مهزوزة الثقة <<<< وعلى ايه اصلا

معلش طولت عليك كتير

تقبل مرورى ورايى

[ahmed.el.shrpeny]

شكرا كلمة حب ... الاستاذة رانيا حسن... آية على...
على مروركم الطيب ونصائحكم الغالية عليا بجد على فكرة انا برضة لسه مش قادر اثق فى اي حد تانى تخيل تكون في عشرة بينك وبين شخص حوالى 8 سنين ويخونك ازاى هامن لشخص تانى .
ومتهيقلى كل واحد لازم يكون ليه انتيم لكن بجد دلوقتى انا مش عارف الكويس من الوحش بجد والله انا تعبااااااااااااااان محتاج لحد يكون جمبي بس مش قادر اثق فى حد

[محمد فري دوم]

ما تعقدش الامور يا بو حميد وربنا يفك كربك وكربنا كلنا اااااااااااامين يارب العالمين



محمد سيد,,,

[ولاء البحيرى]

مادام هو كدة خلاص انت سيبه وابعد عنه عشان
لا يلدغ المؤمن من جحر مرتين
وسيبه ومش تبص وراك

[ياقوت البحر]

انسان طيب سيظل موجود الى نهاية الخليقة وليس معنى خيانة صديقك لك اونفاقه ان الخير تلاشى من البشر . من وجهة نظري وما افعله مع الناس اني افعل الخير بصرف النظر لمن او ان كان يستحقه ام لا لاني ببساطة افعل الخير من أجل الله وابتغاء مرضات الله فقط. وعلى فكرة انا اتعرض لهذه المواقف كثيرا وليس معنى ذلك التخلي عن فعل الخير لانك بذلك مأجور من الله وشكرا

[روميو]

بص فى حاجة بتقولك تسلمى ياشدة بتعرفينى العدو من الحبيب الصاحب مش صاحب وقت الرح وخلاص لا عاوز تعرف صاحبك فى الازمات يعنى صاحبك ده بتاع مصلحة والنوعية دى من الناس مهما تعمل معاها برده مش بيتغيروا بالعكس بيتمادوا اكتر فى حكاية المصلحة دى ويبقوا عاوزين ياخو منك كل حاجة ومش يدوك اى حاجة حقولك كما مثل كده وافهمهم كويس وحاول تنفذهم وصدقنى لو نفذتهم حتنجح وحتعرف تتعامل مع الناس انا برده زيك حصل كده مع اصحابى مش صاحب بقى بس الحمد لله

( من غدر الصحاب عظمت للكلاب )
( الصاحب اللى مايعملنيش كحلة فى عينه ماعملوش جزمة فى رجلى ) سورى على اللفظ بس المثل كده
( الصاحب وقت الشدائد )

[العميل السرى]

بص

فى مثل يقولك حرص ومتخونش المثل ده سمعته كتير وحاول اطبقه فى حياتي بس معرفتش

حرص ولا تخونش

لانك ببساطة في دنيا مليااانة من الاشكال دي كتيير فعلشان متتصدمش تاني صاحب الي يصاحبك ويحبك وابعد عن بتوع مصلحتهم

[ahmed.el.shrpeny]

شكرا ولاء ...روميو... العميل السري... ياقوت ....كل اللى دخل وقدملي نصائح جميله وهتساعدنى فى حياتى كتير واوعدك هعمل بنصيحتك يا روميو
بجد شكرا على روددكم الجميله ديه يا جماعه

[روميو]

العفو يااحمد وصدقنى اعمل بالنصايح دى وحتبتدى حياتك تتظبط
انا من غدر اصحابى بيا الفت مثل

( صاحب كلب يصونك وماتصاحبش صاحب يخونك )

بس انصحك اوعى تغير معاملتك مع الناس بس خليك حريص الطيبة مش عيب فى الزمن ده يااحمد بس الخاينين كتير

[محمد الشونى]

ايوه حكايه المصلحة دى بتقابلنى كتير من خلال اصدقائى ومش عارف ابعد عنه بردو علشان هما زمايلى من فترة طويلة