مشكلة محتار فيها؟ خش وقولى رايك

[حسونة بيه]

بصوا يا جماعة انا ليا ابن عمتى مذاكرش اى حاجة من اول المنهج لحد دلوقتى هو زكى وقدراته كويسة هو بس كان سالنى سوال انه ممكن يلحق يخلص المنهج ويراجع عليه فى شهر وقالى انا عندى استعداد اذاكر عشرين ساعة للعلم(انه اتغير 360 درجة مش عارف ازاى وليه )مش مهم ومش دى المشكلة
المشكلة انه قال لعمتى وعمتى قالت لى ابويا وابويا دى اخته فمرضيش يحرجها ولبسنى انا فى الحوار ده انى احنا نذاكر مع بعض وانا مستويا الحمد لله كويس(معقول يعنى )وانا دلوقتى براجع فا اعمل انا اذاكر معاه من اول المنهج الشهر ده ونراجع عليه ولا انتوا رايكم انا دلوقتى محتار ومحتاج اجابة سوالين
1_ ممكن يلحق يخلص المنهج ويراجع عليه فى شهر وهو بيذاكر 20ساعة مش قليلة ساعة (انا شايف انى 20 )
2_انا ازاكر معاه واراجع ولا اراجع انا واسيبه يذاكر هو يعنى هو يذاكر وانا اكون جمبيه براجع
وللعلم انا خلاص ادبست فيه وعايش معانا دلوقتى اوامر ابويا بقى نعمل ايه

[ezzmax]

بصي أنت في ثانوي صح
أرايي ان انت تخلي يعتمد على نفسه واللي يوقف في ساعديه وراجعي معاه ولكن ده مش على حساب مذاكرتك وحاولي متهتميش بيه أوي

[حسونة بيه]

ماهو بصراحة غير انى ادبست فى الحوار ده لاقيت انه عاوز يبقى كويس ويتغير وده شجعنى اكتر
انا محتار بصى انه يقدر يخلص المنهج فى الشهر ولا متسحيل هو ده اللى شاغلنى انا عارف انى هيا قدرات بس فى الوقت القليل يقدر ولا لا
انا ولد مش بنت

[ezzmax]

اعتذر ليك
بص أنا مقدرش اقولك هو ممكن يخلص ولا لأ بس هو لو مسك الكتاب وفحته وميضيعش وقت وميدلعش وميقعدش على النت كتير إن شاء الله هيخلص بس لازم تسأل حد تاني لأني معرفش المنهج لأني في إعدادي بس أعتمد علي كلامي وغنشاء الله هيذاكر وهيخلص بس متقعدش معاه علطول ومضيعش وقتك معاه وركز على مذاكرتك وخليه يذاكر بعد الفجر لان ده صحي اكتر

[.MOHAMED SAMY.]

انا شايف انك تعمل اللى انت شايفه صح وملكش دعوة هو هيعمل ايه انت اعمل اللى ف دماغك وسيبه هو براحته ماتربطش نفسك بيه

[جهاد14]

خد ثواب فيه وساعده يمكن ربنا يكرم ك عشانه بس اوعى تنسى نفسك لاحظ انك تعتب اكتر منه طالما يقدر يذاكر 20 ساعة يبقى خلاص وجه للطريق الصحيح واللي مستصعبه هو ذاكره معاه

[doha94]

طيب ما تخليه يذاكر ويراجع معاك يمشى معااااك يعنى
والحاجات اللى سبقته فيها يذاكرها لوحده فى الاخر
ولا انت جريت اوووى فى المنهج مراجعه ؟؟

[حسونة بيه]

انا مجرتش ولا حاجة فى المنهج وبراجع على مهلى المشكلة فى هو هيقدر يذاكر المنهج ويراجعة فى خلال الشهر ده انا خايف اقف جنبه ونذاكر سوا واسيب مراجعتى اضيع معاه
انا عاوز راى صائب امشى عليه

[هالة محمد 2]

لا اقف جمبة دا كمان ممكن يشجعك انتا على المذاكرة بس
كل جزء تذاكروة تحل علية اسئلة امتحانات الثانوية العامة
كدا لما تخلصوا هتكونوا حليتوا اسئلة الامتحانات وانتوا بتذاكروا
واكيد لو حطيتوا فى بالكم انكم هتخلصوا هتخلصوا بس تبدا بجد وان شاء الله هيلحق يخلص

[doha94]

المشاركة الأصلية كتبت بواسطة حسونة بيه

انا مجرتش ولا حاجة فى المنهج وبراجع على مهلى المشكلة فى هو هيقدر يذاكر المنهج ويراجعة فى خلال الشهر ده انا خايف اقف جنبه ونذاكر سوا واسيب مراجعتى اضيع معاه
انا عاوز راى صائب امشى عليه

تلحقوا على فكره ناقص 41 يووووم
ذاكروا كل اسبوع مااااااااااده
او زى ما انتوا بتذاكروا يعنى

[حسونة بيه]

المشاركة الأصلية كتبت بواسطة doha94

تلحقوا على فكره ناقص 41 يووووم
ذاكروا كل اسبوع مااااااااااده
او زى ما انتوا بتذاكروا يعنى

والله يا ضحى مش عارف ليه خايف او بمعنى ادق مش واثق فى نفسى انى اجيب مجموع لانى ببساطة كل ما اشوف حد شاطر بقول عمرى ما هيبقى زيه انا باكر من اول السنة بس مش كتير يعنى بكتيروا 4 ساعات وقلة ثقتى فى نفسى تعبانى اوى يعنى ممكن اذاكر كتير بس قلقة ثقتى فى نفسى بترجعنى 100 خطورة لورا وابتدى من جديد وارجع انا بجد تعبت ومش عارف لو اجتهدت اوى الشهر والكام يوم اللى فضلين هقدر احقق حلمى ولا لا

[doha94]

المشاركة الأصلية كتبت بواسطة حسونة بيه

والله يا ضحى مش عارف ليه خايف او بمعنى ادق مش واثق فى نفسى انى اجيب مجموع لانى ببساطة كل ما اشوف حد شاطر بقول عمرى ما هيبقى زيه انا باكر من اول السنة بس مش كتير يعنى بكتيروا 4 ساعات وقلة ثقتى فى نفسى تعبانى اوى يعنى ممكن اذاكر كتير بس قلقة ثقتى فى نفسى بترجعنى 100 خطورة لورا وابتدى من جديد وارجع انا بجد تعبت ومش عارف لو اجتهدت اوى الشهر والكام يوم اللى فضلين هقدر احقق حلمى ولا لا

هو انت فى سنه كااام يا حسونه ؟؟؟

[حسونة بيه]

المشاركة الأصلية كتبت بواسطة doha94

هو انت فى سنه كااام يا حسونه ؟؟؟

حسونة فى سنة 2 يا ضحى

[EZEL coming]

ساعدو ربنا يكرمك من ساعد اخاه المسلم ساعده الله

[مرام احمد]

انا راي انك تتفق معاها مثلا تذاكروا حاجة معينة بس كل واحد لواحده يعني مثلا انهرده هنزاكر 3 دروس في القراءة وكل واحد يزاكرهم لواحده ويحل والسؤال الصعب يقولوا للتاني كدة هتبقي هلا انت ربطت نفسك بيه ولاسيبته